2 Korɛ̰t 1:23 - Gabri Maja

²³ Gɨ ojɨn̰ canɨ ɨŋ-bandi le ɨŋ ay na Kumu leen̰ tɨmon̰ hɨnge, kɔl gɨ ɨŋ ba yəgɨŋ kɛ le na cɨndi: Hɨn̰ gɨ ɨŋ na jɨga ɨra Korɛ̰t naŋ na, ɨŋ gey na ɔrɛ yogɨŋ kɔl gɨ kɨya mɔndɛ kuduroygɨŋ naŋ.

2 Korɛ̰t 1:23 ပူးပေါင်းရင်းမြစ်များ

Gɨye-lɔɔ 18:1

Kardi nee ɨni na, Pol say a cay ƴaa-di-gumu di Atɛn dɨŋ, orɨn̰ a cay ƴaa-di-gumu di Korɛ̰t.

Gɨye-lɔɔ 18:8

Ba-sɔmɛ a cay ƴaa-daye-di-da-Jubɨn̰əŋ gɨ gusondi na Kɨrispus le, ay kuduroy bɨn̰ Ba-gulɔŋ dan̰ ka-ƴaadi nɔm. Kondɨwadi kalaŋ ga Korɛ̰t ga ba jege kɔl gɨ da Pol le, ayge kuduroyge bɨ, leegege batɛm bɨ.

Magtubu di Pol wal bɨn̰ kalaŋ ga Rɔm 1:9

Kumu gɨ ɨŋ lee gɨye bii dan̰ kuyoŋdi-gusɨnɨ nɔm a te tɔgɛ bɛrnɛ di da Kɔl-gɨ-Ɗari gɨ ojɨ cay Kurondi le, ɓal lɔɔ tɨmon̰ hɨnge gɨ ɨŋ na woy te ɨrɨme kol caygɨŋ daa daa bɨ, ɨŋ ol Kumu kol caygɨŋ

Magtubu di Pol wal bɨn̰ kalaŋ ga Rɔm 9:1

Na kɔl gɨ cɨndi ma maŋ yəgɨŋ kɛ le. Ɨŋ na ungo gɨ ɨŋ bugoŋ pɨna dan̰ Kɨris bɨ, ɨŋ ya poy naŋ bɨ. Turnɔ ɗe-kuduroy-bɛrɛ kalɨn̰ ma lee tɨmon̰ a kuduronɨ gɨ naa cɨndi.

1 Korɛ̰t 4:21

Hɨnga ga kɨŋ gey le na wa ga? Na gɨ ɨŋ na ɨra gusɨgɨŋ naa dan̰ suroy wala, naa dan̰ geye bɨ, naa dan̰ kale ga jali bɨ ga?

1 Korɛ̰t 5:5

Tɨwado di nee dɨŋ le, dɨragɨŋ ungo gɨ nee le duroygɨŋ coŋ, dibiigɨŋ bɨn̰ Sidan. Ɗe gɨye-lɔɔ kuyoŋdi-gusi mundoŋ ama turnoyi way pɔɗɛ a boy wɔlɛ gɨ Ba-gulɔŋ kɨya jɨga.

2 Korɛ̰t 1:1

Na ɨŋ-bandi Pol ba-gɨre-gɨye gɨ da Jesu-Kɨris dan̰ gɨyəŋ gɨ da kuduroy geye gɨ da Kumu bɨ, kurɨndɨgɨŋ Timote bɨ, ba gɨyɨn̰ge dan̰ magtubu di kɛ le. Ni gɨyɨn̰ bɨn̰ na Ka-Daye ga da Kumu ga a cay ƴaa-di-gumu di Korɛ̰t bɨ, kan ga woyge dan̰ cɨndɨge ga somge a cay gɨsəŋ ga Agay gaŋ nɔm bɨ.

2 Korɛ̰t 1:18

Kumu na tɨmon̰ hɨnge, kɔl gɨ ɨŋ ba yəgɨŋ le, na «Əw» bɨ «naŋ» bɨ, kɨbɨge koge gɨŋ naŋ.

2 Korɛ̰t 10:2

Gɨ kɨŋ ɗɔɔ ba lɔɔ gɨ ɗe gɨ kɨɗɨn̰ ga ɨŋ na bugoŋ gusɨgɨŋ na, kɨŋ orɨn̰ danaŋ bɨrɨŋ gɨ ɨŋ gɨ yogɨŋ kɔl ga osɨdəŋ naŋ. Ɨŋ gey yogɨŋ kɔl na hɨn̰ kɔl gɨ ɨŋ ba kɨya yon̰ kalaŋ ga pɨna ga yege kol cayni gɨ ni na kobɨ naa hal gɨ da kalaŋ ga ɨndəŋ naŋ.

2 Korɛ̰t 11:10

Dan̰ gɨyəŋ gɨ da kɔl gɨ cɨndi gɨ da Kɨris gɨ woy a canɨ le, aŋ yəgɨŋ daa waŋ: Hɨnga ga ojɨ cay gusi-mɔwa tɨnge di nee le, ungo pɨna wo̰ kɨya ɓale ƴɔɔ kɔbɔŋ a cay gɨsəŋ ga Agay gaŋ naŋ.

2 Korɛ̰t 11:11

Na kɨya wa ma maŋ ye kɔl hɨn̰ wo̰ ga? Na kol geye gɨ ɨŋ geygɨŋ naŋ ga? Kumu sol kuɗa gɨ ɨŋ geygɨŋ tɔgɨ!

2 Korɛ̰t 11:31

Ba-gulɔŋ Jesu Bayi, Kumu, ban gɨ ojɨ gɨ kalaŋ nɔm na hɨramayige dan̰ tumoyge le, sol gɨ kɔl hɨnge naa poy naŋ.

2 Korɛ̰t 12:20

Haw kɛ na ɨŋ hɨndar gɨ kɨɗɨn̰ ga ɨŋ na bugoŋ gusɨgɨŋ na, kɨŋ da wɔyɛ hɨn̰ gɨ ɨŋ gey wo̰ naŋ bɨ, ɨŋ-bandi kalɨn̰ ma ɨŋ da wɔyɛ hɨn̰ gɨ kɨŋ gey wo̰ naŋ bɨ. Gajanaŋ ɨŋ da wɔɔ duroygɨŋ bɔjɨn̰ɛ bɨ, cɨn̰-pɨɗɨma bɨ, kuduroy-hɔmɛ bɨ, jangɨ bɨ, yɔdɔ kɔl gɨ ɨsɨni kardi ungo bɨ, yɨle kɨɗɨn̰ bɨ, dɔgɛ-jɔrgɔ bɨ, lɔɔdɔ hɨnga ga dan̰ gɨyəŋdɨge naŋ bɨ.

2 Korɛ̰t 13:10

Na toy di hɨn̰ wo̰ ma, ɨŋ wal kɔl gɨ kɛ le nɔm gɨyɨn̰ bɨgɨŋ kɨɗɨn̰ ga ɨŋ baa hen̰ danagɨŋ. Na ɗe gɨ kɨɗɨn̰ ga ɨŋ na bugoŋ duroygɨŋ na, ɨŋ na gɨ wɔɔ hɨnga ga ni san̰ danagɨŋ naŋ ko ɨŋ na ɨran̰ dan̰ dɔnɔ di da Ba-gulɔŋ di bəŋ. Ba-gulɔŋ bəŋ dɔnɔ na gɨ ni jɨbɨn̰ toygɨŋ agɨŋ na orɨn̰ jɨn̰ tumɔ wala na gɨ ni mondɨgɨŋ naŋ.

2 Korɛ̰t 13:2

Na kɔl gɨ ɨŋ yəgɨŋ tumɔ ɨni, kɨɗɨn̰ ga ɨŋ ba orɨn̰ tagɨŋ gɨ ni tɨba sɔɔdi le. Ama labɨde gɨ ɨŋ ba unɔ duroygɨŋ le, ɨŋ jɨga yen̰ kan ga leege ɨsɨna tumɔ bɨ woyge te lɔɔ mɨjagɨ bɨ, yen̰ te kalaŋ nɔm bɨ ɗe na solge pa dɨm, hɨn̰ gɨ ɨŋ na jɨga ɨra gusɨgɨŋ na ɨŋ kɨya hale ungo dan̰ te tumɔ di jali naŋ.

2 Korɛ̰t 6:6

Ni gɨl gɨ ni na marɨne ka-lɔɔ gɨye gɨ da Kumu dan̰ gɨyəŋ gɨ da haldɨni gɨ duroŋ mɨra bɨ, sɔlɛ-hɨnga kani bɨ, dɨbe-ɗugɔ toni bɨ, ɗarwa toni bɨ. Na dan̰ gɨyəŋ gɨ da Turnɔ ɗe-kuduroy-bɛrɛ bɨ, geye koni gɨ leen̰ cɨndi bɨ,

Galad 1:20

Ɨŋ yəgɨŋ na a tumoy Kumu, kɔl nɔm gɨ ɨŋ ba wal kɛ le, na kɔl gɨ ni poy naŋ.

Pilib 1:8

Kumu na tɨmon̰ hɨnge: Ɨŋ geygɨŋ na hɨn̰ gɨ Jesu-Kɨris ba geynagɨŋ wo̰ bɨ.

1 Tesalonigɨ 2:5

Hɨn̰ gɨ kɨŋ ba sol le, ni ya na kɔl gɨ ɗe na or te teɗiigɨŋ naŋ bɨrɨŋ bɨ, kɔl yɔ dɨni gɨl gɨ ni na mala naa kandi-wɔɔ kol cayni naŋ bɨrɨŋ bɨ, Kumu na tɨmon̰ koni.

1 Timote 1:20

Himene bɨ, Alegjandɨr bɨ, woyge duroy kalaŋ ga nee le. Ɨŋ ɗege kobi Sidan. Na hɨn̰ wo̰ ma, wɔlɛ gɨ ɗaŋ kan gɨ jɔgɛ yagɨde Kumu naŋ ɨni.