1 Timote 5:8 - Gabri Maja

⁸ Hɨn̰ gɨ ungo na sɨla kardi ka-wandɨ kayi naŋ ɗɨn̰ kɨɗɨn̰ coŋ le bɨ, sɨla kardi kalaŋ ga duroy ƴaadi gɨŋ naŋ bɨ na, ungo gɨ nee le na ungo gɨ nongɨ aye kudurɔ koyi ɗe coŋ bɨ, na ungo gɨ ɨsɨni ɗɨn̰ ungo gɨ aya kuduroy naŋ bɨ.

1 Timote 5:8 ပူးပေါင်းရင်းမြစ်များ

Matɨyo 18:17

Hɨn̰ gɨ ban na kan̰a jɔɔ kɔl koge na, yan̰ Ka-Daye ga da Kumu, ma hɨn̰ gɨ ban na kan̰a jɔɔ Ka-Daye coŋ na, kɨŋ sɨlayi hɨn̰ ungo gɨ sɨla Kumu gɨ cɨndi naŋ bɨ, kɨŋ sɨlayi hɨn̰ ungo gɨ ba-hɔgɛ lambo wo̰ bɨ.

Matɨyo 7:11

Kɨŋ ga kuduroygɨŋ ɨsɨn kalɨn̰ ma, kɨŋ sol bɨn̰ karɨndɨgɨŋ hɨnga ga ɗari. Ma na mɨna ma Baygɨŋ gɨ som a daa nii, kɨya bɨn̰ kan ga ɨngɨriige hɨnga ga ɗari ɗɨn̰ ga nee le coŋ naŋ ga?

Kɔl-gɨ-Ɗari gɨ Ja̰ wal 15:22

Tumɔ ɨŋ ni na ɨre yage kɔl naŋ na, ɨsɨna ni kɨya ƴɔmɛ cayge naŋ. Ama haw kɛ na, kol ɨsɨna koge kɨya duroŋ cayge naŋ.

1 Korɛ̰t 6:6

Lee gɨ ka-karme orɨn̰ge dan̰ kɔl koge na tumoyi ka-aye kudurɔ naŋ.

2 Korɛ̰t 12:14

Sɨlagɨŋ ɨŋ ƴom cay tɨbanɨ gɨ ni ɔrɛ tagɨŋ. Gɨ kɛ na gɨ ni tɨba sɨbɨdi ɨni, ama ɨŋ kɨya nɨn̰gɨŋ naŋ. Kɨya wa hɨnga ga ɨŋ mal le na hɨnga wɔɔdɨgɨŋ naŋ, ama ɨŋ geygɨŋ na kɨŋ-gandi gusɨgɨŋ. Leen̰ cɨndi na, na karɨn̰aŋ ba-ame hɨnga wɔɔdɨge kɨya cay kandɨge naŋ, ama na karɨn̰aŋ kandɨge ba-ame hɨnga wɔɔdɨge kɨya cay karɨndɨge.

2 Korɛ̰t 6:15

Kɛ Kɨris gɨ ɓale bugoŋ pɨna dan̰ Sidan ga? Kɛ ba-aye kudurɔ gɨ ɓale bugoŋ pɨna dan̰ ba-aye kudurɔ naŋ ga?

Galad 6:10

Na toy di hɨn̰ wo̰ ma, kɨɗɨn̰ ga na na waagɨŋ gɨyəŋ na, kuɗa gɨ na laagɨŋ ɗarwa dan̰ kalaŋ nɔm. Ama dan̰ karmɨna ga ka-aye kudurɔ na, laanagɨŋ danage ɗɨn̰.

2 Timote 2:12

Hɨn̰ gɨ nana ƴɨmagɨŋ usa na, Na kɨya dɔɔ-ƴaa danayi bɨ. Hɨn̰ gɨ nana man̰agɨŋ cay kɨbɨnagɨŋ, Gɨ na na sɨlayigɨŋ naŋ na, Ban kalɨn̰ ma kɨya man̰e cay kɨbi, Gɨ ɗi na sɨlanagɨŋ naŋ bɨ.

2 Timote 3:5

Gɨye-lɔɔdɨge gɨ doŋ kɨya gɨle gɨ kan naa ka-lɔɔ hɨnga ga bugoŋ pɨna dan̰ hɨnga ga Kumu gey le, ama kan na ka-man̰e dɔnɔ di woy boy nee coŋ. Kuɗa gɨ ji bɨl kardɨn̰ bɨn̰ kalaŋ ga nee le.

Titɨ 1:16

Kan yege gɨ ke na sol Kumu ama gɨye-lɔɔdɨge gɨl gɨ kan sɨlage Kumu naŋ leen̰ cɨndi. Kalaŋ ga gɨlɨn̰ge hɨn̰ wo̰ le, na kalaŋ ga ɨsɨnge tɔgɨ bɨ, na ka-mɨn̰e daa bɨ, ɓalage lɔɔ hɨnga ga ɗari pɨna wo̰ dɨbe daa naŋ bɨ.

2 Pɨyɛr 2:1

Naa tumɔ, ka-yɔɔ-kɔl-gɨ-Kumu-ba-yɔɔ ga cɨndi naŋ woyge duroy te kalaŋ ga da Kumu. Haw kɛ kalɨn̰ ma, ka-gɨlɨn̰ kalaŋ hɨnga ga cɨndi naŋ woyge duroygɨŋ nee. Kan kɨya andaŋ duroygɨŋ dan̰ n̰ale kɨya gɨlɨn̰ kalaŋ hɨnga ga dan̰ gɨyəŋdɨge naŋ bɨ, hɨnga ga ɨsɨn tɔgɨ bɨ. Ba gɨlge hɨnga gɨ ba bɔyɛ cayge le, kan orge bɨrɨŋ kan̰ii coŋ bɨ. Kan malgage mundoŋ ɨrgan̰ a cay gusɨge koge gɨŋ gaŋ, ama mundoŋ koge le kɨya caga cɛd.

Magtubu di Jud wal 1:4

Kɨya wa kalaŋ ga pɨna andaŋge duroygɨŋ dan̰ wɔsɛ. Kalaŋ ga nee le, kɔl ƴom cayge ɨni kol gɨye-lɔɔdɨge. Tumɔ ka-yɔɔ-kɔl-gɨ-Kumu-ba-yɔɔ walge kɔl gɨ ojɨ cayge. Kan na ka-baa ga da Kumu. Kɔl gɨ ojɨ cay ɗarwa di da Kumu konagɨŋ le, kan bɨliige dɨbiige masa age na yoyɨn̰ gorɨn̰ daa. Kan kan̰ge kɔbɛ Jesu-Kɨris ba-cay nagɨŋ bɨ, Ba-gulondɨna bɨ, gɨ pɨna hayi kəɗ kəɗ le.

Wasɨn̰a 2:13

Ɨŋ sol kɨɗɨn̰ ga kɨŋ ba somɨn̰ nee le, na kɨɗɨn̰ ga kali-tɨrɨmbala da Sidan woy a nee. Naa hɨn̰ wo̰ kalɨn̰ ma, bɨrɨŋ gɨsɨn̰ haw kɛ kɨŋ ƴom gusoŋnɨ osu nɨngan̰ aye kudurɔ kogɨŋ ɗa coŋ naŋ. Wɔlɛ gɨ dɨɗɨn̰ge Andipas a tagɨŋ kɨɗɨn̰ ga Sidan won̰ a nee kalɨn̰ ma, kɨŋ man̰a kɨbɨgɨŋ naŋ. Andipas le, na tɨmon̰ hɨnge gɨ ba ɨre a cay tɨbayi dɨŋ.

Wasɨn̰a 3:8

“Ɨŋ sol gɨye-lɔɔdɨgɨŋ nɔm. Sɨlagɨŋ, ɨŋ haŋgɨ kɨbɨ-ƴaa ɗe hangɨwa a tumoygɨŋ”. Ungo pɨna wo̰ kalɨn̰ ma kɨya ɓale lɨge naŋ. Ɨŋ sol gɨ togɨygɨŋ na dḛ wo̰ haa, ama na hɨn̰ wo̰ kalɨn̰ ma, kɨŋ gam dan̰ kɔl hɨnge bɨ kɨŋ man̰a kɨbɨgɨŋ kol canɨ naŋ bɨ.