1 Timote 5:10 - Gabri Maja

¹⁰ Kuɗa gɨ ɗe kalaŋ solge gɨye-lɔɔdo gɨ kuɗa bɨ. Kuɗa gɨ hɨndi aba karɨn̰aŋ bɨ, ƴɨma kalaŋ kuɗa gusoo bɨ, pɨl tɨbay kalaŋ ga da Kumu bɨ, jɨbɨ te kalaŋ ga somge duroy n̰age dɨŋ bɨ, ɗe-gusoo kɨbɨ gɨye nɔm ga kuɗa bɨ.

1 Timote 5:10 ပူးပေါင်းရင်းမြစ်များ

Matɨyo 25:17

Guyɔŋ gɨ orɨn̰ dan̰ gursu di ni lɔr aru sɔɔ le, lee na hɨn̰ gɨ mɨgayi ba leen̰ le wo̰ bɨ, wan̰ kaŋdo aru sɔɔ cay nee.

Matɨyo 5:16

Ɗagɨŋ gɨ asɨn̰a kogɨŋ ɗe asɨn̰ cɨn̰ kalaŋ hɨn̰ wo̰ bɨ, ɗe gɨ kan solɨn̰ge gɨye-lɔɔdɨgɨŋ gɨ kuɗa bɨ, ɗe kan hɨramɨn̰ge Baygɨŋ gɨ som a daa nii bɨ.

Kɔl-gɨ-Ɗari gɨ Lug wal 7:38

Ɨrgan̰ ɨrɨn̰ kardi Jesu jɨn̰ tɨbayi. Hɨndi ɨle, ɗe kaŋdi cɨndo bugoŋ cay tɨbayi dɨŋ. Ɨni na, hɨndi hande cay tɨbayi dan̰ teɗi caa bɨ, uye cay tɨbay bɨ, jɨga n̰ɨre ɨdɨr nee.

Kɔl-gɨ-Ɗari gɨ Lug wal 7:44

Ɨni na, ban pɨlɨn̰ sol tama le bɨ, yen̰ Simo hɨn̰: «Ji sol hɨnga ga tama ba le lee han̰ ga? Na a tan̰ maŋ ɨrga ma man̰ bəŋ kaŋ pɨlɨn̰ tɨbanɨ naŋ, ama hɨndi le, pɨl tɨbanɨ dan̰ kaŋdi cɨndo bɨ, hande dan̰ teɗi caa bɨ.

Gɨye-lɔɔ 10:22

Kan dɨbiige cay nee yeyige hɨn̰: «Na Kɔrney gumu gɨ da asɨgarn̰əŋ ga aru ba gɨygɨni. Ban na ungo gɨ dan̰ durɔ ɗɨngar bɨ, gɨ hɨndar Kumu bɨ, gɨ gusondi ye kuɗa duroy te wɔɔ gɨ da kalaŋ ga ni Jubɨ nɔm bɨ. Ba-ƴɔbɛ gɨ daa nii gɨ woy dan̰ cɨndi yeyi gɨ ban na tɨgan̰, ɗe gɨ ji na ɨre ƴaadi dɨŋ ay na jen̰ kɔl gɨ ji na kɨya yoy.»

Gɨye-lɔɔ 22:12

«Bɨ a cay ƴaa-di-gumu di nee le, bara gɨ pɨna wo̰ gɨ gusondi na Ananɨyas som a nee. Ban na ungo gɨ hɨndar Kumu bɨ, na ungo gɨ ɨre a cay Gasɨn̰-kɔl gɨ da Moyis gaŋ bɨ, kalaŋ ga ni Jubɨ nɔm ga Damas yege koldi kuɗa bɨ.

Gɨye-lɔɔ 6:3

Na toy di hɨn̰ wo̰ ma, karmɨnɨ ga ban̰aŋ dan̰ ga kandɨ, kuɗa gɨ kɨŋ tɨra ban̰aŋ jurgum duroyna, kan ga gusondɨge ye kuɗa bɨ, ga Turnɔ ɗe-kuduroy-bɛrɛ ƴee kuduroyge pɨl pɨl bɨ, ga muɗɔldɔŋ bɨ, ɗe ana bee gɨye gɨ nee le kobɨge.

Gɨye-lɔɔ 9:36

Ɗe-aye-cay-tɨbay Jesu di pɨna wo̰ som a cay ƴaa di Jope dɨŋ, gusɔndɔ na Tabita. Gusɔndɔ le dan̰ kɨbɨ Gɨrɛg na Dorkas duroy na paya. Tama di nee le lee gɨye gɨ ɗari tɔgɨ bɨ, bɨn̰ ka-n̰age hɨnga tɔgɨ bɨ.

Gɨye-lɔɔ 9:39

Kɔl gɨ kɨbɨna kɛ bɨ, Pɨyɛr say or danage. Kɨɗɨn̰ ga kan bugoŋge ɨni na, kan orɨn̰ge danayi duroy ƴaa di woy a cay mɨgaa dɨŋ le. Kandɨ ga kodɨn̰ige ma ɨrgage nɔm gusi dan̰ ɨle. Kan gɨliige gumɔjɨn̰əŋ dan̰ gɔdɔŋn̰əŋ ga Dorkas cogɨn, kɨɗɨn̰ ga hɨndi ban̰ dan̰ cɨndo duroyge le.

Magtubu di Pol wal bɨn̰ kalaŋ ga Rɔm 12:13

Kuɗa gɨ kɨŋ jɨbɨ te kalaŋ ga woyge dan̰ cɨndɨge ga orɨn̰ge dan̰ n̰agedi hɨnga. Ƴɨmagɨŋ kɨrge gusɨgɨŋ dan̰ gusi-mɔwa.

Epɛs 2:10

Na bɨləŋ gɨŋ woy na hɨn̰ hɨnga ga hɨrɨwa ga Kumu lee wo̰. Ban lee na hɨnga ga ni se ga hɨrɨwa dan̰ te bugoŋ pɨna dan̰ Jesu-Kɨris, ɗe ana na leen̰gɨŋ gɨye-lɔɔ gɨ ɗari, gɨ ban ƴom cay tɨbayi tumɔ hayi kol cayna ɗe ana na leegɨŋ le.

Kɔlɔs 1:10

Ɗe gɨ gɨye-lɔɔdɨgɨŋ bugoŋ pɨna dan̰ gɨ da Ba-gulɔŋ ɗe agɨŋ ƴen̰ cɨndi mɨjagɨ. Hɨnga nɔm ga kɨŋ kɨya lɔɔ le na ga ɗari bɨ, kɨŋ kɨya sɔlɛ Kumu cɨndɨgɨŋ tumɔ tumɔ bɨ.

1 Timote 2:10

Ama kuɗa gɨ kan gɨl kambɨladɨge dan̰ gɨye-lɔɔ gɨ kuɗa, hɨn̰ kandɨ ga gɨye-lɔɔdɨge bugoŋ pɨna dan̰ Kumu wo̰.

1 Timote 3:2

Ɨni na, kuɗa gɨ ban wɨya na ungo gɨ masadi unɔ bɨ, tamdi na pɨnaa bɨ, ban na ungo gɨ ba ƴɔmɛ gusi osɨwa cay hɨnga bɨ, ba sɔlɛ-hɨnga ga ɗari dɨm ma kɨya lɔɔ bɨ, na ungo gɨ gɨye-lɔɔdi ƴee cɨn̰ kalaŋ bɨ, na ungo gɨ ba ƴɔmɛ kɨrge gusi kuɗa bɨ, gɨ sol gɨlɨn̰ kalaŋ hɨnga bɨ.

1 Timote 3:7

Ɗaŋ coŋ, naa wa wa kalɨn̰ ma, kuɗa gɨ kalaŋ ga doŋ yage koldi kuɗa, naŋ na dasi kɨya bɔɔ cayi bɨ, ban kɨya bɔɔ boy boy da Haban̰ dɨŋ bɨ.

1 Timote 5:16

Ɨŋ ye ɗaŋ coŋ, hɨn̰ gɨ ɗe-aye kudurɔ pɨna di tama na ɨran̰ dan̰ kandɨ ga kodɨn̰ige ma duroy kando na, ɗa gɨ hɨndi guso jɨbɨ toyge daa. Kuɗa gɨ jɨbe te kandɨ ga kodɨn̰ige ma gɨ nee le nɨn̰in̰ Ka-Daye naŋ, ɗe gɨ Ka-Daye wan̰ gɨyəŋ gɨ ni jɨbɨn̰ te kandɨ ga kodɨn̰ige ma gɨ ka-jɨbe toyge unɔ.

1 Timote 5:25

Kɨya wa gɨye-lɔɔ gɨ kuɗa le woy cɨn̰ kalaŋ na hɨn̰ wo̰ bɨ. Ban gɨ wɨya cɨn̰ kalaŋ naŋ kalɨn̰ ma, kɨya wɔsɛ gusi kardi hen̰ naŋ.

1 Timote 6:18

Yage ɗe kan lee kuɗa dan̰ kalaŋ bɨ, ɗe kan lee gɨye gɨ kuɗa tɔgɨ bɨ, ɗe kan bɨn̰ kalaŋ hɨnga tɔgɨ bɨ, ɗe kan gosɨn hɨnga kage bɨn̰ kamdɨge bɨ.

2 Timote 1:5

Ɨŋ hɨn cay aye gɨ ji ay kuduron̰ leen̰ cɨndi gɨŋ le. Agɨn̰ Loyis bɨ, ƴon̰i Enis bɨ, ayge kuduroyge gɨ cɨndi tumon̰ bɨ, ɨŋ sol kuɗa gɨ aye kudurɔ kon̰ woy na hɨn̰ koge wo̰ bɨ.

2 Timote 2:21

Ungo gɨ na dɨran̰ gusi mɨra kɨya cay kɨni gɨ nee le na, ban kɨya bɨləŋ na kɔjɛ ga woy kɨya gɨye gɨ da wɔlɛ gɨ ni kɨdɨrɛ bɨ, gɨ doriige sige dan̰ cɨndi bɨ, gɨ woy na kɨya loon̰ gɨye gɨ da Ba-gulondi gɨ ƴomge cay tɨbayi kuɗa ojɨn̰ cay gɨye nɔm gɨ kuɗa bɨ.

2 Timote 3:15

Kɨɗɨn̰ ga ji ban̰ karma ƴee le, ji sol Magtubu di da Kumu le. Magtubu le ɓal lɔɔ gɨ cɨndɨn̰ kɨya arɨn̰a. Bɨ cɨn̰-arɨn̰a di nee le, kɨya lɔɔ gɨ ji gɨ pɔɗɛ, dan̰ gɨyəŋ gɨ da kuduron̰ ga ji bee a cay Jesu-Kɨris.

2 Timote 3:17

ɗe gɨ kalaŋ ga da Kumu nɔm ƴomɨn̰ge cay tɨbayge kuɗa bɨ, wan̰ge hɨnga ga ni loon̰ gɨye nɔm ga kuɗa bɨ.

Titɨ 2:14

Ban ɗe gusi bɨn̰ kalaŋ ƴomiige dɨɗiige ƴen̰ ban̰dɨnagɨŋ, kɨya bon̰ cayna kol ɨsɨna gɨ na ba leegɨŋ bɨ, kɨya leen̰ ɗe gɨ na na wɨyan̰ te kalaŋ kayi ga duroŋge mɨra bɨ, gɨ na na wɨyan̰ te kalaŋ ga gusɨge-hɨmbalge te gɨye-lɔɔ gɨ ɗari gɨŋ bɨ.

Titɨ 2:7

Ji Titɨ, kalɨn̰ ma ji laa hɨnga ga ɗari ɗe kan ƴolɨn̰ge bɨ. Kuɗa gɨ hɨnga ga ni gɨle kan̰ wɨya na hɨnga ga ni gɨle ga duroŋ mɨra bɨ, ga koldɨge homɨn̰ bɨ.

Titɨ 3:1

Ji hɨn kuduroyge a cay kɔl gɨ ojɨ cay dɔbɛ ca dugo tumoy ka-dɔrɛ tumoy kalaŋ bɨ, ka-dɔɔ cay ƴaa bɨ, cay kɔl gɨ ni jɔɔ bɨ, ɗe na ƴomɨn̰ge cay tɨbayge cay lɔɔ hɨnga ga ɗari pɨna pɨna nɔm bɨ.

Titɨ 3:14

Kuɗa gɨ kalaŋ kana siige cɨndɨge kardi hɨnga ga ɗari gaŋ leen̰ge gɨye gɨ ɗari jɨbɨn̰ge te kalaŋ ga orɨn̰ge dan̰ n̰agedi hɨnga leen̰ cɨndi. Hɨn̰ gɨ kan na laa hɨn̰ wo̰ na, kan kɨya wɔyɛ na kalaŋ ga bɨlege hɨnga.

Titɨ 3:8

Kɔl gɨ nee le na kɔl gɨ cɨndi. Lee gɨ ɨŋ gey gɨ ji na ɨr cay nee gɨɗaŋ, ɗe kalaŋ ga ayge kuduroyge bɨn̰ Kumu le sɨn̰ge cɨndɨge kardi hɨnga ga ɗari gaŋ leen̰ge gɨye gɨ ɗari. Hɨnga ga nee le, na hɨnga ga ɗari bɨ, kɨya lɔɔ ɗarwa dan̰ kalaŋ nɔm bɨ.

Əbɨro 10:24

Ɗe gɨ na na sɨla kardi gusɨnagɨŋ ɗe ana jɨbɨn̰gɨŋ te gusɨnagɨŋ daa a te lɔɔ wandɨ bɨ, lɔɔ gɨye ga da hɨnga ga ɗari gaŋ bɨ.

Əbɨro 13:2

Ɗɔɔ gɨ kuduroygɨŋ hale gɨybəŋ a cay ƴɔmɛ kɨrge naŋ. Kɨya wa dan̰ gɨyəŋ gɨ da ƴɔmɛ kɨrge le, kalaŋ ga pɨna ƴomge ka-ƴɔbɛ ga daa nii gusɨge dɨle sɔlɛ.

1 Pɨyɛr 2:12

Ɗagɨŋ gɨ gɨye-lɔɔdɨgɨŋ gɨ a duroy kalaŋ ga sɨlage Kumu gɨ cɨndi naŋ le ɗe woy kuɗa. Hɨn̰ wo̰ na hɨn̰ gɨ kan na pɨya kɔl si caygɨŋ yan̰ gɨ kɨŋ naa ka-lɔɔ ɨsɨna kalɨn̰ ma, kan kɨya sɔlɛge gɨye-lɔɔdɨgɨŋ gɨ kuɗa gɨ kɨŋ lee bɨ, kan kɨya hɨramege Kumu a wɔlɛ gɨ ban kɨya cagan̰ gɨŋ bɨ.

1 Pɨyɛr 4:9

Kuɗa gɨ waŋ waŋ kalɨn̰ ma duroygɨŋ, ƴɨma karmii ga ɨrgage gusi dɨle yamɨn̰-kɔl.

3 Ja̰ 1:12

Kol cay Demetrɨyus na, kalaŋ nɔm leege tɨmon̰ di ɗari kol cayi. Bɨ kɔl gɨ cɨndi kalɨn̰ ma, lee tɨmon̰ di ɗari kol cayi bɨ. Ama ni-gandi kalɨn̰ ma, ni lee tɨmon̰ di ɗari kol cayi bɨ. Ji Gayus, ji sol gɨ tɨmon̰ di ni ba lee le naa cɨndi.