2 Korɛ̰t 11:18 - Gabri Maja

¹⁸ Na cɨndi kalaŋ kondɨ gɨlge gusɨge dan̰ gɨyəŋ gɨ da hɨnga ga da kalaŋ ga ɨndəŋ. Ɨŋ-bandi kalɨn̰ ma ɨŋ kɨya gɨle gusɨnɨ hɨn̰ kan wo̰ bɨ.

2 Korɛ̰t 11:18 ပူးပေါင်းရင်းမြစ်များ

1 Korɛ̰t 4:10

Ni na kalaŋ ka-dɨngale kol cay Kɨris, ama kɨŋ na ka-cɨn̰-muɗɔlɛ dan̰ gɨyəŋ gɨ da bugoŋ gɨ kɨŋ bugoŋ pɨna dan̰ Kɨris. Ni na kalaŋ ga usa naŋ, ama kɨŋ na kalaŋ ga dan̰ tɔgɨ. Kalaŋ hɨramgɨŋge, ama ni-gandi na hagɨrnige.

2 Korɛ̰t 1:17

Kɨɗɨn̰ ga ɨŋ ba gey ɔrɛ gusɨgɨŋ hɨn̰ wo̰ le, kɛ kɨŋ gɨ yɔ gɨ ɨŋ na ojɨ naa dɨle ɨrɨme ga? Kɛ kɨŋ gɨ yɔ gɨ ɨŋ na ojɨ naa dan̰ gɨyəŋ gɨ da ɨrɨme gɨ da ungo gɨ ɨndi ƴɔbɨ gɨ ye «Əw» bɨ «Naŋ» bɨ, kɨbɨ nee ga?

2 Korɛ̰t 11:12

Hɨnga ga ɨŋ ba lee ga nee le, ɨŋ kɨya wɔyɛ te lɔɔ cɨnɨ jɨn̰ tumɔ tumɔ. Hɨn̰ wo̰ na ɨŋ kɨya narɨn̰ kalaŋ ga pɨna ga somge malge gɨyəŋ gɨ ni gɨle gusɨge gɨ kan na ɓalɨn̰ danani le gɨyəŋ.

2 Korɛ̰t 12:1

Gɨle gusu ɗarwadi unɔ, ama naa wa wa kalɨn̰ ma ɨŋ kɨya gɨle gusɨnɨ. Ɨŋ kɨya yɔ kol hɨnga ga Ba-gulɔŋ wasɨn̰ cayge bəŋ bɨ, hɨnga ga buyoŋ cɨnɨ hɨn̰ dḛ wo̰ bɨ.

2 Korɛ̰t 12:11

Sɨlagɨŋ, ɨŋ yəgɨŋ kɔl hɨn̰ ungo gɨ ba dɨngale wo̰. Kɨŋ-gandi ba orɨn̰ danaŋ ɗe gɨ ɨŋ yen̰ kɔl gɨ nee le. Kalaŋ ga ojɨ gɨ ni kɨya lɔɔge tɨmon̰ di ɗari ojɨn̰ canɨ le na kɨŋ-gandi. Ko ɨŋ naa hɨnga naŋ kalɨn̰ ma, ka-gɨre-gɨye ga kɨŋ ye gɨ kan naa ga gɨmdəŋ le ɗəŋge dan̰ hɨnga pɨna naŋ.

2 Korɛ̰t 12:9

Ama Ba-gulɔŋ yəŋ hɨn̰: «Ɗarwa tɨnge ɓalɨn̰. Dɔnɔ tɨnge kɨya gɨle guso ɗəndəŋ gusi ungo gɨ ɨran̰ dan̰ dɔnɔ naŋ.» Na toy di hɨn̰ wo̰ ma ɨŋ kɨya gɨle gusɨnɨ dan̰ gusi-mɔwa gɨɗaŋ cay dɔnɔ di ɨŋ ɨran̰ naŋ, ɗe dɔnɔ di da Kɨris gɨl guso doŋ kol canɨ.

2 Korɛ̰t 5:16

Na toy di hɨn̰ wo̰ ma, ni sɨla ungo pɨna dan̰ gɨyəŋ gɨ da kalaŋ ga ɨndəŋ naŋ. Hɨn̰ gɨ jɨne ni na sɨla Kɨris dan̰ gɨyəŋ gɨ da kalaŋ ga ɨndəŋ kalɨn̰ ma, haw kɛ na ni sɨlayi na hɨn̰ wo̰ naŋ.

1 Pɨyɛr 1:24

Walge duroy magtubu Kɨbe Kɨra dɨŋ yege hɨn̰: «Ungo gɨ ɨndi le woy gɨlɨn̰ na hɨn̰ hɛɗɨmɛ wo̰ bɨ, Gusoŋ-tɔgɛ koyi nɔm woy gɨlɨn̰, Na hɨn̰ bɨn̰edi hɛɗɨmɛ ga coŋ wo̰ bɨ, Hɛɗɨmɛ hayi bɨ, bɨn̰edɨge gunguloŋ coŋ bɨ.