2 Korɛ̰t 11:7 - Gabri Maja

⁷ Kɨŋ sol gɨ kɨɗɨn̰ ga ɨŋ ba tee bɛrnɛ Kɔl-gɨ-Ɗari gɨ da Kumu bɨgɨŋ le, ɨŋ ɨngɨr gursu kobɨgɨŋ naŋ. Hɨn̰ wo̰ na ɨŋ lee gusɨnɨ leen̰ gɨ dḛ agɨŋ na bɨle kalaŋ ga gɨmdəŋ. Ma haw kɛ kɨŋ gɨ yɔ gɨ ɨŋ na lee naa ɨsɨna ga?

2 Korɛ̰t 11:7 ပူးပေါင်းရင်းမြစ်များ

Gɨye-lɔɔ 20:33

Ɨŋ dɨŋga gursu wala, lɔr wala, badɨge ga da ungo kayi cay pɨna naŋ bɨrɨŋ.

Gɨye-lɔɔ 20:34

Kɨŋ gusɨgɨŋ gaŋ kalɨn̰ ma, kɨŋ sol gɨ ɨŋ lee gɨye na dan̰ kɔbɔŋ ma maŋ wan̰ hɨnga ga n̰agedɨge ləŋ bɨ, lee ka-pogɨn̰ɨnɨ ga danaŋ bɨ le.

Magtubu di Pol wal bɨn̰ kalaŋ ga Rɔm 1:1

Na ɨŋ-bandi Pol ba gɨyɨn̰ dan̰ magtubu bɨgɨŋ. Ɨŋ na marɨna ba-gɨye gɨ da Jesu-Kɨris. Ban təŋ ɗe gɨ ɨŋ na bɨl ba-gɨre-gɨye koyi bɨ, dɔrɔŋ səŋ dan̰ cɨnɨ kɨya togɨn̰ bɛrnɛ Kɔl-gɨ-Ɗari gɨ da Kumu bɨ.

1 Korɛ̰t 9:12

Hɨn̰ gɨ kalaŋ ga ɗaŋ na ɨran̰ge dan̰ gɨyəŋ gɨ ni ƴon̰ hɨnga kobɨgɨŋ na, kɛ ni-gandi ni ɓala gɨ ni ƴɔɔ kobɨgɨŋ ɗɨn̰ kage naŋ ga? Ama hɨnga ga ni orɨn̰ dan̰ gɨyəŋ gɨ ni lɔɔ le ni laa naŋ, ama ni ƴom kuduroyni duroy hɨnga nɔm ɗe ani na lɨgɨn̰ gɨyəŋ gɨ da Kɔl-gɨ-Ɗari gɨ da Kɨris naŋ.

1 Korɛ̰t 9:6

Kɛ ojɨ gɨ ɨŋ-bandi bɨ Barnabas bɨ ƴɔbɨ naa ba laa gɨye dan̰ kobɨni ga?

2 Korɛ̰t 10:1

Ɨŋ-bandi Pol gɨ kalaŋ yege kol canɨ gɨ kɨɗɨn̰ ga ɨŋ na wɨya duroygɨŋ na ɨŋ na dobɨ canɨ dugo, ama kɔl hɨnge na osu kɨɗɨn̰ ga ɨŋ na wɨya hen̰ danagɨŋ. Ɨŋ olgɨŋ dan̰ guson̰ Kɨris gɨ ba lɔɔ ɗarwa bɨ, gɨ kaledi jal yɔd bɨ:

2 Korɛ̰t 10:16

Kardi nee ɨni na, cay gɨsəŋ ga woy kardɨgɨŋ nii le, ni kɨya ɔrɛ nee tɔgɛ bɛrnɛ Kɔl-gɨ-Ɗari. Ni kɨya lɔɔ gɨye a kɨɗɨn̰ ga ani ani ga ungo gɨ ɗaŋ tɨga bɛrnɛ a nee tumoyni naŋ. Na toy di hɨn̰ wo̰ ma, ni kɨya gɨle gusɨni a kɨbɨ gɨye gɨ ungo gɨ ɗaŋ lee a kɨɗɨn̰ ga Kumu bii ojɨn̰ cayi gaŋ naŋ.

2 Korɛ̰t 12:13

Naa hɨn̰ wo̰ na, hɨnga ga Ka-Daye ga ɗaŋ wayge ma kɨŋ-gandi kɨŋ waa naŋ le na wa ga? Kɛ na nɨn̰e gɨ ɨŋ nɨygɨŋ naŋ le ƴɔbɨ naŋ ga? Hɨn̰ gɨ ɨŋ na laa naa hɨnga ga dan̰ gɨyəŋdɨge naŋ danagɨŋ na, ɨŋ olgɨŋ gɨ kɨŋ ɗa kuduroygɨŋ jala canɨ koldɨge.

2 Korɛ̰t 2:12

Ɨŋ bugoŋ a cay ƴaa-di-gumu di Tɨrowas kɨya togɨn̰-bɛrnɛ di da Kɔl-gɨ-Ɗari gɨ da Kɨris. Kɨɗɨn̰ ga ɨŋ bugoŋ na, Ba-gulɔŋ haŋgɨ kɨbɨ gɨyəŋ dɨbɨ hangɨwa ɗe gɨ ɨŋ na tɨgan̰ bɛrnɛ.

1 Tesalonigɨ 2:9

Ay, karmɨnɨ ga ban̰aŋ dan̰ ga kandɨ, hɨngɨŋ a cay gɨye gɨ ni ba lee ƴomɨn̰ kɨjan̰e le bɨ, cay gɨlale gɨ ni ba gɨlal danagɨŋ bɨ. Kɨɗɨn̰ ga ni ba tee bɛrnɛ di da Kɔl-gɨ-Ɗari gɨ da Kumu bɨgɨŋ le, ni lee gɨye dan̰ son̰do bɨ, tɨwa di ɨni bɨ, ɗe ani na nɨyin̰ ungo pɨna wo̰ duroygɨŋ naŋ.

2 Tesalonigɨ 3:8

Hɨnga ga ni di le, na ungo mani ɨngɨrii ɗe bɨni naŋ. Ama ni lee gɨye gɨlalɨn̰ ƴomɨn̰ kɨjan̰e dan̰ son̰do dan̰ tɨwa di ɨni bɨ, ɗe ani na nɨn̰in̰ ungo pɨna duroygɨŋ naŋ.