1 Timote 6:2 - Gabri Maja

² Kan ga ka-gulondɨge na ka-aye kudurɔ le, ɗɔɔ gɨ kan ɗɔɔ gusɨge kardi tɔgɛ gɨ na teen̰ gusɨnagɨŋ karme bɨ, kan̰ɨn̰ hɨndarɨn̰ turnoy ka-gulondɨge le naŋ bɨ. Ama kɨɗɨn̰ ga kan ga kan lee gɨye bɨge le, naa ka-aye kudurɔ bɨ, ka-wandɨ bɨ le, kuɗa gɨ kan laa gɨye kuɗa ɗɨn̰ gɨ tumɔ coŋ, bɨge. Na hɨnga ga nee le ma kuɗa gɨ ji tɨraban̰ kalaŋ bɨ, dɨbage bandɨ kuduroyge, ɗe ayge leen̰ gɨye bɨ.

1 Timote 6:2 ပူးပေါင်းရင်းမြစ်များ

Matɨyo 23:8

Ama kɨŋ-gandi na, kɨŋ ɗɔɔ kalaŋ togɨgɨŋ “Ka-gɨlɨn̰ kalaŋ hɨnga” naŋ, kɨya gɨ kɨŋ-gandi nɔm, kɨŋ na karme bɨ, Ba-gɨlgɨŋ hɨnga na pɨna hayi ƴɔbɨ bɨ.

Matɨyo 25:40

Ɨni na, kɨlma kɨya dɨbɨge cay nee yoge hɨn̰: “Aŋ yəgɨŋ daa waŋ na cɨndi: Dan̰ wɔlɛ nɔm gɨ kɨŋ lee hɨnga ga nee le, dan̰ ungo pɨna gɨ a duroy karmɨnɨ ga n̰ən̰əŋ ga woyge kɛ le na, kɨŋ lee na danaŋ ɨŋ-bandi gusɨnɨ.”

Matɨyo 6:24

«Ungo pɨna nɛŋ kɨya ɓale daye ka-gulondi sɔɔ lɔɔ gɨye bɨge naŋ. Naŋ le kɨya ƴɔmɛ gɨ pɨna dan̰ kuduroy bɨ, kɨya geye gɨ ɗaŋ bɨ. Naŋ le kɨya saɗe gusi dan̰ gɨ pɨna bɨ, sɔlɛ gɨ ɗaŋ leen̰ hɨnga naŋ bɨ. Kɨŋ-gandi kalɨn̰ ma kɨŋ kɨya ɓale bɨləŋ gɔyɔŋ ga da Kumu bɨ, ga da gursu bɨ sɔɔɗɨmɔŋ naŋ.

Gɨye-lɔɔ 1:15

A boy wɔlɛdi gɨ nee gɨŋ le, ka-aye kudurɔ dayaŋge nee ɓal hɨn̰ kalaŋ aru dan̰ toyge sɔɔ wo̰, ɨni na, Pɨyɛr say ɨre duroyge bɨ, yege hɨn̰:

Magtubu di Pol wal bɨn̰ kalaŋ ga Rɔm 11:17

Te wɨn̰je gɨ da Ɨsɨrayɛl woy gɨlɨn̰ na hɨn̰ hɨyadi olibɨye gɨ woy ɨndi gɨ sɨrdɨrdege kobɨn̰i ga pɨna coŋ wo̰. Ji gɨ na Jubɨ naŋ le, ji woy gɨlɨn̰ na hɨn̰ kobɨ hɨyadi olibɨye gɨ caa gɨŋ wo̰. Kan ayɨn̰ge bɨ, sɨlɨyɨn̰ge dan̰ hɨya gɨ woy a ɨndi a ban̰dɨ kobɨn̰i ga sɨdɨrdege coŋ le. Na toy di hɨn̰ wo̰ ma, ji-bandi kalɨn̰ ma, ji kɨya sɔmɛ-bɨra na kɨya cay sarnayn̰əŋ ga ɗadɨrdaŋ dan̰ kobɨn̰i ga baa.

Magtubu di Pol wal bɨn̰ kalaŋ ga Rɔm 8:29

Kɨya wa kalaŋ ga Kumu torge tumɔ ɓɨrag hage ɨni le, ban ojɨ tumɔ ɓɨrag hayi gɨ ni lɔɔ ɗe gɨ kan na gɨlɨn̰ dan̰ Kurondi Jesu wo̰, hɨn̰ wo̰ na Kurondi kɨya bɨle wɔyɛ gɨ esi dan̰ karmii ga ban̰aŋ dan̰ ga kandɨ ga dan̰ kondiige danayi.

Galad 5:6

Kɨɗɨn̰ ga ungo na bugoŋ pɨna dan̰ Jesu-Kɨris na, hɨn̰ gɨ ban na wala ban̰a wala, wala ban̰a naŋ kalɨn̰ ma, laa hɨnga naŋ. Hɨnga ga gumu na, na aye kudurɔ gɨ lee hɨnga dan̰ gɨyəŋ gɨ da wandɨ.

Epɛs 1:1

Na ɨŋ-bandi Pol ba wale magtubu di kɛ le. Ɨŋ na ba-gɨre-gɨye gɨ da Jesu-Kɨris, kɨya gɨ na kuduroy geye gɨ da Kumu koyi. Ɨŋ wal magtubu di kɛ le bɨn̰ na kalaŋ ga woyge dan̰ cɨndɨge a cay ƴaa-di-gumu di Epɛs dɨŋ bɨ, ga ɨrege cay tɨbayige dɨŋ dan̰ wɔlɛ pɨna pɨna a te bugoŋ pɨna dan̰ Jesu-Kɨris koge gɨŋ bɨ.

Epɛs 1:15

Na toy di hɨn̰ wo̰ ma ɨŋ-bandi kalɨn̰ ma, ayɨn̰ toy gɨ ɨŋ ba je kol kuduroygɨŋ ga kɨŋ ba ay bɨn̰ Ba-gulɔŋ Jesu bɨ, kol geye gɨ kɨŋ ba gey kan ga woyge dan̰ cɨndɨge nɔm bɨ na,

Epɛs 3:6

Kɔl gɨ woy kɨɗɨn̰ wɔsɛdi gɨŋ le ba kɛ: Dan̰ gɨyəŋ gɨ da Kɔl-gɨ-Ɗari le, kalaŋ ga toyge na Jubɨ naŋ kalɨn̰ ma wayge ɗarwa dan̰ kalaŋ ga toyge na Jubɨ pɨna bɨ. Kan na kuyoŋ-gusu gɨ pɨna hayi danage bɨ, dan̰ te bugoŋ pɨna dan̰ Jesu-Kɨris kona le, hɨnga ga Kumu ye gɨ ɗi na kɨya bɨn̰ kalaŋ ga toyge na Jubɨ le, kalaŋ ga toyge na Jubɨ naŋ kalɨn̰ ma kɨya wɔɔge danage nee bɨ.

Kɔlɔs 1:2

ni-gandi ni ləgɨŋ lapɨya kɨŋ-gandi ka-karme ga ban̰aŋ dan̰ ga kandɨ ga bugoŋge pɨna dan̰ Kɨris ga woyge dan̰ cɨndɨge bɨ, ga ɨrege a cay tɨbayge dɨŋ bɨ, ga somge a cay ƴaa-di-gumu di Kɔlɔs dɨŋ. Ɗe gɨ Bayna Kumu laa ɗarwa danagɨŋ bɨ bɨgɨŋ gusi-dɔbɛ bɨ.

Kɔlɔs 1:4

Kɨya wa ni je kol aye kudurɔ kogɨŋ, kol bugoŋ pɨna dan̰ Jesu-Kɨris bɨ, kol geye gɨ kɨŋ gey kalaŋ ga woyge dan̰ cɨndɨge nɔm bɨ.

Kɔlɔs 4:1

Ay kɨŋ ka-gulɔŋ gɔyɔŋ, laan̰gɨŋ gɔyɔŋ kagɨŋ dan̰ tɨwa nɔm, hɨnga ga dan̰ durɔ ɗɨngar bɨ, hɨnga ga ɓadɨldɨn̰ dɛj dɛj bɨ. Halegɨŋ gɨybəŋ gɨ kɨŋ-gandi kalɨn̰ ma kɨŋ naa gɔyɔŋ ga da Ba-gulondɨgɨŋ gɨ woy a gɨɗɨgɨ-Kumu gɨŋ naŋ bɨ.

2 Tesalonigɨ 1:3

Karmɨnɨ ga ban̰aŋ dan̰ ga kandɨ, ojɨ gɨ ni leen̰ Kumu ho’o jɨn̰ tumɔ tumɔ kol caygɨŋ. Hɨnga ga nee le, na dan̰ gɨyəŋdɨge kɨya wa aye kudurɔ kogɨŋ or cɨndi jɨn̰ tumɔ tumɔ dan̰ togi togi bɨ, geye gɨ kɨŋ orɨn̰ duroygɨŋ le, malgɨ gusɨgɨŋ pɨna pɨna bɨ.

1 Timote 4:11

Gɨlɨn̰ ka-aye kudurɔ hɨnga nɔm ga nee le bɨ, aya non̰ bɨge ɗe kan ayge leen̰ gɨye bɨ.

1 Timote 5:1

Ji ɗɔɔ ba ale ungo gɨ esi dan̰ togɨn̰ naŋ, ama bɨgay kɔl gɨ ɗari kuduroy hɨn̰ ban̰ wo̰. Yan̰ marɨne kɔl hɨn̰ gɨ kan na karmɨn̰ wo̰ bɨ,

Titɨ 2:1

Ama ji-bandi na, kon̰ na gɨlɨn̰ kalaŋ hɨnga ga bugoŋ pɨna dan̰ hɨnga gɨle ga kuɗa.

Titɨ 2:15

Sɨla! Hɨnga ga ojɨ gɨ ji kɨya gɨlɨn̰ kalaŋ ba kɛ: Dɨbage bandɨ kuduroyge bɨ, ji orɨn̰ dan̰ dɔnɔ cayge gɨ ni ɗalge kɨya gɨye-lɔɔdɨge bɨ. Ɗɔɔ ungo pɨna wo̰ hagɨrɨn̰ naŋ bɨ.

Titɨ 3:8

Kɔl gɨ nee le na kɔl gɨ cɨndi. Lee gɨ ɨŋ gey gɨ ji na ɨr cay nee gɨɗaŋ, ɗe kalaŋ ga ayge kuduroyge bɨn̰ Kumu le sɨn̰ge cɨndɨge kardi hɨnga ga ɗari gaŋ leen̰ge gɨye gɨ ɗari. Hɨnga ga nee le, na hɨnga ga ɗari bɨ, kɨya lɔɔ ɗarwa dan̰ kalaŋ nɔm bɨ.

Əbɨro 3:1

Na toy di hɨn̰ wo̰ ma, ay karmɨnɨ ga ban̰aŋ dan̰ ga kandɨ, kɨŋ ga kɨŋ woy dan̰ cɨndɨgɨŋ nɔm ga Kumu təgɨŋ ɗe agɨŋ na wan̰ ɗarwa di a daa nii le sɨgɨŋ cɨndɨgɨŋ a cay Jesu. Ban na ba-gɨre-gɨye bɨ, mangɨl gɨ da ka-cay ka-bɔgɛ kɨbar gɨ da aye kudurɔ gɨ ni ba tee bɛrnɛdi le bɨ.

Əbɨro 3:14

Kɨya wa na-gandi nɔm na bɨləŋgɨŋ na ka-bugoŋ pɨna dan̰ Kɨris. Naa hɨn̰ wo̰ leen̰ cɨndi na, kɨbanagɨŋ aye kudurɔ gɨ na ba orɨn̰gɨŋ a toy dɨŋ le, ɨrɨn̰ cay nee usa bɨrɨŋ gɨsɨn̰ kagadi gɨŋ.

1 Pɨyɛr 5:1

Haw kɛ na, ɨŋ gey yon̰ ka-muɗɔlɛ ga somge duroygɨŋ kɔl. Ɨŋ-bandi kalɨn̰ ma, ɨŋ na mɨgayge gɨ ba muɗɔlɛ gɨ da Ka-Daye bɨ. Ɨŋ na tɨmon̰ gɨ da cɨn̰-gɨle-cɨn̰ gɨ da Kɨris bɨ, wɔlɛ gɨ gusoŋ-tɔgɛ koyi kɨya gɨle gusi doŋ le, ɨŋ-bandi kalɨn̰ ma, ɨŋ kɨya wɔɔ hɨnge danayi bɨ. Hɨnga ga ɨŋ ɨngɨrgɨŋ kɨŋ-gandi ga muɗoldoŋ ba kɛ:

2 Pɨyɛr 2:10

Naa wo̰ na leen̰ cɨndi, kalaŋ ga ka-kɔbɛ tabɨlaŋdi hɨnga ga mɨdagi ga leege bɨ, ka hagɨre dɔnɔ di da Ba-gulɔŋ bɨ le, ban kɨya lɔɔge hɨnga ga homi. Ka-gɨlɨn̰ kalaŋ hɨnga ga cɨndi naŋ ga nee le, kan na kalaŋ ga hɨndarage hɨnga naŋ bɨ, ka-dɔrɛ n̰ərə bɨ. Ka-ƴɔbɛ ga daa nii ga ojɨ gɨ ni dɨbe gusoŋ-tɔgɛ cayge le kalɨn̰ ma, kan hɨndarage kardɨge naŋ, ama yagɨdɨgege.

Magtubu di Jud wal 1:8

Naa hɨn̰ wo̰ kalɨn̰ ma, kalaŋ ga andaŋge duroygɨŋ le, leege hɨnga na hɨn̰ kage wo̰ bɨ. Kan kobɨ na kardi sɔndɛ koge bɨ, leege gɨ kuyoŋdi-gusɨge koge gaŋ lee kɨni bɨ, kan hagɨrge dɔnɔ di da Kumu bɨ, yagɨdɨn̰ge kalaŋ ga orɨn̰ dan̰ gusoŋ-tɔgɛ gɨ a gɨɗɨgɨ-Kumu gɨŋ bɨ.