2 Korɛ̰t 13:11 - Gabri Maja

¹¹ Ay, karmɨnɨ ga ban̰aŋ dan̰ ga kandɨ, kɔl gɨ ni ba kɨya yɔ gɨ ni kagadi ba kɛ: Laagɨŋ gusi-mɔwa bɨ ɨragɨŋ tumɔ te duroŋ cɨrɛɗ gɨŋ bɨ, dɨban̰gɨŋ gusɨgɨŋ bandɨ duroygɨŋ bɨ, kuɗa gɨ ɨrɨmedɨgɨŋ wɨya pɨna bɨ, sɨmagɨŋ dan̰ gusi-dɔbɛ bɨ. Na hɨn̰ wo̰ ma, Kumu gɨ na Ba-gulɔŋ geye bɨ, Ba-gulɔŋ gusi-dɔbɛ bɨ, kɨya bɔɔ danagɨŋ.

2 Korɛ̰t 13:11 ပူးပေါင်းရင်းမြစ်များ

Matɨyo 1:23

«Sɨlagɨŋ, tɨmbali di cɨl kɨya ƴɔɔ kur bɨ, Kɨya wɔɔ kɨye gɨ bara, Kan kɨya se gusondi na Emanɨwɛl.» Duroy na Kumu dananagɨŋ.

Matɨyo 5:48

Duroŋgɨŋ cɨrɛɗ, hɨn̰ gɨ Baygɨŋ gɨ woy a daa nii duroŋ cɨrɛɗ wo̰ bɨ.

Marg 10:49

Ɨni na, Jesu ɨre dugo bɨ ye hɨn̰: «Tɨgeyigɨŋ.» Kan teege ba-bɨbe le bɨ yeyige hɨn̰: «Ƴɨma gusɨn̰ usa bɨ sa daa, ban teen̰.»

Marg 9:50

«Ɗɔgɔ le na hɨnga ga ɗari. Ama hɨn̰ gɨ ɗɔgɔ le man̰edo na sa coŋ na, na wa ba kɨya jɨgan̰ dan̰ man̰edo le ga? Wɨyagɨŋ hɨn̰ ɗɔgɔ wo̰ bɨ, kuɗa gɨ gusi-dɔbɛ ɗe woy duroygɨŋ bɨ.»

Kɔl-gɨ-Ɗari gɨ Lug wal 9:61

Ungo gɨ pɨna ɗaŋ coŋ yen̰ Jesu hɨn̰: «Ba-gulondɨni, ɨŋ kɨya kɔbɛ kardɨn̰, ama ɗaŋ aŋ or sɔlɛ cɨn̰ kanɨ ban̰ pa dɨm.»

Kɔl-gɨ-Ɗari gɨ Ja̰ wal 17:23

Ɨŋ-bandi, ɨŋ woy kuduroyge hɨn̰ gɨ Ji-bandi, ji ba woy kuduronɨ wo̰ bɨ. Na hɨn̰ wo̰ ma, kan kɨya ɓalege bugoŋge pɨna dɛj dɛj. Ɗe kalaŋ ga cay gɨsəŋ gaŋ solge gɨ Ji na ba gɨyigəŋ bɨ, ji na geyge hɨn̰ gɨ Ji ba geyəŋ wo̰ bɨ.

Gɨye-lɔɔ 15:29

Kuyoŋ gɨ kan dɨɗɨge n̰ɨrɨn̰ge kulan̰əŋ le, kɨŋ ɗɔɔ ba dɔɔ bɨ, kɨŋ ɗɔɔ ba dɔɔ kɨbar bɨ, culom gɨ da kɨmana gɨ asɨri bɨ, kɨŋ ɗɔɔ ba yɔyɛ dan̰ gangɨ caygɨŋ naŋ bɨ. Hɨn̰ gɨ kɨŋ na nara gusɨgɨŋ coŋ cay hɨnga nɔm ga nee le na, kɨŋ lee na hɨnga ga kuɗa. Ni leegɨŋ lapɨya.»

Gɨye-lɔɔ 18:21

Pa dɨm ma, ban kɨya sɔ ɔrɛ ƴee na ban yege hɨn̰: «Hɨn̰ gɨ Kumu na gey na, ɨŋ kɨya jɨga gusɨgɨŋ ƴee.» Ban say nayi a boy koburo gɨ gumu taa taa gɨŋ a Epɛs orɨn̰ tɨrga toyi.

Gɨye-lɔɔ 23:30

Yəŋge gɨ Jubɨn̰əŋ na ƴomge cay tɨbayge boyge koldi kɨya dɨɗii. Na toy di hɨn̰ wo̰ ma, maŋ gɨyɨn̰ danayi jugu gusɨn̰. Bɨ ɨŋ yen̰ ka-se kɔl cayi le, ɗe kan na ɨra ɗɔɔ koldi tumon̰.»

Magtubu di Pol wal bɨn̰ kalaŋ ga Rɔm 12:16

Sɨmagɨŋ te bugoŋ pɨna gɨŋ duroygɨŋ. Sɔlɛgɨŋ gusɨgɨŋ leen̰ kalaŋ ga gɨmdəŋ cɨn̰ kamdɨgɨŋ naŋ bɨ, gɨ ɨrɨme gɨ ni gɨlɨn̰ gusɨgɨŋ unɔ kuduroygɨŋ bɨ. Kɨŋ ɗɔɔ ba sɔlɛ gusɨgɨŋ leen̰ ka-muɗɔlɛ.

Magtubu di Pol wal bɨn̰ kalaŋ ga Rɔm 12:18

Hɨn̰ gɨ kɨŋ na ɓala na, laagɨŋ hɨnga nɔm ga gangɨdɨge woy a kobɨgɨŋ le, ɗe agɨŋ somɨn̰ dan̰ gusi-dɔbɛ dan̰ kalaŋ nɔm.

Magtubu di Pol wal bɨn̰ kalaŋ ga Rɔm 14:19

Hɨn̰ wo̰ na, kuɗa gɨ na mala na kardi hɨnga ga kɨya ɨrgan̰ dan̰ gusi-dɔbɛ a duroynagɨŋ bɨ, ɗe togɨygɨŋ na san̰ cay mɨgaa dɨŋ bɨ.

Magtubu di Pol wal bɨn̰ kalaŋ ga Rɔm 15:13

Kuɗa gɨ Kumu gɨ ba bɨgɨŋ hɨnga ga kɨŋ kɨya bogɨn̰ ɨrɨmedɨgɨŋ cay nee bɨgɨŋ gusi-mɔwa bɨ, bɨgɨŋ gusi-dɔbɛ a te gɨyəŋ gɨ da aye kudurɔ gɨŋ, ɗe ɨrɨmedɨgɨŋ gɨ kɨŋ ba bee a cayi le, san̰ cay mɨgayi gɨŋ dan̰ gɨyəŋ gɨ da dɔnɔ di da Turnɔ ɗe-kuduroy-bɛrɛ.

Magtubu di Pol wal bɨn̰ kalaŋ ga Rɔm 15:33

Kuɗa gɨ Kumu gɨ ba-bee gusi-dɔbɛ baa danagɨŋ nɔm. Ɗa-ɗe-woy-hɨn̰-wo̰!

Magtubu di Pol wal bɨn̰ kalaŋ ga Rɔm 16:20

Baa mɨnde gɨ Kumu gɨ ba-bee gusi-dɔbɛ kɨya rade cay Sidan a te tɨbayigɨŋ dɨŋ dugo. Kuɗa gɨ ɗarwa di da Ba-gulondɨna Jesu baa danagɨŋ.

1 Korɛ̰t 1:10

Ay, karmɨnɨ ga ban̰aŋ dan̰ ga kandɨ, ɨŋ lee n̰age gusɨgɨŋ dan̰ guson̰ Ba-gulondɨna Jesu-Kɨris: Bugoŋgɨŋ pɨna nɔm bɨ, ɗa gɨ puyoŋ unɔ duroygɨŋ bɨ. Ɗa gɨ kuduroygɨŋ bɨ ɨrɨmedɨgɨŋ bɨ, bugoŋ pɨna.

2 Korɛ̰t 1:4

Ban na ba dɔbɛ bandɨ kuduroyna duroy hɨnga ga ni dɔsɛ-ɗugɔ gaŋ nɔm ɗe ana na ɓalɨn̰ dobɨn̰ bandɨ kuduroy kan ga somge duroy hɨnga ga ni dɔsɛ-ɗugɔ gaŋ bɨ. Na kɨya dɔbɛ bandɨ kuduroyge na dan̰ gɨyəŋ gɨ da bandɨ di na-gandi kalɨn̰ ma na wayi na gusi Kumu.

2 Korɛ̰t 13:9

Hɨn̰ gɨ ni-gandi ni na ɨran̰ dan̰ dɔnɔ naŋ, ma naa kɨŋ-gandi ƴɔbɨ na ba ɨran̰ na, ni lee gusi-mɔwa. Ni ol Kumu kol caygɨŋ ɗe agɨŋ na bɨləŋ ka-aye kudurɔ ga duroŋ cɨrɛɗ.

Epɛs 4:12

Ban bɨge hɨnga ga kalɨn̰ ga nee le, ɗe kalaŋ ga woyge dan̰ cɨndɨge na ɓalɨn̰ge leen̰ge gɨye koyi le, ɗe kuyoŋdi Kɨris na orɨn̰ jɨn̰ tumɔ tumɔ.

Epɛs 4:3

Turnɔ di da Kumu leegɨŋ leen̰ te wɔɔ gɨ pɨna. Dɨbgɨŋ gusɨgɨŋ coŋ agɨŋ gamɨn̰ bugoŋ pɨna gɨ nee le, sɨman̰gɨŋ dan̰ gusi-dɔbɛ gɨ saɗɨgɨŋ pɨna le.

Epɛs 6:23

Kuɗa gɨ Kumu Bayna bɨ Ba-gulondɨna Jesu-Kɨris bɨ, bɨn̰ karmɨni ga ban̰aŋ dan̰ ga kandɨ gusi-dɔbɛ bɨ, geye bɨ, aye kudurɔ bɨ.

Pilib 1:27

Ama kuɗa gɨ kɨŋ sɨma dan̰ hal gɨ bugoŋ pɨna dan̰ Kɔl-gɨ-Ɗari gɨ da Kɨris. Hɨn̰ wo̰ na, gɨ ɨŋ na ɨra solgɨŋ wala hɨn̰ gɨ ɨŋ na wɨya naa hen̰ danagɨŋ kalɨn̰ ma, ɨŋ gey jɔɔ gɨ kɨŋ na ɨre osu dan̰ ɨrɨme gɨ pɨna bɨ, kɨŋ na ɨre worɨn̰ pɨna kɨya cay aye kudurɔ gɨ kɨŋ orɨn̰ a te Kɔl-gɨ-Ɗari gɨŋ bɨ.

Pilib 3:16

Ama naa hɨn̰ wo̰ kalɨn̰ ma, kuɗa gɨ na or cɨndɨna tumɔ a te gɨyəŋ gɨ na ba ɨre boy nee bɨrɨŋ gɨsɨn̰ labɨde le.

Pilib 4:2

Ebodi bɨ, Sɛ̰ntɨsə bɨ, ɨŋ olgɨŋ, kuɗa gɨ ɨrɨmedɨgɨŋ bugoŋ pɨna hɨn̰ ka-karme ga kandɨ ga bugoŋge pɨna dan̰ Ba-gulɔŋ wo̰.

Pilib 4:4

Laagɨŋ gusi-mɔwa dan̰ tɨwa nɔm, te bugoŋ pɨna dan̰ Ba-gulɔŋ. Ɨŋ jɨga yəgɨŋ ɗaŋ coŋ, laagɨŋ gusi-mɔwa.

Pilib 4:9

Hɨnga ga naa ɨŋ ba gɨlgɨŋ bɨ, naa kɨŋ ba way gusɨnɨ bɨ, naa kɨŋ ba je kɨbɨnɨ bɨ, naa kɨŋ ba sol gusɨnɨ bɨ le, kuɗa gɨ kɨŋ aya laan̰ gɨye. Ɨni na, Kumu gɨ ba gusi-dɔbɛ kɨya bɔɔ danagɨŋ.

1 Tesalonigɨ 3:10

Son̰do dan̰ tɨwa di ɨni le, hɨnga ga ni olɨn̰ Kumu jɨn̰ nee nee ba kɛ: Na gɨ ban na bɨni gɨyəŋ ɗe ani na jogɨ solgɨŋ ɗaŋ bɨ, ɗe ani na bɨgɨŋ hɨnga ga wɨygɨŋ duroy aye kudurɔ kogɨŋ gɨŋ bɨ.

1 Tesalonigɨ 4:1

Ay, karmɨnɨ ga ban̰aŋ dan̰ ga kandɨ, jagɨŋ kɔl hɨnge coŋ. Gɨye-lɔɔ gɨ ƴee cɨn̰ Kumu le kɨŋ tɨrabɨ na gusɨni, lee gɨ na ban ma magɨŋ lee. Ama haw kɛ na, ni ɨngɨrgɨŋ bɨ, dobɨ bandɨ kuduroygɨŋ dan̰ guson̰ Ba-gulɔŋ Jesu, ɗe gɨ kɨŋ na ɨra cɨndɨgɨŋ tumɔ ɗɨn̰ gɨ tumɔ coŋ.

1 Tesalonigɨ 4:18

Hɨn̰ wo̰ na, dɨbagɨŋ bandɨ kuduroy gusɨgɨŋ duroygɨŋ dan̰ kɔl gɨ nee le.

1 Tesalonigɨ 5:13

Laagɨŋ toyge tɔgɨ dan̰ wandɨ kɨya cay gɨye gɨ kan lee le. Sɨmagɨŋ dan̰ gusi-dɔbɛ duroygɨŋ.

1 Tesalonigɨ 5:16

Sɨmagɨŋ dan̰ gusi-mɔwa dan̰ wɔlɛ pɨna pɨna.

1 Tesalonigɨ 5:23

Kuɗa gɨ Kumu gɨ ba bɨn̰ kalaŋ gusi-dɔbɛ dan̰ gusi koyi dɨragɨŋ sɨgɨŋ dan̰ cɨndɨgɨŋ ɗɨga kol cayi. Kuɗa gɨ ban gama turnoygɨŋ bɨ, habedɨgɨŋ bɨ, kuyoŋdi-gusɨgɨŋ bɨ dɔmɔmɔ, ɗe wɔlɛ gɨ Ba-gulondɨgɨŋ Jesu-Kɨris kɨya caga na, masadɨgɨŋ na unɔ.

2 Tesalonigɨ 2:16

Bayna Kumu geyna bɨ, ban bɨna hɨnga ga ka-dɔbɛ bandɨ kuduroyna ga ka-wɔyɛ dan̰ tumoyge kalɨn̰ bɨ, hɨnga ga ni bogɨn̰ ɨrɨmedɨna cay nee ga osu bɨ. Ni ɨngɨrɨn̰ Kumu bɨ Ba-gulondɨna Jesu-Kɨris dan̰ gusi koyi bɨ,

2 Tesalonigɨ 3:1

Ay, karmɨnɨ ga ban̰aŋ dan̰ ga kandɨ, kɔl gɨ ni ba kɨya yɔ gɨ ni kagadi ba kɛ: Ulagɨŋ Kumu kol cayni ɗe kɔl gɨ da Ba-gulɔŋ na cɨɗa gɨyəŋ koyi bɨ, ɗe kalaŋ na dɨbɨn̰ gusoŋ-tɔgɛ hɨn̰ gɨ ba won̰ a tagɨŋ wo̰ bɨ.

2 Tesalonigɨ 3:16

Kuɗa gɨ Ba-gulɔŋ gɨ ba gusi-dɔbɛ bɨgɨŋ gusi-dɔbɛ dan̰ tɨwa nɔm bɨ, boy hɨnga nɔm bɨ. Kuɗa gɨ Ba-gulɔŋ baa danagɨŋ nɔm.

2 Timote 2:22

Dɨra gusɨn̰ coŋ gusi tabɨlaŋdi hɨnga ga lee marɨne. Ama mala na gɨye-lɔɔ gɨ dan̰ durɔ ɗɨngar bɨ, aye kudurɔ bɨ, geye bɨ, gusi-dɔbɛ bɨ, dan̰ kalaŋ nɔm ga teege guson̰ Ba-gulɔŋ dan̰ kuduroyge ga arɨn̰ cərərə.

Əbɨro 12:14

Malagɨŋ gɨyəŋ gɨ ni somɨn̰ dan̰ gusi-dɔbɛ dan̰ kalaŋ nɔm bɨ, gɨ ni somɨn̰ dan̰ kuduroy-bɛrɛ dan̰ cɨndɨgɨŋ tumɔ tumɔ bɨ. Kɨya wa dɨle hɨnga ga nee le na, ungo gɨ ba kɨya sɔlɛ cɨn̰ Ba-gulɔŋ unɔ bɨrɨŋ.

Əbɨro 13:20

Kuɗa gɨ Kumu gɨ ba-bee gusi-dɔbɛ bɨ, ba bɔyɛ Ba-gulondɨna Jesu-Kɨris lɨbe duroy kalaŋ ga madɨrdaŋ bɨ, bɨgɨŋ tɔgɨ di ni loon̰ ɗarwa ɗe agɨŋ ɓalɨn̰ loon̰ kuduroy geye koyi. Kuɗa gɨ ban laa gɨye gɨ moy a gusɨgɨŋ dan̰ gusoŋ Jesu-Kɨris gɨ na ba-dɔrɛ tumoy gamge gɨ gumu. Na kɨbar gɨ da sadɨga toyi ma na te saɗe kɨbɨ pɨna ɓɨse gusu, gɨ woy dan̰ tumoyi gɨ ban lee duroy kalaŋ ga ɨndəŋ dan̰ Kumu. Kuɗa gɨ gusoŋ-tɔgɛ woy kɨya cay Jesu-Kɨris ɨlge dan̰ ɨlge! Ɗa-ɗe-woy-hɨn̰-wo̰.

Magtubu di Jag wal 1:4

Ama naa wa wa kalɨn̰ ma, ɗagɨŋ gɨ haye-kudurɔ kogɨŋ le, ɗe duroŋ cɨrɛɗ, agɨŋ bɨləŋ kalaŋ ga masadɨge unɔ bɨ, ga nage cḛḛ bɨ, ga hɨnga pɨna wɨyge naŋ bɨ.

1 Pɨyɛr 3:11

Kuɗa gɨ ban bɨl kardi bɨn̰ hɨnga ga ɨsɨni bɨ, Ama laa hɨnga ga kuɗa bɨ, Ƴɨma gusi usa te male gusi-dɔbɛ bɨ.

1 Pɨyɛr 3:8

Gɨ ni dɨɗɨn̰ kɨbi na, kɨŋ-gandi nɔm le, kuɗa gɨ kuduroygɨŋ bugoŋ pɨna bɨ, kuɗa ɨrɨmedɨgɨŋ gɨ ƴen̰ kuduroygɨŋ ɨra pɨna bɨ, geygɨŋ gusɨgɨŋ hɨn̰ ka-karme ga geyge gusɨge wo̰ bɨ, sɨlagɨŋ cɨn̰-n̰age di da kamdɨgɨŋ bɨ, tɨbagɨŋ caygɨŋ dugo bɨn̰ gusɨgɨŋ bɨ.

1 Pɨyɛr 5:10

Kumu ba-gulɔŋ ɗarwa nɔm gɨ təgɨŋ ɗe agɨŋ na bugoŋ pɨna dan̰ Kɨris bɨ, andɨn̰ a boy gusoŋ-tɔgɛ gɨ woy dan̰ cɨndi gɨŋ bɨ le, ban kɨya bɨlgɨŋ ɗaŋ a te gɨye-lɔɔdɨgɨŋ gɨŋ nɔm. Kardi cɨn̰-gɨle-cɨn̰ di ba kɨya lɔɔgɨŋ lam wo̰ le, Kumu gusi kɨya dɨɗe kɨbɨ gɨye-lɔɔ koyi kol caygɨŋ bɨ. Ban kɨya jɨbe toygɨŋ ɗe agɨŋ na ɨrɨn̰ osɨ bɨ, kɨya bɨgɨŋ tɔgɨ bɨ, hɨnga pɨna kɨya yɨbagdɨgɨŋ naŋ bɨ.

Wasɨn̰a 22:21

Kuɗa gɨ Ba-gulɔŋ Jesu laa ɗarwa danagɨŋ nɔm.