1 Timote 5:17 - Gabri Maja

¹⁷ Kan ga muɗoldoŋ ga dorge tumoy Daye kuɗa le, ɗa gɨ kalaŋ bɨge hɨnga ga ni cay kobɨge kɨɗɨn̰ sɔɔ. Ama gɨ kondi tɔgɨ na, na kan ga ɗege gusɨge kɨbɨ gɨye gɨ nɨye-tɔgɨ, gɨ na gɨye-tɔgɛ bɛrnɛ bɨ, gɨlɨn̰ kalaŋ kɔl gɨ da Kumu le bɨ.

1 Timote 5:17 ပူးပေါင်းရင်းမြစ်များ

Matɨyo 24:25

Jagɨŋ, ɨŋ yəgɨŋ kɔl gɨ nee le jugu ɨni.

Kɔl-gɨ-Ɗari gɨ Lug wal 10:7

Sɨmagɨŋ a duroy ƴaa di nee le, daagɨŋ bɨ, saagɨŋ hɨnga ga kan kɨya bɨgɨŋ bɨ. Kɨya wa ba-lɔɔ gɨye le, orɨn̰ dan̰ cay kobi. Orɛgɨŋ dan̰ kɨbɨ ƴaa ƴaa naŋ.

Kɔl-gɨ-Ɗari gɨ Lug wal 12:42

Ɨni na, Ba-gulɔŋ dɨbɨge nee yege hɨn̰: «Waŋ ma na ba-sɔlɛ kardi hɨnga gɨ ba ɨre a cay tɨbayi dɨŋ bɨ, gɨ cɨndi arɨn̰ bɨ, gɨ ba-ƴaadi kɨya ayi si cay kalaŋ ga duroy ƴaa toyi dɨŋ, kɨya gosɨnɨn̰ dɔɔ dan̰ tɨwadi bɨn̰ kamdi gɔyɔŋ ga ɗaŋ kobi ga?

Kɔl-gɨ-Ɗari gɨ Ja̰ wal 4:38

Ɨŋ naa gɨygɨŋ wale gasa a boy yage gɨ kɨŋ naa laa gɨye boy nee naŋ. Na kalaŋ ga ɗaŋ ba lɔɔge gɨye tumoyigɨŋ boy nee bɨ, kɨŋ andaŋ na a boy gɨye gɨ kan ƴomge kɨjan̰e gɨɗaŋ nee gɨŋ ɨni bɨ.

Gɨye-lɔɔ 11:30

Kɨɗɨn̰ ga kan lee hɨnga ga kan ojɨ lɔɔ le ɨni na, kan ayge hɨnga wɔɔdɨge le beege kobɨ Barnabas kan dan̰ Sol, ɗe kan na ɨran̰ge bɨn̰ kan ga muɗoldoŋ ga a cay gɨsəŋ ga Jude gaŋ.

Gɨye-lɔɔ 20:35

Ɨŋ-bandi, ɨŋ gɨlgɨŋ daa daa gɨ ojɨ gɨ ni lɔɔ gɨye hɨn̰ wo̰ kɨya jɨbɨn̰ te kan ga wɔɔdɨge unɔ bɨ, agɨŋ na hɨnɨn̰ a cay kɔl gɨ Ba-gulɔŋ Jesu gusi koyi gaŋ ba ye hɨn̰: “Tumoy wolwa gɨ da ba bee hɨnga le, ɗɨn̰ gɨ da ban gɨ ba-ƴɔɔ coŋ.”»

Gɨye-lɔɔ 28:10

Kan beenige hurɔmɔ di tɔɔ kan̰do kan̰do cayni bɨ, kɨɗɨn̰ ga tɨwa di ni nɔɔ boy koburo gɨ gumu taa taa gɨŋ ɓal ɨni na, kan bɨnige hɨnga nɔm ga ni orɨn̰ tɨrga toni bɨ.

Magtubu di Pol wal bɨn̰ kalaŋ ga Rɔm 12:8

Hɨn̰ gɨ Kumu na bɨn̰ ungo dɔnɔ di ni dobɨn̰ bandɨ kuduroy karmii na, kuɗa gɨ ban dɨba bandɨ kuduroyge. Hɨn̰ gɨ Kumu na bɨn̰ ungo cɨn̰-arɨn̰a di ni bee hɨnga na, kuɗa gɨ ban laa dan̰ wandɨ di cɨla. Hɨn̰ gɨ Kumu na bɨn̰ ungo cɨn̰-muɗɔlɛ gɨ ni dɔrɛ tumoy karmii na, kuɗa gɨ ban dɨra tumoyge dan̰ gusi-hɨmbalwa. Hɨn̰ gɨ Kumu na bɨn̰ ungo cɨn̰-arɨn̰a di ni sɔlɛ cɨn̰-n̰age di da kalaŋ na, kuɗa gɨ ban jɨbɨ toyge dan̰ gusi-mɔwa.

Magtubu di Pol wal bɨn̰ kalaŋ ga Rɔm 15:27

Kan ojɨge hɨnga ga nee le, na dan̰ gusi-mɔwa. Woy gɨlɨn̰ na hɨn̰ tugɨla wo̰ a cayge, kɨya wa tumɔ na Jubɨn̰əŋ ba gɔsɨnɛge tɔrɛ-kɨbɨ koge gɨ kan way a gusi Kumu dan̰ kalaŋ ga toyge na Jubɨ naŋ. Haw kɛ na, ojɨ gɨ na kalaŋ ga toyge na Jubɨn̰əŋ naŋ na ba jɨbge te Jubɨn̰əŋ, dan̰ hɨnga ga ni tɔrɛ-kɨbɨ ga da cay gɨsəŋ ga kan wayge.

Magtubu di Pol wal bɨn̰ kalaŋ ga Rɔm 16:12

Laan̰gɨŋ Tirpɛn dan̰ Tirpojɨ lapɨya bəŋ. Kan na kandɨ ga gɨlalage a kɨbɨ gɨye gɨ da Ba-gulɔŋ gɨŋ naŋ bɨ. Laan̰gɨŋ Pɛrsidɨ lapɨya bəŋ bɨ. Hɨndi na tɨmnɨ di ɨŋ lee-tɔɔ di gɨlal tɔgɨ a kɨbɨ gɨye gɨ da Ba-gulɔŋ gɨŋ.

1 Korɛ̰t 15:10

Ama haw kɛ na ɨŋ na ba-gɨre-gɨye kɨya gɨ Kumu lee ɗarwa danaŋ bɨ, ɗarwa di Kumu lee danaŋ le na hɨnga ga wo̰ dugo naŋ. Kɨya wa ɨŋ lee gɨye ɗige kan nɔm. Leen̰ cɨndi na, gɨ lee gɨye kuɗa na, na ɨŋ-bandi naŋ ama na ɗarwa di da Kumu di ba danaŋ.

1 Korɛ̰t 16:16

karmɨnɨ ga ban̰aŋ dan̰ ga kandɨ, dɨbagɨŋ caygɨŋ dugo bɨn̰ na kalaŋ ga hɨn̰ wo̰ le kɔ bɨ, kan ga ƴom kɨbɨ gɨye danage dan̰ ɗugoyge ga pɨna bɨ.

1 Korɛ̰t 3:9

Kɨya wa ni lee gɨye na pɨna boy gɨye gɨ da Kumu gɨŋ bɨ, kɨŋ na yage gɨ da Kumu bɨ. Kɨŋ na ƴaa gɨ Kumu ba ɗɔɔ bɨ.

2 Korɛ̰t 6:1

Naa hɨn̰ wo̰ na ni-gandi ga ni na ka-lɔɔ gɨye pɨna dan̰ Kumu le, ni lee n̰age toygɨŋ, kɨŋ ɗɔɔ ɗarwa di kɨŋ ba way gusi Kumu le bɨle hɨnga ga kalɨn̰ wo̰ dugo naŋ.

Galad 6:6

Hɨn̰ gɨ ungo na ɨr gɨlgɨŋ kɔl gɨ da Kumu na, ojɨ gɨ kɨŋ ga ka-jɔɔ kɔl gɨle koyi le, kuɗa gɨ kɨŋ dɨra kɨway hɨnga wɔɔdɨgɨŋ bii.

Pilib 2:16

kɨya gɨlɨn̰ kɔl gɨ ni somɨn̰-bɨra. Hɨn̰ gɨ kɨŋ na bɨl wɨya hɨn̰ wo̰ na, ɨŋ kɨya ɓale aye canɨ daa a boy wɔlɛ gɨ Kɨris kɨya cagan̰ gɨŋ. Bɨ na hɨnga ga nee le ba kɨya gɨle gɨ gɨye hɨnge nɔm bɨ gɨlale hɨnge nɔm bɨ le, na hɨnga ga kɨya ban̰ gusɨnɨ naŋ.

Pilib 2:29

Na toy di hɨn̰ wo̰ ma, kuɗa gɨ kɨŋ ƴɨmayi gusɨgɨŋ dan̰ gusi-mɔwa gɨɗaŋ dan̰ guson̰ Ba-gulɔŋ. Aŋ yəgɨŋ, kalaŋ ga hɨn̰ wo̰ le, kuɗa gɨ kɨŋ bɨge hurɔmɔ.

Pilib 4:3

Ji mɨganɨ ba-lɔɔ gɨye gɨ leen̰ cɨndi, ɨŋ olɨn̰ gɨ ji laa danage ɗe gasɨndɨge bugoŋ pɨna, kɨya wa kan ɗege gusɨge pɨna danaŋ worɨn̰in̰ge kɨya cay Kɔl-gɨ-Ɗari. Kan bee toyge pɨna dan̰ Kilima bɨ kamdi ka-lɔɔ gɨye ga ɗaŋ nɔm ga gusondɨge woy a duroy magtubu di ni pɔɗɛ dɨŋ bɨ, worɨn̰ɨn̰ge.

1 Timote 3:5

Na cɨndi, ungo gɨ na sɨla dɔrɛ tumoy kalaŋ ga a duroy ƴaadi dɨŋ naŋ na, kɛ kɨya sɔlɛ kardi Ka-Daye ga da Kumu na mɨna ga?

1 Timote 4:10

Əw, hɨn̰ gɨ na na laa gɨye kunda bɨ, wɨrɨn̰a bɨ na, na kɨya ɗɔɔ gɨ na ɗe ɨrɨmedɨna a cay Kumu gɨ som-bɨra dan̰ cɨndi le. Ban na ba-pɔɗɛ kalaŋ ga ɨndəŋ nɔm bɨ, kondɨwayge na, ban poɗɨ na ka-aye kudurɔ.

1 Timote 4:14

Hɨnga ga Kumu bɨn̰ kalɨn̰ dan̰ gɨyəŋ gɨ da kɔl gɨ kan ɗege kɨbɨ ka-yɔɔ-kɔl-gɨ-Kumu-ba-yɔɔ gɨ kan yege kol can̰ bɨ, dan̰ gɨyəŋ gɨ da dayaŋ gɨ da kan ga muɗoldoŋ ga ɗege kobɨge can̰ bɨ le, ji ɗɔɔ ba aye ɨrɨmedɨn̰ cay nee coŋ naŋ.

1 Timote 4:16

Ɗa cɨndɨn̰ kardi gusɨn̰ kon̰ bɨ, kardi gɨle kɔl kon̰ bɨ. Ƴɨma gusɨn̰ usa cay hɨnga nɔm ga nee le. Kɨɗɨn̰ ga ji na laa hɨn̰ wo̰ na, ji kɨya pɔɗɛ gusɨn̰ kon̰ bɨ, ji kɨya pɔɗɛ kan ga jege kɔl kɨbɨn̰ bɨ.

1 Timote 4:6

Hɨn̰ gɨ ji na gɨlɨn̰ karmɨn̰ ga ban̰aŋ dan̰ ga kandɨ hɨnga ga nee le na, ji na ba-gɨye gɨ da Jesu-Kɨris gɨ kuɗa. Gɨ kan abiige dan̰ kɔl gɨ ojɨ cay aye kudurɔ bɨ, hɨnga ga ni gɨle ga kuɗa gɨ ji ba kobɨ kardɨge kuɗa le bɨ.

1 Timote 5:19

Ji ɗɔɔ ba geye kɔl gɨ sige cay ungo gɨ muɗol naŋ. Ama hɨn̰ gɨ naa tɨmon̰ sɔɔ, wala sɨbɨ na ba yage kol cayi pa dɨm ma mɨn̰ gey danage ƴee.

1 Timote 5:3

Sɨla kardi kandɨ ga kodɨn̰ige ma ga ka-jɨbe toyge unɔ leen̰ cɨndi, dan̰ hurɔmɔ.

2 Timote 2:6

Ba-yage gɨ lee gɨye gɨlalɨn̰ le, ba kɨya wɔɔ cɨn̰ gasa kayi cay wase.

2 Timote 4:2

Tɨga bɛrnɛ di da kɔl gɨ da Kumu bɨ, lɨɗɨda toy nee duroy wɔlɛ nɔm ko kalaŋ na gey jɔɔge wala, gey jɔɔge naŋ kalɨn̰ ma, ji yage mɨjag. Halage bɨ, sayan̰ danage bɨ, dɨbage bandɨ kuduroyge bɨ. Gɨlge hɨnga dan̰ dɨbe-ɗugɔ di duroŋ cɨrɛɗ bɨ.

Əbɨro 13:17

Jagɨŋ kɔl kɨbɨ ka-dɔrɛ tumoygɨŋ bɨ dɨbagɨŋ caygɨŋ dugo bɨge bɨ. Kɨya wa kan sige cɨndɨge kardɨgɨŋ dan̰ tɨwa nɔm na kɨya dorɨn̰ kardi gɨye kogɨŋ bɨn̰ Kumu. Hɨn̰ gɨ kɨŋ na ja kɔl kɨbɨge na, kan kɨya lɔɔge gɨye koge dan̰ gusi-mɔwa, ama naa hɨn̰ wo̰ naŋ na kan kɨya lɔɔ gɨye koge le dan̰ ɨle kuduroyge. Gɨ nee le kɨya ande hɨnga bɨgɨŋ naŋ.

Əbɨro 13:24

Laan̰gɨŋ ka-dɔrɛ tumoygɨŋ nɔm lapɨya bɨ, kalaŋ ga woyge dan̰ cɨndɨge nɔm lapɨya bɨ. Kalaŋ ga a cay gɨsəŋ ga Itali gaŋ ləgɨŋge lapɨya bɨ.

Əbɨro 13:7

Hɨngɨŋ a cay ka-dɔrɛ tumoygɨŋ ga tumɔ teege bɛrnɛ gɨ da kɔl gɨ da Kumu bɨgɨŋ le. Sɨlagɨŋ gɨyəŋ gɨ kan dɨɗɨn̰ kɨbɨ gɨye-lɔɔdɨge bɨ, ayan̰gɨŋ cay tɨban̰ aye kudurɔ koge.