1 Timote 2:5 - Gabri Maja

⁵ Kɨya wa Kumu na pɨna hayi kəɗ kəɗ bɨ, Ba-ɨre duroy Kumu dan̰ kalaŋ kalɨn̰ ma, Na pɨna hayi kəɗ kəɗ. Ungo gɨ nee le, Na Jesu-Kɨris.

1 Timote 2:5 ပူးပေါင်းရင်းမြစ်များ

Matɨyo 1:1

Magtubu da te mon̰ gɨ da Jesu-Kɨris ba kɛ: Ban na kungan̰ Dabid dan̰ kungan̰ Abɨraham.

Matɨyo 1:23

«Sɨlagɨŋ, tɨmbali di cɨl kɨya ƴɔɔ kur bɨ, Kɨya wɔɔ kɨye gɨ bara, Kan kɨya se gusondi na Emanɨwɛl.» Duroy na Kumu dananagɨŋ.

Kɔl-gɨ-Ɗari gɨ Lug wal 14:22

Kardi nee sɨm wo̰, guyɔŋ le jɨga yeyi hɨn̰: “Ba-gulonɨ ɨŋ lee hɨnga ga ji ba yəŋ le. Ama kɨɗɨn̰ baa nee ƴee.”

Kɔl-gɨ-Ɗari gɨ Ja̰ wal 1:14

Kɔl le, bɨləŋ na ungo bɨ, som duroyni. Ni sol gɨmɨn̰aw toyi dan̰ cɨndɨni bɨ. Na gɨmɨn̰aw di da kuroŋ gɨ pɨna hayi kəɗ kəɗ, gɨ sayga gusi Bay. Ban le, ɗarwa dan̰ kɔl gɨ cɨndi, ƴee kuduroyi.

Kɔl-gɨ-Ɗari gɨ Ja̰ wal 17:3

Sɔmɛ-bɨra gɨ dan̰ cɨndi le: Na ɗe kan na solɨn̰ge ji-bandi Kumu gɨ cɨndi gɨ pɨna hayi kəɗ kəɗ bɨ, Jesu-Kɨris gɨ ji gɨygi le bɨ.

Gɨye-lɔɔ 4:12

Ungo gɨ ɗaŋ gɨ ani ani gɨ pɔɗɛ kɨya sɔ gusi unɔ. Hɨn̰ gɨ kɨŋ na ɨra na ani ani a gɨɗɨgɨ-Kumu gɨŋ, wala a cay gɨsəŋ gaŋ, duroy kalaŋ kalɨn̰ ma, kɨŋ kɨya jɔɔ guson̰ ungo gɨ ɗaŋ gɨ kɨŋ kɨya aye poɗɨn̰ gusɨgɨŋ naŋ.»

Magtubu di Pol wal bɨn̰ kalaŋ ga Rɔm 1:3

Kɔl-gɨ-Ɗari gɨ nee le kan walge ojɨn̰ na cay Ba-gulondɨna Jesu-Kɨris Kurɨn̰-Kumu. Kɨɗɨn̰ ga ban lee gusi leen̰ ungo gɨ ɨndi na, kan wooyge na a te wɨn̰je gɨ da kɨlma Dabid gɨŋ.

Magtubu di Pol wal bɨn̰ kalaŋ ga Rɔm 10:12

Lee gɨ hɨnga ga ba kɨya dɔrɛ cɨn̰ kalaŋ ga toyge na Jubɨ ba kɛ naŋ le, kalaŋ ga toyge na Jubɨ naŋ ba kɛ le unɔ. Kan nɔm le, Ba-gulondɨge na pɨna hayi. Waŋ waŋ gɨ na tɨga gusondi na, ban kɨya wɔɔ ɗarwa danayi gɨɗaŋ bɨ.

1 Korɛ̰t 8:4

Naa hɨn̰ wo̰ na, kɛ ni gɨ ɓale dɔɔ culom gɨ been̰ge kɨbar bɨn̰ kulan̰əŋ ga? Ni sol kuɗa, gɨ kula pɨna wo̰ kalɨn̰ ma unɔ a cay gɨsəŋ gaŋ kɛ bɨ, ni sol gɨ Kumu kalɨn̰ ma na pɨna hayi kəɗ kəɗ bɨ Kumu gɨ ɗaŋ unɔ.

1 Korɛ̰t 8:6

Ama ojɨn̰ cayna na-gandi na, Kumu na pɨna hayi kəɗ kəɗ. Ban na Bayna gɨ hɨnga nɔm sayga gusii bɨ, na kɨya ɔrɛ na gusii bɨ. Ba-gulɔŋ na pɨna hayi kəɗ kəɗ ƴɔbɨ, na Jesu-Kɨris gɨ hɨnga nɔm woy na kol cayi bɨ, na som na kol cayi bɨ.

Galad 3:20

Ɓɨragɨ na, ba-ɨre durɔ le, ɨre na duroy kalaŋ sɔɔ. Ama a kɛ na, na Kumu pɨna hayi kəɗ kəɗ.

Epɛs 4:6

Kumu na pɨna hayi ƴɔbɨ, ban na kalaŋ nɔm bayge. Ban di cay kalaŋ nɔm bɨ, lee gɨye kol cayge nɔm bɨ, som kuduroyge nɔm bɨ.

1 Timote 6:13

Kumu gɨ ba lɔɔ gɨ hɨnga nɔm som-bɨra bɨ, Jesu-Kɨris gɨ lee tɨmon̰ tumoy Po̰s Piladɨ, lee gɨ ban ye kɔl aye kudurɔ gɨ kuɗa tɔgɨ daa pɨraŋ bɨ le, ɨŋ yen̰ hɨnga ga kɛ le tumoy Kumu dan̰ Jesu-Kɨris ɗe gɨ an̰ lee:

Əbɨro 12:24

Kɨŋ-gandi na, kɨŋ sɨygɨ na gusi Jesu gɨ dan̰ gɨyəŋ gɨ da kɨbardi gɨ gɨre dugo le. Kumu leen̰ saɗe kɨbɨ pɨna ɓɨse gusu gɨ hɨrɨwa dan̰ kalaŋ. Kɨbardi le ye kɔl kuɗa ɗɨn̰ gɨ da kɨbardi Abɛl.

Əbɨro 7:25

Na toy di hɨn̰ wo̰ ma, kan ga ba ɨrgage gusi Kumu dan̰ gɨyəŋ gɨ da Jesu le, ban ɓal gɨ ni poɗɨge cay pɨna ƴɔbɨ dan̰ tumoyge. Kɨya wa Jesu le som-bɨra dan̰ tumoyi. Ban ye kɔl bɨn̰ Kumu kol cayge.

Əbɨro 8:6

Ama gɨye gɨ da Jesu le, na gɨye gɨ gumu ɗɨn̰ gɨ da te ka-bɔgɛ kɨbar coŋ. Kɨya wa ban na ba ɨre duroynagɨŋ duroy saɗe kɨbɨ pɨna ɓɨse gusu gɨ kuɗa tɔgɨ ɗɨn̰, gɨ si toyi na a cay hɨnga ga Kumu ye gɨ ɗi na kɨya lɔɔ bɨge ga kuɗa ɗɨn̰ bɨ.

Əbɨro 9:15

Na toy di hɨn̰ wo̰ ma, Kɨris bɨle ba ɨre duroyna duroy saɗe kɨbɨ pɨna ɓɨse gusu gɨ hɨrɨwa le. Ban ma na kɨya boyɨn̰ cay kan ga hangɨɗɨge cay gasɨn̰-kɔl a te saɗe kɨbɨ pɨna ɓɨse gusu gɨ cay wase gɨŋ le. Na toy di hɨn̰ wo̰ ma, kalaŋ ga Kumu teege le, kɨya ɓalege wɔɔ hɨnga ga ni wɔɔ ga woy dan̰ tumoyge, ga Kumu ye gɨ ɗi na kɨya bɨn̰ karɨndi le.

1 Ja̰ 2:1

Ay, kɨŋ ga kɨŋ woy hɨn̰ karɨnɨ kange wo̰ le, ɨŋ wal kɔl gɨ kɛ le bɨgɨŋ na ɗe gɨ agɨŋ na leen̰ ɨsɨna naŋ ɨni. Ama hɨn̰ gɨ ungo duroynagɨŋ na laa ɨsɨna na, na orɨn̰gɨŋ dan̰ ungo pɨna woy nee gɨ ba ƴɔɔ cay nagɨŋ tumoy Baynagɨŋ Kumu. Ba ƴɔɔ cayna le, na Jesu-Kɨris gɨ ba lɔɔ hɨnga ga dan̰ durɔ ɗɨngar le.

Wasɨn̰a 1:13

A duroy lamban̰əŋ ga jurgum ga nee le, ɨŋ sol ungo gɨlɨn̰ hɨn̰ kurɨn̰ ungo gɨ pɨna wo̰ gɨ dobɨ badɨge ga sɨngɨɗɨ gusi bɨ, saɗɨ gasɨbii dan̰ sɔndurɔŋ ga leege dan̰ lɔr bɨ.