1 Timote 2:1 - Gabri Maja

¹ Tumoy hɨnga nɔm na, ɨŋ dobɨ bandɨ kuduroygɨŋ gɨ ɗe kalaŋ ɨngɨrɨn̰ge Kumu hɨnga bɨ, ulan̰ge Kumu hɨnga bɨ, ɨlge cayi bɨ, laayige ho’o bɨ, kɨya cay kalaŋ nɔm.

1 Timote 2:1 ပူးပေါင်းရင်းမြစ်များ

Gɨye-lɔɔ 17:30

Gɨye-lɔɔ gɨ da kalaŋ boy wɔlɛ gɨ jɨne gɨ kan sɨlan̰ Kumu naŋ ƴee le, Kumu ay cɨndi cay nee coŋ. Ama haw kɛ na, ban ay noyi bɨn̰ kalaŋ nɔm dan̰ kɨɗɨn̰ nɔm ɗe gɨ kan na bɨl gɨye-lɔɔdɨge.

Magtubu di Pol wal bɨn̰ kalaŋ ga Rɔm 1:8

Hɨnga ga cay wase na, ɨŋ leen̰ Kumu hɨnge ho’o dan̰ gɨyəŋ gɨ da Jesu-Kɨris kol caygɨŋ nɔm, kɨya wa kalaŋ ye kol aye kudurɔ kogɨŋ gon̰ cay gɨsəŋ nɔm.

Magtubu di Pol wal bɨn̰ kalaŋ ga Rɔm 6:17

Kuɗa gɨ na laan̰ Kumu ho’o kɨya gɨ tumɔ kɨŋ na gɔyɔŋ ga da ɨsɨna, ama haw kɛ na kɨŋ je kɔl kɨbɨ Kumu, lee gɨ kɨŋ lee hɨnga ga kan gɨlgɨŋge le dan̰ kuduroygɨŋ ga pɨna.

1 Korɛ̰t 15:3

Hɨnga ga ɨŋ ba gɨlgɨŋ cay wase tumon̰ hɨnga nɔm le, na hɨnga ga gɨləŋge ɨŋ-bandi cay wase bɨ. Gɨləŋge gɨ Kɨris na ma naa kɨya cay ɨsɨna tɔna, dan̰ te gɨyəŋ gɨ da kɔl gɨ walge duroy Magtubu di da Kumu dɨŋ le.

2 Korɛ̰t 8:6

Na toy di hɨn̰ wo̰ ma mani olɨn̰ Titɨ gɨ ban na jɨga dɨɗe kɨbɨ gɨye gɨ da hɔgɛ hɨnga ga ni bee kalɨn̰ ga tumɔ ban ba ɗe toyge duroygɨŋ le danagɨŋ.

Epɛs 3:13

Na toy di hɨn̰ wo̰ ma, kɨŋ ɗɔɔ gɨ dɔsɛ-ɗugɔ di ba andaŋ a canɨ kol caygɨŋ le dɔrɛ togɨygɨŋ coŋ naŋ. Ama dɨbɨgɨŋ gusoŋ-tɔgɛ cay Kumu kɨya cay dɔsɛ-ɗugɔ di ɨŋ way kol caygɨŋ le.

Epɛs 5:20

Laan̰gɨŋ Kumu Kɨye Bay ho’o dan̰ tɨwa nɔm, kɨya cay hɨnga nɔm, dan̰ guson̰ Ba-gulondɨna Jesu-Kɨris.

Epɛs 6:18

Ɗagɨŋ Turnɔ ɗe-kuduroy-bɛrɛ ɗe dor tumoy ɔlɛ Kumu kogɨŋ bɨ, dan̰ tɨwa nɔm ɨngɨrɨn̰gɨŋ Kumu dan̰ gɨyəŋ gɨ da ɔlɛ bɨ, ɨngɨre bɨ gɨ toy kan̰di kan̰di. Naa hɨn̰ wo̰ na sɨmagɨŋ dan̰ toygɨŋ daa bɨ, dɔrɛgɨŋ gɨlale a cay ɔlɛ Kumu gɨŋ naŋ bɨ, ulayigɨŋ kɨya cay kan ga woyge dan̰ cɨndɨge nɔm bɨ.

Pilib 1:3

Ɨŋ leen̰ Kumu hɨnge ho’o dan̰ tɨwa nɔm kɨɗɨn̰ ga ɨŋ hɨn caygɨŋ.

Pilib 4:6

Sɔlɛgɨŋ hɨnga pɨna naŋ, ama a duroy hɨnga nɔm na, laan̰gɨŋ Kumu ho’o bɨ, ɨren̰gɨŋ dan̰ hɨnga ga kɨŋ or n̰agedɨge a tumoyi dan̰ ɔlɛ bɨ, dan̰ lɔɗɨdɛ bɨ.

1 Tesalonigɨ 3:12

Kuɗa gɨ Ba-gulɔŋ laa gɨ geye gɨ kɨŋ gey gusɨgɨŋ duroygɨŋ le malga bɨ ɨra dan̰ cɨndi jɨn̰ tumɔ tumɔ, hɨn̰ geye koni gɨ ni ba orɨn̰ kol caygɨŋ wo̰ bɨ.

2 Tesalonigɨ 1:3

Karmɨnɨ ga ban̰aŋ dan̰ ga kandɨ, ojɨ gɨ ni leen̰ Kumu ho’o jɨn̰ tumɔ tumɔ kol caygɨŋ. Hɨnga ga nee le, na dan̰ gɨyəŋdɨge kɨya wa aye kudurɔ kogɨŋ or cɨndi jɨn̰ tumɔ tumɔ dan̰ togi togi bɨ, geye gɨ kɨŋ orɨn̰ duroygɨŋ le, malgɨ gusɨgɨŋ pɨna pɨna bɨ.

1 Timote 2:4

Ban gey gɨ kalaŋ nɔm na pɨɗage bɨ, ɨran̰ge bɨrɨŋ sɨlan̰ge kɔl gɨ cɨndi kuɗa bɨ.

1 Timote 5:5

Tama di kudurɔ ma di ungo kɔɔ unɔ bɨ, som kan̰do bɨ le, ɗe ɨrɨmedo na cay Kumu bɨ, ol Kumu bɨ, loɗɨde toyi daa daa duroy son̰do dan̰ tɨwa di ɨni bɨ.

2 Timote 2:24

Ama kuɗa gɨ marɨna ba-gɨye gɨ da Ba-gulɔŋ bɔjɨn̰dɛ naŋ. Kuɗa gɨ ban sɨma dan̰ gusi-dɔbɛ dan̰ kalaŋ nɔm bɨ, ɓala gɨlɨn̰ kalaŋ hɨnga bɨ, haya kuduroyi cay are-kɔl gɨ da ka-cɨbe cay kalaŋ dan̰ kɔl nɔm bɨ.

Titɨ 2:11

Na cɨndi, Kumu gɨl ɗarwa toyi, di dan̰ gɨyəŋdo di ban ɓal poɗɨn̰ kalaŋ nɔm.

Titɨ 3:2

Ji hɨn kuduroyge gɨ kan naa yagɨde ungo naŋ bɨ, wɔrɨn̰dɨdɛ dan̰ kalaŋ naŋ bɨ, ɗe kan na bɨlɨn̰ge ka-kuduroy-ɗarwa bɨ, gɨlɨn̰ge gɨye-lɔɔdɨge gɨ dan̰ kaledɨge ga jal tumoy kalaŋ nɔm.

Əbɨro 6:11

Ama kuduroy geye koni na gɨ waŋ waŋ kalɨn̰ ma duroygɨŋ gusi-hɨmbalayi cɨndi tumɔ tumɔ bɨrɨŋ dɨɗɨn̰ kɨbi. Kɨɗɨn̰ ga nee le, hɨnga ga kɨŋ bee ɨrɨmedɨgɨŋ cay nee gɨ na kɨya ɨrga le, kɨya ɔrɛ kɨɗɨn̰dɨge gaŋ nɔm.

Magtubu di Jag wal 5:16

Tɨragɨŋ te ɨsɨna kogɨŋ bɨn̰ gusɨgɨŋ bɨ, ulagɨŋ Kumu kɨya cay gusɨgɨŋ ɗe gɨ hɔmɨn̰ɛ duroŋ gusɨgɨŋ coŋ bɨ. Ɔlɛ Kumu gɨ ye man̰ gɨ da ungo gɨ dan̰ durɔ ɗɨngar le, orɨn̰ dan̰ dɔnɔ tɔgɨ.