2 Korɛ̰t 1:19 - Gabri Maja

¹⁹ Kɨya wa Jesu-Kɨris Kurɨn̰-Kumu, ban gɨ ɨŋ-bandi bɨ, Sɨlas bɨ, Timote bɨ, ni ba tee bɛrnɛ di da kɔl koyi bɨgɨŋ le, ban ɨrga na kɨya wɔyɛ na «Əw» bɨ «Naŋ» bɨ, kɨbɨge koge gɨŋ naŋ. Ban na «Əw» di da Kumu dan̰ wɔlɛ pɨna pɨna.

2 Korɛ̰t 1:19 ပူးပေါင်းရင်းမြစ်များ

Matɨyo 17:5

Kɨɗɨn̰ ga Pɨyɛr ɨre ye kɔl ba kɨbi ƴee bɨ ga ma, gɨrɨmbale ga orɨn̰ dan̰ asɨn̰a ɨrga umboŋ cayge. Bɨ ga ma, noy ungo ye kɔl duroy gɨrɨmbale gaŋ le pəŋ pəŋ bɨ ye hɨn̰: «Ban gɨ kɛ le na Kuronɨ gɨ ɨŋ lee-toyi tɔgɨ, gusɨnɨ mɔŋ cayi, jagɨŋ kɔl koyi.»

Matɨyo 24:35

Gɨɗɨgɨ-Kumu dan̰ cay gɨsəŋ kɨya pɨdege, ama kɔl hɨnge na, kɨya pɨde naŋ bɨrɨŋ.

Matɨyo 27:40

Yen̰ge hɨn̰: «Ji gɨ ba male dɔsɛ ƴaa-di-da-Kumu coŋ bɨ jɔgɛ gaɗe daa duroy wɔlɛ sɨbɨ le, pɨɗa gusɨn̰ kon̰. Hɨn̰ gɨ ji naa Kurɨn̰-Kumu na, gɨsɨn a cay sɨya-gɨ-dagɨli gɨŋ dugo.»

Matɨyo 27:54

Gumu gɨ da asɨgar gɨ da kalaŋ ga Rɔm bɨ, asɨgarn̰əŋ ga gamge kɨbɨ Jesu danayi bɨ le, solge cay gɨsəŋ ga sayde den̰ den̰ bɨ, hɨnga ga lee gusɨge bɨ na, hundɔrɔ leege gɨɗaŋ bɨ yege hɨn̰: «Ban gɨ kɛ le, na Kurɨn̰-Kumu leen̰ cɨndi.»

Matɨyo 3:17

Bɨ ga ma, noy ungo ye a gɨɗɨgɨ-Kumu gɨŋ hɨn̰: «Ban gɨ kɛ le na Kuronɨ, ɨŋ lee-toyi tɔgɨ, gusɨnɨ mɔŋ cayi na ase naŋ.»

Matɨyo 4:3

Ɨni na, Haban̰, Ba-gɨybe kɨɗɨn̰ ɨrga gusi bɨ yeyi hɨn̰: «Ji naa Kurɨn̰-Kumu leen̰ cɨndi na, aya noy bɨn̰ karɨn̰ orun̰əŋ ga kɛ le, ɗe bɨle mapan̰əŋ bɨn̰ an̰ dii.»

Marg 1:1

Kɔl-gɨ-Ɗari gɨ da Jesu-Kɨris Kurɨn̰-Kumu ay toy na kɛ.

Kɔl-gɨ-Ɗari gɨ Lug wal 1:35

Ba-ƴɔbɛ gɨ daa nii le, jɨga dɨboo cay nee yo hɨn̰: «Turnɔ ɗe-kuduroy-bɛrɛ kɨya gɨsɨne cɛɛ bɨ, dɔnɔ di da Kumu di ɗɨn̰ cay hɨnga nɔm kɨya umboŋ cɛɛ hɨn̰ turnɔ wo̰ bɨ. Na toy di wo̰ ma, kɨye gɨ woy dan̰ cɨndi gɨ me kɨya wooyi le, kan kɨya togii Kurɨn̰-Kumu.

Kɔl-gɨ-Ɗari gɨ Ja̰ wal 1:34

Ɨŋ-bandi ɨŋ sol dan̰ cɨnɨ bɨ, ɨŋ lee tɨmon̰ kol cayi bɨ, gɨ ban na Kurɨn̰-Kumu.»

Kɔl-gɨ-Ɗari gɨ Ja̰ wal 1:49

Ɨni na, Natanɨyɛl jɨga yey hɨn̰: «Ba-gɨlɨn̰ kalaŋ hɨnga, ji na Kurɨn̰-Kumu, ji na Kɨlma gɨ da karɨn̰ Ɨsɨrayɛl.»

Kɔl-gɨ-Ɗari gɨ Ja̰ wal 19:7

Jubɨn̰əŋ jɨga dɨbiige cay nee yeyige hɨn̰: «Ni-gandi ni orɨn̰ dan̰ gasɨn̰-kɔl koni nee bɨ, dan̰ gɨyəŋ gɨ da gasɨn̰-kɔl gɨ nee le ojɨ gɨ ban kɨya mare, kɨya wa ban lee gusi leen̰ Kurɨn̰-Kumu.»

Kɔl-gɨ-Ɗari gɨ Ja̰ wal 20:28

Tomas dɨbi cay nee yeyi hɨn̰: «Ba-gulonɨ bɨ, Kumu hɨnge bɨ.»

Kɔl-gɨ-Ɗari gɨ Ja̰ wal 20:31

Ama hɨnga ga ni belin̰əŋ ga ɨŋ ba ye koldɨge duroy magtubu di kɛ dɨŋ le, ɨŋ ye na gɨ ɗe agɨŋ na been̰ kuduroygɨŋ cay Jesu, gɨ ban naa Kɨris Kurɨn̰-Kumu. Bɨ hɨn̰ gɨ kɨŋ na bɨga kuduroygɨŋ cayi na, kɨŋ kɨya wɔɔ sɔmɛ-bɨra kol cayi bɨ.

Kɔl-gɨ-Ɗari gɨ Ja̰ wal 3:16

Na cɨndi, Kumu gey kalaŋ ga cay gɨsəŋ gaŋ tɔgɨ, lee gɨ ban ay kurondi gɨ pɨna hayi kəɗ kəɗ bee, ɗe waŋ waŋ gɨ na bɨga kuduroyi cayi na, na mundoŋ naŋ, ama na wayan̰ sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 6:69

Ni-gandi na, ni bee kuduroyni can̰, ni solɨn̰, ji woy dan̰ cɨndɨn̰, Kumu gɨygɨn̰.»

Kɔl-gɨ-Ɗari gɨ Ja̰ wal 8:58

Jesu jɨga dɨbɨge cay nee yege hɨn̰: «Jagɨŋ! Aŋ yəgɨŋ daa waŋ na cɨndi, tumɔ pa dɨm ma woon̰ge Abɨraham ƴee na, “Ɨŋ woy nee” ɨni.»

Gɨye-lɔɔ 15:22

Kɨɗɨn̰di ga nee gaŋ le, ka-gɨre-gɨye bɨ, kan ga muɗoldoŋ bɨ, Ka-Daye nɔm bɨ, ojɨge tɔrɛ kalaŋ ga pɨna duroyge kɨya gɨyge a Antɨyɔs, pɨna dan̰ Pol bɨ Barnabas bɨ. Kan dorge Jud gɨ teeyige Barsabas le bɨ, Sɨlas bɨ. Kan na kalaŋ ga duroy ka-dɔrɛ tumoy ka-aye kudurɔ ga somge a cay ƴaa-di-gumu di Jerusalɛm dɨŋ.

Gɨye-lɔɔ 16:1

Pol or bugoŋ a Dɛrbɨ bɨ, Listɨr bɨ. Ba-aye-cay-tɨbay Jesu gɨ pɨna wo̰ som a cay ƴaa di Listɨr dɨŋ, gusondi na Timote. Ban na kurɨn̰ tama Jubɨ di pɨna wo̰. Ƴoyi na ɗe-aye kudurɔ bɨ, bay na Gɨrɛg bɨ.

Gɨye-lɔɔ 18:5

Ama kɨɗɨn̰ ga Sɨlas dan̰ Timote saygage Masedɨwan bugoŋge ɨni na, Pol laa hɨnga ga ɗaŋ naŋ ɨni bɨ, ban ɗe gusi na kɨbɨ gɨye tɔgɛ bɛrnɛ gɨŋ ƴɔbɨ. Ban gɨlɨn̰ kalaŋ ga ni Jubɨn̰əŋ gɨ Jesu naa Kɨris ban gɨ Kumu dorii le leen̰ cɨndi.

Gɨye-lɔɔ 8:36

Kɨɗɨn̰ ga kan ayge gɨyəŋ orge na, kan bugoŋge a kɨɗɨn̰ ga kaŋ woy nee gaŋ ɨni na, ungo gɨ kan dorge toyi le yey hɨn̰: «Sɨla kaŋ ba kɛ, na wa ba kɨya nare ɗe gɨ ji gɨ looŋ batɛm ga?»

Gɨye-lɔɔ 9:20

Sol gama naŋ bɨ, ban ay te tɔgɛ bɛrnɛ a duroy ƴaa-daye-di-da-Jubɨn̰əŋ gaŋ yen̰ kalaŋ gɨ Jesu naa Kurɨn̰-Kumu.

2 Korɛ̰t 1:1

Na ɨŋ-bandi Pol ba-gɨre-gɨye gɨ da Jesu-Kɨris dan̰ gɨyəŋ gɨ da kuduroy geye gɨ da Kumu bɨ, kurɨndɨgɨŋ Timote bɨ, ba gɨyɨn̰ge dan̰ magtubu di kɛ le. Ni gɨyɨn̰ bɨn̰ na Ka-Daye ga da Kumu ga a cay ƴaa-di-gumu di Korɛ̰t bɨ, kan ga woyge dan̰ cɨndɨge ga somge a cay gɨsəŋ ga Agay gaŋ nɔm bɨ.

1 Tesalonigɨ 1:1

Na ɨŋ-bandi Pol bɨ, Silbɛ̰ bɨ Timote bɨ, ba gɨyɨn̰ dan̰ magtubu di kɛ le bɨn̰ Ka-Daye ga da Kumu ga a cay ƴaa-di-gumu di Tesalonigɨ, ga bugoŋge pɨna dan̰ Bayna Kumu bɨ, dan̰ Ba-gulɔŋ Jesu-Kɨris bɨ. Kuɗa gɨ Kumu laa ɗarwa danagɨŋ bɨ, bɨgɨŋ gusi-dɔbɛ bɨ.

2 Tesalonigɨ 1:1

Pol dan̰ Silbɛ̰ bɨ, Timote bɨ ba gɨyɨn̰ge dan̰ magtubu bɨn̰ge Ka-Daye ga Tesalonigɨ ga bugoŋge pɨna dan̰ Bayna Kumu bɨ, Ba-gulondɨna Jesu-Kɨris bɨ.

1 Timote 3:16

Na cɨndi, gɨye-lɔɔ gɨ bugoŋ pɨna dan̰ Kumu gɨ woy kɨɗɨn̰ wɔsɛdi gɨŋ le, gumu tɔgɨ. Kɨris bɨləŋ ungo, gɨl gusi ɗe kalaŋ soliige, Turnɔ di da Kumu haŋgɨ cɨn̰ kalaŋ cay nee, Gɨ ban naa ungo gɨ dan̰ durɔ bɨ, Ka-ƴɔbɛ ga daa nii soliige bɨ, Kalaŋ teege bɛrnɛdi duroy te wɔɔ gɨ da kalaŋ bɨ, Kalaŋ beege kuduroyge cayi a cay gɨsəŋ gaŋ kɛ bɨ, Kumu ayi orɨn̰ danayi daa nii duroy gusoŋ-tɔgɛ gɨŋ bɨ.

Əbɨro 1:11

Hɨnga ga nee le nɔm kɨya kaɗɨn̰e coŋ, Ama ji-bandi na, ji som na yɔd. Leen̰ cɨndi, cay gɨsəŋ bɨ gɨɗɨgɨ-Kumu bɨ, Kɨya lɔɔ ga ɨlgi hɨn̰ badɨge wo̰.

Əbɨro 13:8

Jesu-Kɨris woy ban̰di dɨŋ nagɨni bɨ, labɨde bɨ, ban kɨya sɔmɛ ban̰di dan̰ tumoyi bɨ.

1 Pɨyɛr 5:12

Ɨŋ wal magtubu di ɗɨgɨsɛg di kɛ le na dan̰ gɨyəŋ gɨ da kurɨndɨnagɨŋ Silbɛ̰, ɨŋ lee tɨmon̰ kol cayi gɨ ban na kurdɨna gɨ ɨre cay tɨbayi dɨŋ. Ɨŋ mal na gɨ ni dɔbɛ bandɨ kuduroygɨŋ bɨ, gɨ ni lɔɔ tɨmon̰ kol caygɨŋ gɨ kɨŋ na orɨn̰ dan̰ ɗarwa di da Kumu di cɨndi bɨ. Ɨrgɨŋ cay nee usa.

2 Pɨyɛr 1:17

Ni ɨre nee kɨɗɨn̰ ga Bay Kumu bii hurɔmɔ bɨ gusoŋ-tɔgɛ bɨ. Te tumɔ di sayga duroy jɨran̰e dɨŋ di ɗɨn̰ hɨnga nɔm le ye hɨn̰: «Ban gɨ kɛ le na Kuronɨ gɨ ɨŋ lee-toyi tɔgɨ, gusɨnɨ mɔŋ cayi.»

1 Ja̰ 1:3

Hɨnga ga ni ba sol dan̰ cɨndɨni bɨ, je koldɨge dan̰ sɨmayni bɨ le, ni te bɛrnɛdɨge bɨgɨŋ, kɨya gɨ ni gey gɨ kɨŋ-gandi kalɨn̰ ma kɨŋ na bugoŋ pɨna danani te bugoŋ pɨna gɨ nee gɨŋ le bɨ. Bugoŋ pɨna gɨ na ba orɨn̰gɨŋ le, na bugoŋ pɨna dan̰ Bayna bɨ, dan̰ Kurondi Jesu-Kɨris bɨ.

1 Ja̰ 5:20

Na solgɨŋ gɨ Kurɨn̰-Kumu caga bɨ, ban ɗe cay nagɨŋ woy bɨra, ɗe ana na solɨn̰gɨŋ Kumu gɨ hɨnde bɨ. Na bugoŋgɨŋ pɨna dan̰ Kumu gɨ hɨnde na dan̰ gɨyəŋ gɨ da Kurondi Jesu-Kɨris. Ban na Kumu gɨ hɨnde bɨ, na sɔmɛ-bɨra gɨ dan̰ tumoyi bɨ.

2 Ja̰ 1:9

Waŋ waŋ gɨ na ɨr usa a te hɨnga ga ni gɨle ga da Kɨris gaŋ naŋ, ama na dɨbɨ kɔl gɨ hɨrɨwa a cay hɨnga ga ni gɨle ga da Kɨris gaŋ na, Kumu unɔ danayi. Ungo gɨ na ɨr usa a te hɨnga ga ni gɨle gaŋ na, ban ma na ungo gɨ bugoŋ pɨna dan̰ Baynagɨŋ Kumu bɨ dan̰ Kurondi bɨ.

Wasɨn̰a 1:11

Noy ungo le ye hɨn̰: «Hɨnga ga ji ba naa sɨlga dan̰ cɨndɨn̰ le, wala dugo duroy magtubu dɨŋ gɨyɨn̰ bɨn̰ Ka-Daye ga kɨɗɨn̰ jurgum ga a cay gɨsəŋ ga Aji gaŋ: A Epɛs bɨ, Simirnɨ bɨ, Pɛrgam bɨ, Tɨyatir bɨ, Sardɨ bɨ, Piladelpi bɨ, Lawdise bɨ.»

Wasɨn̰a 1:17

Kɨɗɨn̰ ga ɨŋ sɨlga ungo gɨ nee le ɨni na, ɨŋ ba dugo tɨbayi hɨn̰ ungo gɨ ma wo̰. Ban dɨbɨ kobi gɨ bara a canɨ bɨ ye hɨn̰: «Hundɔrɔ naŋ. Ɨŋ na gɨ cay wase bɨ gɨ karu gɛs bɨ.

Wasɨn̰a 1:8

Ba-gulɔŋ Kumu ye daa waŋ hɨn̰: «Ɨŋ na Alpa bɨ Omega bɨ, ɨŋ som nee a boy wɔlɛ gɨ haw kɛ gɨŋ bɨ, a boy wɔlɛ gɨ tumɔ gɨŋ bɨ, a boy wɔlɛ gɨ ba kɨya ɨrga gɨŋ bɨ. Ɨŋ na Kumu gɨ dɔnɔnɨ ɗɨn̰ dɔnɔ nɔm.»

Wasɨn̰a 2:18

Ungo gɨ ɨŋ ba solii le, jogɨ yɔ ɗaŋ coŋ hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Tɨyatir. «Kurɨn̰-Kumu gɨ cɨndi ƴeede tɨwa hɨn̰ kɨlen̰ tɨwa wo̰ bɨ, gondii jɨran̰de hɨn̰ nare gɨ yɨle wo̰ bɨ le, ye hɨn̰: