2 Korɛ̰t 13:7 - Gabri Maja

⁷ Ni ol Kumu ɗe gɨ kɨŋ na gɨ lɔɔ hɨnga ga ɨsɨni pɨna naŋ. Ɔlɛ koni na ɗe gɨ kalaŋ na sɨlage cɨn̰-narwa toni naŋ, ama na ɗe gɨ kɨŋ na laan̰ hɨnga ga ɗari. Ko kalaŋ ga pɨna na yage gɨ ni na gabaŋ duroy kɔbɛ gusɨni gɨŋ kalɨn̰ ma kɨya andɨge hɨnga naŋ.

2 Korɛ̰t 13:7 ပူးပေါင်းရင်းမြစ်များ

Matɨyo 6:13

Ji ɗɔɔ ba ɗoni ɔrɛ kɨbɨ hɨnga ga ni gɨybe gaŋ naŋ, Ama dɨrani kɨbɨ hɨnga ga ɨsɨni ga sayga gusi Haban̰. [Kɨya wa dɔɔ-ƴaa bɨ, dɔnɔ bɨ, gusoŋ-tɔgɛ bɨ, na hɨnga kan̰ ɨlge dan̰ ɨlge. Ɗa-ɗe-woy-hɨn̰-wo̰!]

Kɔl-gɨ-Ɗari gɨ Ja̰ wal 17:15

Ɨŋ ɨngɨrɨn̰ na gɨ ji na tɨrage coŋ duroy kalaŋ ga cay gɨsəŋ gaŋ naŋ. Ama na ɗe an̰ na cɨbɨ cɨndɨn̰ cayge ɗe bugoŋge kobi Haban̰ Ba-lɔɔ ɨsɨna naŋ.

Magtubu di Pol wal bɨn̰ kalaŋ ga Rɔm 1:28

Kɨɗɨn̰ ga kan hagɨrge sɔlɛ gɨyəŋ gɨ da Kumu na, Kumu ɗege duroy sɔlɛ-hɨnga kage gaŋ le, lee gɨ kan leege hɨnga ga uja ga ni lɔɔ naŋ.

Magtubu di Pol wal bɨn̰ kalaŋ ga Rɔm 12:17

Hɨn̰ gɨ ungo na laagɨŋ ɨsɨna na, jogɨn̰gɨŋ dan̰ ɨsɨna daa bii ban̰di nee naŋ. Kuɗa gɨ lɔɔ hɨnga ga ɗari ba ƴɨma kuduroygɨŋ a cɨn̰ kalaŋ nɔm.

Magtubu di Pol wal bɨn̰ kalaŋ ga Rɔm 13:13

Kuɗa gɨ haldɨna wɨya hɨn̰ hal gɨ da kalaŋ ga somge asɨn̰a gɨŋ wo̰. Ƴɨmanagɨŋ gusɨna cay dɔɔ harɨne gɨŋ bɨ, cay kɔyɛ cɛrɛ gɨŋ bɨ, cay yɔyɛ gorɨn̰ daa gɨŋ bɨ, cay yɔyɛ gɨ toyi kan̰di kan̰di gɨŋ bɨ, cay bɔjɨn̰ɛ gɨŋ bɨ, cay jangɨ dɨŋ bɨ.

Magtubu di Pol wal bɨn̰ kalaŋ ga Rɔm 16:10

Laan̰gɨŋ Apɛlɛs lapɨya bəŋ. Ban lee hɨnga ga gɨl gɨ ban naa ungo gɨ bee kuduroyi a cay Kɨris. Laan̰gɨŋ kalaŋ ga a duroy ƴaa di da Arisitobul dɨŋ lapɨya bəŋ bɨ.

1 Korɛ̰t 11:19

Ho’o, na wa wa kalɨn̰ ma ɗa gɨ ɗe puyoŋ woy duroygɨŋ ɗe kalaŋ ga leen̰ cɨndi gɨl gusɨge gerɨn̰ gerɨn̰ daa duroygɨŋ.

2 Korɛ̰t 10:10

Ho’o, hɨn̰ gɨ kalaŋ ga pɨna na hagɨraŋge yan̰ge kol canɨ hɨn̰: «Kɔl gɨ da Pol gɨ a duroy magtubu toy dɨŋ ye man̰ bɨ, osu bɨ. Ama kɨɗɨn̰ ga ban dan̰ gusi na ɨr duroyni na, ban ɨran̰ dan̰ dɔnɔ naŋ bɨ, kɔl koyi na kɔl gɨ maɗɨ wo̰ dugo bɨ.»

2 Korɛ̰t 10:18

Na cɨndi ungo gɨ Ba-gulɔŋ Kumu hɨramii le, ban ba-ƴɔɔ cɨn̰ Kumu. Ama ungo gɨ hɨram gusi koyi gaŋ le, ƴa cɨn̰ Kumu naŋ.

2 Korɛ̰t 13:6

Ama ɨŋ sol leen̰ cɨndi gɨ kɨŋ sol gɨ ni gabaŋ duroy kɔbɛ gusɨni gɨŋ naŋ.

2 Korɛ̰t 13:8

Kɨya wa ni ɨran̰ dan̰ dɔnɔ wo̰ di ni jɨbɨn̰ kɔl gɨ cɨndi coŋ naŋ. Ni orɨn̰ na dan̰ dɔnɔ di ni loon̰ gɨye kol cay kɔl gɨ cɨndi ƴɔbɨ.

2 Korɛ̰t 13:9

Hɨn̰ gɨ ni-gandi ni na ɨran̰ dan̰ dɔnɔ naŋ, ma naa kɨŋ-gandi ƴɔbɨ na ba ɨran̰ na, ni lee gusi-mɔwa. Ni ol Kumu kol caygɨŋ ɗe agɨŋ na bɨləŋ ka-aye kudurɔ ga duroŋ cɨrɛɗ.

2 Korɛ̰t 6:4

Dan̰ gɨyəŋ gɨ da haldɨni le, ni gɨl a duroy hɨnga nɔm gɨ ni naa ka-lɔɔ gɨye ga da Kumu. Ni hay mani hay-kuduroyni ƴee duroy dɔsɛ-ɗugɔ gaŋ bɨ, duroy hɨnga ga ni mɔndɛ kudurɔ gaŋ bɨ, duroy hɨnga ga osɨdəŋ osɨdəŋ gaŋ bɨ.

2 Korɛ̰t 8:21

Ni mal lɔɔ hɨnga ga ɗari na cɨn̰ Ba-gulɔŋ ƴɔbɨ naŋ, ama na cɨn̰ kalaŋ bɨ.

Pilib 4:8

Kardi nee nɔm na, karmɨnɨ ga ban̰aŋ dan̰ ga kandɨ, kuɗa gɨ hɨnga ga leen̰ cɨndi bɨ, hɨnga ga kalaŋ hɨram bɨ, hɨnga ga dan̰ durɔ ɗɨngar bɨ, hɨnga ga duroŋ mɨra bɨ, hɨnga ga won̰ gɨ ni geye bɨ, hɨnga ga ƴee cɨn̰ kalaŋ bɨ, hɨnga ga gusondɨge ye bɨ, hɨnga ga kalaŋ jɨndalge bɨ, ba ƴɨma kuduroygɨŋ.

1 Tesalonigɨ 5:23

Kuɗa gɨ Kumu gɨ ba bɨn̰ kalaŋ gusi-dɔbɛ dan̰ gusi koyi dɨragɨŋ sɨgɨŋ dan̰ cɨndɨgɨŋ ɗɨga kol cayi. Kuɗa gɨ ban gama turnoygɨŋ bɨ, habedɨgɨŋ bɨ, kuyoŋdi-gusɨgɨŋ bɨ dɔmɔmɔ, ɗe wɔlɛ gɨ Ba-gulondɨgɨŋ Jesu-Kɨris kɨya caga na, masadɨgɨŋ na unɔ.

1 Timote 2:2

Kɨya cay kɛrɨmbɛlɛŋ bɨ, ka-dɔɔ cay kalaŋ nɔm bɨ. Ɗe gɨ ana somɨn̰gɨŋ kɨɗɨn̰ pɨna bɨ, dan̰ gusi-dɔbɛ bɨ, boy gɨye-lɔɔ gɨ bugoŋ pɨna dan̰ Kumu bɨ, boy bɔgɛ kɔl a cay hɨnga nɔm gaŋ bɨ.

2 Timote 2:15

Ƴɨma kuduron̰ usa laan̰ gɨye an̰ ɨrɨn̰ tumoy Kumu, hɨn̰ ungo gɨ hɨnga ga ni same samii bɨ, ba-lɔɔ gɨye gɨ dasi daayi cay gɨye-lɔɔdi naŋ bɨ, hɨn̰ ungo gɨ ba-dɔrɛ kɔl gɨ cɨndi dan̰ gɨyəŋdi bɨ.

2 Timote 4:18

Ba-gulɔŋ kɨya bɔɗɔŋ duroy hɨnga nɔm ga ɨsɨnde gaŋ coŋ bɨ. Ban kɨya pɔɗɔŋ kɨya cay dɔɔ-ƴaa toyi di daa nii bɨ. Gusoŋ-tɔgɛ na koyi, ɨlge dan̰ ɨlge! Ɗa-ɗe-woy-hɨn̰-wo̰.

Magtubu di Jag wal 1:12

Tumoy wolwa woy cay ungo gɨ ƴom kuduroy osu duroy hɨnga ga ni gɨwase gaŋ. Kɨya wa kɨɗɨn̰ ga hɨnga ga ni gɨwase le na gɨwasagɨŋ ɨni na, kɨŋ kɨya wɔɔ na jagɨwa ga ni ayɨn̰ banga. Jagɨwa ga nee le, na sɔmɛ-bɨra gɨ Kumu ye gɨ ɗi na kɨya lɔɔ bɨn̰ naa kalaŋ ga ɗi na geyge.

1 Pɨyɛr 2:12

Ɗagɨŋ gɨ gɨye-lɔɔdɨgɨŋ gɨ a duroy kalaŋ ga sɨlage Kumu gɨ cɨndi naŋ le ɗe woy kuɗa. Hɨn̰ wo̰ na hɨn̰ gɨ kan na pɨya kɔl si caygɨŋ yan̰ gɨ kɨŋ naa ka-lɔɔ ɨsɨna kalɨn̰ ma, kan kɨya sɔlɛge gɨye-lɔɔdɨgɨŋ gɨ kuɗa gɨ kɨŋ lee bɨ, kan kɨya hɨramege Kumu a wɔlɛ gɨ ban kɨya cagan̰ gɨŋ bɨ.