1 Timote 6:14 - Gabri Maja

¹⁴ Ji bɨga kɔl cay te tumɔ da Kumu, ɗe gɨ an̰ somɨn̰ dɨle hɨnga pɨna ga ɨsɨni ɨsɨbɨn̰ naŋ bɨ, dɨle kɔl pɨna ƴɔmɛ can̰ naŋ bɨ, bɨrɨŋ gɨsɨn̰ wɔlɛ gɨ Ba-gulondɨna Jesu-Kɨris kɨya cagan̰.

1 Timote 6:14 ပူးပေါင်းရင်းမြစ်များ

1 Korɛ̰t 1:8

Na ban ba kɨya lɔɔ ɗe toygɨŋ osu bɨrɨŋ dɨɗɨn̰ kɨbi, ɗe gɨ a wɔlɛ caga gɨ da Ba-gulondɨna Jesu-Kɨris gɨŋ na, kɨŋ na wɨyan̰ kalaŋ ga ungo ɓala dɨbe kɔl cayge naŋ.

Epɛs 5:27

Kɨya wa ban gey ɨrgan̰ dan̰ Ka-Daye tumoy gusi koyi gaŋ, hɨn̰ tama di jɨran̰de jə̰ jə̰ bɨ, di mɨdage ɨsɨboo naŋ bɨ, di guso bɨga gangɨ naŋ bɨ, di kɨway guso gɨ mundoŋ unɔ bɨ. Ban gey gɨ Ka-Daye na wɨyage dan̰ cɨndɨge bɨ, masadɨge na unɔ bɨ.

Pilib 1:10

ɗe agɨŋ ɓalɨn̰ dorɨn̰ cɨn̰ hɨnga ga ɗari. Na toy di hɨn̰ wo̰ ma, wɔlɛ gɨ Jesu-Kɨris kɨya caga le kɨŋ kɨya duroŋ mɨra bɨ masadɨgɨŋ kɨya unɔ bɨ.

Pilib 1:6

Ɨŋ sol kuɗa, Kumu gɨ ba ɗɔɔ te gɨye gɨ kuɗa gɨ nee a kuduroygɨŋ le, kɨya orɨn̰ danayi bɨrɨŋ dɨɗe kɨbi a wɔlɛ gɨ Jesu-Kɨris kɨya cagan̰ gɨŋ.

Pilib 2:15

ɗe agɨŋ bɨlɨn̰ kalaŋ ga masadɨge unɔ bɨ, duroŋge mɨra bɨ, karɨn̰ Kumu ga hɨnga ga ɨsɨni dḛ wo̰ cɨlge naŋ bɨ, ga sɨmage duroy kalaŋ ga dan̰ durɔ ɗɨngar gaŋ naŋ, naŋ bɨ, duroy kalaŋ ga mundoŋ coŋ ga a cay gɨsəŋ gaŋ kɛ naŋ bɨ. Wɨyagɨŋ duroyge hɨn̰ dɨngɛ di asɨn̰ duroy dɨlɨm dɨŋ wo̰,

Kɔlɔs 1:22

Ama haw kɛ na, Kumu beegɨŋ pɨna danayi kol cay kuyoŋdi Kɨris dan̰ gɨyəŋ gɨ da tɨmaydi ɗe lee gɨ kɨŋ na andan̰ cɨn̰ Kumu hɨn̰ kalaŋ ga woyge dan̰ cɨndɨge bɨ, ga masadɨge unɔ bɨ, ga ungo ɓala dɨbɨge kɔl cayge naŋ bɨ.

Kɔlɔs 4:17

Ɨni na, yan̰gɨŋ Argip ya hɨn̰: «Sɨma-bɨra a kɨbɨ gɨye gɨ Ba-gulɔŋ ba been̰ kobɨn̰ le, ɗe an̰ lee duroŋ cɨrɛɗ.»

1 Tesalonigɨ 3:13

Kuɗa gɨ ban laa gɨ ɗugoygɨŋ usa ɗe agɨŋ won̰ kalaŋ ga woy dan̰ cɨndɨge bɨ, kalaŋ ga masadɨge unɔ bɨ, tumoy Bayna Kumu, kɨɗɨn̰ ga Ba-gulondɨna Jesu kɨya ɨrga dan̰ kalaŋ kayi nɔm le. Ɗa-ɗe-woy-hɨn̰-wo̰!

1 Tesalonigɨ 5:23

Kuɗa gɨ Kumu gɨ ba bɨn̰ kalaŋ gusi-dɔbɛ dan̰ gusi koyi dɨragɨŋ sɨgɨŋ dan̰ cɨndɨgɨŋ ɗɨga kol cayi. Kuɗa gɨ ban gama turnoygɨŋ bɨ, habedɨgɨŋ bɨ, kuyoŋdi-gusɨgɨŋ bɨ dɔmɔmɔ, ɗe wɔlɛ gɨ Ba-gulondɨgɨŋ Jesu-Kɨris kɨya caga na, masadɨgɨŋ na unɔ.

2 Tesalonigɨ 2:1

Karmɨnɨ ga ban̰aŋ dan̰ ga kandɨ, kɔl gɨ ojɨ cay jɨga gɨ da Ba-gulondɨna Jesu-Kɨris bɨ, cay dayaŋ kona gusii bɨ le, ni olgɨŋ gɨ:

2 Tesalonigɨ 2:8

Na wɔlɛdi gɨ nee le ma, Ba-Kuduroy-Ɨndɨwa le kɨya gɨle gusi bɨ, Ba-gulɔŋ Jesu kɨya dɨɗii dan̰ habe gɨ kɨya andaŋ kɨbi bɨ, dan̰ dɔnɔ di da cagadi bɨ.

1 Timote 6:20

Ay Timote, gama hɨnga ga Kumu ba day been̰ kobɨn̰ kuɗa. Ji kan̰a are-kɔl ga badɨ badɨ wo̰ dugo ga ɨra dan̰ aye kudurɔ pɨna naŋ le. Man̰e-kɔl gɨ da ka-sɔlɛ hɨnga ga ni poy le kalɨn̰ ma, ji kan̰a coŋ bɨ.

2 Timote 4:1

Wɔlɛ pɨna Jesu-Kɨris kɨya jɨga. Ban kɨya jɨga kɨya dɔɔ-ƴaa bɨ, bɔyɛ kɔl cay kalaŋ ga somge-bɨra bɨ, kalaŋ ga madɨrdaŋ bɨ. Na toy di hɨn̰ wo̰ ma maŋ olɨn̰ tumoy Kumu bɨ, tumoy Jesu-Kɨris bɨ.

Titɨ 2:13

Naa wa wa kalɨn̰ ma, ojɨ gɨ na gama tumoy wolwa di na ba bee ɨrɨmedɨna cay nee di nee le hɨn̰ wo̰. Wɔlɛ gɨ nee gɨŋ le, gusoŋ-tɔgɛ gɨ da Kumu konagɨŋ gɨ gumu bɨ gɨ ba-poɗɨnagɨŋ bɨ, gɨ na Jesu-Kɨris le kɨya gɨle gusi doŋ.

Əbɨro 9:14

Ama hɨn̰ gɨ kɨbardi nare na ɓala lɔɔ hɨn̰ wo̰ na, kɨbardi Kɨris kɨya lɔɔ ɗɨn̰ ɗɨn̰ coŋ. Kɨya wa kɨbardi ɗɨn̰ gɨ da nare coŋ. Ban ay gusi bɨn̰ Kumu dan̰ tumoyi hɨn̰ hɨnga ga ni bogɨn̰ kɨbar ga masadɨge unɔ, dan̰ dɔnɔ di da Turnɔ di som dan̰ tumɔɔ. Na kɨbardi gɨ nee le ba mɔndɛ ɨrɨme gɨ da gɨye-lɔɔ gɨ ɨsɨni gɨ woy kuduroynagɨŋ nɔm coŋ, lee gɨ na duroŋ mɨra, ɗe ana na leen̰ gɨye gɨ da Kumu gɨ som-bɨra dan̰ tumoyi.

Əbɨro 9:28

Kɨris kalɨn̰ ma ay gusi been̰ kɨbar na cay pɨna ƴɔbɨ kɨya dorɨn̰ ɨsɨnan̰əŋ ga da kalaŋ ga dan̰ kondige. Ban kɨya andaŋ gɨ ni tɨba sɔɔdi na gɨ ni dorɨn̰ ɨsɨnan̰əŋ naŋ ɨni, ama na gɨ ni poɗɨn̰ kalaŋ ga somge amiige.

1 Pɨyɛr 1:19

Ama ban boy caygɨŋ na dan̰ kɨbar gɨ da Kɨris gɨ kɨledi osu tɔgɨ. Ban woy gɨlɨn̰ na hɨn̰ kurɨn̰-dɨmangɨ gɨ kɨɗɨn̰di pɨna wo̰ mundoŋ naŋ bɨ.

1 Pɨyɛr 1:7

Na solgɨŋ gɨ lɔr di lam wo̰ kɨya unɔ le, kan gɨwasooge na dan̰ tɨwa. Na hɨn̰ wo̰ ma, aye kudurɔ kogɨŋ gɨ kɨledi ɗɨn̰ lɔr kalɨn̰ ma, kɨya gɨwasiige ɗe age na solɨn̰ togii. Na hɨn̰ wo̰ ma kɨɗɨn̰ ga Jesu-Kɨris kɨya caga le, Kumu kɨya hɨramgɨŋ bɨ, dɨbe gusoŋ-tɔgɛ caygɨŋ bɨ, aye caygɨŋ daa bɨ.

2 Pɨyɛr 2:21

Hɨn̰ gɨ tumɔ kan ni na sɨla gɨyəŋ gɨ ni lɔɔ hɨnga ga dan̰ durɔ ɗɨngar naŋ na, golgo ɗɨn̰ gɨ kan sol pa dɨm ma bɨlɨn̰ge kardɨge bɨn̰ te tumɔ da Kumu di kan bɨge le.

2 Pɨyɛr 3:14

Karmɨnɨ ga ɨŋ lee-toygɨŋ, na hɨnga ga nee le ma magɨŋ gam gusi Kumu. Na toy di hɨn̰ wo̰ ma, ƴɨmagɨŋ gusɨgɨŋ usa ɗe agɨŋ somɨn̰ dan̰ gusi-dɔbɛ bɨ, dɔrɛ mɨra bɨ, ɗe masadɨgɨŋ unɔ tumoy Kumu bɨ.

2 Pɨyɛr 3:2

Ɨrɨmgɨŋ a cay kɔl gɨ ka-yɔɔ-kɔl-gɨ-Kumu-ba-yɔɔ ga woyge dan̰ cɨndɨge yege tumɔ le bɨ, cay te tumɔ da Ba-gulɔŋ bɨ Ba-pɔɗɛ kalaŋ bɨ ga ka-gɨre-gɨye kagɨŋ gɨlgɨŋge le bɨ.

1 Ja̰ 3:2

Ay, kɨŋ ga ɨŋ lee-toygɨŋ, gɨ na ba somɨn̰gɨŋ haw kɛ na, na-gandi na karɨn̰ Kumu ɨni. Na kɨya wɔyɛgɨŋ gɨlɨn̰a na mɨna ga kardi nee kalɨn̰ ma, Kumu wasɨn̰a cay bɨnagɨŋ naŋ ƴee. Ama na solgɨŋ gɨ kɨɗɨn̰ ga Kurɨn̰ Kumu kɨya jɨga na, na kɨya soliigɨŋ dan̰ cɨndɨnagɨŋ gərɨn̰ gərɨn̰ bɨ, na kɨya wɔyɛ gɨlɨn̰a danayi ca ca bɨ.

Magtubu di Jud wal 1:24

Na cɨndi Kumu na ba tɔgɨ bɨ, ban ɓal gamgɨŋ ɗe agɨŋ cangɨn̰ daa te gɨyəŋ gɨŋ coŋ naŋ bɨ. Ban ba kɨya orɨn̰ danagɨŋ a kɨɗɨn̰ ga masadɨge unɔ ga ban ɨre nee gaŋ ga orɨn̰ dan̰ gusoŋ-tɔgɛ cɨrab, dan̰ gusi-mɔwa di gumu tɔgɨ.

Wasɨn̰a 1:7

Sɨlagɨŋ, ban tɨlga duroy gɨrɨmbale gaŋ nee, Kalaŋ nɔm kɨya soliige dan̰ cɨndɨge, Kan ga ka-jɨbege gasɨbii le kalɨn̰ ma, Kɨya soliige dan̰ cɨndɨge bɨ. Te wɨn̰je nɔm ga a cay gɨsəŋ gaŋ, Kɨya ɨlege gusɨge togɨn̰ kuduroyge kol cayi. Ho’o! Ɗa-ɗe-woy-hɨn̰-wo̰.