1 Timote 6:20 - Gabri Maja

²⁰ Ay Timote, gama hɨnga ga Kumu ba day been̰ kobɨn̰ kuɗa. Ji kan̰a are-kɔl ga badɨ badɨ wo̰ dugo ga ɨra dan̰ aye kudurɔ pɨna naŋ le. Man̰e-kɔl gɨ da ka-sɔlɛ hɨnga ga ni poy le kalɨn̰ ma, ji kan̰a coŋ bɨ.

1 Timote 6:20 ပူးပေါင်းရင်းမြစ်များ

Gɨye-lɔɔ 16:1

Pol or bugoŋ a Dɛrbɨ bɨ, Listɨr bɨ. Ba-aye-cay-tɨbay Jesu gɨ pɨna wo̰ som a cay ƴaa di Listɨr dɨŋ, gusondi na Timote. Ban na kurɨn̰ tama Jubɨ di pɨna wo̰. Ƴoyi na ɗe-aye kudurɔ bɨ, bay na Gɨrɛg bɨ.

Gɨye-lɔɔ 17:18

Ka-gɨlɨn̰ kalaŋ kɔl ga pɨna wo̰, say man̰ge kɔl dan̰ Pol. Kan na kalaŋ ka-ɨrɨme kɔl tɔgɨ cay kɔl nɔm ga da Epikursin̰ḛn̰əŋ bɨ, Ɛstoyisin̰ḛn̰əŋ bɨ, kan jege kɔl gɨ ojɨ cay Jesu bɨ, cay bɔyɛ lɨbe koyi bɨ. Ɨni na, kan ga pɨna wo̰ yege hɨn̰: «Na kɔl wa ma ba-yɔɔ kɔl tɔgɨ gɨ kɛ le ɨre ye wo̰ ga?» Bɨ kan ga ɗaŋ yege hɨn̰: «Ni sol cɨndi woy hɨn̰ gɨ da ba tɔgɛ bɛrnɛ gɨ da kulan̰əŋ ga a cay gɨsəŋ ga ɗaŋ gaŋ wo̰.»

Gɨye-lɔɔ 17:21

Kalaŋ ga cay ƴaa-di-gumu di Atɛn, dan̰ kɨrge ga som duroyge le, gɨye-lɔɔdɨge gɨ ɗaŋ unɔ. Ama na are-kɔl bɨ, jɔɔ kol hɨnga ga ba andaŋ hɨrɨwa bɨ, ma na gɨye-lɔɔdɨge dan̰ wɔlɛ pɨna pɨna.

Magtubu di Pol wal bɨn̰ kalaŋ ga Rɔm 1:22

Kan solge gusɨge leen̰ ka-muɗɔlɛ, ama leen̰ cɨndi na kan bɨlege na ka-dɨngale.

Magtubu di Pol wal bɨn̰ kalaŋ ga Rɔm 3:2

Ho’o, Jubɨn̰əŋ wayge hɨnga dan̰ kondiige! Cay wase na, na kan ma Kumu beege kɔl koyi kobɨge ɗe kan na gama.

1 Korɛ̰t 2:6

Ama kɔl gɨ ni gɨlɨn̰ kalaŋ ga da Kɨris ga cɨndɨge na le na cɨn̰-muɗɔlɛ. Ama na cɨn̰-muɗɔlɛ di a cay gɨsəŋ gaŋ kɛ naŋ bɨ, na cɨn̰-muɗɔlɛ gɨ da kɨlma gɨ a cay gɨsəŋ gaŋ kɛ naŋ bɨ, ga woy kɨya mundoŋ coŋ.

1 Korɛ̰t 3:19

Kɨya wa cɨn̰-muɗɔlɛ da kalaŋ ga cay gɨsəŋ gaŋ kɛ, woy dɨngal cɨn̰ Kumu. Kɨya wa walge duroy Magtubu di da Kumu dɨŋ yege hɨn̰: «Kumu ƴom ka-cɨn̰-muɗɔlɛ dan̰ jɨba toge gaŋ.»

Kɔlɔs 2:18

Kalaŋ ga mooge jɨgan̰ dan̰ gusɨge dugo gɨ cɨndi naŋ bɨ, n̰ɨre ka-ƴɔbɛ ga daa bɨ, ƴɔmɛ kardi hɨnga ga buyoŋ cɨndɨge ga kan gusɨge ba sɔlɛ bɨ le, kɨŋ ɗɔɔ gɨ ɗe kan nare cɨndɨgɨŋ naŋ. Kalaŋ ga hɨn̰ wo̰ le ɨrɨmedɨge gɨ dan̰ gɨyəŋ gɨ da kalaŋ ga ɨndəŋ le, lee gɨ kan gongɨrdɨn̰ge gusɨge kalɨn̰ wo̰ dugo.

Kɔlɔs 2:8

Ɗagɨŋ muɗɔlɛ a cay gusɨgɨŋ gɨŋ ɗe ungo gɨybɨgɨŋ dan̰ hɨnga-sɔlɛ ga poy naŋ bɨ, dan̰ kɔl poy ga kalɨn̰ wo̰ dugo dan̰ gɨyəŋ gɨ da hada da kalaŋ ga ɨndəŋ naŋ bɨ. Hɨnga ga ni gɨle ga nee le sa na gusi Kɨris naŋ bɨ, ama sayga na gusi turnɔn̰əŋ ga ɨsɨndəŋ ga di cay gɨsəŋ.

2 Tesalonigɨ 1:4

Na toy di hɨn̰ wo̰ ma, ni de jorgɨyni kol caygɨŋ, kɨɗɨn̰ ga ni dor koldɨgɨŋ a kɨɗɨn̰ gaŋ nɔm bɨn̰ Ka-Daye ga da Kumu. Kɨya wa kɨɗɨn̰ ga kan gɨlgɨŋge-cɨn̰ bɨ, hɨnga ga ni gɨwase leegɨŋ bɨ kalɨn̰ ma, kɨŋ ƴom kuduroygɨŋ osu bɨ, kɨŋ ɨre a cay aye kudurɔ kogɨŋ gɨŋ bɨ.

2 Tesalonigɨ 2:15

Hɨn̰ wo̰ na, karmɨnɨ ga ban̰aŋ dan̰ ga kandɨ, ƴɨmagɨŋ gusɨgɨŋ usa bɨ, hada di ni loon̰ hɨnga ga ni ba gɨlgɨŋ dan̰ kɨbɨni naŋ le, ga ni ba wal bɨgɨŋ le, ƴɨmagɨŋ kardi usa bɨ.

1 Timote 1:11

Kɔl gɨ ni gɨle gɨ nee le, bugoŋ pɨna dan̰ Kɔl-gɨ-Ɗari gɨ bəŋge kɔbɔŋ bɨ gɨl gusoŋ-tɔgɛ gɨ da Kumu gɨ orɨn̰ dan̰ tumoy wolwa bɨ.

1 Timote 1:2

Ba gɨyɨn̰ dan̰ magtubu di kɛ le bɨn̰ ji-bandi Timote. Ji na kuronɨ gɨ cɨndi, kɨya wa na ɨŋ-bandi ba lɔɔ gɨ ji ayɨn̰ kuduron̰. Kuɗa gɨ Bayna Kumu dan̰ Ba-gulondɨna Jesu-Kɨris leege ɗarwa danan̰ bɨ, sɨlage cɨn̰-n̰age ton̰ bɨ, bɨn̰ge gusi-dɔbɛ bɨ.

1 Timote 1:4

ɗe gɨ an̰ san̰ dan̰ kalaŋ, ɗe kan lun̰doŋ te dɔrɛ te hɨnga ga toyge bɨ cayge bɨ unɔ bɨ, kardi dɔrɛ te mon̰ gɨ kagadi unɔ bɨ naŋ. Kɨya wa hɨnga ga nee le, kɨya haŋge gɨyəŋ bɨn̰ na man̰e-kɔl bɨ, kɨya narge lɔɔ gɨye cay hɨnga ga Kumu gɨsɨ. Hɨnga ga Kumu gɨsɨ le, lee gusɨge na dan̰ gɨyəŋ gɨ da aye kudurɔ.

1 Timote 1:6

Kalaŋ ga pɨna ɗege kardi hɨnga ga ɗari ga nee le coŋ bɨ, andɨn̰ge boy man̰e-kɔl gɨ da kɔl ga kalɨn̰ wo̰ dugo gaŋ.

1 Timote 1:9

Kuɗa gɨ na sɨla gɨ Kumu be gasɨn̰-kɔl na kɨya cay kalaŋ ga dan̰ durɔ ɗɨngar naŋ. Ama na kɨya cay ka-lɔɔ hɨnga ga dan̰ gɨyəŋdɨge naŋ bɨ, ka-baa bɨ, ka-lɔɔ ɨsɨna bɨ, ka-lɔɔ terɨn̰ bɨ, ka-bugoŋ dan̰ Kumu cay hɨnga ga woy dan̰ cɨndɨge naŋ bɨ, ka-dɨɗe ban̰an̰ge dan̰ ƴon̰iige bɨ, ka-dɨɗe kalaŋ bɨ,

1 Timote 4:7

Ama dɔrɛ te hɨnga ga toyge bɨ cayge bɨ unɔ bɨ, dɔrɛ kɔl da kandɨ ga əsɨdəŋ bɨ le, jɨbɨge sɛdɨ coŋ. Ama ji tɨraba na gɨye-lɔɔ gɨ bugoŋ pɨna dan̰ Kumu.

1 Timote 6:11

Ama ji ungo gɨ da Kumu na, aya gusɨn̰ coŋ cay hɨnga nɔm ga nee le. Ji mala na lɔɔ hɨnga ga dan̰ durɔ ɗɨngar bɨ, gɨye-lɔɔ gɨ bugoŋ pɨna dan̰ Kumu bɨ, aye kudurɔ bɨ, geye bɨ, ƴɔmɛ kuduroy-osɨwa bɨ, kale ga jali bɨ.

1 Timote 6:14

Ji bɨga kɔl cay te tumɔ da Kumu, ɗe gɨ an̰ somɨn̰ dɨle hɨnga pɨna ga ɨsɨni ɨsɨbɨn̰ naŋ bɨ, dɨle kɔl pɨna ƴɔmɛ can̰ naŋ bɨ, bɨrɨŋ gɨsɨn̰ wɔlɛ gɨ Ba-gulondɨna Jesu-Kɨris kɨya cagan̰.

2 Timote 2:1

Naa hɨn̰ wo̰ na, kuronɨ, ɗarwa di Jesu-Kɨris ba lee dan̰ kan ga bugoŋ pɨna danayi le, ɨr cay nee usa.

2 Timote 2:16

Ama ji na, are-kɔl ga badɨ dugo gɨ ɨra dan̰ aye kudurɔ pɨna naŋ le, ƴɨma gusɨn̰ cay nee coŋ. Kɨya gɨ na kan ga arge kɔl nɔm ga hɨn̰ wo̰ le, kɨya ɗɔɔge gɨye-lɔɔ gɨ bugoŋ pɨna dan̰ Kumu dḛ dḛ coŋ jɨn̰ tumɔ tumɔ.

Titɨ 1:14

kuɗa gɨ kan lun̰doŋge kardi lɛngɛ lɛngɛ di sayga a duroy Jubɨn̰əŋ gaŋ naŋ bɨ, kobɨn̰ hada di da kalaŋ ga bɨlge kardige bɨn̰ kɔl gɨ cɨndi naŋ, naŋ bɨ.

Titɨ 1:4

Ɨŋ wal magtubu di kɛ le, gɨyɨn̰ bɨn̰ na ji-bandi Titɨ, kuronɨ gɨ cɨndi a te aye kudurɔ gɨ pɨna gɨ na dayaŋ cay nee. Kuɗa gɨ Bayna Kumu dan̰ Jesu-Kɨris ba-pɔɗɨna bɨn̰ge ɗarwa bɨ gusi-dɔbɛ bɨ.

Titɨ 1:9

Ban na ba ƴɔmɛ kɔl gɨ ojɨ gɨ ni bɔgɛ kudurɔ cay nee osɨwa gɨ na kɔl gɨ or pɨna dan̰ hɨnga ga ni gɨle bɨ. Hɨn̰ wo̰ na ban kɨya ɓale bɔgɛ kɔl gɨ ɗari kuduroy kalaŋ dan̰ hɨnga ga ni gɨle ga cɨndi bɨ, ban kɨya ɓale gɨle a cɨn̰ tɨwa dɨŋ gɨ kɔl gɨ da ka-man̰e-kɔl gɨ da Kumu naa cɨndi naŋ bɨ.

Titɨ 3:9

Ama male te hɨnga ga kalɨn̰ wo̰ bɨ, dɔrɛ te wɨn̰je bɨ, man̰e-kɔl bɨ, gaŋgɨde kɔl cay gasɨn̰-kɔl gaŋ bɨ le, hɨnga ga nee le nɔm na hɨnga ga kɨya andaŋ hɨnga naŋ bɨ, na hɨnga ga kalɨn̰ wo̰ dugo bɨ. Ji ɗɔɔ ba dɨbe kɨbɨn̰ boy nee naŋ.

Wasɨn̰a 3:3

Hɨngɨŋ a cay kɔl gɨ tumɔ kɨŋ ba je bɨ a cay gɨyəŋ gɨ kɨŋ ba ƴen̰ kɔl gɨ nee le bɨ. Gamagɨŋ kɔl gɨ nee le bɨ, bɨlgɨŋ haldɨgɨŋ bɨ. Hɨn̰ gɨ kɨŋ na sɨma-bɨra naŋ na, ɨŋ kɨya andaŋ caygɨŋ dus hɨn̰ ba hase wo̰ dan̰ tɨwa di kɨŋ kɨya sɔlɛ caa naŋ.