2 Korɛ̰t 10:1 - Gabri Maja

¹ Ɨŋ-bandi Pol gɨ kalaŋ yege kol canɨ gɨ kɨɗɨn̰ ga ɨŋ na wɨya duroygɨŋ na ɨŋ na dobɨ canɨ dugo, ama kɔl hɨnge na osu kɨɗɨn̰ ga ɨŋ na wɨya hen̰ danagɨŋ. Ɨŋ olgɨŋ dan̰ guson̰ Kɨris gɨ ba lɔɔ ɗarwa bɨ, gɨ kaledi jal yɔd bɨ:

2 Korɛ̰t 10:1 ပူးပေါင်းရင်းမြစ်များ

Matɨyo 11:29

Ayagɨŋ jugɨ hɨnge dɨbgɨŋ kordɨgɨŋ bɨlɨn̰gɨŋ ka-aye-cay-tɨbanɨ. Kɨya wa ɨŋ na ungo gɨ kalenɨ jal bɨ, ɨŋ gɨl gusɨnɨ naŋ bɨ. Na nee ma magɨŋ kɨya wɔɔ dɔrɛ gɨlale le.

Matɨyo 21:5

«Yan̰gɨŋ tɨmbali di cay ƴaa-di-gumu di Sin̰o dɨŋ yagɨŋ hɨn̰: Sɨla! Kɨlma kɛɛ tɨlga guse nee. Ban na ungo gɨ kale ga jali ƴee gusi. Nay kardi kura̰ di tama dɨŋ, Kardi kurɨn̰ kura̰ gɨŋ.»

Gɨye-lɔɔ 8:32

Kɔl gɨ ban ɗoŋsɨ le ba kɛ: «Ban woy na hɨn̰ dɨmangɨ di kan orɨn̰ge danaa, Kɨɗɨn̰ dɨɗedo gaŋ wo̰. Hɨn̰ kurɨn̰-dɨmangɨ gɨ ɨre kɨbi munduŋ, Tumoy ba dɨle teɗii wo̰, Ban hanga kɨbi dḛ wo̰ naŋ.

Magtubu di Pol wal bɨn̰ kalaŋ ga Rɔm 10:20

Ba-yɔɔ-kɔl-gɨ-Kumu-ba-yɔɔ Ijay or bɨrɨŋ yoge kɔl gɨ Kumu ba yɔ, yon̰ hɨn̰: «Kalaŋ ga malaŋge naŋ le, na kalaŋ ga wayaŋge. Kalaŋ ga ɨngɨrəŋge hɨnga dḛ wo̰ naŋ bɨrɨŋ le, Na kalaŋ ga ɨŋ gɨl gusɨnɨ bɨge.»

Magtubu di Pol wal bɨn̰ kalaŋ ga Rɔm 12:1

Ay karmɨnɨ ga ban̰aŋ dan̰ ga kandɨ, ɨŋ dobɨ bandɨ kuduroygɨŋ na kol sɔlɛ cɨn̰-n̰age da Kumu di kɨŋ way, waŋ waŋ kalɨn̰ ma duroygɨŋ aya gusi bɨn̰ Kumu, hɨn̰ hɨnga ga ni bogɨn̰ kɨbar ga woy bɨra bɨ, ga woy dan̰ cɨndɨge bɨ, ga ƴee cɨn̰ Kumu bɨ. Gɨ nee le mana n̰ɨre Kumu gɨ dan̰ gɨyəŋdi.

Magtubu di Pol wal bɨn̰ kalaŋ ga Rɔm 15:15

Ama naa hɨn̰ wo̰ kalɨn̰ ma, a duroy magtubu tɨnge di ɨŋ ba wal gɨyɨn̰ bɨgɨŋ le, ɨŋ yəgɨŋ hɨnga ga pɨna hangɨn̰ kuduronɨ bɨgɨŋ, ama na ɗe gɨ aŋ na hɨnɨn̰ kuduroygɨŋ a cay hɨnga ga kɨŋ sol ɨni. Ɨŋ ye kol hɨnga ga nee le hɨn̰ wo̰ na dan̰ gɨyəŋ gɨ da ɗarwa di Kumu lee danaŋ.

1 Korɛ̰t 2:3

Lee gɨ kɨɗɨn̰ ga ɨŋ ba ɨre tumoygɨŋ le, togɨnɨ unɔ bɨ, ɨŋ hɨndar bɨ, ɨŋ saydɨde paɗɨ paɗɨ bɨ.

1 Korɛ̰t 4:10

Ni na kalaŋ ka-dɨngale kol cay Kɨris, ama kɨŋ na ka-cɨn̰-muɗɔlɛ dan̰ gɨyəŋ gɨ da bugoŋ gɨ kɨŋ bugoŋ pɨna dan̰ Kɨris. Ni na kalaŋ ga usa naŋ, ama kɨŋ na kalaŋ ga dan̰ tɔgɨ. Kalaŋ hɨramgɨŋge, ama ni-gandi na hagɨrnige.

1 Korɛ̰t 4:21

Hɨnga ga kɨŋ gey le na wa ga? Na gɨ ɨŋ na ɨra gusɨgɨŋ naa dan̰ suroy wala, naa dan̰ geye bɨ, naa dan̰ kale ga jali bɨ ga?

2 Korɛ̰t 10:10

Ho’o, hɨn̰ gɨ kalaŋ ga pɨna na hagɨraŋge yan̰ge kol canɨ hɨn̰: «Kɔl gɨ da Pol gɨ a duroy magtubu toy dɨŋ ye man̰ bɨ, osu bɨ. Ama kɨɗɨn̰ ga ban dan̰ gusi na ɨr duroyni na, ban ɨran̰ dan̰ dɔnɔ naŋ bɨ, kɔl koyi na kɔl gɨ maɗɨ wo̰ dugo bɨ.»

2 Korɛ̰t 10:2

Gɨ kɨŋ ɗɔɔ ba lɔɔ gɨ ɗe gɨ kɨɗɨn̰ ga ɨŋ na bugoŋ gusɨgɨŋ na, kɨŋ orɨn̰ danaŋ bɨrɨŋ gɨ ɨŋ gɨ yogɨŋ kɔl ga osɨdəŋ naŋ. Ɨŋ gey yogɨŋ kɔl na hɨn̰ kɔl gɨ ɨŋ ba kɨya yon̰ kalaŋ ga pɨna ga yege kol cayni gɨ ni na kobɨ naa hal gɨ da kalaŋ ga ɨndəŋ naŋ.

2 Korɛ̰t 10:7

Kɨŋ ɗɔɔ ba hundɔrɔ sɔlɛ-hɨnga ga leen̰ cɨndi ga woy tumoygɨŋ. Hɨn̰ gɨ ungo na sɨla arɨn̰a gɨ ban naa ungo gɨ da Kɨris na, kuɗa gɨ ban ɨrɨm a cay hɨnga ga ba kɛ coŋ: Hɨn̰ gɨ ban naa ungo gɨ da Kɨris na, ni-gandi kalɨn̰ ma ni na ga da Kɨris bɨ.

2 Korɛ̰t 11:21

Hɨnga ga nee le nɔm na hɨnga ga ka-gɨre-gɨye ga cɨndi naŋ leege danagɨŋ. Ama ni-gandi na, ni waa togɨyni di ni loon̰ hɨnga ga nee le naŋ. Kɛ hɨnga ga nee le na dasi toni ni-gandi ga? A kɛ na, ɨŋ ye kɔl na hɨn̰ ungo gɨ ba-dɨngale wo̰: Hɨnga ga kalaŋ ga pɨna solge hɨn̰ hɨnga ga ni gɨlɨn̰ gusɨge le, ɨŋ-bandi kalɨn̰ ma ɨŋ gɨlɨn̰ gusɨnɨ bɨ.

2 Korɛ̰t 11:30

Hɨn̰ gɨ na uja gɨ ni gɨle gusɨnɨ na, ɨŋ kɨya gɨle gusɨnɨ na dan̰ hɨnga ga gɨl gɨ ɨŋ na ɨran̰ dan̰ tɔgɨ naŋ.

2 Korɛ̰t 12:5

Ɨŋ kɨya gɨle gusɨnɨ ojɨn̰ cay ungo gɨ nee le, ama gɨ ojɨn̰ canɨ na, ɨŋ kɨya gɨle gusɨnɨ ojɨn̰ na cay tɔgɨ di ɨŋ ɨran̰ naŋ ƴɔbɨ.

2 Korɛ̰t 3:12

Na toy di hɨn̰ wo̰ ma hɨnga ga ni ba bee ɨrɨme dɨ ni cay nee le, ni ɓal ƴɔɔ kɔldɨge dan̰ cɨn̰ bandɨ.

2 Korɛ̰t 5:20

Na Kɨris ba gɨyni gusɨgɨŋ kɨya yon̰ kɔl danagɨŋ dan̰ gusondi. Hɨn̰ gɨ naa Kumu gusi na ba ƴɔlɛ kɨbɨni dobɨn̰ bandɨ kuduroygɨŋ wo̰. Ni lee n̰age toygɨŋ dan̰ guson̰ Kɨris kɨya cay hɨnga ga kɛ le: Kɔgɨɗɔ, kɨŋ ɗɔɔ ba kan̰e bugoŋ pɨna dan̰ Kumu naŋ.

2 Korɛ̰t 6:1

Naa hɨn̰ wo̰ na ni-gandi ga ni na ka-lɔɔ gɨye pɨna dan̰ Kumu le, ni lee n̰age toygɨŋ, kɨŋ ɗɔɔ ɗarwa di kɨŋ ba way gusi Kumu le bɨle hɨnga ga kalɨn̰ wo̰ dugo naŋ.

2 Korɛ̰t 7:4

Ɨŋ ye kɔldɨgɨŋ daa daa dan̰ gusi-mɔwa. Gusɨnɨ mɔŋ kol caygɨŋ gɨɗaŋ. Kɨŋ dobɨ bandɨ kuduronɨ dan̰ bandɨ di ɗɨn̰ cɨn̰-kɨɗɨn̰. Ɨŋ orɨn̰ dan̰ gusi-mɔwa a duroy hɨnga ga ni dɔsɛ-ɗugɔ kani nɔm ga ni ba way le.

Galad 4:13

Kɨŋ sol kuɗa, na kɨya cay hɔmɨn̰ɛ gɨ ba ləŋ, ma maŋ wan̰ gɨyəŋ teen̰ bɛrnɛ Kɔl-gɨ-Ɗari cay wase bɨgɨŋ.

Galad 5:2

Jagɨŋ, ɨŋ-bandi Pol ɨŋ yəgɨŋ daa waŋ, hɨn̰ gɨ kɨŋ na ɗage gɨ kan na walagɨŋge ban̰a na, hɨnga ga Kɨris ba lee le, kɨya bɨle hɨnga bɨgɨŋ naŋ bɨrɨŋ ɨni.

Epɛs 3:1

Kɨya cay hɨnga ga Kumu lee le, ɨŋ ol Kumu. Ɨŋ-bandi Pol, ɨŋ woy dangay dɨŋ na kɨya cay gɨye hɨnge kol Jesu-Kɨris bɨ, kol caygɨŋ kɨŋ ga na kalaŋ ga toygɨŋ na Jubɨ naŋ bɨ.

Epɛs 4:1

Kɨya cay kɔl gɨ cɨndi gɨ nee le nɔm, ɨŋ-bandi Pol gɨ na ba-dangay kɨya cay bugoŋ gɨ ɨŋ bugoŋ pɨna dan̰ Ba-gulɔŋ le, ɨŋ lee n̰age toygɨŋ ɗe gɨye-lɔɔdɨgɨŋ bugoŋ pɨna dan̰ tɔgɛ gɨ Kumu teegɨŋ le.

Pilib 4:5

Kuɗa gɨ kalaŋ nɔm sɨlage kaledɨgɨŋ ga jali. Ba-gulɔŋ baa mɨnde.

Kɔlɔs 1:23

Ama kuɗa gɨ kɨŋ ɨr a cay tɨbaygɨŋ dɨŋ bɨ, tɨbagɨŋ sarnaygɨŋ gag gag dugo bɨ, ɨrɨn̰gɨŋ usa cay nee a te aye kudurɔ gɨŋ. Dɨle gɨ hɨnga wo̰ gɨ dorgɨŋ orɨn̰ danagɨŋ hen̰ dan̰ hɨnga ga kɨŋ bee ɨrɨmedɨgɨŋ cay nee gɨ Kɔl-gɨ-Ɗari ba bɨgɨŋ le. Kɔl-gɨ-Ɗari gɨ nee le, teege bɛrnɛdi bɨn̰ kalaŋ nɔm ga a cay gɨsəŋ gaŋ. Na ban ma ɨŋ-bandi Pol bɨle ba lɔɔ gɨyedi.

2 Tesalonigɨ 3:17

Na ɨŋ-bandi Pol ba wale kol lapɨya di kɛ le, dan̰ kɔbɔŋ hɨnge. Magtubu kange ga ani ani le, ɨŋ ɗe kɔbɔŋ toy nee na hɨn̰ wo̰ le kɔ. Na wale hɨnga kange.

Pilemo 1:19

Na ɨŋ-bandi Pol ba wale kɨbɨ kɔl gɨ kɛ le dan̰ kɔbɔŋ hɨnge gɨ ɨŋ na gɨ bɔyɛ tugɨla ton̰ le. Ji-bandi kalɨn̰ ma hale gɨybəŋ gɨ ɨŋ na orɨn̰ dan̰ tugɨla a can̰ naŋ. Ɨŋ ye kɔl gɨ kɛ le, na kɨya gɨ ji je kol sɔmɛ-bɨra gɨ dan̰ tumon̰ na a kɨbɨnɨ.

Pilemo 1:9

Ama na-gandi na gey gusɨna, na toy di hɨn̰ wo̰ ma ɔlɛ hɨnge gɨ ɨŋ gey ɗɔɔ tumon̰ le, ɨŋ gey gɨ ji na laa naa dan̰ guson̰ wandɨ. Əw ɨŋ-bandi Pol gɨ esi bɨ, gɨ ɨŋ woy dangay dɨŋ kol cay Jesu-Kɨris ban̰ nee haw kɛ bɨ le,

1 Pɨyɛr 2:11

Ay kɨŋ karmɨnɨ ga ɨŋ lee-toygɨŋ, kɨŋ ga kɨŋ som cay gɨsəŋ gaŋ hɨn̰ ka-dɔrɔŋ wo̰ bɨ, kɨrge wo̰ bɨ le, jagɨŋ kɔl hɨnge. Tabɨlaŋdi hɨnga ga ɨsɨni ga dɨbɨ kɨmbɨl danagɨŋ tɔgɨ le jɨbɨgegɨŋ sɛdɨ coŋ bɨ.

Wasɨn̰a 1:9

Ɨŋ-bandi Ja̰ kurɨndɨgɨŋ, ɨŋ bugoŋ danagɨŋ pɨna boy hɨnga ga ni gɨwase gaŋ bɨ, boy dɔɔ-ƴaa di da Kumu dɨŋ bɨ, boy haye-kudurɔ kardi Jesu hɨn̰ kɨŋ-gandi wo̰ bɨ. Ƴɔmɔŋge na kɨya bɛrnɛ di kɔl gɨ da Kumu gɨ ɨŋ tee bɨn̰ kalaŋ bɨ, kɨya cay tɨmon̰ di ɨŋ lee kɨya cay Jesu bɨ. Haw kɛ na dɨbəŋge dangay cay hɔgɨwa gɨ teeyige Patmos gɨ woy a duroy kaŋ gaŋ.