2 Korɛ̰t 11:3 - Gabri Maja

³ Ama ni sol gɨ kumbulo nar Ɛbə na dan̰ gɨyəŋ gɨ da jɨba toy bɨ haw kɛ na, hundɔrɔ ləŋ kol caygɨŋ. Gajanaŋ ungo da mɔndɛ ɨrɨmedɨgɨŋ bɨ, kɨŋ da curoŋ a te gɨyəŋ gɨ ni kɔbɛ Kɨris dan̰ geye gɨ cɨndi bɨ, gɨ duroŋ mɨra bɨ.

2 Korɛ̰t 11:3 ပူးပေါင်းရင်းမြစ်များ

Matɨyo 24:24

Kɨya gɨ kɨrisn̰əŋ ga hɨnde naŋ bɨ, ka-yɔɔ-kɔl-gɨ-Kumu-ba-yɔɔ ga hɨnde naŋ bɨ, kɨya andaŋge. Kan kɨya lɔɔge hɨnga ga ɗɨn̰ cɨn̰-kɨɗɨn̰ ga gɨmdəŋ tɔgɨ bɨ, hɨnga ga ni belin̰əŋ bɨ, age na kayɨn̰ kalaŋ. Hɨn̰ gɨ kan ni na ɓala na, kan ga Kumu torge kalɨn̰ ma, kan gey kaygege bɨ.

Kɔl-gɨ-Ɗari gɨ Ja̰ wal 8:44

Baygɨŋ na Haban̰ bɨ, kɨŋ gey lɔɔ na hɨnga ga kuduroy baygɨŋ gey le bɨ. Ayɨn̰ toy gɨ Kumu ɗen̰ cay gɨsəŋ le, Haban̰ na ba dɨɗe kɨɗɨn̰. Dɨlay dan̰ kɔl gɨ cɨndi naŋ. Kɨya wa kɔl gɨ cɨndi unɔ gusi. Kɨɗɨn̰ ga ban ye kɔl gɨ ni poyi na, ban ye na kɔl gɨ ojɨ cayi toyi. Kɨya wa ban na ba-poyi bɨ, poy baa bɨ.

Magtubu di Pol wal bɨn̰ kalaŋ ga Rɔm 12:8

Hɨn̰ gɨ Kumu na bɨn̰ ungo dɔnɔ di ni dobɨn̰ bandɨ kuduroy karmii na, kuɗa gɨ ban dɨba bandɨ kuduroyge. Hɨn̰ gɨ Kumu na bɨn̰ ungo cɨn̰-arɨn̰a di ni bee hɨnga na, kuɗa gɨ ban laa dan̰ wandɨ di cɨla. Hɨn̰ gɨ Kumu na bɨn̰ ungo cɨn̰-muɗɔlɛ gɨ ni dɔrɛ tumoy karmii na, kuɗa gɨ ban dɨra tumoyge dan̰ gusi-hɨmbalwa. Hɨn̰ gɨ Kumu na bɨn̰ ungo cɨn̰-arɨn̰a di ni sɔlɛ cɨn̰-n̰age di da kalaŋ na, kuɗa gɨ ban jɨbɨ toyge dan̰ gusi-mɔwa.

2 Korɛ̰t 1:12

Cayni ayaŋ daa kɨya cay ɨrɨme gɨ woy a kuduroyni. Ni sol kuduroyni gɨ haldɨni na ƴee cɨn̰ kalaŋ ga a cay gɨsəŋ gaŋ kɛ. Kɨŋ-gandi kalɨn̰ ma kɨŋ sol hɨn̰ gɨ haldɨni naa hal gɨ woy dan̰ najidi dɨle orɨn̰ dan̰ ɨrɨme gɨ ɗaŋ a kuduroyni. Na ɗarwa di da Kumu ba-dɔrɛ tumoyni ma lee gɨ ni leen̰ hɨnga dan̰ najidɨge, ama na cɨn̰-muɗɔlɛ di da kalaŋ ga ɨndəŋ naŋ.

2 Korɛ̰t 11:20

Hɨn̰ gɨ kan na ɗa dɔnɔ caygɨŋ hɨn̰ gɨ kɨŋ naa gɔyɔŋ wo̰, wala na sɨmage dage kardɨgɨŋ, wala na tɨrage hɨnga a kobɨgɨŋ, wala na sɨlagɨŋge laan̰ hɨnga naŋ, wala na ɨmdɨgɨŋge a cɨndɨgɨŋ na, kɨŋ hay-kuduroygɨŋ cayge.

2 Korɛ̰t 11:29

Hɨn̰ gɨ kurnu togii na unɔ na, ɨŋ-bandi kalɨn̰ ma togɨnɨ unɔ bɨ. Hɨn̰ gɨ kan na cɨra ungo a te gɨyəŋ gɨ ɗari gɨŋ na, wɨdɨldəŋ hɨn̰ tɨwa wo̰.

2 Korɛ̰t 2:17

Kalaŋ kondɨ ayge kɔl gɨ da Kumu leen̰ge hɨnga ga ni gɨyaw, ama ni-gandi ni laa hɨn̰ wo̰ naŋ. Dan̰ bugoŋ gɨ ni bugoŋ pɨna dan̰ Kɨris le, ni dor kɔl gɨ sayga gusi Kumu dɨle orɨn̰ dan̰ ɨrɨme gɨ ɗaŋ a kuduroyni tumoy Kumu.

2 Korɛ̰t 4:2

Ni-gandi ni kan̰ hɨnga ga ni dasi ga leege kɨɗɨn̰ wɔsɛdɨge gaŋ coŋ bɨ, ni laa hɨnga dan̰ jɨba naŋ bɨ, ni tɨba kɔl gɨ da Kumu dan̰ poy pɨna naŋ bɨ. Ama na kɔl gɨ cɨndi ma mani ye cɨn̰ tɨwa dɨŋ, ni mal na gɨ kalaŋ nɔm na laa tɨmon̰ a cay haldɨni gɨ ɗari tumoyi Kumu.

Galad 1:6

Kɔl kayaŋ sɛl sɛl kɨya wa kɨŋ bɨle kardɨgɨŋ dan̰ gɨre gɨ daa wo̰ bɨn̰ Kumu, ban gɨ ba togɨgɨŋ dan̰ gɨyəŋ gɨ da ɗarwa di sayga gusi Jesu-Kɨris le, kɨya kɔbɛ kardi tɔgɛ bɛrnɛ Kɔl-gɨ-Ɗari gɨ ɗaŋ.

Galad 2:4

Ni ye kɔl gɨ ojɨn̰ cay wale ban̰a na kɨya gɨ karmɨni ga pɨna wo̰, ga na ka-aye kudurɔ gɨ cɨndi naŋ ga andɨgaŋge duroyni. Kan ɨrgage na wɔsɛ gɨŋ, kɨya n̰ɨlange ɔrɛ gɨ ni orɨn̰ cayni kalɨn̰ a te gɨyəŋ gɨ da bugoŋ pɨna koni gɨŋ dan̰ Jesu-Kɨris le sɔlɛ. Kɨya wa kan geyge ɗɔɔ hada di da kalaŋ ga na Jubɨ cayni, bɨrɨŋ gɨ ni na bɨləŋ gɔyɔŋ.

Galad 3:1

Hay! Karmɨnɨ ga a cay gɨsəŋ ga Galasi gaŋ, kɨŋ na kalaŋ ga gɨrɨn̰ caygɨŋ laa gɨye naŋ. Kɨŋ ga kan gɨlgɨŋge Jesu-Kɨris gɨ gagɨliige a cay sɨya-gɨ-dagɨli gɨŋ ɗe arɨn̰ cɨndɨgɨŋ cərərə le, kɛ na waŋ ba bɨle cɨndɨgɨŋ coŋ ga?

Galad 4:11

Ay, ɗugonɨ ba dugo naŋ kol caygɨŋ, ojɨ gɨ gɨye gɨ ɨŋ lee duroygɨŋ gɨlalɨn̰ le, gɨ ban̰ gusɨnɨ ga?

Epɛs 4:14

Hɨn̰ wo̰ na, na kɨya bɨləŋ wɔyɛ hɨn̰ karɨn̰aŋ ga ɨran̰ge dan̰ ƴɔmɛ kudurɔ osɨwa naŋ ɨni. Kan gɨlɨn̰ge na hɨn̰ togɨ ga n̰ən̰əŋ ga a cay kaŋ gaŋ. Kan ɨran̰ge dan̰ tɔgɨ a cay mɛw di orɨn̰ danage bɨ, nongɨldɨge jɨn̰ kɛ kɛ bɨ naŋ. Kɨradi-kɔl gɨ kɛ le, kal bɨ, mɛw bɨ le, kan na hɨnga ga ni gɨle ga dan̰ gɨyəŋdɨge naŋ, ga kalaŋ ga pɨna gɨlɨn̰ge kamdɨge bɨ, na cɨn̰-muɗɔlɛ di kan narɨn̰ge cɨn̰ kalaŋ bɨ kayɨn̰ge kalaŋ bɨ.

Epɛs 4:22

Ɗagɨŋ gɨye-lɔɔdɨgɨŋ ga tumɔ coŋ. Gɨye-lɔɔdɨgɨŋ ga tumɔ le ƴɨmagɨŋ dɨragɨŋ gusɨgɨŋ coŋ, hɨn̰ badɨge ga ɨlgi wo̰. Kɨŋ-gandi le tumɔ tabɨlaŋdi nare cɨn̰ kalaŋ gɨ wanɨn̰ kuduroygɨŋ daa jɨŋ jɨŋ le mondɨgɨŋ.

Epɛs 6:24

Kalaŋ nɔm ga geyge Ba-gulondɨna Jesu-Kɨris dan̰ geye gɨ kagadi unɔ le, kuɗa gɨ Kumu laa ɗarwa danage.

Kɔlɔs 2:18

Kalaŋ ga mooge jɨgan̰ dan̰ gusɨge dugo gɨ cɨndi naŋ bɨ, n̰ɨre ka-ƴɔbɛ ga daa bɨ, ƴɔmɛ kardi hɨnga ga buyoŋ cɨndɨge ga kan gusɨge ba sɔlɛ bɨ le, kɨŋ ɗɔɔ gɨ ɗe kan nare cɨndɨgɨŋ naŋ. Kalaŋ ga hɨn̰ wo̰ le ɨrɨmedɨge gɨ dan̰ gɨyəŋ gɨ da kalaŋ ga ɨndəŋ le, lee gɨ kan gongɨrdɨn̰ge gusɨge kalɨn̰ wo̰ dugo.

Kɔlɔs 2:4

Ɨŋ ye kɔl gɨ nee le hɨn̰ wo̰ na ɗe gɨ agɨŋ na ɗen̰ ungo wo̰ nare cɨndɨgɨŋ dan̰ kɔl ga mɔɔ cangɨn̰ danagɨŋ a gɨyəŋ gɨ ɗaŋ gɨŋ naŋ.

Kɔlɔs 2:8

Ɗagɨŋ muɗɔlɛ a cay gusɨgɨŋ gɨŋ ɗe ungo gɨybɨgɨŋ dan̰ hɨnga-sɔlɛ ga poy naŋ bɨ, dan̰ kɔl poy ga kalɨn̰ wo̰ dugo dan̰ gɨyəŋ gɨ da hada da kalaŋ ga ɨndəŋ naŋ bɨ. Hɨnga ga ni gɨle ga nee le sa na gusi Kɨris naŋ bɨ, ama sayga na gusi turnɔn̰əŋ ga ɨsɨndəŋ ga di cay gɨsəŋ.

1 Tesalonigɨ 3:5

Na ban ma ɨŋ waa kɨɗɨn̰ ga ni dɨbɨn̰ ɗugonɨ naŋ, lee gɨ ɨŋ gɨy Timote ɗe na je kɔl gɨ ojɨ cay aye kudurɔ kogɨŋ le. Ɨŋ hɨndar gɨ Ba-gɨybe kalaŋ na da gɨybɨgɨŋ ɗe gɨlaledɨni da ban̰ gusɨni.

1 Timote 1:3

Hɨn̰ gɨ ɨŋ ba yen̰ tumɔ pa dɨm ma, maŋ ba san̰ orɨn̰ a cay gɨsəŋ ga Masedɨwan ƴee le, ji sɨma a cay ƴaa di Epɛs dɨŋ, an̰ san̰ dan̰ kalaŋ ga pɨna ɗe ɗege ba, gɨlɨn̰ kalaŋ hɨnga ga dan̰ gɨyəŋdɨge naŋ bɨ,

1 Timote 2:14

Bɨ, na Adam ma kumbulo naray naŋ, ama na tama ma kumbulo naaroo, ma hangɨɗɨn̰ cay gasɨn̰-kɔl.

2 Timote 3:13

Ama kalaŋ ga ɨsɨndəŋ bɨ, ka-nare kɨɗɨn̰ bɨ, kɨya lɔɔge hɨnga ga ɨsɨni dan̰ cɨndɨge tumɔ tumɔ bɨ, kan kɨya nare kamdɨge bɨ, kɨya nare gusɨge koge gaŋ bɨ.

Titɨ 1:10

Na cɨndi, ka-mɨn̰e daa bɨ, ka-dɔrɛ kɔl gɨ toyi dan̰ cayi unɔ bɨ, ka-nare cɨn̰ kalaŋ bɨ, kondɨge. Ama kondɨwayge na, na a duroy Jubɨn̰əŋ ga ayge kuduroyge.

Əbɨro 13:9

Kɨŋ ɗɔɔ gɨ hɨnga ga ni gɨle ga hɨrɨwa ga caga ga toyge kan̰dɨge kan̰dɨge lɔɔgɨŋ gɨ kɨŋ gɨ kayaŋ naŋ. Kuɗa gɨ ɗe kuduroy ungo waa tɔgɨ na a te ɗarwa di da Kumu dɨŋ ƴɔbɨ. Ama na te dɔɔn̰əŋ gaŋ naŋ. Kalaŋ ga ka-kɔbɛ hɨnga ga ni gɨle ga nee le waage hɨnga pɨna toy nee naŋ.

2 Pɨyɛr 3:17

Kɨŋ karmɨnɨ ga ɨŋ lee-toygɨŋ, kɨŋ sol kɔl gɨ nee le tumɔ hagɨŋ ɨni. Na toy di hɨn̰ ma ɗagɨŋ muɗɔlɛ cay gusɨgɨŋ gɨŋ bɨ, ɗɔɔgɨŋ poy di da kalaŋ ga gɨye-lɔɔ ga ɨsɨni dɨlage hɨnga naŋ orɨn̰ danagɨŋ a te gɨyəŋ koge gɨŋ naŋ bɨ, mɔndɛgɨŋ osɨwa gɨ da aye kudurɔ kogɨŋ naŋ bɨ.

2 Pɨyɛr 3:3

Hɨnga ga ojɨ gɨ kɨŋ kɨya sɔlɛ cay wase ba kɛ: A kagadi wɔlɛ gɨŋ na, kalaŋ ka-lɔɔ hɨnga ga tabɨlaŋdɨge woy kuduroyge kɨya andaŋge. Kan kɨya asɨgɨŋge,

1 Ja̰ 2:18

Ay, karɨnɨ, na somgɨŋ na a wɔlɛ kagadi gɨŋ ɨni. Tumɔ, kɨŋ je gɨ ba-baa gɨ da Kɨris na kɨya caga. Ama haw kɛ na, ka-baa ga da Kɨris kondɨge ɨrgage bugoŋ ɨni. Dan̰ gɨyəŋ gɨ nee le na, na solgɨŋ gɨ na somgɨŋ na wɔlɛ kagadi gɨŋ ɨni.

1 Ja̰ 4:1

Ay, kɨŋ ga ɨŋ lee-toygɨŋ, bɔgɛgɨŋ kuduroygɨŋ a cay turnɔn̰əŋ nɔm naŋ, ama ojɨ gɨ kɨŋ gɨwasa turnɔn̰əŋ sɨlan̰ kɛ kan sayga na gusi Kumu ga? Kɨya wa ka-yɔɔ-kɔl-gɨ-Kumu-ba-yɔɔ ga cɨndi naŋ kondɨge andaŋge a cay gɨsəŋ gaŋ kɛ ɨni.

Magtubu di Jud wal 1:4

Kɨya wa kalaŋ ga pɨna andaŋge duroygɨŋ dan̰ wɔsɛ. Kalaŋ ga nee le, kɔl ƴom cayge ɨni kol gɨye-lɔɔdɨge. Tumɔ ka-yɔɔ-kɔl-gɨ-Kumu-ba-yɔɔ walge kɔl gɨ ojɨ cayge. Kan na ka-baa ga da Kumu. Kɔl gɨ ojɨ cay ɗarwa di da Kumu konagɨŋ le, kan bɨliige dɨbiige masa age na yoyɨn̰ gorɨn̰ daa. Kan kan̰ge kɔbɛ Jesu-Kɨris ba-cay nagɨŋ bɨ, Ba-gulondɨna bɨ, gɨ pɨna hayi kəɗ kəɗ le.

Wasɨn̰a 12:15

Kɨɗɨn̰di ga nee gaŋ le, kumbulo le budol kaŋ a kardi tama le, hɨn̰ kaŋ ga ni kuray wo̰, ɗe kaŋdi kuray le na ƴɔmɔɔ.

Wasɨn̰a 12:9

Kɨmana gɨ gumu gɨ teeyige dɨrago̰ le nongɨliige dibiige dugo. Ban na kumbulo gɨ som jɨne hayi gɨ teeyige Haban̰ bɨ Sidan bɨ, gɨ na ba nare kalaŋ nɔm ga a cay gɨsəŋ gaŋ bɨ. Nongɨliige dibiige a cay gɨsəŋ gaŋ dan̰ ka-ƴɔbɛ kayi nɔm.

Wasɨn̰a 20:2

Ban ƴom dan̰ kɨmana gɨ teeyige dɨrago̰ gɨ na kumbulo gɨ jɨne bɨ, na Haban̰ bɨ, na Sidan bɨ le, saɗii dugo dan̰ mɔrɨyɔŋ gɨ ni ɨlge dubu.