1 Timote 4:6 - Gabri Maja

⁶ Hɨn̰ gɨ ji na gɨlɨn̰ karmɨn̰ ga ban̰aŋ dan̰ ga kandɨ hɨnga ga nee le na, ji na ba-gɨye gɨ da Jesu-Kɨris gɨ kuɗa. Gɨ kan abiige dan̰ kɔl gɨ ojɨ cay aye kudurɔ bɨ, hɨnga ga ni gɨle ga kuɗa gɨ ji ba kobɨ kardɨge kuɗa le bɨ.

1 Timote 4:6 ပူးပေါင်းရင်းမြစ်များ

Matɨyo 13:52

Kɨɗɨn̰di ga nee gaŋ le, Jesu yege hɨn̰: «Naa hɨn̰ wo̰ na, waŋ waŋ gɨ ba-gɨlɨn̰ kalaŋ gasɨn̰-kɔl gɨ da Moyis, ma na bɨl ba-gɨle hɨnga ga ojɨ cay dɔɔ-ƴaa di daa nii na, ban woy gɨlɨn̰ na hɨn̰ ba-gulɔŋ di ƴaa di gumu wo̰. Ban ɓal gɨ ni dɔrɛ a duroy hɨnga wɔɔdi gaŋ le, hɨnga ga hɨrɨwa bɨ, ga ɨlgi bɨ.»

Kɔl-gɨ-Ɗari gɨ Lug wal 1:3

Ɨŋ ay na a toy dɨŋ kobɨ te hɨnga ga nee le bɨn̰. Haw kɛ na, ɨŋ-bandi kalɨn̰ ma, ɨŋ sol gɨ woy kuɗa gɨ ni wale koldi ɗɔɔ tumon̰ dan̰ kɨɗɨn̰dɨge kɨɗɨn̰dɨge bɨn̰ ji gɨ ni Teyopil, ungo hɨnge gɨ gumu.

Gɨye-lɔɔ 1:15

A boy wɔlɛdi gɨ nee gɨŋ le, ka-aye kudurɔ dayaŋge nee ɓal hɨn̰ kalaŋ aru dan̰ toyge sɔɔ wo̰, ɨni na, Pɨyɛr say ɨre duroyge bɨ, yege hɨn̰:

Gɨye-lɔɔ 20:31

Hɨn̰ wo̰ na, sɨgɨŋ muɗɔlɛ cay gusɨgɨŋ gɨŋ bɨ. Hɨngɨŋ cay ɨlge gɨ sɨbɨ, gɨ son̰do bɨ, tɨwa di ɨni bɨ, ɨŋ ba dɨl halgɨŋ pɨna pɨna dan̰ ɨle cɨnɨ naŋ le.

Gɨye-lɔɔ 20:35

Ɨŋ-bandi, ɨŋ gɨlgɨŋ daa daa gɨ ojɨ gɨ ni lɔɔ gɨye hɨn̰ wo̰ kɨya jɨbɨn̰ te kan ga wɔɔdɨge unɔ bɨ, agɨŋ na hɨnɨn̰ a cay kɔl gɨ Ba-gulɔŋ Jesu gusi koyi gaŋ ba ye hɨn̰: “Tumoy wolwa gɨ da ba bee hɨnga le, ɗɨn̰ gɨ da ban gɨ ba-ƴɔɔ coŋ.”»

Magtubu di Pol wal bɨn̰ kalaŋ ga Rɔm 15:15

Ama naa hɨn̰ wo̰ kalɨn̰ ma, a duroy magtubu tɨnge di ɨŋ ba wal gɨyɨn̰ bɨgɨŋ le, ɨŋ yəgɨŋ hɨnga ga pɨna hangɨn̰ kuduronɨ bɨgɨŋ, ama na ɗe gɨ aŋ na hɨnɨn̰ kuduroygɨŋ a cay hɨnga ga kɨŋ sol ɨni. Ɨŋ ye kol hɨnga ga nee le hɨn̰ wo̰ na dan̰ gɨyəŋ gɨ da ɗarwa di Kumu lee danaŋ.

1 Korɛ̰t 4:17

Na toy di hɨn̰ wo̰ ma, maŋ gɨyɨn̰ dan̰ Timote gusɨgɨŋ le. Ban na kuronɨ gɨ ɨŋ lee-toyi tɔgɨ gɨ ɨre a cay tɨbayi dɨŋ te Ba-gulɔŋ. Hal ga ɨŋ kobɨ kardɨge a te bugoŋ pɨna dan̰ Kɨris le, ban kɨya hɨne kuduroygɨŋ cay nee. Na hɨnga ga ɨŋ gɨlɨn̰ kalaŋ duroy Ka-Daye gaŋ nɔm le.

2 Korɛ̰t 11:23

Kan na ka-lɔɔ gɨye gɨ da Kɨris ga? Naa ban gɨ nee le na ɨŋ kɨya yɔɔ kɔl hɨn̰ gɨ ɨŋ naa ba dɨngale wo̰. Ɨŋ ɗige kɨɗɨn̰ lɔɔ gɨye gɨ da Kɨris gɨŋ. Ɨŋ lee gɨye ɗige. Dɨbəŋge dangay dɨŋ tɨba kondɨ ɗige bɨ, təŋge ɗige bɨ, ɨŋ woy kɨbɨ tɨma dɨŋ tɨba kondɨ ɗige bɨ.

2 Korɛ̰t 3:6

Na ban ba bɨni dan̰ tɔgɨ di ojɨ ɗe ani na bɨlɨn̰ ka-gɨye bɨ, ani na leen̰ gɨye bɨn̰ Kumu a te saɗe kɨbɨ pɨna ɓɨse gusu gɨ hɨrɨwa gɨŋ bɨ. Saɗe kɨbɨ pɨna ɓɨse gusu gɨ hɨrɨwa gɨ nee le na gɨ da gasaŋ ga walge jɨne naŋ, ama na gɨ da Turnɔ di da Kumu di dor tumoyna. Kɨya wa gasaŋ ga walge a duroy magtubu dɨŋ le ɨrgan̰ na dan̰ tɨma, ama Turnɔ di da Kumu ɨrgan̰ na dan̰ sɔmɛ-bɨra gɨ dan̰ tumoyi.

2 Korɛ̰t 6:4

Dan̰ gɨyəŋ gɨ da haldɨni le, ni gɨl a duroy hɨnga nɔm gɨ ni naa ka-lɔɔ gɨye ga da Kumu. Ni hay mani hay-kuduroyni ƴee duroy dɔsɛ-ɗugɔ gaŋ bɨ, duroy hɨnga ga ni mɔndɛ kudurɔ gaŋ bɨ, duroy hɨnga ga osɨdəŋ osɨdəŋ gaŋ bɨ.

Epɛs 6:21

Ɨŋ mal na ɗe gɨ kɨŋ na sɨla kɔl gɨ ojɨ canɨ bɨ, gɨye-lɔɔnɨ bɨ. Kurɨndɨna Tisig gɨ ɨŋ geyii le, ban lee gɨye gɨ da Ba-gulɔŋ dan̰ kuduroyi ga pɨna bɨ, na ban ba kɨya yogɨŋ kɔl nɔm gɨ ojɨn̰ canɨ bɨ.

Pilib 2:20

Timote pɨna hayi ma na ba gɔsɨnɛ kɔl gɨ ƴom kuduronɨ danaŋ, lee gɨ ban sol kol caygɨŋ leen̰ cɨndi.

Pilib 2:22

Ama ban na gɨl doŋ gɨ ɗi naa ungo gɨ ɨre a cay tɨbay dɨŋ. Hɨn̰ gɨ kɨye ba ɨrɨn̰ durdi bayi leen̰ gɨye le, Timote kalɨn̰ ma ɨre a kɨbɨ gɨye gɨ da tɔgɛ bɛrnɛ Kɔl-gɨ-Ɗari gɨŋ danaŋ bɨ.

Pilib 3:16

Ama naa hɨn̰ wo̰ kalɨn̰ ma, kuɗa gɨ na or cɨndɨna tumɔ a te gɨyəŋ gɨ na ba ɨre boy nee bɨrɨŋ gɨsɨn̰ labɨde le.

Kɔlɔs 2:19

Kalaŋ ga nee le sɨlɨn̰ge gusɨge gusi Kɨris naŋ bɨrɨŋ. Ban woy gɨlɨn̰ na hɨn̰ caa wo̰ bɨ, Ka-Daye woy gɨlɨn̰ na hɨn̰ kuyoŋdi-gusi wo̰ bɨ. Kalaŋ ga bugoŋge danayi le, ban bɨge hɨnga nɔm ga kan orɨn̰ n̰agedɨge bɨ, ban lee gɨ kan bugoŋge pɨna duroyge bɨ. Hɨn̰ gɨ kuyoŋdi-gusi ungo ba bugoŋ pɨna dan̰ gɨyəŋ gɨ da gurɨyadi dan̰ sere wo̰ bɨ malgɨn̰ge hɨn̰ gɨ Kumu ba gey wo̰ bɨ.

Kɔlɔs 3:16

Ɗagɨŋ kɔl gɨ da Kɨris ɗe som duroygɨŋ dan̰ kandi-wɔɔ ga a nee nɔm. Dan̰ gɨyəŋdi na, gɨlɨn̰gɨŋ ungo gɨ ani ani hɨnga bɨ, halan̰gɨŋ gusɨgɨŋ a duroygɨŋ dan̰ cɨn̰-muɗɔlɛ tɔgɨ bɨ. Kɨbɨgɨŋ kɨra gɨ ni hɨramɨn̰ Kumu bɨ, kɨra gɨ ni dɨbɨn̰ gusoŋ-tɔgɛ bɨ, kɨra gɨ Turnɔ ɗe-kuduroy-bɛrɛ ba ɗɔɔ kɨbɨgɨŋ bɨ. Dan̰ kuduroygɨŋ nɔm leen̰ ho’o bɨn̰ Kumu.

Kɔlɔs 4:7

Tisig kɨya yogɨŋ kɔl nɔm gɨ ojɨ canɨ. Ban na kurɨnɨ gɨ ɨŋ lee-toyi. Ban na ba tɔgɛ bɛrnɛ gɨ ɨre a cay tɨbay dɨŋ bɨ, na mɨganɨ ba lɔɔ gɨye a boy gɨye gɨ da Ba-gulɔŋ gɨŋ bɨ.

1 Tesalonigɨ 3:2

ama kurɨndɨni Timote gɨ na mɨgayna ba-lɔɔ gɨye gɨ da Kumu, kɨɗɨn̰ tɔgɛ bɛrnɛ Kɔl-gɨ-Ɗari gɨ da Kɨris gɨŋ le, ni gɨyii ɗe na or bɨgɨŋ tɔgɨ ɗe agɨŋ ɨrɨn̰ osu bɨ, dobɨn̰ bandɨ kuduroygɨŋ te aye kudurɔ kogɨŋ gɨŋ bɨ.

1 Timote 1:10

ka-lɔɔ gɨye yɔyɛ gɨ toy kan̰di kan̰di bɨ, ka-wɔyɛ dan̰ kamdɨge ban̰aŋ bɨ, ka-dɔnɛ-gɔyɔŋ leen̰ gɨyaw bɨ, ka-poy bɨ, ka-dɔrɛ gusɨge kalɨn̰ wo̰ bɨ, ka-lɔɔ hɨnga ga ɗaŋ nɔm ga bugoŋ pɨna dan̰ hɨnga ga ni gɨle ga cɨndi naŋ bɨ.

1 Timote 4:16

Ɗa cɨndɨn̰ kardi gusɨn̰ kon̰ bɨ, kardi gɨle kɔl kon̰ bɨ. Ƴɨma gusɨn̰ usa cay hɨnga nɔm ga nee le. Kɨɗɨn̰ ga ji na laa hɨn̰ wo̰ na, ji kɨya pɔɗɛ gusɨn̰ kon̰ bɨ, ji kɨya pɔɗɛ kan ga jege kɔl kɨbɨn̰ bɨ.

1 Timote 6:3

Hɨn̰ gɨ ungo na gɨlɨn̰ kalaŋ hɨnga tɨrabe ga ɗaŋ na, ban ɗe na kɔl gɨ cɨndi gɨ da Ba-gulondɨna Jesu-Kɨris coŋ bɨ, ɗe na gɨle hɨnga ga or pɨna dan̰ aye kudurɔ kona coŋ bɨ,

2 Timote 1:6

Na toy di hɨn̰ wo̰ ma, ɨŋ hɨn kuduron̰ cay hɨnga ga Kumu bɨn̰ kalɨn̰, kɨɗɨn̰ ga ɨŋ ɗen̰ kɔbɔŋ can̰ le. Hɨnga ga ni bee kalɨn̰ le woy na hɨn̰ tɨwa wo̰ kuduron̰, kuɗa gɨ ji lama kubo daa ɗe ƴee.

2 Timote 3:10

Ama ji-bandi na, ji ay kardi hɨnga gɨle ga ɨŋ gɨlɨn̰ kalaŋ le bɨ, halnɨ bɨ, hɨnga ga ɨŋ ojɨ ga ni lɔɔ bɨ, aye kudurɔ hɨnge bɨ, dɨbe-ɗugɔ tɨnge bɨ, wandɨ tɨnge bɨ, kɨɗɨn̰ haye-kudurɔ kange bɨ.

2 Timote 4:3

Kɨya wa wɔlɛ tɨlga nee gɨ kalaŋ kɨya geyege gɨle hɨnga ga cɨndi naŋ, ama kɨya lɔɔge na hɨnga ga kuduroyge gey. Lee gɨ kan kɨya daye kalaŋ ga ka-gɨlge hɨnga nɔm dan̰ kondɨwayge ga ka-gɨlge hɨnga ga kɨya mooge.

Titɨ 2:1

Ama ji-bandi na, kon̰ na gɨlɨn̰ kalaŋ hɨnga ga bugoŋ pɨna dan̰ hɨnga gɨle ga kuɗa.

1 Pɨyɛr 2:2

Hɨn̰ gɨ kɨye gɨ n̰əŋ ba orɨn̰ dan̰ tabɨlaŋdi kobɨn̰ ƴoyi le, kɨŋ-gandi kalɨn̰ ma ɨran̰gɨŋ dan̰ tabɨlaŋdi kobɨn̰ ga arɨn̰ cərərə gɨ na kɔl gɨ da Kumu le. Kan kɨya malgɨgɨŋ bɨ, kol cayge na kɨŋ kɨya wan̰ pɔɗɛ bɨ.

2 Ja̰ 1:9

Waŋ waŋ gɨ na ɨr usa a te hɨnga ga ni gɨle ga da Kɨris gaŋ naŋ, ama na dɨbɨ kɔl gɨ hɨrɨwa a cay hɨnga ga ni gɨle ga da Kɨris gaŋ na, Kumu unɔ danayi. Ungo gɨ na ɨr usa a te hɨnga ga ni gɨle gaŋ na, ban ma na ungo gɨ bugoŋ pɨna dan̰ Baynagɨŋ Kumu bɨ dan̰ Kurondi bɨ.

Magtubu di Jud wal 1:5

Ko, hɨn̰ gɨ kɨŋ na sɨla hɨnga ga nee le kuɗa tɔgɨ ɨni kalɨn̰ ma, ɨŋ gey hɨne kuduroygɨŋ cay nee coŋ. Kɨya wa kɨɗɨn̰ ga Ba-gulɔŋ poɗɨ te kalaŋ kayi dorge a cay gɨsəŋ ga Ejɨpt gaŋ coŋ le, kardi nee na ban lee gɨ kan ga ayage kuduroyge naŋ le madɨrdaŋge.