1 Timote 6:10 - Gabri Maja

¹⁰ Kɨya wa tabɨlaŋ di gursu le, na te sarnay hɨnga ga ɨsɨni nɔm. Kɨɗɨn̰ ga kalaŋ na aya gusɨge bɨn̰ gursu ɨni na, kɨya ɗɔɔge aye kudurɔ coŋ bɨ, kɨya kayaŋge hen̰ bɨ, hɨnga ga ni mɨrɨn̰tɨn̰i ga toyge kan̰dɨge kan̰dɨge kɨya looge bɨ.

1 Timote 6:10 ပူးပေါင်းရင်းမြစ်များ

Matɨyo 13:22

Gasi-gɨse ga bugoŋ duroy gɨsɨmn̰əŋ gaŋ le, na kalaŋ ga jege kɔl gɨ da Kumu, ama ɨrɨme a cay hɨnga ga cay gɨsəŋ gaŋ bɨ, kurɔŋdi wɔɔ gursu bɨ ƴee cay kɔl gɨ nee le coŋ. Lee gɨ andaŋ hɨnga bɨge naŋ.

Matɨyo 23:13

«Cɨn̰-n̰age kɨya bɔɔ caygɨŋ, kɨŋ ka-gɨlɨn̰ kalaŋ gasɨn̰-kɔl gɨ da Moyis bɨ, Parɨsɨn̰an̰əŋ bɨ, ga ka-yɔɔ-kɔl-kɨbɨgɨŋ-sɔɔ-sɔɔ le! Kɨya wa kɨŋ lɨgɨ kɨbɨ dɔɔ-ƴaa di daa nii daa cay kalaŋ coŋ. Kɨŋ kalɨn̰ ma, kɨŋ andaŋ nee naŋ bɨ, kan ga geyge andaŋ nee kalɨn̰ ma, kɨŋ narge andaŋ nee coŋ bɨ.

Matɨyo 6:19

«Kɨŋ ɗɔɔ ba mɨrəŋde kandi-wɔɔ ga cay gɨsəŋ gaŋ naŋ. Kɨya gɨ a cay gɨsəŋ gaŋ kɛ, yulmu kɨya tale bɨ, yɨlwa kɨya ƴɔmɛ bɨ, ka-hase kɨya kɨbege bɨrɨm gɨ ni hasɨn̰ bɨ.

Marg 4:19

ama ɨrɨme gɨ da hɨnga ga a cay gɨsəŋ gaŋ bɨ, kurɔŋdi wɔɔ gursu bɨ, tabɨlaŋdi hɨnga ga toyge kan̰dɨge kan̰dɨge andaŋ kuduroyge bɨ ƴee cay kɔl gɨ da Kumu lee gɨ kɔl le andaŋ hɨnga naŋ.

Kɔlɔs 3:5

Kuɗa gɨ kɨŋ ɗa hɨnga nɔm ga a cay gɨsəŋ gaŋ kɛ, ga woy a gusɨgɨŋ le ɗe mara coŋ: Na yɔyɛ dan̰ gangɨ caa bɨ, hɨnga ga ni dasi bɨ, kurɔŋdi hɨnga ga lee hundɔrɔ bɨ, kurɔŋdi hɨnga ga ɨsɨni dan̰ lɔɔ te gursu gɨ na n̰ɨre kula bɨ.

1 Timote 3:3

Na guyɔŋ gɨ da cɛrɛ naŋ bɨ, ba-wɔrn̰ɛ dan̰ kalaŋ naŋ bɨ, ama na ungo gɨ kaledi jal bɨ, ba-bɔjɨn̰ɛ dan̰ kalaŋ naŋ bɨ, gɨ tabɨlaŋ di gursu ƴɨmayi naŋ bɨ.

1 Timote 6:21

Hɨnga ga ni sɔlɛ ga ni poy ga nee le, kalaŋ ga pɨna yege gɨ ke na orɨn̰. Lee gɨ kan kayaŋge a te aye kudurɔ koge gɨŋ orɨn̰ge gehɛn dɨŋ. Kuɗa gɨ ɗarwa di da Kumu ba danagɨŋ nɔm.

1 Timote 6:9

Ama kan ga geyge wɔɔ hɨnga tɔgɨ le, kɨya bugoŋge a boy boy di da hɨnga ga ni gɨybe gaŋ bɨ. Kɨya bugoŋge boy kondɨwadi tabɨlaŋ da hɨnga ga ni dɨngale ga dɨmbɨri gaŋ bɨ, ga na hɨnga ga kɨya mɔndɛ ungo muɗɔgɨ muɗɔgɨ coŋ bɨ, bogɨge kayaŋ bɨ.

2 Timote 3:2

Kɨya wa kalaŋ kɨya bɨləŋge ka-kɨndare bɨ, kɨya lɔɔge te gursu tɔgɨ bɨ, kɨya gɨlege gusɨge bɨ, kɨya dɔgɛge-jorgɨyge bɨ, kɨya yagɨdege Kumu bɨ, kɨya bɨlege ka-baa ga da ka-wɔɔdɨge bɨ, kɨya sɔlɛge ɗarwa di ungo lee danage naŋ bɨ, kɨya hundɔrɔge kardi hɨnga ga woy dan̰ cɨndɨge ojɨn̰ cay Kumu naŋ bɨ.

2 Timote 4:10

Kɨya wa Demas ɗəŋ coŋ, kɨya hɨnga ga cay gɨsəŋ gaŋ ga haw kɛ le moyi tɔgɨ, lee gɨ ban tolɨn̰ Tesalonigɨ. Bɨ Kərəsa̰s tol Galasi bɨ, Titɨ tol Dalmasi bɨ,

Titɨ 1:11

Kuɗa gɨ kɨŋ lɨgɨ kɨbɨge daa. Kɨya wa kan na ka-tɔbɛ kalaŋ ga a duroy wandɨ di pɨna dɨŋ nɔm duroy nee, dan̰ hɨnga gɨledɨge. Kan som gɨlɨn̰ kalaŋ hɨnga ga uja naŋ ɗe age na wan̰ gursu di kan ƴɨmage kɨjan̰e kɔldɔ naŋ.

Magtubu di Jag wal 5:19

Karmɨnɨ ga ban̰aŋ dan̰ ga kandɨ, hɨn̰ gɨ ungo duroygɨŋ na cɨroŋ ɗa gɨyəŋ gɨ cɨndi gɨ da Kumu coŋ, ma ungo gɨ ɗaŋ na jɨgen̰ danayi na,

Magtubu di Jud wal 1:11

Ɓɨse woy gamge. Kan ayge gɨyəŋ gɨ da Kayin. Kan ayge gɨyəŋ gɨ da poy di da Balam haw age na wan̰ cay kobɨge nee bɨ. Kan kan̰ɨn̰ge kɔl kɨbɨ Kumu hɨn̰ Kore wo̰ bɨ. Na toy di hɨn̰ wo̰ ma kan kɨya mundoŋ leen̰ cɨndi.

Wasɨn̰a 18:13

Hɨnga kage ga ni gɨyaw ga ɗaŋ ga ni urbu di sɨya gɨ ɗo̰ kuɗa gɨ teeyige kanɛl bɨ, hɨnga ga ni bɔgɛ kɨlɨn̰ gaŋ ga ɗo̰ kuɗa bɨ, ɨdɨr bɨ, ɨleledi mir bɨ, kɨrbaŋdi hɨnga ga ɗo̰ tɨna bɨ, cɛrɛ di suru bɨ, sɔŋ bɨ, kɨndɨre bɨ, cɨn̰ gɛmɛ bɨ, sɨn̰əŋ bɨ, gamge bɨ, hɨndɛrɛŋ bɨ, pusu ga ni kɨmbɨln̰əŋ bɨ, gɔyɔŋ bɨ, dangayn̰əŋ bɨ.