1 Timote 3:3 - Gabri Maja

³ Na guyɔŋ gɨ da cɛrɛ naŋ bɨ, ba-wɔrn̰ɛ dan̰ kalaŋ naŋ bɨ, ama na ungo gɨ kaledi jal bɨ, ba-bɔjɨn̰ɛ dan̰ kalaŋ naŋ bɨ, gɨ tabɨlaŋ di gursu ƴɨmayi naŋ bɨ.

1 Timote 3:3 ပူးပေါင်းရင်းမြစ်များ

Matɨyo 21:13

Bɨ ban yege hɨn̰: «Kumu ye a duroy magtubu toy dɨŋ hɨn̰: “Kɨya tɔgɛge ƴaanɨ, na ƴaa di kalaŋ kɨya olɨn̰ Kumu nee.” Ama kɨŋ-gandi, kɨŋ bɨloo leen̰ kɨɗɨn̰ wɔsɛ ga da ka-hase.»

Gɨye-lɔɔ 20:33

Ɨŋ dɨŋga gursu wala, lɔr wala, badɨge ga da ungo kayi cay pɨna naŋ bɨrɨŋ.

Magtubu di Pol wal bɨn̰ kalaŋ ga Rɔm 16:18

Na cɨndi, kalaŋ ga nee le, laage gɨye bɨn̰ na Ba-gulondɨna Kɨris naŋ, ama leege gɨye bɨn̰ na kuduroyge ƴɔbɨ. Kalaŋ ga hɨnga-sɔlɛ kage baa gɨyəŋ le, kan nadɨrdɨge dan̰ kɔl ga mɔɔ bɨ, ga ni narɨn̰ cɨn̰-kɨɗɨn̰ bɨ.

Epɛs 5:18

Kɨŋ ɗɔɔ kɔyɛ cɛrɛ di suru lɔɔgɨŋ naŋ, kɨya wa kɔyɛ na hɨnga ga kɨya mɔndɛ ungo. Ama ɗagɨŋ Turnɔ ɗe-kuduroy-bɛrɛ ƴaa kuduroygɨŋ.

1 Tesalonigɨ 5:14

Karmɨnɨ ga ban̰aŋ dan̰ ga kandɨ, ni olgɨŋ gɨ kɨŋ ɗala ka-dabɨr bɨ, dɨbagɨŋ bandɨ kuduroy ka-hundɔrɔ bɨ, jɨbgɨŋ te kan ga togɨyge unɔ bɨ. Dɨbgɨŋ ɗugoygɨŋ cay kalaŋ nɔm bɨ.

1 Timote 3:8

Ka-lɔɔ gɨye game hɨnga le, koge kalɨn̰ ma, na hɨn̰ wo̰ bɨ. Kuɗa gɨ kan wɨyage na kalaŋ ga kalaŋ beege kɔl cayge bɨ, kalaŋ ga kɨbɨge sɔɔ sɔɔ naŋ bɨ, ka-ɗɔɔ gusɨge bɨn̰ cɛrɛ di suru naŋ bɨ, ka-male wɔɔ gɨ dan̰ gɨyəŋdi naŋ, naŋ bɨ.

2 Timote 3:2

Kɨya wa kalaŋ kɨya bɨləŋge ka-kɨndare bɨ, kɨya lɔɔge te gursu tɔgɨ bɨ, kɨya gɨlege gusɨge bɨ, kɨya dɔgɛge-jorgɨyge bɨ, kɨya yagɨdege Kumu bɨ, kɨya bɨlege ka-baa ga da ka-wɔɔdɨge bɨ, kɨya sɔlɛge ɗarwa di ungo lee danage naŋ bɨ, kɨya hundɔrɔge kardi hɨnga ga woy dan̰ cɨndɨge ojɨn̰ cay Kumu naŋ bɨ.

Titɨ 1:11

Kuɗa gɨ kɨŋ lɨgɨ kɨbɨge daa. Kɨya wa kan na ka-tɔbɛ kalaŋ ga a duroy wandɨ di pɨna dɨŋ nɔm duroy nee, dan̰ hɨnga gɨledɨge. Kan som gɨlɨn̰ kalaŋ hɨnga ga uja naŋ ɗe age na wan̰ gursu di kan ƴɨmage kɨjan̰e kɔldɔ naŋ.

Titɨ 1:7

Ba-dɔrɛ tumoy Ka-Daye gɨ na ungo gɨ beeyige gɨye gɨ ni solɨn̰ kardi hɨnga ga da Kumu kobi le, kuɗa gɨ ban wɨya na ungo gɨ ungo kɨya ɓale dɨbe kɔl cayi naŋ bɨ. Kuɗa gɨ ban wɔyɛ ba-dɔrɛ n̰ərə naŋ bɨ, ba kuduroy-hɔmɛ naŋ bɨ, ba-kɔydɛ cɛrɛ naŋ bɨ, ba wale man̰e naŋ bɨ, ungo gɨ ba male gursu dan̰ gɨyəŋ gɨ dan̰ durɔ naŋ, naŋ bɨ.

Titɨ 2:3

Yan̰ kandɨ ga esɨdəŋ kalɨn̰ ma, kuɗa gɨ gɨye-lɔɔdɨge na bugoŋ pɨna dan̰ gɨye-lɔɔ gɨ da kandɨ ga woyge dan̰ cɨndɨge bɨ. Kuɗa gɨ kan yɨle kɨɗɨn̰ naŋ bɨ, bɨləŋ gɔyɔŋ ga da cɛrɛ di suru naŋ bɨ. Ama ɗe gɨ kan gɨlɨn̰ kalaŋ hɨnga ga ɗari.

Titɨ 3:2

Ji hɨn kuduroyge gɨ kan naa yagɨde ungo naŋ bɨ, wɔrɨn̰dɨdɛ dan̰ kalaŋ naŋ bɨ, ɗe kan na bɨlɨn̰ge ka-kuduroy-ɗarwa bɨ, gɨlɨn̰ge gɨye-lɔɔdɨge gɨ dan̰ kaledɨge ga jal tumoy kalaŋ nɔm.

Əbɨro 13:5

Ɗɔɔ gɨ haldɨgɨŋ wɔyɛ hɨn̰ hal gɨ da kalaŋ ka-lɔɔ te gursu naŋ. Ama ɗe gɨ hɨnga ga kɨŋ ba way haw kɛ le ɓalgɨŋ. Kɨya wa Ba-gulɔŋ gusi ye hɨn̰: «Ɨŋ kɨya ɗon̰ coŋ naŋ bɨ, kan̰ɨn̰ coŋ naŋ bɨ.»

Magtubu di Jag wal 4:1

Hɨnga ga ba lee pa dɨm ma, ɗe gɨ kɨŋ ba gɨdɨdɨn̰ gusɨgɨŋ bɨ, bojɨn̰ɨn̰ bɨ le, na wa ga? Kɛ na tabɨlaŋdi hɨnga ga ɨsɨndəŋ ga woy kuduroygɨŋ naŋ ga? Tabɨlaŋdi hɨnga ga ba woy kuyoŋdɨgɨŋ gɨŋ le, ba ɨre wɔrɨn̰ɛ danagɨŋ.

1 Pɨyɛr 5:2

Te gamge ga da Kumu ga beegege kobɨgɨŋ le, dɨragɨŋ tumoyge kuɗa bɨ. Ɗagɨŋ cɨndɨgɨŋ kuɗa kardɨge bɨ. Ama ɗɔɔgɨŋ gɨ ɗe ungo san̰ danagɨŋ pa dɨm ma magɨŋ lee ƴee naŋ. Ama kɨŋ sa laa dan̰ kuduroy-geye bɨ, dan̰ gɨyəŋ gɨ da Kumu bɨ. Kɨŋ laa gɨye kogɨŋ na gɨ ni won̰ nare gɨ kɨya dɨbe dasi caygɨŋ naŋ. Ama na kɨya se gɨ kɨŋ si gusɨgɨŋ kɨbɨ nee.

2 Pɨyɛr 2:3

Kol lɔɔ te gursu di woy kuduroyge le, ka-gɨlɨn̰ kalaŋ hɨnga ga dan̰ gɨyəŋdɨge naŋ ga nee le, kɨya gɨlgɨŋge kɔl gɨ ni narɨn̰ cɨn̰-kɨɗɨn̰ dan̰ cɨn̰-muɗɔlɛ age na diigɨŋ. Ama kɨya bɔyɛge kɔl cayge mɨnde bɨ, kɨya mondɨgege muɗɔgɨ muɗɔgɨ mɨnde bɨ.

Magtubu di Jud wal 1:11

Ɓɨse woy gamge. Kan ayge gɨyəŋ gɨ da Kayin. Kan ayge gɨyəŋ gɨ da poy di da Balam haw age na wan̰ cay kobɨge nee bɨ. Kan kan̰ɨn̰ge kɔl kɨbɨ Kumu hɨn̰ Kore wo̰ bɨ. Na toy di hɨn̰ wo̰ ma kan kɨya mundoŋ leen̰ cɨndi.

Wasɨn̰a 1:9

Ɨŋ-bandi Ja̰ kurɨndɨgɨŋ, ɨŋ bugoŋ danagɨŋ pɨna boy hɨnga ga ni gɨwase gaŋ bɨ, boy dɔɔ-ƴaa di da Kumu dɨŋ bɨ, boy haye-kudurɔ kardi Jesu hɨn̰ kɨŋ-gandi wo̰ bɨ. Ƴɔmɔŋge na kɨya bɛrnɛ di kɔl gɨ da Kumu gɨ ɨŋ tee bɨn̰ kalaŋ bɨ, kɨya cay tɨmon̰ di ɨŋ lee kɨya cay Jesu bɨ. Haw kɛ na dɨbəŋge dangay cay hɔgɨwa gɨ teeyige Patmos gɨ woy a duroy kaŋ gaŋ.