2 Korɛ̰t 2:14 - Gabri Maja

¹⁴ Kumu gɨ ba lɔɔ gɨ na ay banga dan̰ tɨwa nɔm kol bugoŋ gɨ na bugoŋ pɨna dan̰ Kɨris le, ɨŋ leeyi ho’o. Kumu lee gɨ ni or tɔgɛ bɛrnɛ di da Kɔl-gɨ-Ɗari a kɨɗɨn̰ gaŋ nɔm bɨn̰ kalaŋ ɗe solɨn̰ge te sarnay Kɨris. Te sarnay Kɨris gɨ kalaŋ sol le, woy gɨlɨn̰ na hɨn̰ sɔŋ ɨdɨr gɨ tɨnadi ɗɔ̰ kuɗa ƴee kɨɗɨn̰ nɔm wo̰.

2 Korɛ̰t 2:14 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 16:33

Ɨŋ yəgɨŋ hɨnga nɔm ga nee le, na ɗe gɨ agɨŋ na wan̰ gusi-dɔbɛ gusɨnɨ. Leen̰ cɨndi na, dɔsɛ-ɗugɔ kɨya woogɨŋ a cay gɨsəŋ gaŋ kɛ. Ama ƴɨmagɨŋ kuduroygɨŋ usa. Kɨya wa ɨŋ ay banga a cay dɔnɔ di da cay gɨsəŋ ɨni.»

Magtubu di Pol wal bɨn̰ kalaŋ ga Rɔm 1:8

Hɨnga ga cay wase na, ɨŋ leen̰ Kumu hɨnge ho’o dan̰ gɨyəŋ gɨ da Jesu-Kɨris kol caygɨŋ nɔm, kɨya wa kalaŋ ye kol aye kudurɔ kogɨŋ gon̰ cay gɨsəŋ nɔm.

Magtubu di Pol wal bɨn̰ kalaŋ ga Rɔm 15:19

dan̰ gɨyəŋ gɨ da dɔnɔ di da hɨnga ga ɗɨn̰ cɨn̰-kɨɗɨn̰ bɨ, dɔnɔ di da belin̰əŋ bɨ, dɔnɔ di da Turnɔ ɗe-kuduroy-bɛrɛ bɨ. Na dan̰ gɨyəŋ gɨ nee le ma, maŋ teen̰ bɛrnɛ di da Kɔl-gɨ-Ɗari gɨ da Kɨris ƴen̰ cay kɨɗɨn̰ kɨɗɨn̰ an̰ toy a cay ƴaa-di-gumu di Jerusalɛm dɨŋ bɨrɨŋ andɨn̰ a cay gɨsəŋ ga Iliri gaŋ.

Magtubu di Pol wal bɨn̰ kalaŋ ga Rɔm 6:17

Kuɗa gɨ na laan̰ Kumu ho’o kɨya gɨ tumɔ kɨŋ na gɔyɔŋ ga da ɨsɨna, ama haw kɛ na kɨŋ je kɔl kɨbɨ Kumu, lee gɨ kɨŋ lee hɨnga ga kan gɨlgɨŋge le dan̰ kuduroygɨŋ ga pɨna.

Magtubu di Pol wal bɨn̰ kalaŋ ga Rɔm 8:37

Ama ban gɨ ba geyna le, lee gɨ na ay banga di ɗɨn̰ kɨɗɨn̰ a duroy hɨnga ga nee gaŋ le nɔm.

1 Korɛ̰t 12:8

Turnɔ di da Kumu bɨn̰ ungo gɨ pɨna gɨyəŋ gɨ ni yon̰ kɔl dan̰ cɨn̰-muɗɔlɛ bɨ, Turnɔ di da Kumu di pɨnaa di nee le bɨn̰ ungo gɨ ɗaŋ yɔɔ kɔl dan̰ gɨyəŋ gɨ ni hɨnga-sɔlɛ bɨ.

1 Korɛ̰t 15:37

Hɨnga ga ji gɨsɨ dugo ɗe na bɨl le na gusi hɨnga naŋ ama na cɨndɨge, na cɨn̰ gɛmɛ naŋ le cɨn̰ gasa ga ɗaŋ.

1 Korɛ̰t 15:57

Ɗa gɨ na laan̰ Kumu gɨ ba bɨna banga dan̰ gɨyəŋ gɨ da Ba-gulondɨna Jesu-Kɨris le ho’o.

2 Korɛ̰t 1:11

Kɨŋ-gandi kalɨn̰ ma ojɨ gɨ kɨŋ na jɨbɨ toyni dan̰ ɔlɛ Kumu kogɨŋ. Kumu kɨya jɔɔ ɔlɛ kogɨŋ nɔm gɨ kondɨwadi kalaŋ olge bɨ, kol cay ɔlɛ nɔm gɨ nee le na, ban kɨya tɔrɛ kɨbi cayni bɨ kondɨwadi kalaŋ kɨya loon̰ge Kumu ho’o kol cayni bɨ.

2 Korɛ̰t 8:16

Laan̰nagɨŋ Kumu ho’o kol bee gɨ ban bɨn̰ Titɨ gusi-hɨmbalwa hɨn̰ gusi-hɨmbalwa tɨnge ɨŋ-bandi wo̰ kɨya jɨbɨn̰ toygɨŋ.

2 Korɛ̰t 9:15

Kuɗa gɨ kalaŋ laan̰ Kumu ho’o kol hɨnga ga ɗɨn̰ yɔ koldɨge ga Kumu bɨn̰ kalaŋ kalɨn̰ le.

Epɛs 5:2

Sɨmagɨŋ duroy geye gɨŋ, hɨn̰ gɨ Kɨris ba geynagɨŋ bɨ ayɨn̰ gusi bɨn̰ Kumu kol cay nagɨŋ hɨn̰ hɨnga ga ni bee bɨ, hɨnga ga ni bogɨn̰ kɨbar bɨ, ga gasɨmdɨge mon̰ Kumu le.

Epɛs 5:20

Laan̰gɨŋ Kumu Kɨye Bay ho’o dan̰ tɨwa nɔm, kɨya cay hɨnga nɔm, dan̰ guson̰ Ba-gulondɨna Jesu-Kɨris.

Pilib 4:18

Hɨnga ga kɨŋ ba gɨyɨn̰ bəŋ le ɨŋ way nɔm. Hɨnga le ɗɨn̰ cay hɨnga ga n̰agedɨge ləŋ coŋ. Kɨɗɨn̰ ga Epapərodit bəŋ hɨnga ga kɨŋ ba bii ɗe na bəŋ le na, hɨnga nɔm ga n̰agedɨge ləŋ le ɨŋ way. Hɨnga ga kɨŋ ba bəŋ le, woy gɨlɨn̰ hɨn̰ hɨnga ga ni bogɨn̰ kɨbar ga walge bɨn̰ Kumu ga tɨnadɨge ɗo̰ kuɗa bɨ, ga Kumu gey bɨ ƴee cɨndi bɨ.

Kɔlɔs 1:23

Ama kuɗa gɨ kɨŋ ɨr a cay tɨbaygɨŋ dɨŋ bɨ, tɨbagɨŋ sarnaygɨŋ gag gag dugo bɨ, ɨrɨn̰gɨŋ usa cay nee a te aye kudurɔ gɨŋ. Dɨle gɨ hɨnga wo̰ gɨ dorgɨŋ orɨn̰ danagɨŋ hen̰ dan̰ hɨnga ga kɨŋ bee ɨrɨmedɨgɨŋ cay nee gɨ Kɔl-gɨ-Ɗari ba bɨgɨŋ le. Kɔl-gɨ-Ɗari gɨ nee le, teege bɛrnɛdi bɨn̰ kalaŋ nɔm ga a cay gɨsəŋ gaŋ. Na ban ma ɨŋ-bandi Pol bɨle ba lɔɔ gɨyedi.

Kɔlɔs 1:6

Kɔl-gɨ-Ɗari gɨ nee le or bɨrɨŋ andaŋ gusɨgɨŋ. Ban ƴee cay gɨsəŋ nɔm bɨ, wɔɔ karɨndi bɨ, or dan̰ cɨndi jɨn̰ tumɔ tumɔ hɨn̰ gɨ ba won̰ duroy gɨŋ wo̰ bɨ. Ayɨn̰ toy a boy wɔlɛ gɨ kɨŋ ba jen̰ kɔl bɨ, solɨn̰ ɗarwa di da Kumu leen̰ cɨndi bɨ.

Kɔlɔs 2:15

Na hɨn̰ wo̰ ma Kumu mondɨn̰ dɔnɔ ga ɨsɨndəŋ ga ka-dɔɔ cay ƴaa bɨ, ga na ka-gulɔŋ hɨnga nɔm bɨ. Ban dɨbɨ dasi cayge cɨn̰ kalaŋ nɔm. Ban ay banga cayge a cay sɨya-gɨ-dagɨli gɨŋ bɨ, leege hɨn̰ ka-dangayn̰əŋ ga da kɨmbɨl gɨ kan gorɨn̰ danage a te gɨyəŋ gɨŋ wo̰.

1 Tesalonigɨ 1:8

Kɨya wa kɔl gɨ da Ba-gulɔŋ gɨ sayga tagɨŋ le, bugoŋ na Masedɨwan bɨ, Agay bɨ ƴɔbɨ naŋ. Kɨya wa kalaŋ jege kol aye kudurɔ kogɨŋ bɨn̰ Kumu a cay kɨɗɨn̰ gaŋ nɔm, lee gɨ ni ɨran̰ dan̰ n̰agedi dɔrɛ koldi naŋ ɨni.

1 Tesalonigɨ 3:9

Gusi-mɔwa nɔm di ni way kol caygɨŋ le, ni gɨ lɔɔ na mɨna ma mani gɨ leen̰ Kumu ho’o ɗe ɓal kɨɗɨn̰di gaŋ ga?

1 Timote 2:8

Lee gɨ ɨŋ gey gɨ ban̰aŋ na dɨnage kobɨge daa, ulan̰ge Kumu kɨɗɨn̰ gaŋ nɔm. Kuɗa gɨ kan ulage Kumu dan̰ kuduroyge ga bɛrɛ kən̰jəŋ, dɨle kuduroy-hɔmɛ bɨ, dɨle bɔjɨn̰ɛ bɨ.

2 Timote 2:2

Hɨnga ga naa ji ba tɨrabɨ gusɨnɨ cɨn̰ tɨmon̰ ga kondi le, bɨga kobɨ kalaŋ ga kuduroyge pɨna ga ɓalge gɨlɨn̰ kalaŋ ga ɗaŋ jɨn̰ tumɔ bɨ.

Wasɨn̰a 7:12

yen̰ge hɨn̰: «Ɗa-ɗe-woy-hɨn̰-wo̰! Ho’o, hɨrame bɨ, gusoŋ-tɔgɛ bɨ, Cɨn̰-muɗɔlɛ bɨ, lɔɔ ho’o bɨ, Hurɔmɔ bɨ, dɔnɔ bɨ, tɔgɨ bɨ Na ga da Kumu konagɨŋ ɨlge dan̰ ɨlge! Ɗa-ɗe-woy-hɨn̰-wo̰!»