2 Korɛ̰t 10:7 - Gabri Maja

⁷ Kɨŋ ɗɔɔ ba hundɔrɔ sɔlɛ-hɨnga ga leen̰ cɨndi ga woy tumoygɨŋ. Hɨn̰ gɨ ungo na sɨla arɨn̰a gɨ ban naa ungo gɨ da Kɨris na, kuɗa gɨ ban ɨrɨm a cay hɨnga ga ba kɛ coŋ: Hɨn̰ gɨ ban naa ungo gɨ da Kɨris na, ni-gandi kalɨn̰ ma ni na ga da Kɨris bɨ.

2 Korɛ̰t 10:7 ပူးပေါင်းရင်းမြစ်များ

Matɨyo 23:5

Gɨye-lɔɔdɨge nɔm le, na gɨ ni gɨlɨn̰ gusɨge cɨn̰ kalaŋ ƴɔbɨ. Na hɨn̰ wo̰ ma, gɨ ojɨ cay kɔl gɨ da Kumu gɨ woy dan̰ cɨndi gɨ kan saɗɨdege jɨndɨge naŋ le kobɨge le, kan orɨn̰ge dan̰ ƴaadi hɨnga ga gumu ɗɨn̰ ga da kamdɨge. Badɨge kage ga kan tobɨ cay kamdɨge gaŋ kalɨn̰ ma kɨbɨge wol ɗɨn̰ ga da kamdɨge bɨ.

Kɔl-gɨ-Ɗari gɨ Lug wal 16:15

Jesu yege hɨn̰: «Kɨŋ-gandi le, kɨŋ lee gusɨgɨŋ leen̰ kalaŋ ga ka-ɔrɛ dan̰ durɔ ɗɨngar tumoy kalaŋ. Ama kɨŋ kɨya ɓale nare Kumu naŋ, ban sol dan̰ kuduroygɨŋ. Hɨnga ga kalaŋ sol leen̰ hɨnga ga kuɗa tɔgɨ le, Kumu sol leen̰ na hɨnga ga ni bɨrane a tɨdi.

Kɔl-gɨ-Ɗari gɨ Ja̰ wal 7:24

Ɗagɨŋ baa bɔyɛ kɔl kɨya cay cɨn̰ ungo, ama bɨyagɨŋ kɔl dan̰ gɨyəŋdi.»

1 Korɛ̰t 1:12

Kɔl gɨ ɨŋ ba gey yogɨŋ ba kɛ: Waŋ waŋ kalɨn̰ ma kɔl yɔdi or kan̰di kan̰di. Kan ga pɨna yege hɨn̰: «Ɨŋ-bandi ɨŋ na gɨ da Pol.» Ga ɗaŋ yege hɨn̰: «Ɨŋ-bandi ɨŋ na gɨ da Apolos.» Ga ɗaŋ coŋ yege hɨn̰: «Ɨŋ-bandi ɨŋ na gɨ da Kepas.» Bɨ ga ɗaŋ yege hɨn̰: «Ɨŋ-bandi ɨŋ na gɨ da Kɨris.»

1 Korɛ̰t 14:37

Hɨn̰ gɨ ungo na ya gɨ ban naa ba-yɔɔ-kɔl-gɨ-Kumu-ba-yɔɔ, naŋ le naa ungo gɨ da Turnɔ ɗe-kuduroy-bɛrɛ na, ɗa gɨ ban sɨla kɔl gɨ ɨŋ ba wal bɨgɨŋ kɛ le naa te tumɔ da Ba-gulɔŋ.

1 Korɛ̰t 15:23

Ama kan kɨya bɔyɛ lɨbe na kardi gusɨge: Tumɔ cay wase cɨg cɨg na Kɨris. Kardi nee a boy wɔlɛ gɨ ban kɨya jɨga na, kalaŋ ga da Kɨris nɔm kɨya bɔyɛge lɨbe.

1 Korɛ̰t 3:23

ama kɨŋ na ga da Kɨris bɨ, Kɨris na gɨ da Kumu bɨ.

1 Korɛ̰t 9:1

Kɛ ɨŋ na ungo gɨ ɨŋ sɨma dan̰ canɨ naŋ ga? Kɛ ɨŋ na ba-gɨre-gɨye naŋ ga? Kɛ Jesu gɨ na Ba-gulondɨna le ɨŋ sɨlayi dan̰ cɨnɨ naŋ ga? Gɨye hɨnge gɨ ɨŋ ba lee bɨn̰ dan̰ Ba-gulɔŋ le kɛ na kɨŋ-gandi naŋ ga?

2 Korɛ̰t 10:1

Ɨŋ-bandi Pol gɨ kalaŋ yege kol canɨ gɨ kɨɗɨn̰ ga ɨŋ na wɨya duroygɨŋ na ɨŋ na dobɨ canɨ dugo, ama kɔl hɨnge na osu kɨɗɨn̰ ga ɨŋ na wɨya hen̰ danagɨŋ. Ɨŋ olgɨŋ dan̰ guson̰ Kɨris gɨ ba lɔɔ ɗarwa bɨ, gɨ kaledi jal yɔd bɨ:

2 Korɛ̰t 11:18

Na cɨndi kalaŋ kondɨ gɨlge gusɨge dan̰ gɨyəŋ gɨ da hɨnga ga da kalaŋ ga ɨndəŋ. Ɨŋ-bandi kalɨn̰ ma ɨŋ kɨya gɨle gusɨnɨ hɨn̰ kan wo̰ bɨ.

2 Korɛ̰t 11:23

Kan na ka-lɔɔ gɨye gɨ da Kɨris ga? Naa ban gɨ nee le na ɨŋ kɨya yɔɔ kɔl hɨn̰ gɨ ɨŋ naa ba dɨngale wo̰. Ɨŋ ɗige kɨɗɨn̰ lɔɔ gɨye gɨ da Kɨris gɨŋ. Ɨŋ lee gɨye ɗige. Dɨbəŋge dangay dɨŋ tɨba kondɨ ɗige bɨ, təŋge ɗige bɨ, ɨŋ woy kɨbɨ tɨma dɨŋ tɨba kondɨ ɗige bɨ.

2 Korɛ̰t 11:4

Hɨn̰ gɨ ungo na ɨra gusɨgɨŋ bɨ, tɨgagɨŋ bɛrnɛ di da Jesu di ɗaŋ dan̰ di ni ba təgɨŋ bɛrnɛdo le, kɨŋ je noyi. Kɨŋ ƴom cay tɨbaygɨŋ kɨya jon̰ noy turnɔ di ɗaŋ dan̰ Turnɔ ɗe-kuduroy-bɛrɛ di tumɔ kɨŋ ba je nɔɔ le. Hɨn̰ gɨ ungo na tɨgagɨŋ bɛrnɛ di da Kɔl-gɨ-Ɗari gɨ ɗaŋ dan̰ di tumɔ na, kɨŋ je noyi bɨ kɨŋ kobɨ kardi haw wo̰ bɨ. Kɨŋ ƴom kuduroygɨŋ osu kɨya ungo gɨ hɨn̰ wo̰ bɨ.

2 Korɛ̰t 12:11

Sɨlagɨŋ, ɨŋ yəgɨŋ kɔl hɨn̰ ungo gɨ ba dɨngale wo̰. Kɨŋ-gandi ba orɨn̰ danaŋ ɗe gɨ ɨŋ yen̰ kɔl gɨ nee le. Kalaŋ ga ojɨ gɨ ni kɨya lɔɔge tɨmon̰ di ɗari ojɨn̰ canɨ le na kɨŋ-gandi. Ko ɨŋ naa hɨnga naŋ kalɨn̰ ma, ka-gɨre-gɨye ga kɨŋ ye gɨ kan naa ga gɨmdəŋ le ɗəŋge dan̰ hɨnga pɨna naŋ.

2 Korɛ̰t 13:3

Kɨŋ gey gɨ ɨŋ na gɨlgɨŋ hɨnga ga gɨl gɨ Kɨris na yəgɨŋ kɔl dan̰ kɨbɨnɨ ɨŋ-bandi. Kɨŋ kɨya sɔlɛ-hɨngadɨge haw kɛ: Kɨris gɨ a gusɨgɨŋ le dɔnɔdi dḛ naŋ bɨ, ban gɨl dɔnɔ toyi duroygɨŋ leen̰ cɨndi bɨ.

2 Korɛ̰t 5:12

Ni-gandi, ni gey na gɨle gusɨni ɗaŋ coŋ bɨgɨŋ naŋ. Ama ni-gandi ni gey bɨgɨŋ na gɨyəŋ ɗe agɨŋ na leen̰ tɨmon̰ ojɨn̰ cayni dan̰ caygɨŋ di ayaŋ daa. Hɨn̰ wo̰ na, kɨŋ kɨya ɓale dɨbe kɔl nee bɨn̰ ka-gɨle gusɨge dan̰ hɨnga ga woy cɨn̰ kalaŋ ƴɔbɨ, wala na dan̰ hɨnga ga woy a ɗugoy ungo gaŋ naŋ.

Galad 3:29

Ma hɨn̰ gɨ kɨŋ naa kalaŋ ga da Kɨris ɨni na, kɨŋ na kongɨn̰ii Abɨraham bɨ, kɨŋ na ka-wɔɔ hɨnga ga ni ban̰di-gulɔŋ ga Kumu ye gɨ ɗi na kɨya lɔɔ bɨn̰ Abɨraham le bɨ.

1 Ja̰ 4:6

Na-gandi na, nana ga da Kumu. Waŋ waŋ gɨ na sɨla Kumu na, kɨya jɔɔ kɔl kɨbɨnagɨŋ. Ama waŋ waŋ gɨ naa gɨ da Kumu naŋ na, kɨya jɔɔ kɔl kɨbɨnagɨŋ naŋ. Na dan̰ gɨyəŋ gɨ nee le ma mana kɨya solɨn̰gɨŋ turnɔ di da kɔl gɨ cɨndi bɨ, turnɔ di da kɔl gɨ ni poy bɨ.