1 Timote 6:18 - Gabri Maja

¹⁸ Yage ɗe kan lee kuɗa dan̰ kalaŋ bɨ, ɗe kan lee gɨye gɨ kuɗa tɔgɨ bɨ, ɗe kan bɨn̰ kalaŋ hɨnga tɔgɨ bɨ, ɗe kan gosɨn hɨnga kage bɨn̰ kamdɨge bɨ.

1 Timote 6:18 ပူးပေါင်းရင်းမြစ်များ

Matɨyo 5:42

Ungo na ɨngɨrɨn̰ hɨnga na narii naŋ, ungo na gey obɨn̰ hɨnga na, bɨle kardɨn̰ bii naŋ.

Kɔl-gɨ-Ɗari gɨ Lug wal 12:21

Ɨni na, Jesu jɨga yege ɗaŋ coŋ hɨn̰: «Kɨya wɔyɛ na hɨn̰ wo̰ kɨya cay ungo gɨ dayde hɨnga wɔɔdi kɨya gusi koyi ƴɔbɨ, ama ɨran̰ dan̰ wɔɔ a boy hɨnga ga ƴa cɨn̰ Kumu gaŋ naŋ.»

Kɔl-gɨ-Ɗari gɨ Lug wal 3:11

Ja̰ dɨbɨge cay nee yege hɨn̰: «Ungo gɨ na ɨran̰ dan̰ gumɔjɨ won̰ sɔɔ na, aya pɨna bɨn̰ ungo gɨ koyi unɔ. Ji gɨ na ɨran̰ dan̰ dɔɔ na, kuɗa gɨ ji gusɨna dan̰ ungo gɨ ɨran̰ naŋ.»

Gɨye-lɔɔ 10:38

Kardi nee Kumu gɨ ba bɨn̰ Jesu-Kɨris gɨ Najarɛt Turnɔ ɗe-kuduroy-bɛrɛ bɨ, dɔnɔ bɨ le, kɨŋ solii kuɗa bɨ, gɔrɛ gɨ Ban gor dan̰ cay kɨɗɨn̰ kɨɗɨn̰ kɨya loon̰ hɨnga ga ɗari dan̰ kalaŋ bɨ le, lee gɨ kalaŋ nɔm ga ba somge a te dɔnɔ di da Haban̰ dɨŋ le, hɔmɨn̰ɛ duroŋ gusɨge bɨ, kɨya gɨ Kumu baa danayi.

Gɨye-lɔɔ 11:29

Ka-aye-cay-tɨbay Jesu ojɨge jɨbe te ka-aye kudurɔ ga somge a cay gɨsəŋ ga Jude gaŋ. Waŋ waŋ kalɨn̰ ma dan̰ hɨnga wɔɔ ga woy kobi.

Gɨye-lɔɔ 9:36

Ɗe-aye-cay-tɨbay Jesu di pɨna wo̰ som a cay ƴaa di Jope dɨŋ, gusɔndɔ na Tabita. Gusɔndɔ le dan̰ kɨbɨ Gɨrɛg na Dorkas duroy na paya. Tama di nee le lee gɨye gɨ ɗari tɔgɨ bɨ, bɨn̰ ka-n̰age hɨnga tɔgɨ bɨ.

Magtubu di Pol wal bɨn̰ kalaŋ ga Rɔm 12:13

Kuɗa gɨ kɨŋ jɨbɨ te kalaŋ ga woyge dan̰ cɨndɨge ga orɨn̰ge dan̰ n̰agedi hɨnga. Ƴɨmagɨŋ kɨrge gusɨgɨŋ dan̰ gusi-mɔwa.

Magtubu di Pol wal bɨn̰ kalaŋ ga Rɔm 12:8

Hɨn̰ gɨ Kumu na bɨn̰ ungo dɔnɔ di ni dobɨn̰ bandɨ kuduroy karmii na, kuɗa gɨ ban dɨba bandɨ kuduroyge. Hɨn̰ gɨ Kumu na bɨn̰ ungo cɨn̰-arɨn̰a di ni bee hɨnga na, kuɗa gɨ ban laa dan̰ wandɨ di cɨla. Hɨn̰ gɨ Kumu na bɨn̰ ungo cɨn̰-muɗɔlɛ gɨ ni dɔrɛ tumoy karmii na, kuɗa gɨ ban dɨra tumoyge dan̰ gusi-hɨmbalwa. Hɨn̰ gɨ Kumu na bɨn̰ ungo cɨn̰-arɨn̰a di ni sɔlɛ cɨn̰-n̰age di da kalaŋ na, kuɗa gɨ ban jɨbɨ toyge dan̰ gusi-mɔwa.

1 Korɛ̰t 16:2

Dan̰ wɔlɛ gɨ ni dɨmasɨ dɨmasɨ nɔm le, ojɨ gɨ waŋ waŋ kalɨn̰ ma duroygɨŋ gɨsɨ dan̰ gɨyəŋ gɨ da hɨnga ga ban orɨn̰ gɨ ni dorɨn̰ kɨbɨ gursu toy ɗɔ a tayi. Hɨn̰ wo̰ na kɨɗɨn̰ ga ɨŋ na bugoŋ na kɨŋ kɨya orɨn̰ dan̰ n̰agedi hɔgɛ hɨnga naŋ ɨni.

2 Korɛ̰t 8:12

Hɨn̰ gɨ kuduroy-geye kogɨŋ na kuɗa na, Kumu kɨya ƴɔɔ hɨnga ga kɨŋ ba kɨya bii le. Ji gɨ bee hɨnga ga ji ɨran̰ naŋ, naŋ. Ban gey gɨ kɨŋ na bii naa kandi-wɔɔ ga kɨŋ orɨn̰ ƴɔbɨ.

2 Korɛ̰t 8:9

Na cɨndi, kɨŋ sol ɗarwa di Ba-gulondɨna Jesu-Kɨris ƴom danana: Ban gɨ ba wɔɔ hɨnga le bɨləŋ ba-n̰age kol caygɨŋ, ɗe agɨŋ na bɨlɨn̰ ka-wɔɔ hɨnga dan̰ gɨyəŋ gɨ da n̰age di leeyi le.

Galad 6:10

Na toy di hɨn̰ wo̰ ma, kɨɗɨn̰ ga na na waagɨŋ gɨyəŋ na, kuɗa gɨ na laagɨŋ ɗarwa dan̰ kalaŋ nɔm. Ama dan̰ karmɨna ga ka-aye kudurɔ na, laanagɨŋ danage ɗɨn̰.

Epɛs 4:28

Kuɗa gɨ ungo gɨ tumɔ na ba hase le, hase naŋ ɨni, ama laa gɨye gɨ kuɗa dan̰ kobi, ɗe ban wan̰ hɨnga ga ni bɨn̰ kalaŋ ga orɨn̰ dan̰ n̰agedi hɨnga.

1 Timote 5:10

Kuɗa gɨ ɗe kalaŋ solge gɨye-lɔɔdo gɨ kuɗa bɨ. Kuɗa gɨ hɨndi aba karɨn̰aŋ bɨ, ƴɨma kalaŋ kuɗa gusoo bɨ, pɨl tɨbay kalaŋ ga da Kumu bɨ, jɨbɨ te kalaŋ ga somge duroy n̰age dɨŋ bɨ, ɗe-gusoo kɨbɨ gɨye nɔm ga kuɗa bɨ.

Titɨ 2:14

Ban ɗe gusi bɨn̰ kalaŋ ƴomiige dɨɗiige ƴen̰ ban̰dɨnagɨŋ, kɨya bon̰ cayna kol ɨsɨna gɨ na ba leegɨŋ bɨ, kɨya leen̰ ɗe gɨ na na wɨyan̰ te kalaŋ kayi ga duroŋge mɨra bɨ, gɨ na na wɨyan̰ te kalaŋ ga gusɨge-hɨmbalge te gɨye-lɔɔ gɨ ɗari gɨŋ bɨ.

Titɨ 3:8

Kɔl gɨ nee le na kɔl gɨ cɨndi. Lee gɨ ɨŋ gey gɨ ji na ɨr cay nee gɨɗaŋ, ɗe kalaŋ ga ayge kuduroyge bɨn̰ Kumu le sɨn̰ge cɨndɨge kardi hɨnga ga ɗari gaŋ leen̰ge gɨye gɨ ɗari. Hɨnga ga nee le, na hɨnga ga ɗari bɨ, kɨya lɔɔ ɗarwa dan̰ kalaŋ nɔm bɨ.

Əbɨro 13:16

Kɨŋ ɗɔɔ ba hale gɨybəŋ cay lɔɔ ɗarwa naŋ. Jɨbɨgɨŋ te gusɨgɨŋ duroygɨŋ bɨ, kɨya gɨ na hɨnga ga ni bogɨn̰ kɨbar ga hɨn̰ wo̰ le ba-ƴɔɔ cɨn̰ Kumu.

Magtubu di Jag wal 2:5

Jagɨŋ, karmɨnɨ ga ban̰aŋ dan̰ ga kandɨ ga ɨŋ lee-toygɨŋ! Kumu bɨnde kalaŋ ga kalaŋ solgege leen̰ ka-n̰age a cay gɨsəŋ gaŋ, ɗe na bɨlege ka-wɔɔ, boy hɨnga ga ojɨ cay aye kudurɔ gaŋ bɨ, ɗe na wan̰ge dɔɔ-ƴaa di da Kumu gɨ ban ye gɨ ɗi na kɨya bɨn̰ kalaŋ ga leege wandɨ danayi bɨ.

1 Pɨyɛr 3:11

Kuɗa gɨ ban bɨl kardi bɨn̰ hɨnga ga ɨsɨni bɨ, Ama laa hɨnga ga kuɗa bɨ, Ƴɨma gusi usa te male gusi-dɔbɛ bɨ.

1 Ja̰ 3:17

Hɨn̰ gɨ ungo na ɨran̰ dan̰ kandi-wɔɔ ga a cay gɨsəŋ gaŋ mana lɨgɨ cɨndi daa a cay kurɨndi gɨ hɨnga wɨyii na, kɛ na mɨna ma ban gɨ yɔ gɨ ɗi na gey Kumu ga?

3 Ja̰ 1:11

Ay, ji gɨ ɨŋ lee-ton̰, ƴɔlɛ hɨnga ga ɨsɨni naŋ, ama ƴɨla na hɨnga ga ɗari. Ungo gɨ na laa hɨnga ga ɗari na, ban na ungo gɨ da Kumu. Ungo gɨ na laa hɨnga ga ɨsɨni na, ban sɨla Kumu naŋ.