1 Timote 2:4 - Gabri Maja

⁴ Ban gey gɨ kalaŋ nɔm na pɨɗage bɨ, ɨran̰ge bɨrɨŋ sɨlan̰ge kɔl gɨ cɨndi kuɗa bɨ.

1 Timote 2:4 ပူးပေါင်းရင်းမြစ်များ

Matɨyo 28:19

Na toy di hɨn̰ wo̰ ma, ɨragɨŋ duroy te wɔɔ gɨ da kalaŋ nɔm, laagɨŋ gɨ ɗe kalaŋ bɨləŋge ka-aye-cay-tɨbanɨ. Laagegɨŋ batɛm dan̰ gusoŋ Kɨye bayi bɨ, Kɨyeyi bɨ, Turnɔ ɗe-kuduroy-bɛrɛ bɨ.

Marg 16:15

Kardi nee ban yege hɨn̰: «Ɨragɨŋ a cay gɨsəŋ gaŋ nɔm, tɨgagɨŋ bɛrnɛ di da Kɔl-gɨ-Ɗari bɨn̰gɨŋ kalaŋ a kɨɗɨn̰ gaŋ nɔm.

Kɔl-gɨ-Ɗari gɨ Lug wal 1:77

Kɨya leen̰ gɨ ɗe kalaŋ kayi na sɨlan̰ge Gɨ ban na ɨrgan̰ naa dan̰ pɔɗɛ, Kɨya cay kuduroyi ga ban ɗe jal A cay ɨsɨnan̰əŋ gaŋ.

Kɔl-gɨ-Ɗari gɨ Lug wal 14:23

Ɨni na, Ba-gulondi le yen̰ dan̰ guyɔŋ le hɨn̰: “Andaŋ ɨra a te gɨyəŋ ga a cay karɨn̰ ƴaa gaŋ, dan̰ kɨbɨ jaŋ gaŋ. Bɨ kalaŋ nɔm ga ji na wayage na, ɨren̰ danage dan̰ osɨwa ɗe duroy ƴaa tɨnge walɨn̰ daa jɨŋ jɨŋ.

Kɔl-gɨ-Ɗari gɨ Lug wal 24:47

Naa wa wa kalɨn̰ ma, kan kɨya tɔgɛ bɛrnɛ bɨn̰ te wɔɔ gɨ da kalaŋ pɨna pɨna, ayɨn̰ toy a cay ƴaa-di-gumu di Jerusalɛm dɨŋ. Bɨ kan kɨya tɔgɛ bɛrnɛ yɔɔge hɨn̰: “Bɨlgɨŋ gɨye-lɔɔdɨgɨŋ na, Kumu kɨya ɗɔɔ kuduroy jalɨwa a cay ɨsɨna kogɨŋ gɨŋ.”

Kɔl-gɨ-Ɗari gɨ Ja̰ wal 14:6

Jesu dɨbi cay nee yeyi hɨn̰: «Ɨŋ-bandi, ɨŋ na gɨyəŋ bɨ, kɔl gɨ cɨndi bɨ, sɔmɛ-bɨra gɨ dan̰ cɨndi nee bɨ. Ungo gɨ ani ani gɨ na ɨre dan̰ gɨyəŋ gɨ gusɨnɨ naŋ na, ban kɨya ɓale andaŋ gusi Banɨ naŋ.»

Kɔl-gɨ-Ɗari gɨ Ja̰ wal 17:17

Dɨrage sige dan̰ cɨndɨge, dan̰ gɨyəŋ gɨ da kɔl gɨ cɨndi. Kɔl kon̰ na kɔl gɨ cɨndi.

Kɔl-gɨ-Ɗari gɨ Ja̰ wal 6:37

Kalaŋ nɔm ga Banɨ ba bəŋ danage le, kɨya ɨrgage gusɨnɨ. Bɨ ungo gɨ na ɨre gusɨnɨ le, ɨŋ kɨya jibi sɛdɨ coŋ naŋ bɨrɨŋ.

Magtubu di Pol wal bɨn̰ kalaŋ ga Rɔm 11:14

Bɨ ɨŋ lee gɨye gɨ nee le ɨrɨmɨn̰ gɨ karmɨnɨ ga ni kɨbarnɨ ga na Jubɨ na laan̰ge jangɨ koldi, aŋ na poɗɨn̰ kan ga pɨna duroyge.

1 Timote 4:10

Əw, hɨn̰ gɨ na na laa gɨye kunda bɨ, wɨrɨn̰a bɨ na, na kɨya ɗɔɔ gɨ na ɗe ɨrɨmedɨna a cay Kumu gɨ som-bɨra dan̰ cɨndi le. Ban na ba-pɔɗɛ kalaŋ ga ɨndəŋ nɔm bɨ, kondɨwayge na, ban poɗɨ na ka-aye kudurɔ.

2 Timote 2:25

Ban kɨya hale ka-jɨbe kɔl kɨbi coŋ le, dan̰ kaledi ga jal jɔm. Gajanaŋ Kumu da lɔɔ gɨ kan da bɨle gɨye-lɔɔdɨge bɨ, sɔlɛ kɔl gɨ cɨndi bɨ.

2 Timote 3:7

Kandɨ ga nee le, geyge gɨ kan na gɨlge kɔl nee nee hage, ama kan ɓala sɔlɛ kɔl gɨ cɨndi naŋ bɨrɨŋ.

Titɨ 1:1

Ɨŋ-bandi Pol, ɨŋ na marɨna ba-gɨye gɨ da Kumu bɨ, ba-gɨre-gɨye gɨ da Jesu-Kɨris bɨ. Na nɨn̰wa gɨ sɨge canɨ gɨ ɨŋ na gɨlɨn̰ kalaŋ ga Kumu torge le kɔl, ɗe kan na ayɨn̰ kuduroyge bɨ gɨ ɨŋ na laa ɗe kan na sɨlan̰ kɔl gɨ cɨndi gɨ bugoŋ pɨna dan̰ gɨye-lɔɔ gɨ bugoŋ pɨna dan̰ Kumu bɨ,

Titɨ 2:11

Na cɨndi, Kumu gɨl ɗarwa toyi, di dan̰ gɨyəŋdo di ban ɓal poɗɨn̰ kalaŋ nɔm.

Əbɨro 10:26

Gɨlnage sɔlɛ kɔl gɨ cɨndi. Ma hɨn̰ wo̰ kalɨn̰ ma, na na laa ɨsɨna dan̰ kuduroy geye kona cɨndɨna tumɔ tumɔ na, hɨnga ga ni bɔgɛ kɨbar ga ɗaŋ wo̰ ga kɨya dɔrɛ ɨsɨna kona unɔ.

Magtubu di Jag wal 3:14

Ama hɨn̰ gɨ lɔɔ cɨn̰-pɨɗɨma bɨ, lɔɔ jangɨ bɨ, na ba wanɨn̰a ɗugoygɨŋ daa jɨŋ jɨŋ na, kɨŋ bogɨn̰ gusɨgɨŋ kogɨŋ gaŋ tɨwan̰e naŋ bɨ, yɔɔgɨŋ kɔl poy mondɨn̰ kɔl gɨ cɨndi naŋ bɨ.

2 Pɨyɛr 3:9

Ba-gulɔŋ aya cayi kɨya lɔɔ hɨnga ga ban ye gɨ ɗi na kɨya lɔɔ le naŋ. Kalaŋ ga yege gɨ ban na ay naa cayi le, sɨlage toy kuɗa naŋ. Golgo gɨ ni yɔ Ba-gulɔŋ na dɨbɨ ɗugoyi naa kol caygɨŋ. Ban gey gɨ ungo pɨna wo̰ kalɨn̰ ma na gɨ mundoŋ naŋ. Ban gey gɨ kalaŋ nɔm na bɨlge gɨye-lɔɔdɨge.

2 Ja̰ 1:1

Na ɨŋ-bandi gɨ muɗoli ba wale magtubu di kɛ le gɨyɨn̰ bɨn̰ tama di Kumu dɔrɔɔ, dan̰ karɨndo. Ɨŋ geyge leen̰ cɨndi. Na ɨŋ-bandi ƴɔbɨ ba geyge naŋ, ama kalaŋ nɔm ga solge kɔl gɨ cɨndi le, geygege bɨ.

Wasɨn̰a 14:6

Kardi nee, ɨŋ sol ba-ƴɔbɛ gɨ daa nii gɨ ɗaŋ say dan̰ majɨbii or duroy gɨɗɨgɨ-Kumu gɨŋ bɔb. Ban orɨn̰ dan̰ Kɔl-gɨ-Ɗari gɨ woy dan̰ tumoyi kɨya tɔgɛ bɛrnɛdi bɨn̰ kalaŋ ga somge a cay gɨsəŋ gaŋ. Bɨn̰ na te kalaŋ nɔm bɨ, te wɨn̰je nɔm bɨ, kalaŋ ga a te kɨbɨ wɔɔ nɔm bɨ, labardi kalaŋ nɔm bɨ.