1 Timote 3:16 - Gabri Maja

¹⁶ Na cɨndi, gɨye-lɔɔ gɨ bugoŋ pɨna dan̰ Kumu gɨ woy kɨɗɨn̰ wɔsɛdi gɨŋ le, gumu tɔgɨ. Kɨris bɨləŋ ungo, gɨl gusi ɗe kalaŋ soliige, Turnɔ di da Kumu haŋgɨ cɨn̰ kalaŋ cay nee, Gɨ ban naa ungo gɨ dan̰ durɔ bɨ, Ka-ƴɔbɛ ga daa nii soliige bɨ, Kalaŋ teege bɛrnɛdi duroy te wɔɔ gɨ da kalaŋ bɨ, Kalaŋ beege kuduroyge cayi a cay gɨsəŋ gaŋ kɛ bɨ, Kumu ayi orɨn̰ danayi daa nii duroy gusoŋ-tɔgɛ gɨŋ bɨ.

1 Timote 3:16 ပူးပေါင်းရင်းမြစ်များ

Matɨyo 1:23

«Sɨlagɨŋ, tɨmbali di cɨl kɨya ƴɔɔ kur bɨ, Kɨya wɔɔ kɨye gɨ bara, Kan kɨya se gusondi na Emanɨwɛl.» Duroy na Kumu dananagɨŋ.

Matɨyo 13:11

Ban dɨbɨge cay nee yege hɨn̰: «Kɨŋ-gandi na, Kumu bɨgɨŋ gɨyəŋ gɨ ni solɨn̰ hɨnga ga woy kɨɗɨn̰ wɔsɛdɨge gaŋ ga woy ojɨ cay dɔɔ-ƴaa di daa nii, ama kan ga kɛ le ban bɨge gɨyəŋ naŋ ƴee.

Matɨyo 28:2

Bɨ ga ma cay gɨsəŋ sayde jɨg jɨg dan̰ togɨyge. Ba-ƴɔbɛ gɨ daa gɨ pɨna wo̰ gɨ da Ba-gulɔŋ sayga daa gɨsɨngɨ dugo. Ban nɨngɨle garma gɨ kan lɨgɨn̰ge kɨbɨ kamɨn̰aŋ le coŋ, bɨ somɨn̰ cay nee.

Matɨyo 3:16

Kɨɗɨn̰ ga ban leen̰ Jesu batɛm coŋ ɨni na, ban andaŋ duroy kaŋ gaŋ doŋ. Kɨɗɨn̰di ga nee gaŋ le bɨ ga ma, gɨɗɨgɨ-Kumu hangaŋ wɨn̰ bɨ, Jesu sol Turnɔ di da Kumu sayga daa gɨlɨn̰ hɨn̰ guu di bɛrɛ kən̰jəŋ wo̰, ɨrga gɨsɨn cayi.

Matɨyo 4:11

Ɨni na, Haban̰ ɗeeyi nee kɔ kɛgɛgɛ. Bɨ ga ma, ka-ƴɔbɛ ga daa ɨrgage gusi Jesu bɨ solge kardi dan̰ hɨnga.

Marg 1:13

Ban lee wɔlɛ toyi-poɗɨn̰ duroy dal dɨŋ ɨni na, Sidan sayga ɨrga gɨybii. Ban som duroy kɨmɛnɛ ga coŋ gaŋ, ama ka-ƴɔbɛ ga daa nii ɨrgage solge kardi.

Marg 16:19

Kardi nee kɨɗɨn̰ ga Ba-gulɔŋ Jesu dɨɗɨ kɨbɨ yɔɔ kɔl danage ɨni na, Kumu ayi orɨn̰ danayi gɨɗɨgɨ-Kumu gɨŋ, lee gɨ ban som kɨway bay a cay kobi gɨ bara gɨŋ.

Marg 16:5

Kan andaŋge boy umboŋ kamɨn̰aŋ gaŋ le ɨni na, kan solge marɨna gɨ pɨna wo̰ gɨ dobɨ gumɔjɨ gɨ sɨngɨɗɨ bɛrɛ tɨrɨjɨ gusi som a cay kɔbɔ gɨ bara gɨŋ, lee gɨ hundɔrɔ leege gɨɗaŋ.

Kɔl-gɨ-Ɗari gɨ Lug wal 2:32

Ban na asɨn̰a gɨ kɨya gɨlɨn̰ te wɔɔ Gɨ da kalaŋ nɔm nɔm ga cay gɨsəŋ gaŋ gɨ ji na waŋ ga. Bɨ, kɨya dɨbe gusoŋ-tɔgɛ a cay kalaŋ kan̰ Ga a te wɨn̰je gɨ da Ɨsɨrayɛl gɨŋ bɨ.»

Kɔl-gɨ-Ɗari gɨ Lug wal 20:44

Kɨlma Dabid kalɨn̰ ma, te Kɨris ban gɨ Kumu dori le “Ba-gulonɨ.” Ma kɛ, na mɨna ma Kɨris le, gɨ bɨle kungay kɨlma Dabid coŋ ga?»

Kɔl-gɨ-Ɗari gɨ Lug wal 22:43

[Kɨɗɨn̰di ga nee gaŋ le bɨ, ba-ƴɔbɛ gɨ daa nii andaŋ cayi dobii bandɨ kuduroyi.

Kɔl-gɨ-Ɗari gɨ Lug wal 24:4

Kɨɗɨn̰ ga kan ba ɨrɨmge bɨrɨŋ wayan̰ge cay tɨbayge naŋ bɨ ga ma, kan solge kalaŋ won̰ge sɔɔ dan̰ badɨge ga jɨran̰de andaŋge cayge dus.

Kɔl-gɨ-Ɗari gɨ Lug wal 24:51

Kɨɗɨn̰ ga ban tor-kɨbi a cayge ban̰ nee ƴee bɨ ga ma, ban ɗege bɨ Kumu ayi orɨn̰ daa nii.

Kɔl-gɨ-Ɗari gɨ Ja̰ wal 1:14

Kɔl le, bɨləŋ na ungo bɨ, som duroyni. Ni sol gɨmɨn̰aw toyi dan̰ cɨndɨni bɨ. Na gɨmɨn̰aw di da kuroŋ gɨ pɨna hayi kəɗ kəɗ, gɨ sayga gusi Bay. Ban le, ɗarwa dan̰ kɔl gɨ cɨndi, ƴee kuduroyi.

Kɔl-gɨ-Ɗari gɨ Ja̰ wal 13:3

Jesu sol gɨ Bay na ɗe hɨnga nɔm duroy kobi gɨŋ bɨ, gɨ ɗi na sayga naa gusi Kumu bɨ, ɗi na kɨya jɔgɛ ɔrɛ naa gusi Kumu bɨ.

Kɔl-gɨ-Ɗari gɨ Ja̰ wal 15:26

«Kɨɗɨn̰ ga ɨŋ kɨya bugoŋ gusi Banɨ na, ɨŋ kɨya gɨygɨn̰ dan̰ Ba-ƴɔɔ caygɨŋ gɨ kɨya sayga na gusi Banɨ. Turnɔ di da kɔl gɨ cɨndi le, andɨgaŋ na gusi Banɨ. Kɨɗɨn̰ ga Ban kɨya bugoŋ na, Ban kɨya lɔɔ tɨmon̰ kol canɨ.

Kɔl-gɨ-Ɗari gɨ Ja̰ wal 16:28

Ɨŋ sayga na gusi Banɨ nii, ma maŋ ɨrga a cay gɨsəŋ gaŋ kɛ. Haw kɛ ɨŋ kɨya sɔ cay gɨsəŋ gaŋ kɛ, jɔgɛ gusi Banɨ.

Kɔl-gɨ-Ɗari gɨ Ja̰ wal 17:5

Haw kɛ na, Banɨ ayaŋ duroy gɨmɨn̰aw ton̰ dɨŋ, ɗe aŋ som boy gɨmɨn̰aw tɨnge di ɨŋ ba somɨn̰ nee gusɨn̰ tumɔ pa dɨm ma mɨn̰ ba ɗen̰ cay gɨsəŋ ƴee le.

Kɔl-gɨ-Ɗari gɨ Ja̰ wal 20:12

Ɨni na, hɨndi sol ka-ƴɔbɛ ga daa nii won̰ge sɔɔ, ga tobɨge badɨge ga bɛdɨrdɛŋ tɨrɨjɨ tɨrɨjɨ, somge a kɨɗɨn̰ ga tumɔ ba dɨbɨn̰ge gundi Jesu boy nee le. Pɨna cayi bɨ, pɨna a gondii bɨ.

Kɔl-gɨ-Ɗari gɨ Ja̰ wal 6:62

Ma hɨn̰ gɨ kɨŋ na sɨla Kurɨn̰-ungo dan̰ cɨndɨgɨŋ, saa ɨra sɨma a kɨɗɨn̰ sɔmɛdi ga tumɔ gaŋ le kɛ, gɨ ƴomgɨŋ isi cɨla coŋ naŋ ga?

Gɨye-lɔɔ 1:19

Kalaŋ nɔm ga somge a cay ƴaa-di-gumu di Jerusalɛm dɨŋ le, jege koldi lee gɨ ɗege guson̰ kɨɗɨn̰ ga nee le, naa “Hagɛldama” duroy na “yagedi kɨbar”.

Gɨye-lɔɔ 10:34

Ɨni na, Pɨyɛr haŋgɨ kɨbi bɨ ye hɨn̰: «Haw kɛ na, ɨŋ sol leen̰ cɨndi gɨ Kumu dɨra cɨn̰ ungo naŋ ɨni.

Gɨye-lɔɔ 14:27

Kɨɗɨn̰ ga kan bugoŋ a Antɨyɔs ɨni na, kan teege ka-aye kudurɔ nɔm na dayage cayge bɨ, kan dorge te hɨnga nɔm ga Kumu ba lee dan̰ gɨyəŋ koge bɨ, gɨyəŋ gɨ hangaŋ bɨn̰ kalaŋ ga toyge na Jubɨ naŋ ayɨn̰ kuduroyge bɨ le.

Gɨye-lɔɔ 20:28

Sɨgɨŋ muɗɔlɛ cay gusɨgɨŋ gɨŋ bɨ, a cay kalaŋ ga Turnɔ ɗe-kuduroy-bɛrɛ ba beege kobɨgɨŋ hɨn̰ gamge wo̰ bɨ le. Aban̰gɨŋ Ka-Daye ga da Kumu ga ban kɨlge dan̰ kɨbardi gusi koyi hɨn̰ ba sɔlɛ kardi gamge wo̰ le.

Magtubu di Pol wal bɨn̰ kalaŋ ga Rɔm 10:12

Lee gɨ hɨnga ga ba kɨya dɔrɛ cɨn̰ kalaŋ ga toyge na Jubɨ ba kɛ naŋ le, kalaŋ ga toyge na Jubɨ naŋ ba kɛ le unɔ. Kan nɔm le, Ba-gulondɨge na pɨna hayi. Waŋ waŋ gɨ na tɨga gusondi na, ban kɨya wɔɔ ɗarwa danayi gɨɗaŋ bɨ.

Magtubu di Pol wal bɨn̰ kalaŋ ga Rɔm 10:18

Hɨn̰ gɨ naa hɨn̰ wo̰ na, ɨŋ kɨya ɨngɨre kɔl pɨna: Kɛ, leen̰ cɨndi Jubɨn̰əŋ baage jɔɔge kɔl le ƴee ga? Naŋ, kan jege kuɗa hage. Kɨya wa Magtubu di da Kumu ye hɨn̰: «Te tumoyge ye ƴee cay gɨsəŋ nɔm bɨ, Ho’o, kɔl yɔdɨge kalɨn̰ ma or bɨrɨŋ, Andaŋ a kɨbɨ gɨsəŋ gaŋ.»

Magtubu di Pol wal bɨn̰ kalaŋ ga Rɔm 16:25

Gusoŋ-tɔgɛ na gɨ da Kumu! Kɨya wa Kumu ɓal lɔɔ gɨ kɨŋ na ɨrɨn̰ usa a te aye kudurɔ gɨŋ hɨn̰ gɨ Kɔl-gɨ-Ɗari gɨ da Jesu-Kɨris gɨ ɨŋ ba tee bɛrnɛdi ba ye wo̰. Hɨnga ga ungo sɨla naŋ ga woy kɨɗɨn̰ wɔsɛdɨge gaŋ na jɨne ɓɨrag hage le, Kumu wasɨn̰ cayge lee gɨ kalaŋ solge dan̰ gɨyəŋ gɨ da Kɔl-gɨ-Ɗari gɨ kɛ le.

Magtubu di Pol wal bɨn̰ kalaŋ ga Rɔm 16:26

Ama haw kɛ na, Kɔl-gɨ-Ɗari le woy a cɨn̰-tɨwa dɨŋ waŋ. Na toy di hɨn̰ wo̰ ma, kalaŋ nɔm ga toyge na Jubɨ naŋ le, solɨn̰ge Kɔl-gɨ-Ɗari gɨ da Kɨris dan̰ gɨyəŋ gɨ da Kɔl gɨ walge a duroy Magtubun̰əŋ di da ka-yɔɔ-kɔl-gɨ-Kumu-ba-yɔɔ gaŋ. Kumu gɨ ba-sɔmɛ dan̰ tumoyi ay te tumɔ di kɛ le hɨn̰ wo̰, ɗe kalaŋ nɔm na ayan̰ge kuduroyge bɨ, jan̰ge kɔl kɨbi bɨ.

Magtubu di Pol wal bɨn̰ kalaŋ ga Rɔm 3:4

Cə, na hɨn̰ wo̰ naŋ bɨrɨŋ! Hɨn̰ gɨ kalaŋ nɔm naa ka-poy kalɨn̰ ma, Kumu na ba-yɔɔ kɔl gɨ cɨndi. Na hɨn̰ gɨ Magtubu di da Kumu ye wo̰: «Ay Kumu, hɨn̰ gɨ ji na ya kɔl na, Ungo sol gɨ naa kɔl gɨ cɨndi. Hɨn̰ gɨ ungo na dɨbɨ kɔl can̰ na, Kɔl wo̰ gɨ ba kɨya ƴɔmɛ can̰ unɔ.»

Magtubu di Pol wal bɨn̰ kalaŋ ga Rɔm 8:3

Hɨnga ga nee le gasɨn̰-kɔl gɨ da Moyis ɓala lɔɔ naŋ bɨrɨŋ, kɨya wa gabaŋ gɨ da kuyoŋdi-gusu gɨ da ungo lee gɨ gasɨn̰-kɔl gɨ da Moyis togi say unɔ. Ama Kumu lee hɨnga ga gasɨn̰-kɔl gɨ da Moyis ɓala lɔɔ naŋ. Ban gɨygɨ dan̰ Kurondi koyi ɨrga a cay gɨsəŋ gaŋ, dan̰ kuyoŋdi-gusu gɨ woy gɨlɨn̰ dan̰ gɨ da kalaŋ ga ɨndəŋ ga ka-lɔɔ ɨsɨna wo̰, kɨya dorɨn̰ kalaŋ te ɨsɨna gɨŋ coŋ. Na dan̰ gɨyəŋ gɨ nee le ma, Kumu bon̰ kɔl a cay ɨsɨna gɨ lee gɨye a kuduroy kalaŋ ga ɨndəŋ.

Magtubu di Pol wal bɨn̰ kalaŋ ga Rɔm 9:5

Na kan ɗaŋ coŋ ma na kongɨn̰i mon̰ina Abɨraham. Kɨɗɨn̰ ga Kɨris bɨləŋ ungo gɨ ɨndi le, kan wooyge na a te wɨn̰je koge kan gaŋ. Ban som a cay hɨnga nɔm bɨ, ban na Kumu gɨ kalaŋ nɔm kɨya hɨramiige dan̰ tumoyge bɨ. Ɗa-ɗe-woy-hɨn̰-wo̰!

1 Korɛ̰t 15:47

Adam ungo gɨ cay wase gɨ leeyige dan̰ gɨsəŋ le, ban mana gɨ da gɨsəŋ. Ama Adam gɨ ni sɔɔdi na, sayga na gɨɗɨgɨ-Kumu gɨŋ ɨrga.

1 Korɛ̰t 2:7

Ni gɨlɨn̰ kalaŋ na cɨn̰-muɗɔlɛ da Kumu di woy a kɨɗɨn̰ ga ungo wasɨn̰a cayge naŋ ga wosi, gɨ Kumu a boy ɨlge ga tumɔ gaŋ, ƴom cay tɨbayge tumɔ hayi kɨya gusoŋ-tɔgɛ tona.

2 Korɛ̰t 1:19

Kɨya wa Jesu-Kɨris Kurɨn̰-Kumu, ban gɨ ɨŋ-bandi bɨ, Sɨlas bɨ, Timote bɨ, ni ba tee bɛrnɛ di da kɔl koyi bɨgɨŋ le, ban ɨrga na kɨya wɔyɛ na «Əw» bɨ «Naŋ» bɨ, kɨbɨge koge gɨŋ naŋ. Ban na «Əw» di da Kumu dan̰ wɔlɛ pɨna pɨna.

Galad 2:8

Kɨya wa ban gɨ ba lee gɨye kuduroy Pɨyɛr, ɗe gɨ ban bɨlɨn̰ ba-gɨre-gɨye gɨ da kalaŋ ga toyge na Jubɨ le, lee gɨye kuduronɨ ɨŋ-bandi ɗe gɨ ɨŋ bɨlɨn̰ ba-gɨre-gɨye gɨ da kalaŋ ga toyge na Jubɨ naŋ bɨ.

Galad 4:4

Ama kɨɗɨn̰ ga wɔlɛdi ɓal ɨni na, Kumu gɨygɨ kurondi. Tama ba wooyi. Kan wooyge na kɨɗɨn̰ ga gasɨn̰-kɔl na Ba-gulondi hɨnga ga da kalaŋ ga na Jubɨ le,

Epɛs 1:9

Na toy di hɨn̰ wo̰ ma, Kumu lee gɨ ɗe cɨndɨna hangaŋ cay hɨnga ga tumɔ woy kɨɗɨn̰ wɔsɛdɨge gaŋ ga ban ojɨ kɨya lɔɔ dan̰ kuduroy-ɗarwa toyi, di ban ƴom cay tɨbaa tumɔ gɨ ni lɔɔ dan̰ gɨyəŋ gɨ da Jesu-Kɨris.

Epɛs 6:19

Ɨŋ-bandi kalɨn̰ ma, ulagɨŋ Kumu kol canɨ bɨ, ɗe Kumu ɗe kɔl gɨ dan̰ gɨyəŋdi kɨbɨnɨ, ɗe aŋ teen̰ bɛrnɛ Kɔl-gɨ-Ɗari gɨ woy kɨɗɨn̰ wɔsɛdi gɨŋ gɨ Kumu haŋgɨ cayi le, dɨle hundɔrɔ.

Kɔlɔs 1:23

Ama kuɗa gɨ kɨŋ ɨr a cay tɨbaygɨŋ dɨŋ bɨ, tɨbagɨŋ sarnaygɨŋ gag gag dugo bɨ, ɨrɨn̰gɨŋ usa cay nee a te aye kudurɔ gɨŋ. Dɨle gɨ hɨnga wo̰ gɨ dorgɨŋ orɨn̰ danagɨŋ hen̰ dan̰ hɨnga ga kɨŋ bee ɨrɨmedɨgɨŋ cay nee gɨ Kɔl-gɨ-Ɗari ba bɨgɨŋ le. Kɔl-gɨ-Ɗari gɨ nee le, teege bɛrnɛdi bɨn̰ kalaŋ nɔm ga a cay gɨsəŋ gaŋ. Na ban ma ɨŋ-bandi Pol bɨle ba lɔɔ gɨyedi.

Kɔlɔs 1:27

Kumu haŋgɨ cɨn̰ kalaŋ ga woy dan̰ cɨndɨge a cay gusoŋ-tɔgɛ bɨ, a cay marɨna gɨ da hɨnga ga tumɔ wosɨ gusɨge duroy kalaŋ ga toyge na Jubɨ naŋ bɨ. Hɨnga ga da Kumu ga woy a kɨɗɨn̰ wɔsɛdɨge gaŋ le, na Kɨris gusi gɨ som a kuduroygɨŋ. Ban kɨya bɨgɨŋ hɨnga ga kɨŋ kɨya bogɨn̰ ɨrɨmedɨgɨŋ cay nee ga kɨya orɨn̰ danagɨŋ a gusoŋ-tɔgɛ koyi gɨŋ bɨ.

Kɔlɔs 1:6

Kɔl-gɨ-Ɗari gɨ nee le or bɨrɨŋ andaŋ gusɨgɨŋ. Ban ƴee cay gɨsəŋ nɔm bɨ, wɔɔ karɨndi bɨ, or dan̰ cɨndi jɨn̰ tumɔ tumɔ hɨn̰ gɨ ba won̰ duroy gɨŋ wo̰ bɨ. Ayɨn̰ toy a boy wɔlɛ gɨ kɨŋ ba jen̰ kɔl bɨ, solɨn̰ ɗarwa di da Kumu leen̰ cɨndi bɨ.

Kɔlɔs 2:2

Wɔrɨn̰ɛ gɨ nee le, ɨŋ worɨn̰ na kɨya dobɨn̰ bandɨ kuduroyge bɨ, ɗe gɨ geye na bɨgage pɨna bɨ. Ɨŋ gey gɨ cay bɨra dan̰ hɨnga-sɔlɛ na walɨn̰a kuduroyge. Na hɨn̰ wo̰ ma kan kɨya sɔlɛge hɨnga-sɔlɛ ga da Kumu ga woy kɨɗɨn̰ wɔsɛdɨge gaŋ, gɨ na Kɨris gusi.

2 Tesalonigɨ 1:10

Hɨnga ga nee le, kɨya lɔɔ gusɨge kɨɗɨn̰ ga ban kɨya ɨrga duroy kalaŋ kayi ga woyge dan̰ cɨndɨge, ɗe kan na dɨbɨn̰ gusoŋ-tɔgɛ cayi. Wɔlɛdi gɨ nee le, ban kɨya ɨrga duroy kalaŋ ga beege kuduroyge cayi bɨ, kan nɔm cɨndɨge kɨya wɔyɛ cayi hɨrɨm bɨ. Kɨŋ-gandi kalɨn̰ ma, kɨŋ kɨya ɨre danage nee, kɨya wa kɨŋ bee kuduroygɨŋ a cay kɔl gɨ ni ba tee bɛrnɛdi bɨgɨŋ le bɨ.

2 Tesalonigɨ 2:7

Haw kɛ kalɨn̰ ma, dɔnɔ di da Ba-Kuduroy-Ɨndɨwa ɨre lee gɨye dan̰ wɔsɛ. Ama kɨya lɔɔ ɨsɨna gɨɗaŋ nee na wɔlɛ gɨ ungo ba-narii lɔɔ gɨye koyi cɨn̰ tɨwa dɨŋ, na unɔ dɨm.

1 Timote 3:9

Kuɗa gɨ kan amɨn̰ bɛrnɛ di Kumu haŋgɨ cɨndɨge haw kɛ cay nee ojɨn̰ cay hɨnga ga na beegɨŋ kuduroynagɨŋ cay nee le, dan̰ ɨrɨme gɨ arɨn̰ cərərə.

Əbɨro 1:3

Na gusi Kurɨn̰-Kumu gɨ nee le ma gusoŋ-tɔgɛ gɨ da Kumu jɨran̰de jə̰ jə̰ bɨ, ban gɨlɨn̰ dan̰ Bayi Kumu hɔlɔlɔ bɨ, ban gam cay gɨsəŋ ɗe som osu daa na dan̰ gɨyəŋ gɨ da dɔnɔ di da kɔl koyi bɨ. Kɨɗɨn̰ ga ban dorɨn̰ kalaŋ mɨra te ɨsɨna koge gɨŋ coŋ ɨni na, ban say or daa sɔmɛ gɨɗɨgɨ-Kumu gɨŋ a cay kɔbɔ gɨ bara gɨ da ban gɨ orɨn̰ dan̰ dɔnɔ di ɗɨn̰ hɨnga nɔm.

Əbɨro 12:2

Kuɗa gɨ cɨndɨnagɨŋ woy a cay Jesu. Na ban ma na ba ɗɔɔ te aye kudurɔ konagɨŋ bɨ, ba-orɨn̰ danayi bɨrɨŋ kagadi gɨŋ bɨ. Ban gey mare tɨma di a cay sɨya-gɨ-dagɨli gɨŋ, dɨlayi a cay dasi di woy ojɨ cay tɨma di nee le naŋ. Kɨya wa ban sol gusi-mɔwa di woy amii nee. Bɨ haw kɛ na, ban som na cay kali-tɨrɨmbala da Kumu dɨŋ a cay kobi gɨ bara gɨŋ.

Əbɨro 7:7

Na cɨndi kɔl man̰edi unɔ, ungo gɨ ba-tɔrɛ kɨbi cay mɨgayi le, ban ma na ungo gɨ gumu ɗɨn̰ mɨgayi gɨ nee le.

Əbɨro 8:1

Te kɔl nɔm gɨ ni ba ye le bambadi ba kɛ: Leen̰ cɨndi, na mangɨl gɨ da ka-cay ka-bɔgɛ kɨbar gɨ gɨlɨn̰ hɨn̰ ban gɨ nee le ma mana orɨn̰gɨŋ. Ban som durdi kali-tɨrɨmbala da Kumu ba dɔnɔ gɨ ɗɨn̰ dɔnɔ nɔm a cay kobi gɨ bara gɨŋ a gɨɗɨgɨ-Kumu.

1 Pɨyɛr 1:12

Kumu gɨlɨn̰ ka-yɔɔ-kɔl-gɨ-Kumu-ba-yɔɔ, gɨ kan na teege bɛrnɛ bɨgɨŋ naa kɨŋ-gandi, wala kan na tɨgage bɛrnɛ naa kol cayge naŋ. Ka-tɔgɛ bɛrnɛ Kɔl-gɨ-Ɗari yege kɔl gɨ nee le labɨde na dan̰ dɔnɔ di da Turnɔ ɗe-kuduroy-bɛrɛ. Turnɔ ɗe-kuduroy-bɛrɛ le, na Kumu gɨ som gɨɗɨgɨ-Kumu gɨŋ le ba gɨygɨn̰ danaa. Ka-ƴɔbɛ ga daa nii kan kalɨn̰ ma, dan̰ gusɨge koge malge gɨ ni sɔlɛ kɔl gɨ nee le toyi bɨ.

1 Pɨyɛr 1:20

Tumɔ pa dɨm ma Kumu kɨya ɗon̰ gɨɗɨgɨ-Kumu bɨ, cay gɨsəŋ bɨ ƴee na, Kumu dor Kɨris ɗe bɨləŋ hɨnga ga ni bogɨn̰ kɨbar. Lee gɨ haw kɛ a kagadi wɔlɛ gɨŋ gɨ Kumu wasɨn̰ cayi doŋ waŋ ɗe ban na poɗɨgɨŋ.

1 Pɨyɛr 1:21

Dan̰ gɨyəŋ gɨ da Kɨris le, kɨŋ bee kuduroygɨŋ a cay Kumu gɨ boyii lɨbii kardi kalaŋ ga madɨrdaŋ gaŋ, ayi duroy gusoŋ-tɔgɛ koyi gɨŋ bɨ, lee gɨ aye kudurɔ kogɨŋ bɨ, ɨrɨmedɨgɨŋ gɨ kɨŋ bee cayi bɨ, woy na cay Kumu.

1 Pɨyɛr 3:18

Kɨya wa Kɨris gusi koyi ma na kol cay ɨsɨna gɨ kalaŋ leege. Ban kɨya mare tɨma di ɗaŋ naŋ ɨni. Ban gɨ na ungo gɨ dan̰ durɔ ɗɨngar le, ma kɨya cay kalaŋ ga dan̰ durɔ ɗɨngar naŋ, kɨya orɨn̰ danana gusi Kumu. Dɨɗɨge kuyoŋdi-gusi, ama Turnɔ di da Kumu boyi lɨbi.

1 Pɨyɛr 3:22

Jesu le say or a gɨɗɨgɨ-Kumu gɨŋ bɨ, som haw kɛ durdi Kumu a cay kobi gɨ bara gɨŋ bɨ. Ban som nee din̰-ƴaa a cay ka-ƴɔbɛ ga daa nii bɨ, cay ka-dɔɔ cay ƴaa ga ɗaŋ ga a gɨɗɨgɨ-Kumu gaŋ bɨ, cay ka-dɔnɔn̰əŋ ga gɨɗɨgɨ-Kumu gaŋ bɨ.

1 Ja̰ 1:2

Ban gɨ na sɔmɛ-bɨra le, gɨl gusi lee gɨ ni solii dan̰ cɨndɨni bɨ, ni lee tɨmon̰ toyi bɨ. Na toy di hɨn̰ wo̰ ma, ni tee bɛrnɛ di da sɔmɛ-bɨra gɨ dan̰ tumoy gɨ tumɔ som na gusi Bayi pa dɨm ma gɨl gusi bɨni ƴee le, bɨgɨŋ.

1 Ja̰ 3:5

Kɨŋ sol gɨ Jesu-Kɨris ɨrga na kɨya dɔrɛ ɨsɨnan̰əŋ ga a cay gɨsəŋ gaŋ. Ama ban na, ɨsɨna pɨna wo̰ kalɨn̰ ma unɔ a gusi.

1 Ja̰ 3:8

Waŋ waŋ gɨ na laa ɨsɨna na, na ungo gɨ da Haban̰, kɨya wa Haban̰ na ɗe-lɔɔ ɨsɨna a toyi dɨŋ ɓɨrag. Na toy di hɨn̰ wo̰ ma Kurɨn̰-Kumu ɨrga a cay gɨsəŋ gaŋ kɨya mondɨn̰ gɨye-lɔɔ gɨ da Haban̰.

Wasɨn̰a 17:5

Walge gusoŋ gɨ ungo sɨla duroyi naŋ a jɨndo. Gusoŋ gɨ ba woy a jɨndo le na: «Babilɔn cay ƴaa-di-gumu, na ƴoy ajɨban̰əŋ bɨ ƴoy bɨrane di a cay gɨsəŋ gaŋ kɛ bɨ.»

Wasɨn̰a 17:7

Ɨni na, ba-ƴɔbɛ gɨ daa nii le yəŋ hɨn̰: «Kɛ na kɨya wa ma kɔl kayɨn̰ ga? Ɨŋ kɨya dorɨn̰ te hɨnga ga woy kɨɗɨn̰ wɔsɛdɨge gaŋ ojɨn̰ cay tama le bɨ, ojɨn̰ cay kɨmana gɨ cayi won̰ jurgum bɨ, kɨben̰di mɔjɨ bɨ, gɨ hɨndi nay cay nee le.

Wasɨn̰a 7:9

Kardi hɨnga nɔm ga nee le, ɨŋ sol dɨmdɨrdi kalaŋ dan̰ kondige ga ungo ɓala ɗɔngɨsɛ naŋ. Kan na kalaŋ ga a te kalaŋ ga ani ani bɨ, te wɨn̰je gɨ ani ani bɨ, te labar gɨ ani ani bɨ, te kɨbɨ wɔɔ gɨ ani ani bɨ. Kan ɨrege dan̰ tɨbayge daa tumoy kali-tɨrɨmbala bɨ, tumoy Kurɨn̰-dɨmangɨ bɨ. Kan tobɨge badɨge ga sɨngɨɗɨdəŋ ga bɛrɛ gusɨge bɨ ƴomge kabɨn̰ mɨlɨn̰ kobɨge bɨ.