1 Timote 4:10 - Gabri Maja

¹⁰ Əw, hɨn̰ gɨ na na laa gɨye kunda bɨ, wɨrɨn̰a bɨ na, na kɨya ɗɔɔ gɨ na ɗe ɨrɨmedɨna a cay Kumu gɨ som-bɨra dan̰ cɨndi le. Ban na ba-pɔɗɛ kalaŋ ga ɨndəŋ nɔm bɨ, kondɨwayge na, ban poɗɨ na ka-aye kudurɔ.

1 Timote 4:10 ပူးပေါင်းရင်းမြစ်များ

Matɨyo 16:16

Simo Pɨyɛr dɨbii cay nee yeyi hɨn̰: «Ji na Kɨris ban gɨ Kumu dorii, Kurɨn̰-Kumu gɨ som dan̰ cɨndi le.»

Matɨyo 27:43

Ban bee kuduroy a cay Kumu cɔb cɔb bɨ ye hɨn̰: “Ɨŋ na Kurɨn̰-Kumu le!” Hɨn̰ gɨ Kumu na geyii na, ɗa ɗe dorii kobɨ tɨma dɨŋ haw kɛ.»

Kɔl-gɨ-Ɗari gɨ Ja̰ wal 1:29

Wan̰dodo dɨŋ ɨni na, Ja̰ sol Jesu ɨrga jɨn̰ gusi, bɨ ban ye hɨn̰: «Sɨlagɨŋ kurɨn̰-dɨmangɨ gɨ da Kumu gɨ ba-dɔrɛ ɨsɨna gɨ da kalaŋ ga cay gɨsəŋ gaŋ.

Kɔl-gɨ-Ɗari gɨ Ja̰ wal 4:42

Bɨ kan yen̰ge tama le hɨn̰: «Haw kɛ na, ni-gandi ni bee kuduroyni cayi na kɨya cay kɔl kɛɛ gɨ me ye ƴɔbɨ naŋ. Ama na kɨya gɨ ni-gandi gusɨni, ni je kɔl koyi dan̰ sɨmayni bɨ, ni sol leen̰ cɨndi gɨ ban na ba-pɔɗɛ-kalaŋ nɔm ga cay gɨsəŋ gaŋ bɨ.»

Kɔl-gɨ-Ɗari gɨ Ja̰ wal 5:24

Jagɨŋ ɨŋ yəgɨŋ na kɔl gɨ cɨndi, waŋ waŋ gɨ na ja kɔl hɨnge bɨ, bɨga kuduroyi cay ban gɨ ba gɨyigəŋ na, orɨn̰ dan̰ sɔmɛ-bɨra gɨ dan̰ cɨndi. Kan kɨya bɔyɛ kɔl cayge naŋ, ama ban andaŋ na duroy tɨma dɨŋ coŋ bɨ, orɨn̰ duroy sɔmɛ-bɨra gɨ dan̰ cɨndi gɨŋ.

1 Korɛ̰t 15:10

Ama haw kɛ na ɨŋ na ba-gɨre-gɨye kɨya gɨ Kumu lee ɗarwa danaŋ bɨ, ɗarwa di Kumu lee danaŋ le na hɨnga ga wo̰ dugo naŋ. Kɨya wa ɨŋ lee gɨye ɗige kan nɔm. Leen̰ cɨndi na, gɨ lee gɨye kuɗa na, na ɨŋ-bandi naŋ ama na ɗarwa di da Kumu di ba danaŋ.

2 Korɛ̰t 1:10

Na cɨndi, Kumu gɨ ba boɗɨni kɨbɨ tɨma di ba hɨn̰ wo̰ dɨŋ le, ban kɨya boɗɨni ɗaŋ coŋ. Ni bee ɨrɨmedɨni nɔm na cayi ban ƴɔbɨ, ho’o ban kɨya dorni kɨbɨ tɨma dɨŋ ɗaŋ coŋ.

1 Timote 2:3

Ɔlɛ Kumu gɨ hɨn̰ wo̰ le ba kuɗa bɨ, ba-ƴɔ cɨn̰ Kumu Ba-poɗɨnagɨŋ bɨ.

1 Timote 2:4

Ban gey gɨ kalaŋ nɔm na pɨɗage bɨ, ɨran̰ge bɨrɨŋ sɨlan̰ge kɔl gɨ cɨndi kuɗa bɨ.

1 Timote 2:6

Ban ay gusi bee kɨya bon̰ cay kalaŋ nɔm. Kɨɗɨn̰ ga tɨwadi ɓal na, Ban lee tɨmon̰ toyi di nee le. Gɨlɨn̰ gɨ Kumu na gey pɔɗɛ gɨ da kalaŋ nɔm.

1 Timote 3:15

Ama hɨn̰ gɨ ɨŋ na bugoŋ haw kɛ naŋ kalɨn̰ ma, ɨŋ wal kol hɨnga ga kɛ le bɨn̰ an̰ solɨn̰ gɨyəŋ gɨ ni loon̰ gɨye a duroy ƴaa-di-da-Kumu dɨŋ. Ƴaa le, na Ka-Daye ga na kalaŋ ga da Kumu gɨ som-bɨra. Na hɨndi mana ɗe ƴɔmɛ kɔl gɨ cɨndi daa hɨn̰ sɨya gɨ ni duroy ƴaa wo̰ bɨ ɗe jɨbe te kɔl gɨ cɨndi daa bɨ.

1 Timote 6:17

Yan̰ ka-wɔɔ hɨnga tɔgɨ ga a cay gɨsəŋ gaŋ kɛ le, ɗe dege jorgɨyge naŋ. Yage ɗe kan ɗe ɨrɨmedɨge a cay hɨnga ga ni wɔɔ ga kɨya pɨde gaŋ naŋ. Ama ɗe kan ɗe ɨrɨmedɨge a cay Kumu gɨ na ba bɨnagɨŋ hɨnga nɔm bɨ, ɗe ana na solɨn̰gɨŋ mɔwadɨge bɨ.

Əbɨro 11:26

Ban ɗe a ɨrɨmedi gɨŋ gɨ yagɨde gɨ ban na kɨya wɔɔ kɨya cay Kɨris ban gɨ Kumu dorii le, naa hɨnga ga kɨledɨge kondɨ tɔgɨ ɗɨn̰ kandi-wɔɔ ga a cay gɨsəŋ ga Ejɨpt gaŋ nɔm. Kɨya wa ban ɗe ɨrɨmedi na a cay hɨnga ga ni cay-kɔbɔ ga woy tumoyi.

Əbɨro 13:13

Na toy di hɨn̰ wo̰ ma, ɗe gɨ ana andaŋgɨŋ orgɨŋ a kardi gulɔŋ gɨŋ doŋ, ɗe kan dɨbɨn̰ge dasi cay nagɨŋ hɨn̰ koyi wo̰ bɨ.

1 Pɨyɛr 1:21

Dan̰ gɨyəŋ gɨ da Kɨris le, kɨŋ bee kuduroygɨŋ a cay Kumu gɨ boyii lɨbii kardi kalaŋ ga madɨrdaŋ gaŋ, ayi duroy gusoŋ-tɔgɛ koyi gɨŋ bɨ, lee gɨ aye kudurɔ kogɨŋ bɨ, ɨrɨmedɨgɨŋ gɨ kɨŋ bee cayi bɨ, woy na cay Kumu.

1 Ja̰ 2:2

Na ban ba-aye gusi bɨn̰ tɨma leen̰ hɨnga ga ni bogɨn̰ kɨbar, ɗe Kumu na ɗen̰ kuduroyi jal a cay ɨsɨna konagɨŋ gɨŋ. Gusi gɨ ban ay bɨn̰ tɨma le, na kol ɨsɨna konagɨŋ ƴɔbɨ naŋ. Ama na kɨya cay ɨsɨna gɨ da kalaŋ nɔm ga a cay gɨsəŋ gaŋ.

1 Ja̰ 4:14

Kumu Baynagɨŋ, naa gɨygɨ Kurondi Jesu-Kɨris kɨya pɔɗɛ kalaŋ ga a cay gɨsəŋ gaŋ. Ni solii dan̰ tɨdɨni bɨ, ni lee tɨmon̰ da hɨnga ga nee le bɨ.