Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Timote 6:5 - Gabri Maja

5 dan̰ man̰e-kɔl gɨ toy ayaŋ naŋ, gɨ da kalaŋ ga ɨrɨmedɨge mundoŋ coŋ, kɨya wa kɔl gɨ cɨndi le, unɔ gusɨge. Kalaŋ ga nee le, ɨrɨmge gɨ gɨye-lɔɔ gɨ bugoŋ pɨna dan̰ Kumu le, naa gɨyəŋ gɨ ni wan̰ hɨnga.

အခန်းကိုကြည့်ပါ။ ကော်ပီ




1 Timote 6:5
34 ပူးပေါင်းရင်းမြစ်များ  

«Hɨn̰ gɨ hɨya naa gɨ ɗari na, kɨya wɔɔ wɔɔdi gɨ ɗari bɨ, hɨn̰ gɨ hɨya naa gɨ ɨsɨni na, kɨya wɔɔ wɔɔdi gɨ ɨsɨni bɨ. Hɨya gɨ ani ani kalɨn̰ ma, na wɔɔdi ba kɨya gɨle toyi.


Bɨ ban yege hɨn̰: «Kumu ye a duroy magtubu toy dɨŋ hɨn̰: “Kɨya tɔgɛge ƴaanɨ, na ƴaa di kalaŋ kɨya olɨn̰ Kumu nee.” Ama kɨŋ-gandi, kɨŋ bɨloo leen̰ kɨɗɨn̰ wɔsɛ ga da ka-hase.»


«Cɨn̰-n̰age kɨya bɔɔ caygɨŋ, kɨŋ ka-gɨlɨn̰ kalaŋ gasɨn̰-kɔl gɨ da Moyis bɨ, Parɨsɨn̰an̰əŋ bɨ, ga ka-yɔɔ-kɔl-kɨbɨgɨŋ-sɔɔ-sɔɔ le! Kɨya wa kɨŋ lɨgɨ kɨbɨ dɔɔ-ƴaa di daa nii daa cay kalaŋ coŋ. Kɨŋ kalɨn̰ ma, kɨŋ andaŋ nee naŋ bɨ, kan ga geyge andaŋ nee kalɨn̰ ma, kɨŋ narge andaŋ nee coŋ bɨ.


Hɨn̰ gɨ ungo na gey man̰e-kɔl cay nee na, ni-gandi bɨ Ka-Daye ga da Kumu bɨ, ni ɨran̰ dan̰ hada di nee le naŋ.


Karmɨnɨ ga ban̰aŋ dan̰ ga kandɨ, ni ay noyni bɨgɨŋ dan̰ guson̰ Ba-gulɔŋ Jesu-Kɨris: Dɨragɨŋ gusɨgɨŋ sɛdɨ coŋ gusi kurɨndɨna gɨ ani ani gɨ woy kuŋ cay gusi gɨŋ bɨ, gɨye-lɔɔdi ɨra pɨna dan̰ hɨnga ga ni gɨle ga ni gɨlii naŋ bɨ.


Kalaŋ ga pɨna ɗege kardi hɨnga ga ɗari ga nee le coŋ bɨ, andɨn̰ge boy man̰e-kɔl gɨ da kɔl ga kalɨn̰ wo̰ dugo gaŋ.


Na guyɔŋ gɨ da cɛrɛ naŋ bɨ, ba-wɔrn̰ɛ dan̰ kalaŋ naŋ bɨ, ama na ungo gɨ kaledi jal bɨ, ba-bɔjɨn̰ɛ dan̰ kalaŋ naŋ bɨ, gɨ tabɨlaŋ di gursu ƴɨmayi naŋ bɨ.


Ka-lɔɔ gɨye game hɨnga le, koge kalɨn̰ ma, na hɨn̰ wo̰ bɨ. Kuɗa gɨ kan wɨyage na kalaŋ ga kalaŋ beege kɔl cayge bɨ, kalaŋ ga kɨbɨge sɔɔ sɔɔ naŋ bɨ, ka-ɗɔɔ gusɨge bɨn̰ cɛrɛ di suru naŋ bɨ, ka-male wɔɔ gɨ dan̰ gɨyəŋdi naŋ, naŋ bɨ.


Ama dɔrɛ te hɨnga ga toyge bɨ cayge bɨ unɔ bɨ, dɔrɛ kɔl da kandɨ ga əsɨdəŋ bɨ le, jɨbɨge sɛdɨ coŋ. Ama ji tɨraba na gɨye-lɔɔ gɨ bugoŋ pɨna dan̰ Kumu.


Cɔgɨdɛ gusɨn̰ le, na hɨnga ga kuɗa hage ama ɗarwadɨge kunda tɔgɨ naŋ. Ama tɨrabe gɨye-lɔɔ gɨ bugoŋ pɨna dan̰ Kumu le, na hɨnga ga kuɗa tɔgɨ, kɨya cay hɨnga nɔm. Kɨya wa Kumu ye gɨ ɗi na kɨya be hɨnga kol cayi. Bɨ hɨnga ga ban ye gɨ ɗi na kɨya bee le, orɨn̰ dan̰ sɔmɛ-bɨra gɨ da sɔmɛ koyi na gɨ haw kɛ bɨ, gɨ da sɔmɛ koyi na gɨ ba kɨya caga bɨ.


Na cɨndi, gɨye-lɔɔ gɨ bugoŋ pɨna dan̰ Kumu le, na hɨnga wɔɔ ga kondi, ama na kɨɗɨn̰ ga ungo sol lɔɔ gusi-mɔwa dan̰ hɨnga ga ban orɨn̰ kobi le.


Gɨye-lɔɔdɨge gɨ doŋ kɨya gɨle gɨ kan naa ka-lɔɔ hɨnga ga bugoŋ pɨna dan̰ hɨnga ga Kumu gey le, ama kan na ka-man̰e dɔnɔ di woy boy nee coŋ. Kuɗa gɨ ji bɨl kardɨn̰ bɨn̰ kalaŋ ga nee le.


Hɨn̰ gɨ naa Janɛs dan̰ Jambɨrɛs ba kan̰in̰ge kɔl kardi Moyis wo̰ bɨ le, kalaŋ ga kɛ le kalɨn̰ ma kan̰ge kɔl gɨ cɨndi bɨ. Kan na kalaŋ ga ɨrɨmedɨge wɨya dan̰ durɔ naŋ bɨ, aye kudurɔ koge andaŋ hɨnga naŋ bɨ.


Kuɗa gɨ kɨŋ lɨgɨ kɨbɨge daa. Kɨya wa kan na ka-tɔbɛ kalaŋ ga a duroy wandɨ di pɨna dɨŋ nɔm duroy nee, dan̰ hɨnga gɨledɨge. Kan som gɨlɨn̰ kalaŋ hɨnga ga uja naŋ ɗe age na wan̰ gursu di kan ƴɨmage kɨjan̰e kɔldɔ naŋ.


Kan ɗege gɨyəŋ gɨ dan̰ durɔ ɗɨngar coŋ, lee gɨ kan kayaŋge. Kan ayge gɨyəŋ gɨ Balam kurɨn̰ Bosor ba ay le. Balam gɨ nee le, lee gusi-mɔwa kɨya cay gursu di ni cay-kɔbɔ di ban way te gɨye-lɔɔdi gɨ dan̰ durɔ ɗɨngar naŋ gɨ ban lee le.


Kol lɔɔ te gursu di woy kuduroyge le, ka-gɨlɨn̰ kalaŋ hɨnga ga dan̰ gɨyəŋdɨge naŋ ga nee le, kɨya gɨlgɨŋge kɔl gɨ ni narɨn̰ cɨn̰-kɨɗɨn̰ dan̰ cɨn̰-muɗɔlɛ age na diigɨŋ. Ama kɨya bɔyɛge kɔl cayge mɨnde bɨ, kɨya mondɨgege muɗɔgɨ muɗɔgɨ mɨnde bɨ.


Ɓɨse woy gamge. Kan ayge gɨyəŋ gɨ da Kayin. Kan ayge gɨyəŋ gɨ da poy di da Balam haw age na wan̰ cay kobɨge nee bɨ. Kan kan̰ɨn̰ge kɔl kɨbɨ Kumu hɨn̰ Kore wo̰ bɨ. Na toy di hɨn̰ wo̰ ma kan kɨya mundoŋ leen̰ cɨndi.


Hɨnga kage ga ni gɨyaw ga ɗaŋ ga ni urbu di sɨya gɨ ɗo̰ kuɗa gɨ teeyige kanɛl bɨ, hɨnga ga ni bɔgɛ kɨlɨn̰ gaŋ ga ɗo̰ kuɗa bɨ, ɨdɨr bɨ, ɨleledi mir bɨ, kɨrbaŋdi hɨnga ga ɗo̰ tɨna bɨ, cɛrɛ di suru bɨ, sɔŋ bɨ, kɨndɨre bɨ, cɨn̰ gɛmɛ bɨ, sɨn̰əŋ bɨ, gamge bɨ, hɨndɛrɛŋ bɨ, pusu ga ni kɨmbɨln̰əŋ bɨ, gɔyɔŋ bɨ, dangayn̰əŋ bɨ.


Ho’o, hɨnga ga nee le lee gusɨge, Kɨya gɨ te wɔɔ gɨ da kalaŋ nɔm Siige cɛrɛ di suru gɨ hɨndi bɨge, Cɛrɛ di suru le gɨl na tabɨlaŋ, Da yɔyɛ kɔɔ gɨ dan̰ gɨyəŋdi naŋ. Kɛrɨmbɛlɛŋ ga cay gɨsəŋ gaŋ, Yoyge yɔyɛ gɨ dan̰ gangɨ cayge danaa bɨ, Ka-lɔɔ gɨyaw ga cay gɨsəŋ gaŋ, Leege gɨyaw danaa, Ɗe age na wan̰ kandi-wɔɔ tɔgɨ, Kol kandi-wɔɔ kaa ga kondi tɔgɨ bɨ.»


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ