2 Korɛ̰t 2:3 - Gabri Maja

³ Kɔl gɨ naa ɨŋ ba wal duroy magtubu dɨŋ le, ɨŋ wal na ɗe gɨ ɨŋ na bugoŋ gusɨgɨŋ na, kalaŋ ga ojɨ gɨ kan na laa ɗe gusɨnɨ na mɔŋ le na bɨlge ka-mɔndɛ kuduronɨ naŋ. Kɨya wa ɨŋ sol kuɗa gɨ kɨŋ-gandi le, hɨn̰ gɨ gusɨnɨ na mɔŋ na, kɨŋ-gandi kalɨn̰ ma gusɨgɨŋ kɨya moogɨŋ bɨ.

2 Korɛ̰t 2:3 ပူးပေါင်းရင်းမြစ်များ

1 Korɛ̰t 4:21

Hɨnga ga kɨŋ gey le na wa ga? Na gɨ ɨŋ na ɨra gusɨgɨŋ naa dan̰ suroy wala, naa dan̰ geye bɨ, naa dan̰ kale ga jali bɨ ga?

2 Korɛ̰t 1:15

Na cɨndi, ɨŋ bee kuduronɨ caygɨŋ osu. Na toy di hɨn̰ wo̰ ma ɨŋ gey ɔrɛ gusɨgɨŋ pa dɨm. Hɨn̰ wo̰ na kɨŋ kɨya ɓale wɔɔ tɔrɛ-kɨbɨ caygɨŋ sɔɔ.

2 Korɛ̰t 1:23

Gɨ ojɨn̰ canɨ ɨŋ-bandi le ɨŋ ay na Kumu leen̰ tɨmon̰ hɨnge, kɔl gɨ ɨŋ ba yəgɨŋ kɛ le na cɨndi: Hɨn̰ gɨ ɨŋ na jɨga ɨra Korɛ̰t naŋ na, ɨŋ gey na ɔrɛ yogɨŋ kɔl gɨ kɨya mɔndɛ kuduroygɨŋ naŋ.

2 Korɛ̰t 12:11

Sɨlagɨŋ, ɨŋ yəgɨŋ kɔl hɨn̰ ungo gɨ ba dɨngale wo̰. Kɨŋ-gandi ba orɨn̰ danaŋ ɗe gɨ ɨŋ yen̰ kɔl gɨ nee le. Kalaŋ ga ojɨ gɨ ni kɨya lɔɔge tɨmon̰ di ɗari ojɨn̰ canɨ le na kɨŋ-gandi. Ko ɨŋ naa hɨnga naŋ kalɨn̰ ma, ka-gɨre-gɨye ga kɨŋ ye gɨ kan naa ga gɨmdəŋ le ɗəŋge dan̰ hɨnga pɨna naŋ.

2 Korɛ̰t 12:21

Gajanaŋ kɨɗɨn̰ ga ɨŋ na bugoŋ gusɨgɨŋ na, Kumu kɨya dɨbe dasi canɨ ɗaŋ coŋ tumoygɨŋ bɨ, ɨŋ da ɨle kɨya cay kondɨwadi kalaŋ ga tumɔ leege ɨsɨna ma bɨlge kardɨge bɨn̰ lɔɔ hɨnga ga ni dasi naŋ bɨ, bɨn̰ yɔyɛ gɨ dan̰ gangɨ caa naŋ bɨ, bɨn̰ yɔyɛ gorɨn̰ daa naŋ bɨ.

2 Korɛ̰t 13:10

Na toy di hɨn̰ wo̰ ma, ɨŋ wal kɔl gɨ kɛ le nɔm gɨyɨn̰ bɨgɨŋ kɨɗɨn̰ ga ɨŋ baa hen̰ danagɨŋ. Na ɗe gɨ kɨɗɨn̰ ga ɨŋ na bugoŋ duroygɨŋ na, ɨŋ na gɨ wɔɔ hɨnga ga ni san̰ danagɨŋ naŋ ko ɨŋ na ɨran̰ dan̰ dɔnɔ di da Ba-gulɔŋ di bəŋ. Ba-gulɔŋ bəŋ dɔnɔ na gɨ ni jɨbɨn̰ toygɨŋ agɨŋ na orɨn̰ jɨn̰ tumɔ wala na gɨ ni mondɨgɨŋ naŋ.

2 Korɛ̰t 2:9

Na toy di hɨn̰ wo̰ ma maŋ walɨn̰ dan̰ magtubu bɨgɨŋ, ɨŋ gey na gɨwase kuduroygɨŋ solɨn̰ kɛ kɨŋ na gɨ jɔɔ kɔl kɨbɨnɨ ojɨn̰ cay hɨnga nɔm ga?

2 Korɛ̰t 7:12

Na cɨndi, wɔlɛ gɨ nee le ɨŋ wal magtubu gɨyɨn̰ bɨgɨŋ, ama ɨŋ wala na kɨya cay ungo gɨ ba-lɔɔ ɨsɨna le naŋ bɨ, cay ungo gɨ leeyige ɨsɨna le naŋ bɨ. Ɨŋ wal na kɨya gɨle gɨ kɨŋ na som pɛɗɛɗɛ gɨ ni lɔɔ hɨnga kol cayni. Sɔmɛ gɨ kɨŋ ba som pɛɗɛɗɛ kol cayni le, woy cɨn̰ tɨwa dɨŋ ɗen̰ ɗen̰ cɨndɨgɨŋ bɨ, cɨn̰ Kumu bɨ.

2 Korɛ̰t 7:16

Gusɨnɨ mɔŋ tɔgɨ kɨya wa ɨŋ ɓal bɔgɛ kuduronɨ caygɨŋ ojɨn̰ cay hɨnga nɔm.

2 Korɛ̰t 7:6

Ama Kumu gɨ ba dɔbɛ bandɨ kuduroy kan ga togɨyge unɔ le, dobɨ bandɨ kuduroyni dan̰ caga gɨ da kurɨndɨni Titɨ.

2 Korɛ̰t 7:8

Hɨn̰ gɨ magtubu di ɨŋ wal gɨyɨn̰ bɨgɨŋ le, na laa gɨ kɨŋ na ɨl kalɨn̰ ma, ɨŋ ɨrɨm kɔldɔ karu naŋ. Na cɨndi, tumɔ ɨŋ ɨrɨm kɔldɔ karu hange. Ama haw kɛ ɨŋ sol gɨ magtubu tɨnge le lee gɨ kɨŋ ɨle, ama kɨŋ ɨle na gɨ ni tɨwa lam wo̰.

2 Korɛ̰t 8:22

Kurɨndɨni gɨ ni ba gɨwasii kɨbɨ hɨnga ga kondɨ gaŋ bɨ, gɨl gɨ gusi na hɨmbalii gɨɗaŋ a kɨbɨ gɨye gɨŋ le, ni gɨyii ɗe or danage. Haw kɛ na gusi hɨmbalii gɨɗaŋ ɗɨn̰ gɨ tumɔ coŋ, kɨya wa ban bee kuduroy cɔb cɔb caygɨŋ.

Galad 5:10

Ba-gulɔŋ lee gɨ ɨŋ si kuduronɨ pɨna caygɨŋ, hɨn̰ gɨ ɨrɨmedɨgɨŋ na kɨya wɔyɛ kan̰di dan̰ hɨnge naŋ. Ama ungo gɨ ba dɨbe do̰ duroygɨŋ le, ban naa ungo gɨ mɨna mɨna kalɨn̰ ma, Kumu kɨya lɔɔ gɨ hɨnga lɔɔdi kɨya ɓalɨn̰a dan̰ kɨbi.

2 Tesalonigɨ 3:4

Ba-gulɔŋ bɨni ɨrɨme gɨ woy ɗɛgɛgɛ kol caygɨŋ. Kɨya wa hɨnga ga ni ay noyni bɨgɨŋ gɨ kɨŋ na laa le, kɨŋ lee bɨ, kɨŋ woy te lɔɔ cɨndɨgɨŋ tumɔ tumɔ bɨ.

Pilemo 1:21

Na kɨya sɔlɛ gɨ ɨŋ sol gɨ ji kɨya jɔɔ kɔl kɨbɨnɨ ma maŋ walɨn̰ magtubu di kɛ le, ɨŋ sol gɨ hɨnga ga ɨŋ ba ɨngɨrɨn̰ le, ji kɨya lɔɔ ɗe ɗɨn̰ coŋ.