1 Timote 6:9 - Gabri Maja

⁹ Ama kan ga geyge wɔɔ hɨnga tɔgɨ le, kɨya bugoŋge a boy boy di da hɨnga ga ni gɨybe gaŋ bɨ. Kɨya bugoŋge boy kondɨwadi tabɨlaŋ da hɨnga ga ni dɨngale ga dɨmbɨri gaŋ bɨ, ga na hɨnga ga kɨya mɔndɛ ungo muɗɔgɨ muɗɔgɨ coŋ bɨ, bogɨge kayaŋ bɨ.

1 Timote 6:9 ပူးပေါင်းရင်းမြစ်များ

Matɨyo 13:22

Gasi-gɨse ga bugoŋ duroy gɨsɨmn̰əŋ gaŋ le, na kalaŋ ga jege kɔl gɨ da Kumu, ama ɨrɨme a cay hɨnga ga cay gɨsəŋ gaŋ bɨ, kurɔŋdi wɔɔ gursu bɨ ƴee cay kɔl gɨ nee le coŋ. Lee gɨ andaŋ hɨnga bɨge naŋ.

Matɨyo 19:22

Kɨɗɨn̰ ga marɨna le je kɔl gɨ nee le ɨni na, ban say or dan̰ cɨn̰-n̰age kɨya gɨ ban orɨn̰ dan̰ hɨnga wɔɔ tɔgɨ.

Matɨyo 26:15

Bɨ yege hɨn̰: «Hɨn̰ gɨ ɨŋ na aya cay Jesu bɨgɨŋ na, kɨŋ kɨya bəŋ na wa ga?» Ɨni na, kan ɗongɨsɨge sɨle di ni arja̰ tɔɔ sɨbɨ biige.

Matɨyo 6:19

«Kɨŋ ɗɔɔ ba mɨrəŋde kandi-wɔɔ ga cay gɨsəŋ gaŋ naŋ. Kɨya gɨ a cay gɨsəŋ gaŋ kɛ, yulmu kɨya tale bɨ, yɨlwa kɨya ƴɔmɛ bɨ, ka-hase kɨya kɨbege bɨrɨm gɨ ni hasɨn̰ bɨ.

Marg 4:19

ama ɨrɨme gɨ da hɨnga ga a cay gɨsəŋ gaŋ bɨ, kurɔŋdi wɔɔ gursu bɨ, tabɨlaŋdi hɨnga ga toyge kan̰dɨge kan̰dɨge andaŋ kuduroyge bɨ ƴee cay kɔl gɨ da Kumu lee gɨ kɔl le andaŋ hɨnga naŋ.

Kɔl-gɨ-Ɗari gɨ Lug wal 12:21

Ɨni na, Jesu jɨga yege ɗaŋ coŋ hɨn̰: «Kɨya wɔyɛ na hɨn̰ wo̰ kɨya cay ungo gɨ dayde hɨnga wɔɔdi kɨya gusi koyi ƴɔbɨ, ama ɨran̰ dan̰ wɔɔ a boy hɨnga ga ƴa cɨn̰ Kumu gaŋ naŋ.»

Kɔl-gɨ-Ɗari gɨ Lug wal 21:35

Wɔlɛ gɨ nee le, kɨya nɔngɨrɛ kalaŋ nɔm ga somge cay gɨsəŋ gaŋ, hɨn̰ bura wo̰.

Gɨye-lɔɔ 8:20

Ama Pɨyɛr jɨga dɨbi nee yey hɨn̰: «Ji bɨ, gursu ton̰ bɨ, mundoŋgɨŋ nɔm coŋ. Kɨya wa hɨnga ga Kumu bee-kalɨn̰ le, ji ɨrɨm gɨ naa hɨnga ga ni kɨle dan̰ gursu.

Epɛs 4:22

Ɗagɨŋ gɨye-lɔɔdɨgɨŋ ga tumɔ coŋ. Gɨye-lɔɔdɨgɨŋ ga tumɔ le ƴɨmagɨŋ dɨragɨŋ gusɨgɨŋ coŋ, hɨn̰ badɨge ga ɨlgi wo̰. Kɨŋ-gandi le tumɔ tabɨlaŋdi nare cɨn̰ kalaŋ gɨ wanɨn̰ kuduroygɨŋ daa jɨŋ jɨŋ le mondɨgɨŋ.

1 Timote 1:9

Kuɗa gɨ na sɨla gɨ Kumu be gasɨn̰-kɔl na kɨya cay kalaŋ ga dan̰ durɔ ɗɨngar naŋ. Ama na kɨya cay ka-lɔɔ hɨnga ga dan̰ gɨyəŋdɨge naŋ bɨ, ka-baa bɨ, ka-lɔɔ ɨsɨna bɨ, ka-lɔɔ terɨn̰ bɨ, ka-bugoŋ dan̰ Kumu cay hɨnga ga woy dan̰ cɨndɨge naŋ bɨ, ka-dɨɗe ban̰an̰ge dan̰ ƴon̰iige bɨ, ka-dɨɗe kalaŋ bɨ,

1 Timote 3:7

Ɗaŋ coŋ, naa wa wa kalɨn̰ ma, kuɗa gɨ kalaŋ ga doŋ yage koldi kuɗa, naŋ na dasi kɨya bɔɔ cayi bɨ, ban kɨya bɔɔ boy boy da Haban̰ dɨŋ bɨ.

1 Timote 6:10

Kɨya wa tabɨlaŋ di gursu le, na te sarnay hɨnga ga ɨsɨni nɔm. Kɨɗɨn̰ ga kalaŋ na aya gusɨge bɨn̰ gursu ɨni na, kɨya ɗɔɔge aye kudurɔ coŋ bɨ, kɨya kayaŋge hen̰ bɨ, hɨnga ga ni mɨrɨn̰tɨn̰i ga toyge kan̰dɨge kan̰dɨge kɨya looge bɨ.

1 Timote 6:17

Yan̰ ka-wɔɔ hɨnga tɔgɨ ga a cay gɨsəŋ gaŋ kɛ le, ɗe dege jorgɨyge naŋ. Yage ɗe kan ɗe ɨrɨmedɨge a cay hɨnga ga ni wɔɔ ga kɨya pɨde gaŋ naŋ. Ama ɗe kan ɗe ɨrɨmedɨge a cay Kumu gɨ na ba bɨnagɨŋ hɨnga nɔm bɨ, ɗe ana na solɨn̰gɨŋ mɔwadɨge bɨ.

2 Timote 2:26

Kɨɗɨn̰ ga nee le, cɨndɨge kɨya hangaŋ, lɔɔ gɨ kan kɨya dɔrɛ gusɨge coŋ a boy boy da Haban̰ di ƴomge, di kan leen̰ge hɨnga ga kuduroyge gey le.

Titɨ 2:12

Ɗarwa di nee le gɨlnagɨŋ gɨ na na ɗa gɨye-lɔɔ gɨ bugoŋ pɨna dan̰ Kumu naŋ coŋ bɨ, tabɨlaŋdi hɨnga ga cay gɨsəŋ gaŋ kɛ coŋ bɨ. Ɗarwa di nee le gɨlnagɨŋ ana na somɨn̰ a tɨwa di haw dɨŋ kɛ kɨya solɨn̰ hɨnga ga ɗari dɨm mana kɨya lɔɔ ƴee bɨ, loon̰ gɨye gɨ dan̰ durɔ ɗɨngar bɨ, loon̰ gɨye gɨ bugoŋ pɨna dan̰ Kumu bɨ.

2 Pɨyɛr 2:3

Kol lɔɔ te gursu di woy kuduroyge le, ka-gɨlɨn̰ kalaŋ hɨnga ga dan̰ gɨyəŋdɨge naŋ ga nee le, kɨya gɨlgɨŋge kɔl gɨ ni narɨn̰ cɨn̰-kɨɗɨn̰ dan̰ cɨn̰-muɗɔlɛ age na diigɨŋ. Ama kɨya bɔyɛge kɔl cayge mɨnde bɨ, kɨya mondɨgege muɗɔgɨ muɗɔgɨ mɨnde bɨ.

Magtubu di Jud wal 1:11

Ɓɨse woy gamge. Kan ayge gɨyəŋ gɨ da Kayin. Kan ayge gɨyəŋ gɨ da poy di da Balam haw age na wan̰ cay kobɨge nee bɨ. Kan kan̰ɨn̰ge kɔl kɨbɨ Kumu hɨn̰ Kore wo̰ bɨ. Na toy di hɨn̰ wo̰ ma kan kɨya mundoŋ leen̰ cɨndi.