1 Timote 6:13 - Gabri Maja

¹³ Kumu gɨ ba lɔɔ gɨ hɨnga nɔm som-bɨra bɨ, Jesu-Kɨris gɨ lee tɨmon̰ tumoy Po̰s Piladɨ, lee gɨ ban ye kɔl aye kudurɔ gɨ kuɗa tɔgɨ daa pɨraŋ bɨ le, ɨŋ yen̰ hɨnga ga kɛ le tumoy Kumu dan̰ Jesu-Kɨris ɗe gɨ an̰ lee:

1 Timote 6:13 ပူးပေါင်းရင်းမြစ်များ

Matɨyo 27:11

Orɨn̰ge dan̰ Jesu tumoy ba-kɨbɨ kɨlma gɨ gumu. Ɨni na, ban ɨngɨrii ye hɨn̰: «Kɛ, ji na kɨlma gɨ da Jubɨn̰əŋ ga?» Ɨni na, Jesu dɨbii cay nee yeyi hɨn̰: «Na ji-bandi ba yɔ dan̰ kɨbɨn̰ han̰.»

Matɨyo 27:2

Kan saɗɨdiige bɨ orɨn̰ge danayi, dobiige kobɨ Piladɨ ba-kɨbɨ kɨlma gɨ gumu.

Kɔl-gɨ-Ɗari gɨ Ja̰ wal 14:6

Jesu dɨbi cay nee yeyi hɨn̰: «Ɨŋ-bandi, ɨŋ na gɨyəŋ bɨ, kɔl gɨ cɨndi bɨ, sɔmɛ-bɨra gɨ dan̰ cɨndi nee bɨ. Ungo gɨ ani ani gɨ na ɨre dan̰ gɨyəŋ gɨ gusɨnɨ naŋ na, ban kɨya ɓale andaŋ gusi Banɨ naŋ.»

Kɔl-gɨ-Ɗari gɨ Ja̰ wal 19:11

Ɨni na, Jesu jɨga dɨbi cay nee yeyi hɨn̰: «Tumɔ, ban gɨ som daa nii le ni na bɨn̰ dɔnɔ naŋ na, ji ni kɨya ɓale lɔɔ hɨnga pɨna danaŋ naŋ. Na toy di hɨn̰ wo̰ ma, ɨsɨna gɨ da ban gɨ ba dɔbɔŋ kobɨn̰ le gumu tɔgɨ dɨn̰ kon̰ coŋ.»

Kɔl-gɨ-Ɗari gɨ Ja̰ wal 5:21

Hɨn̰ gɨ kɨye bayi boy kalaŋ ga madɨrdaŋ lɨbge bɨ, lee gɨ kan somin̰ge-bɨra bɨ le, na hɨn̰ wo̰ ma, Kurɔŋ kalɨn̰ ma lee gɨ ɗe kan ga kuduroyi geyge le, na sɨman̰ge-bɨra bɨ.

Kɔl-gɨ-Ɗari gɨ Ja̰ wal 5:26

Kɨya wa hɨn̰ gɨ Kɨye bayi orɨn̰ dan̰ sɔmɛ-bɨra le, na hɨn̰ wo̰ ma ban bɨn̰ Kuroŋ ɗe gɨ ban kalɨn̰ ma na ɨran̰ dan̰ sɔmɛ-bɨra bɨ.

Gɨye-lɔɔ 17:25

Gɨye koyi kalɨn̰ ma, gey kobɨ kalaŋ ga ɨndəŋ naŋ bɨ, ban ɨran̰ dan̰ n̰agedi hɨnga pɨna wo̰ ɗe ungo na bii naŋ bɨ. Kɨya wa ban mana ba bɨn̰ kalaŋ nɔm sɔmɛ-bɨra bɨ, ba dɔbɛ habe kuduroyge bɨ, ba bɨge hɨnga nɔm ga ba baa bɨ.

2 Korɛ̰t 9:13

Gɨye gɨ nee le, lee gɨ kalaŋ solge gɨ kɨŋ naa ka-aye kudurɔ ga leen̰ cɨndi. Kɨŋ gɨlge hɨn̰ gɨ kɨŋ na bee kɔl a cay Kɔl-gɨ-Ɗari gɨ da Kɨris gɨŋ hagɨŋ. Kɨŋ ƴom wandɨ dan̰ ka-aye kudurɔ ga a Jerusalɛm bɨ, dan̰ kalaŋ ga ɗaŋ nɔm nee bɨ, a te hɔgɛ hɨnga pɨna gaŋ bɨ. Na toy di hɨn̰ wo̰ ma kan kɨya hɨramege Kumu tɔgɨ.

Galad 3:26

Leen̰ cɨndi na, kɨŋ-gandi nɔm kɨŋ na karɨn̰ Kumu dan̰ gɨyəŋ gɨ da aye kudurɔ gɨ beegɨŋ pɨna dan̰ Jesu-Kɨris.

1 Timote 1:12

Ɨŋ leen̰ ho’o Ba-gulondɨna Jesu-Kɨris ba bəŋ tɔgɨ, kɨya wa ban sol gɨ ɨŋ ɓal gɨ ban na kɨya bəŋ kuduroyi. Lee gɨ Ban ayaŋ a boy gɨye koyi gɨŋ.

1 Timote 1:15

Kɔl gɨ kɛ le, na kɔl gɨ cɨndi gɨ ojɨ gɨ ungo na bɨga kuduroy cay nee bɨ, na kɔl gɨ ɓal gɨ kalaŋ nɔm na ƴage mɨlaŋ bɨ: Jesu-Kɨris ɨrga a cay gɨsəŋ gaŋ na kɨya pɔɗɛ ka-lɔɔ ɨsɨna. Ama ɨsɨna hɨnge ɗɨn̰ ɨsɨna gɨ da ka-lɔɔ ɨsɨna nɔm.

1 Timote 2:5

Kɨya wa Kumu na pɨna hayi kəɗ kəɗ bɨ, Ba-ɨre duroy Kumu dan̰ kalaŋ kalɨn̰ ma, Na pɨna hayi kəɗ kəɗ. Ungo gɨ nee le, Na Jesu-Kɨris.

1 Timote 5:21

Ɨŋ olɨn̰ tumoy Kumu bɨ, tumoy Jesu-Kɨris bɨ, tumoy ka-ƴɔbɛ ga daa nii ga torgege bɨ, ji laa hɨnga ga ɨŋ ba gɨlɨn̰ kɛ le dɨle bɔɔ te ungo pɨna naŋ bɨ, dɨle lɔɔ hɨnga pɨna kɨya dorɨn̰ cɨn̰ ungo naŋ bɨ.

1 Timote 6:12

Wɨrɨn̰a wɔrɨn̰ɛ gɨ kuɗa gɨ da aye kudurɔ bɨ, ƴɨma sɔmɛ-bɨra gɨ dan̰ cɨndi gɨ Kumu ba teen̰ koldi le bɨ. Hɨn̰ gɨ ji ba yen̰ kɔl aye kudurɔ kon̰ kuɗa tumoy tɨmon̰ ga kondi gaŋ le.

Wasɨn̰a 1:5

Kuɗa gɨ Jesu-Kɨris ba lɔɔ tɨmon̰ gɨ ɨre a cay tɨbayi dɨŋ le, bɨgɨŋ ɗarwa bɨ, gusi-dɔbɛ bɨ. Jesu-Kɨris le, na ban pɨna hayi ma na ungo gɨ cay wase cɨg cɨg gɨ boy lɨbɨ duroy kalaŋ ga madɨrdaŋ gaŋ. Ban na kɨlma gɨ ba-dɔɔ cay kɛrɨmbɛlɛŋ ga a cay gɨsəŋ gaŋ kɛ. Ban geynagɨŋ bɨ, dornagɨŋ a kobɨ guyɔŋdu di da ɨsɨna konagɨŋ gɨŋ bɨ, dan̰ gɨyəŋ gɨ ni kɨbardi bɨ.

Wasɨn̰a 21:6

Bɨ ban jɨga yəŋ ɗaŋ hɨn̰: «Te kɔl ayaŋ ɨni. Ɨŋ na Alpa bɨ Omega bɨ, ɨŋ na ba se te hɨnga bɨ, ba-dɨɗe kɨbɨge bɨ. Waŋ waŋ gɨ gɨmase na daayi na, ɨŋ kɨya bii kaŋ ga ni sɔɔ kalɨn̰ a cɨn̰-kaŋ ga ni sɔmɛ-bɨra gaŋ.

Wasɨn̰a 22:1

Kardi nee, ba-ƴɔbɛ gɨ daa nii le gɨləŋ kaŋdi kuray gɨ ungo na saa na kɨya sɔmɛ-bɨra. Kaŋdi kuray gɨ kaŋdi ɨre arɨn̰ cərərə bɨrɨŋ gɨ toyge ga dugo kalɨn̰ ma ungo ɓal sɔlɛ, andaŋ na a te kali-tɨrɨmbala di da Kumu dɨŋ bɨ, da Kurɨn̰-dɨmangɨ dɨŋ bɨ.

Wasɨn̰a 3:14

Ungo gɨ ɨŋ ba solii le jogɨ yɔ ɗaŋ coŋ hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Lawdise. «Ban gɨ na Amɛn bɨ, ban gɨ na tɨmon̰ gɨ ɨre a cay tɨbayidɨŋ bɨ, ban gɨ na ungo gɨ hɨnde bɨ, ban gɨ danayi le Kumu ɗen̰ hɨnga nɔm bɨ, ye hɨn̰: