2 Korɛ̰t 13:5 - Gabri Maja

⁵ Ɨngɨrgɨŋ gusɨgɨŋ kogɨŋ, kɛ leen̰ cɨndi kɨŋ na ka-aye kudurɔ ga? Kɨbagɨŋ gusɨgɨŋ sɨla. Kɛ kɨŋ sɨla gɨ Jesu-Kɨris na wɨya gusɨgɨŋ naŋ ga? Leen̰ cɨndi duroy kɔbɛ gusɨgɨŋ gɨŋ le hɨn̰ gɨ kɨŋ na sɨla gɨ Kɨris na unɔ gusɨgɨŋ na, kɨŋ na ga gabaŋ.

2 Korɛ̰t 13:5 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 14:23

Jesu dɨbi cay nee yeyi hɨn̰: «Hɨn̰ gɨ ungo na geyəŋ na, ban kɨya aye kɔl hɨnge leen̰ gɨye bɨ. Banɨ kɨya geyi bɨ, ni kɨya ɨrga gusi, Banɨ bɨ ɨŋ-bandi bɨ, ni kɨya sɔmɛ ƴaa danayi bɨ.»

Kɔl-gɨ-Ɗari gɨ Ja̰ wal 15:4

Bugoŋgɨŋ pɨna danaŋ hɨn̰ gɨ ɨŋ ba bugoŋ pɨna danagɨŋ wo̰ bɨ. Kobɨ hɨyadi suru kɨya wɔɔ karɨndi cay gusi naŋ. Ama kɨya wɔɔ karɨndi na kɨɗɨn̰ ga ban na bugoŋ pɨna dan̰ hɨyadi suru dɨm. Hɨn̰ wo̰ na kɨŋ kalɨn̰ ma, kɨŋ na bugoŋ pɨna danaŋ naŋ na, kɨŋ kɨya wɔyɛ na hɨn̰ hɨyadi suru gɨ ɓala wɔɔ karɨndi cay gusi naŋ wo̰ bɨ.

Kɔl-gɨ-Ɗari gɨ Ja̰ wal 17:23

Ɨŋ-bandi, ɨŋ woy kuduroyge hɨn̰ gɨ Ji-bandi, ji ba woy kuduronɨ wo̰ bɨ. Na hɨn̰ wo̰ ma, kan kɨya ɓalege bugoŋge pɨna dɛj dɛj. Ɗe kalaŋ ga cay gɨsəŋ gaŋ solge gɨ Ji na ba gɨyigəŋ bɨ, ji na geyge hɨn̰ gɨ Ji ba geyəŋ wo̰ bɨ.

Kɔl-gɨ-Ɗari gɨ Ja̰ wal 17:26

Ɨŋ lee gɨ kan solɨn̰ge bɨ, ɨŋ kɨya jɔgɛ lɔɔ ɗe kan solɨn̰ge gɨɗaŋ nee coŋ. Ɗe gɨ geye gɨ ji ba geyəŋ le, kan kalɨn̰ ma na geyge kamdɨge hɨn̰ wo̰ bɨ, ɗe gɨ aŋ woy kuduroyge bɨ.

Kɔl-gɨ-Ɗari gɨ Ja̰ wal 6:56

Ungo gɨ na da kuyoŋnɨ bɨ, sa kɨbarnɨ bɨ na, ban bugoŋ pɨna danaŋ bɨ, ɨŋ bugoŋ pɨna danayi bɨ.

Kɔl-gɨ-Ɗari gɨ Ja̰ wal 6:6

Ban ye kɔl gɨ nee le na kɨya gɨwasii. Ama ban na, sol hɨnga ga ban kɨya lɔɔ.

Magtubu di Pol wal bɨn̰ kalaŋ ga Rɔm 1:28

Kɨɗɨn̰ ga kan hagɨrge sɔlɛ gɨyəŋ gɨ da Kumu na, Kumu ɗege duroy sɔlɛ-hɨnga kage gaŋ le, lee gɨ kan leege hɨnga ga uja ga ni lɔɔ naŋ.

Magtubu di Pol wal bɨn̰ kalaŋ ga Rɔm 8:10

Ama hɨn̰ gɨ Kɨris na wɨya a ɗugoygɨŋ na, kuyoŋdi-gusɨgɨŋ na hɨnga ga da tɨma kɨya cay ɨsɨna, ama Turnɔ di da Kumu bɨgɨŋ sɔmɛ-bɨra kɨya wa kɨŋ na kalaŋ ga Kumu bɨlgɨŋ leen̰ kalaŋ ga dan̰ durɔ ɗɨngar.

1 Korɛ̰t 11:28

Naa hɨn̰ wo̰ na ɗa gɨ waŋ waŋ kalɨn̰ ma kɨba gusi sɨla pa dɨm ma dan̰ mapa bɨ san̰ hɨnga ga a bon̰ kobo gɨ ni nare gɨŋ bɨ.

1 Korɛ̰t 11:31

Hɨn̰ gɨ na na kɨba gusɨna kona gaŋ sɨla na, Ba-gulɔŋ kɨya bɔyɛ kɔl cayna naŋ.

1 Korɛ̰t 3:16

Kɨŋ na ƴaa-di-da-Kumu, lee gɨ Turnoy Kumu som kuduroygɨŋ le kɛɛ, kɨŋ sɨla wo̰ naŋ ga?

1 Korɛ̰t 6:15

Kuyoŋdi-gusɨgɨŋ na kɨway kuyoŋdi Kɨris, kɛ kɨŋ sɨla hɨn̰ wo̰ naŋ ga? Ma kɛ, ɨŋ kɨya aye kuyoŋdi Kɨris bɨlɨn̰ kɨway kuyoŋdi ajɨba ga? Cə, na hɨn̰ wo̰ naŋ bɨrɨŋ.

1 Korɛ̰t 6:19

Turnɔ ɗe-kuduroy-bɛrɛ di Kumu bɨgɨŋ ma som kuduroygɨŋ le, kuyoŋdi-gusɨgɨŋ na ƴaa sɔmɛdo le, kɛ kɨŋ sɨla hɨn̰ wo̰ naŋ ga? Kuyoŋdi-gusɨgɨŋ na kogɨŋ naŋ, kɨŋ na ga da Kumu.

1 Korɛ̰t 6:2

Kalaŋ ga woyge dan̰ cɨndɨge le kɨya bɔyege kɔl a cay kalaŋ ga cay gɨsəŋ gaŋ le kɛɛ, kɨŋ sɨla hɨn̰ wo̰ naŋ ga? Ama hɨn̰ gɨ naa kɨŋ-gandi naa ba kɨya bɔyɛ kɔl cay kalaŋ ga a cay gɨsəŋ gaŋ na, karɨn̰ kɔl ga n̰ən̰əŋ le kɨŋ ɓala bɔyɛ naŋ ga?

1 Korɛ̰t 9:24

Kɨŋ sol gɨ ka-bɔgɛ sɨwa kɨɗɨn̰ gɨre gaŋ le, gɨrege nɔm hage. Ama na ungo pɨna hayi gɨ gɨre ɗɨn̰ kamdi ba wɔɔ cay kobi. Ayagɨŋ mana di kɔl gɨ nee le gɨsɨn̰ dan̰ gɨyəŋ gɨ da aye kudurɔ ɗe agɨŋ wan̰ cay kobɨgɨŋ.

1 Korɛ̰t 9:27

Ho’o ɨŋ lee gɨ kuyoŋdi-gusɨnɨ sunoŋ dan̰ hɨnga ga osu bɨ, ɨŋ ƴomii a te dɔnɔ tɨnge dɨŋ bɨ. Kɨya wa hɨn̰ gɨ ɨŋ na ƴɨma gusɨnɨ usa naŋ na gajanaŋ ɨŋ da tɔgɛ bɛrnɛ bɨn̰ kalaŋ ga ɗaŋ, ama hɨn̰ gɨ ɨŋ na curoŋ a te gɨyəŋ gɨ da Kɔl-gɨ-Ɗari gɨŋ na, ɨŋ kɨya wɔɔ cay kɔbɔŋ naŋ.

2 Korɛ̰t 6:16

Kɛ na wa ba kɨya ɓale daye ƴaa-di-da-Kumu dan̰ kulan̰əŋ ga? Kɨya wa na-gandi na, na na ƴaa-di-da-Kumu gɨ som-bɨra dan̰ tumoyi hɨn̰ gɨ ban Kumu gusi ba ye duroy magtubu toy dɨŋ le, ban ye hɨn̰: «Ɨŋ kɨya sɔmɛ duroyge bɨ, Ɨŋ kɨya gɔrɛ duroyge bɨ, Ɨŋ kɨya bɨle Kumu koge bɨ, Kan kɨya bɨle na kalaŋ kange bɨ.»

Galad 2:20

Ɨŋ som dan̰ cɨnɨ haŋge ama na ɨŋ-bandi naŋ, na Kɨris ba-sɔmɛ dan̰ cɨndi a kuduronɨ. Kɨya wa sɔmɛ hɨnge hɨn̰ ungo gɨ ɨndi haw kɛ na, ɨŋ som na kɨya aye gɨ ɨŋ ay kuduronɨ bɨn̰ Kurɨn̰-Kumu. Ban geyəŋ kɨya wa ban ɗe gusi bɨn̰ tɨma ban̰nɨ.

Galad 4:19

Karɨnɨ ga ɨŋ geygɨŋ tɔgɨ, ɨŋ jɨga way gɨle-cɨn̰ ɗaŋ coŋ hɨn̰ da tama di wɔɔ loo wo̰ kɨya gɨ kɨŋ jɨga karu. Ɨŋ kɨya gɨle-cɨn̰ bɨrɨŋ gɨsin̰ gɨ kɨŋ kɨya bɨləŋ gɨlɨn̰a na hɨn̰ Kɨris wo̰ hɔlɔlɔ.

Galad 6:4

Ɗe gɨ waŋ waŋ kalɨn̰ ma kɨba gɨye-lɔɔdi koyi gaŋ sɨla. Hɨn̰ wo̰ na ban kɨya lɔɔ gusi-mɔwa a cay gɨye-lɔɔdi koyi gɨ ban lee bɨ, kɨya sɔlɛ gɨye-lɔɔ gɨ da ungo gɨ ɗaŋ gɨsɨn̰ dan̰ koyi naŋ.

Epɛs 3:17

Bɨ kuɗa gɨ Kɨris sɨma kuduroygɨŋ dan̰ gɨyəŋ gɨ da aye kudurɔ bɨ, kuɗa gɨ geye bɨlgɨŋ wɨya hɨn̰ sarnay hɨnga bɨ, te hɨnga bɨ, bɨrɨŋ gɨsɨn̰ gɨ agɨŋ leen̰ hɨnga nɔm dan̰ geye.

Kɔlɔs 1:23

Ama kuɗa gɨ kɨŋ ɨr a cay tɨbaygɨŋ dɨŋ bɨ, tɨbagɨŋ sarnaygɨŋ gag gag dugo bɨ, ɨrɨn̰gɨŋ usa cay nee a te aye kudurɔ gɨŋ. Dɨle gɨ hɨnga wo̰ gɨ dorgɨŋ orɨn̰ danagɨŋ hen̰ dan̰ hɨnga ga kɨŋ bee ɨrɨmedɨgɨŋ cay nee gɨ Kɔl-gɨ-Ɗari ba bɨgɨŋ le. Kɔl-gɨ-Ɗari gɨ nee le, teege bɛrnɛdi bɨn̰ kalaŋ nɔm ga a cay gɨsəŋ gaŋ. Na ban ma ɨŋ-bandi Pol bɨle ba lɔɔ gɨyedi.

Kɔlɔs 1:27

Kumu haŋgɨ cɨn̰ kalaŋ ga woy dan̰ cɨndɨge a cay gusoŋ-tɔgɛ bɨ, a cay marɨna gɨ da hɨnga ga tumɔ wosɨ gusɨge duroy kalaŋ ga toyge na Jubɨ naŋ bɨ. Hɨnga ga da Kumu ga woy a kɨɗɨn̰ wɔsɛdɨge gaŋ le, na Kɨris gusi gɨ som a kuduroygɨŋ. Ban kɨya bɨgɨŋ hɨnga ga kɨŋ kɨya bogɨn̰ ɨrɨmedɨgɨŋ cay nee ga kɨya orɨn̰ danagɨŋ a gusoŋ-tɔgɛ koyi gɨŋ bɨ.

Kɔlɔs 2:19

Kalaŋ ga nee le sɨlɨn̰ge gusɨge gusi Kɨris naŋ bɨrɨŋ. Ban woy gɨlɨn̰ na hɨn̰ caa wo̰ bɨ, Ka-Daye woy gɨlɨn̰ na hɨn̰ kuyoŋdi-gusi wo̰ bɨ. Kalaŋ ga bugoŋge danayi le, ban bɨge hɨnga nɔm ga kan orɨn̰ n̰agedɨge bɨ, ban lee gɨ kan bugoŋge pɨna duroyge bɨ. Hɨn̰ gɨ kuyoŋdi-gusi ungo ba bugoŋ pɨna dan̰ gɨyəŋ gɨ da gurɨyadi dan̰ sere wo̰ bɨ malgɨn̰ge hɨn̰ gɨ Kumu ba gey wo̰ bɨ.

Kɔlɔs 2:7

Dɨbagɨŋ sarnaygɨŋ dugo gag gusii bɨ, ɨrgɨŋ usa a cayi bɨ, cay aye kudurɔ gɨŋ hɨn̰ gɨ kan ba gɨlgɨŋ le wo̰ bɨ, laan̰gɨŋ Kumu ho’o jɨn̰ tumɔ tumɔ bɨ.

1 Timote 2:15

Ama tama kɨya wɔɔ pɔɗɛ na kɨya cay kɨye gɨ hɨndi kɨya wɔɔ, naa gɨ hɨndi na ƴɨma guso usa te gɨyəŋ gɨ da aye kudurɔ gɨŋ bɨ, wandɨ dɨŋ bɨ, gɨye-lɔɔ gɨ woy dan̰ cɨndi bɨ, dan̰ gɨle guso naŋ bɨ.

2 Timote 3:8

Hɨn̰ gɨ naa Janɛs dan̰ Jambɨrɛs ba kan̰in̰ge kɔl kardi Moyis wo̰ bɨ le, kalaŋ ga kɛ le kalɨn̰ ma kan̰ge kɔl gɨ cɨndi bɨ. Kan na kalaŋ ga ɨrɨmedɨge wɨya dan̰ durɔ naŋ bɨ, aye kudurɔ koge andaŋ hɨnga naŋ bɨ.

Titɨ 1:13

Na kɔl gɨ cɨndi ma mani ye. Na toy di hɨn̰ wo̰ ma sayan̰ danage ɗe aye kudurɔ koge woy dan̰ durɔ ɗɨngar,

Titɨ 1:16

Kan yege gɨ ke na sol Kumu ama gɨye-lɔɔdɨge gɨl gɨ kan sɨlage Kumu naŋ leen̰ cɨndi. Kalaŋ ga gɨlɨn̰ge hɨn̰ wo̰ le, na kalaŋ ga ɨsɨnge tɔgɨ bɨ, na ka-mɨn̰e daa bɨ, ɓalage lɔɔ hɨnga ga ɗari pɨna wo̰ dɨbe daa naŋ bɨ.

Titɨ 2:2

Yan̰ ban̰aŋ ga əsɨdəŋ gɨ kan naa ka-ƴɔmɛ gusɨge kɨbɨ hɨnga gaŋ bɨ, kalaŋ ga ɓalge gɨ kalaŋ bɨgage kɔl cayge bɨ, ka-sɔlɛ hɨnga ga ɗari dɨm ma kɨya lɔɔge bɨ. Yage gɨ kan na ƴɨma usa a te aye kudurɔ gɨŋ bɨ, te geye bɨ, te dɨbe-ɗugɔ dɨŋ bɨ.

Əbɨro 12:15

Ɗagɨŋ cɨndɨgɨŋ kardi gusɨgɨŋ, ɗe ungo duroygɨŋ dor gusi coŋ a te ɗarwa di da Kumu dɨŋ naŋ. Kuɗa gɨ ungo mɔndɛ kalaŋ kondɨwa hɨn̰ gɨ ban naa hɨya gɨ a duroygɨŋ gɨ wɔɔdi orɨn̰ dan̰ sɛm, di kɨya nɔɔ cay kalaŋ jɨn̰ tumɔ tumɔ wo̰ naŋ.

Əbɨro 4:1

Kumu yenagɨŋ gɨ ɗi na kɨya bɨna hɨnga ga ban yena koldɨge: Na kɨya andaŋ kɨɗɨn̰ dɔrɛ gɨlale kayi gaŋ bɨ, hɨnga ga ban kɨya bɨna ga nee le, woy ban̰dɨge gaŋ jaŋ ƴee. Na toy di hɨn̰ wo̰ ma, kuɗa gɨ na ɗe cɨn̰-muɗɔlɛ cay gusɨnagɨŋ, ɗe ungo pɨna wo̰ duroygɨŋ dɔgɛ andaŋ a te gɨyəŋ gɨ ni andɨn̰ kɨɗɨn̰ dɔrɛ gɨlale gaŋ le coŋ naŋ.

Əbɨro 6:8

Ama hɨn̰ gɨ naa gɨsɨm dan̰ gɨm na ba andaŋ nee na, na cay gɨsəŋ ga kɨya andaŋ hɨnga naŋ, ɓɨse gɨ da Kumu woyge mɨnde bɨ, kagadi gɨŋ na kan kɨya ulge mɔndɛ coŋ bɨ.

Magtubu di Jag wal 4:4

Kɨŋ gɨlɨn̰ hɨn̰ kandɨ ga ka-yɔyɛ dan̰ ban̰aŋ ga da kamdige wo̰! Ungo gɨ ƴom pɔgɨn̰ɛ dan̰ cay gɨsəŋ na, ban na ba baa gɨ da Kumu. Kɛ kɨŋ sɨla hɨn̰ wo̰ naŋ ga? Ungo gɨ na gey ƴɔmɛ pɔgɨn̰ɛ dan̰ cay gɨsəŋ na, ban bɨləŋ ba baa gɨ da Kumu.

1 Pɨyɛr 5:9

Ɨrgɨŋ usa a te aye kudurɔ gɨŋ bɨ, dɨrsɨdɨgɨŋ toygɨŋ dugo ɨrɨn̰ cɨn̰ haban̰. Sɨlagɨŋ hɨn̰ gɨ karmɨgɨŋ ga ban̰aŋ dan̰ ga kandɨ ga sugudoŋge a cay gɨsəŋ gaŋ le, somge na a duroy tabɨ di pɨnaa dɨŋ hɨn̰ togɨŋ wo̰ bɨ.

Wasɨn̰a 2:5

Haw kɛ na, sɨlagɨŋ leen̰ cɨndi gɨ kɨŋ cangɨ daa ɗe gɨyəŋ hen̰ coŋ. Bɨlgɨŋ haldɨgɨŋ bɨ, jɨgegɨŋ a cay tɨbaygɨŋ di cay wase dɨŋ. Hɨn̰ gɨ kɨŋ na bɨl haldɨgɨŋ naŋ na, ɨŋ kɨya ɔrɛ dɔrɛ lamba togɨŋ cɔd coŋ a kɨɗɨn̰ ga kɨŋ soo nee gaŋ.