2 Korɛ̰t 12:1 - Gabri Maja

¹ Gɨle gusu ɗarwadi unɔ, ama naa wa wa kalɨn̰ ma ɨŋ kɨya gɨle gusɨnɨ. Ɨŋ kɨya yɔ kol hɨnga ga Ba-gulɔŋ wasɨn̰ cayge bəŋ bɨ, hɨnga ga buyoŋ cɨnɨ hɨn̰ dḛ wo̰ bɨ.

2 Korɛ̰t 12:1 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 16:7

Ama ɨŋ yəgɨŋ na kɔl gɨ cɨndi: Hɨn̰ gɨ ɨŋ na ɨra na, kɨya kuɗa kol caygɨŋ. Kɨya wa ɨŋ na ɨra naŋ na, Ba-ƴɔɔ caygɨŋ kɨya ɨrga waygɨŋ naŋ. Ama hɨn̰ gɨ ɨŋ na ɨra na, ɨŋ kɨya gɨygɨn̰ danayi bɨgɨŋ.

Kɔl-gɨ-Ɗari gɨ Ja̰ wal 18:14

Na Kayip gɨ nee le gaŋ ba naa tumɔ bogɨn̰ Jubɨn̰əŋ kɔl kuduroyge yege hɨn̰: «Hɨn̰ gɨ ungo pɨna naa ba mara kɨya cay te kalaŋ kana na, na golgo le.»

Gɨye-lɔɔ 18:9

Duroy son̰do di pɨna wo̰ dɨŋ na, Ba-gulɔŋ yen̰ Pol duroy hɨnga ga buyoŋ cɨndi hɨn̰ dḛḛ wo̰ yey hɨn̰: «Ji ɗɔɔ ba hundɔrɔ, ya kɔl cɨndɨn̰ tumɔ tumɔ, sɔgɨyɛ naŋ.

Gɨye-lɔɔ 23:11

Wan̰dodo dɨŋ ɨni na, Ba-gulɔŋ andaŋ cay Pol bɨ yey hɨn̰: «Ƴɨma kuduron̰ usa! Hɨn̰ gɨ ji ba leen̰ tɨmon̰ tɨnge a cay ƴaa-di-gumu di Jerusalɛm dɨŋ le, ojɨ gɨ a cay ƴaa-di-gumu di Rɔm dɨŋ kalɨn̰ ma, ji laa tɨmon̰ tɨnge nee bɨ.»

1 Korɛ̰t 10:23

«Ɗege gɨyəŋ bəŋ gɨ ɨŋ na laa hɨnga nɔm», ama hɨnga nɔm bayana gɨ ni lɔɔ naŋ. «Ɗege gɨyəŋ bəŋ gɨ ɨŋ na laa hɨnga nɔm», ama hɨnga ga nee le nɔm kɨya loon̰ ungo ɗarwa naŋ.

1 Korɛ̰t 14:6

Ay, karmɨnɨ ga ban̰aŋ dan̰ ga kandɨ, hɨn̰ gɨ ba woy kɛ le hɨn̰ gɨ ɨŋ na ɨra gusɨgɨŋ, ma ɨŋ na ya kɔl danagɨŋ dan̰ kɨbɨ gɨ ungo sɨla naŋ na kɛ kɨŋ kɨya wɔɔ na wa a duroy kɔl gɨ ɨŋ ba ye danagɨŋ le ga? Kɨŋ kɨya wɔɔ hɨnga pɨna duroy nee naŋ. Ama hɨn̰ gɨ ɨŋ na yagɨŋ hɨnga ga Kumu wasɨn̰ cayge bəŋ, naŋ le hɨnga ga ɨŋ sol, naŋ le ɨŋ na yagɨŋ naa kɔl-gɨ-Kumu-ba-yɔɔ, naŋ le ɨŋ na gɨlgɨŋ naa hɨnga na, kɨŋ kɨya wɔɔ hɨnga duroy kɔl yɔnɨ gɨŋ.

1 Korɛ̰t 6:12

«Ɗege gɨyəŋ bəŋ gɨ ɨŋ na laa hɨnga nɔm.» Ama hɨnga nɔm ban̰ gɨ ni lɔɔ naŋ. «Ɗege gɨyəŋ bəŋ gɨ ɨŋ na laa hɨnga nɔm.» Ama ɨŋ kɨya ɗɔɔ hɨnga pɨna wo̰ ƴɔmɔŋ guyɔŋdu naŋ bɨrɨŋ.

2 Korɛ̰t 12:11

Sɨlagɨŋ, ɨŋ yəgɨŋ kɔl hɨn̰ ungo gɨ ba dɨngale wo̰. Kɨŋ-gandi ba orɨn̰ danaŋ ɗe gɨ ɨŋ yen̰ kɔl gɨ nee le. Kalaŋ ga ojɨ gɨ ni kɨya lɔɔge tɨmon̰ di ɗari ojɨn̰ canɨ le na kɨŋ-gandi. Ko ɨŋ naa hɨnga naŋ kalɨn̰ ma, ka-gɨre-gɨye ga kɨŋ ye gɨ kan naa ga gɨmdəŋ le ɗəŋge dan̰ hɨnga pɨna naŋ.

2 Korɛ̰t 12:5

Ɨŋ kɨya gɨle gusɨnɨ ojɨn̰ cay ungo gɨ nee le, ama gɨ ojɨn̰ canɨ na, ɨŋ kɨya gɨle gusɨnɨ ojɨn̰ na cay tɔgɨ di ɨŋ ɨran̰ naŋ ƴɔbɨ.

2 Korɛ̰t 12:7

Na cɨndi, hɨnga ga nee ga Kumu wasɨn̰ cayge bəŋ le dor turnoy kɨɗɨn̰, Kumu gey gɨ ɨŋ na gɨ gɨle gusɨnɨ koldɨge naŋ. Na toy di hɨn̰ wo̰ ma Kumu bəŋ hɨnga ga pɨna wo̰ ga gɨləŋ-cɨn̰ hɨn̰ gɨsɨm wo̰ a kuyonɨ gɨŋ gɨlɨn̰ hɨn̰ ba-ƴɔbɛ gɨ daa nii gɨ da sidan gɨ ɨre təŋ wo̰. Kumu bəŋ gɨle-cɨn̰ di nee le, ɗe ɨŋ na gɨ gɨlɨn̰ gusɨnɨ naŋ.

2 Korɛ̰t 12:9

Ama Ba-gulɔŋ yəŋ hɨn̰: «Ɗarwa tɨnge ɓalɨn̰. Dɔnɔ tɨnge kɨya gɨle guso ɗəndəŋ gusi ungo gɨ ɨran̰ dan̰ dɔnɔ naŋ.» Na toy di hɨn̰ wo̰ ma ɨŋ kɨya gɨle gusɨnɨ dan̰ gusi-mɔwa gɨɗaŋ cay dɔnɔ di ɨŋ ɨran̰ naŋ, ɗe dɔnɔ di da Kɨris gɨl guso doŋ kol canɨ.

2 Korɛ̰t 8:10

Ojɨn̰ cay kɔl gɨ nee le aŋ yəgɨŋ ɨrɨmenɨ. Kuɗa gɨ kɨŋ dɨɗɨ kɨbɨ gɨye gɨ kɨŋ ay toy naga haw kɛ, kɨya wa kɨŋ na ga cay wase boy gɨye gɨ nee gɨŋ le. Ɗɨn̰ gɨ nee le na, kɨŋ na ga cay wase ga orɨn̰ dan̰ geye agɨŋ na leen̰ gɨye gɨ nee le.

Galad 1:12

Kɨya wa ɨŋ ƴa na kobɨ ungo naŋ bɨ, ungo ba gɨləŋ naŋ bɨ. Ama na Kumu ba wasɨn̰e cay Jesu-Kɨris bəŋ.

Galad 2:2

Na kɨya cay andaŋ gɨ Kumu andaŋ canɨ, ma maŋ orɨn̰ Jerusalɛm le. Kɨɗɨn̰ ga ɨŋ bugoŋ na, ɨŋ dor te Kɔl-gɨ-Ɗari gɨ ɨŋ ba tee bɛrnɛdi bɨn̰ kalaŋ ga toyge na Jubɨ naŋ le, ɗe tumoy ka-dɔrɛ tumoy kalaŋ ga gɨmdəŋ kan̰dɨge. Ɨŋ lee hɨn̰ wo̰ na ɗe gɨ gɨye gɨ ɨŋ lee tumɔ bɨ, gɨ ɨŋ ɨre gɨre koldi haw kɛ bɨ le, ɗe na da ban̰ gusɨnɨ naŋ.

Epɛs 3:3

Kumu haŋgɨ cɨnɨ cay hɨnga ga ban gey lɔɔ ga woy kɨɗɨn̰ wɔsɛdɨge gaŋ. Ɨŋ wal kɔl gɨ ojɨ cay hɨnga ga nee le dḛ tumɔ bɨgɨŋ.

1 Tesalonigɨ 4:15

Na Ba-gulɔŋ ba yoni kɔl gɨ ni ba gey yogɨŋ haw kɛ le: Na-gandi ga na kɨya sɔmɛ dan̰ cɨndɨna ƴee kɨɗɨn̰ ga Ba-gulɔŋ kɨya jɨga le, na kɨya dɔgɛ tumoy kan ga mage le naŋ.

1 Ja̰ 5:20

Na solgɨŋ gɨ Kurɨn̰-Kumu caga bɨ, ban ɗe cay nagɨŋ woy bɨra, ɗe ana na solɨn̰gɨŋ Kumu gɨ hɨnde bɨ. Na bugoŋgɨŋ pɨna dan̰ Kumu gɨ hɨnde na dan̰ gɨyəŋ gɨ da Kurondi Jesu-Kɨris. Ban na Kumu gɨ hɨnde bɨ, na sɔmɛ-bɨra gɨ dan̰ tumoyi bɨ.