1 Timote 1:9 - Gabri Maja

⁹ Kuɗa gɨ na sɨla gɨ Kumu be gasɨn̰-kɔl na kɨya cay kalaŋ ga dan̰ durɔ ɗɨngar naŋ. Ama na kɨya cay ka-lɔɔ hɨnga ga dan̰ gɨyəŋdɨge naŋ bɨ, ka-baa bɨ, ka-lɔɔ ɨsɨna bɨ, ka-lɔɔ terɨn̰ bɨ, ka-bugoŋ dan̰ Kumu cay hɨnga ga woy dan̰ cɨndɨge naŋ bɨ, ka-dɨɗe ban̰an̰ge dan̰ ƴon̰iige bɨ, ka-dɨɗe kalaŋ bɨ,

1 Timote 1:9 ပူးပေါင်းရင်းမြစ်များ

Matɨyo 10:21

«A boy wɔlɛ gɨ ba kɨya ɨrga gɨŋ le, kalaŋ kɨya ayege cay karmiige bɨn̰ ka-dɔɔ cay ƴaa ɗe kan na dɨɗɨgege bɨ, karɨn̰aŋ ban̰ige kalɨn̰ ma kɨya lɔɔge na hɨn̰ wo̰ dan̰ karɨndɨge bɨ. Karɨn̰aŋ kɨya bɨləŋge ka-baa ga da ban̰ige dan̰ ƴon̰ige coŋ bɨ, ayege cayge bɨn̰ kalaŋ ɗe na dɨɗɨgege coŋ bɨ.

Magtubu di Pol wal bɨn̰ kalaŋ ga Rɔm 1:30

Kan na ka-mɔndɛ guson̰ kamdɨge bɨ, na ka-baa ga da Kumu bɨ, ka-dɔrɛ n̰ərə bɨ, ka-dɔgɛ jorgɨyge bɨ, ka-gɨle gusɨge bɨ, ka-male jɨba di ni loon̰ ɨsɨna bɨ, ka-jɔɔ kɔl kɨbɨ ka-wɔɔdɨge naŋ bɨ.

Magtubu di Pol wal bɨn̰ kalaŋ ga Rɔm 4:13

Kumu ye gɨ ɗi na kɨya bɨn̰ Abɨraham bɨ, kongɨn̰ii bɨ, cay gɨsəŋ nɔm hɨn̰ hɨnga ga ni ban̰di-gulɔŋ kage wo̰. Hɨnga ga Kumu ye gɨ ɗi na kɨya bii le, na kɨya bɨle gɨ Abɨraham bɨle gusi a kardi gasɨn̰-kɔl gaŋ naŋ. Ama na kɨya bɨle gɨ Kumu bɨlii leen̰ ungo gɨ dan̰ durɔ ɗɨngar a cɨndi, dan̰ gɨyəŋ gɨ da aye kudurɔ koyi.

Magtubu di Pol wal bɨn̰ kalaŋ ga Rɔm 5:20

Gasɨn̰-kɔl gɨ da Moyis andaŋ na ɗe gɨ dɔnɔ di da lɔɔ hɨnga ga dan̰ gɨyəŋdɨge naŋ na gɨlɨn̰ gusɨge jɨn̰ tumɔ tumɔ. Ama a boy kɨɗɨn̰ ga ɨsɨna teen̰ gusi nee le, ɗarwa di da Kumu kalɨn̰ ma te guso nee cɨla coŋ na hɨn̰ wo̰ bɨ.

Magtubu di Pol wal bɨn̰ kalaŋ ga Rɔm 6:14

Na cɨndi, ɨsɨna kɨya dɔɔ-ƴaa caygɨŋ naŋ ɨni, kɨya wa kɨŋ na a te dɔnɔ di da gasɨn̰-kɔl gɨ da Moyis dɨŋ naŋ ɨni, ama na ɗarwa di da Kumu ba-dɔɔ-ƴaa caygɨŋ.

Galad 3:19

Naa hɨn̰ wo̰ na, na kɨya wa ma Kumu gɨygɨn̰ dan̰ gasɨn̰-kɔl ga? Kumu ay dan̰ gasɨn̰-kɔl gɨygɨn̰ nee coŋ, na kɨya gɨlɨn̰ kalaŋ ɗe na solɨn̰ge hɨnga ga bugoŋ pɨna dan̰ kuduroy geye koyi naŋ. Gasɨn̰-kɔl gɨ nee le, woy hɨn̰ wo̰ bɨrɨŋ gɨsɨn̰ gɨ Abɨraham kungayi gɨ Kumu ye gɨ ɗi na kɨya lɔɔ hɨnga ga ban ye kol cayi le bugoŋ. Gasɨn̰-kɔl gɨ nee le, Kumu bɨn̰ na ka-ƴɔbɛ ga daa nii ba yɔɔge koldi dan̰ gɨyəŋ gɨ da ungo gɨ ba ɨre duroy kalaŋ dan̰ Kumu. Ungo gɨ nee le na Moyis.

Galad 5:18

Ama hɨn̰ gɨ Turnɔ di da Kumu na ba dɨra tumoygɨŋ na, gasɨn̰-kɔl na ba dɔɔ caynagɨŋ naŋ ɨni.

Galad 5:21

orɨn̰ dan̰ tabɨlaŋdi hɨnga ga da mɨgan̰ bɨ, kɔydɛ cɛrɛ tɔgɨ bɨ, lɔɔ harne bɨ, hɨnga ga ɗaŋ ga gɨlɨn̰ hɨn̰ wo̰ bɨ. Aŋ yəgɨŋ tumɔ jugu hɨn̰ gɨ ɨŋ ba yəgɨŋ le, kalaŋ ga ka-lɔɔ hɨnga ga hɨn̰ wo̰ le, kɨya andaŋge a boy dɔɔ-ƴaa di da Kumu dɨŋ naŋ.

Galad 5:23

kaledi ungo gɨ jal bɨ, dɔnɔ di ni ƴomɨn̰-gusɨn̰ cay hɨnga bɨ. Hɨnga ga nee le nɔm, gasɨn̰-kɔl kan̰age naŋ.

2 Tesalonigɨ 2:8

Na wɔlɛdi gɨ nee le ma, Ba-Kuduroy-Ɨndɨwa le kɨya gɨle gusi bɨ, Ba-gulɔŋ Jesu kɨya dɨɗii dan̰ habe gɨ kɨya andaŋ kɨbi bɨ, dan̰ dɔnɔ di da cagadi bɨ.

1 Timote 4:7

Ama dɔrɛ te hɨnga ga toyge bɨ cayge bɨ unɔ bɨ, dɔrɛ kɔl da kandɨ ga əsɨdəŋ bɨ le, jɨbɨge sɛdɨ coŋ. Ama ji tɨraba na gɨye-lɔɔ gɨ bugoŋ pɨna dan̰ Kumu.

1 Timote 6:20

Ay Timote, gama hɨnga ga Kumu ba day been̰ kobɨn̰ kuɗa. Ji kan̰a are-kɔl ga badɨ badɨ wo̰ dugo ga ɨra dan̰ aye kudurɔ pɨna naŋ le. Man̰e-kɔl gɨ da ka-sɔlɛ hɨnga ga ni poy le kalɨn̰ ma, ji kan̰a coŋ bɨ.

2 Timote 2:16

Ama ji na, are-kɔl ga badɨ dugo gɨ ɨra dan̰ aye kudurɔ pɨna naŋ le, ƴɨma gusɨn̰ cay nee coŋ. Kɨya gɨ na kan ga arge kɔl nɔm ga hɨn̰ wo̰ le, kɨya ɗɔɔge gɨye-lɔɔ gɨ bugoŋ pɨna dan̰ Kumu dḛ dḛ coŋ jɨn̰ tumɔ tumɔ.

2 Timote 3:2

Kɨya wa kalaŋ kɨya bɨləŋge ka-kɨndare bɨ, kɨya lɔɔge te gursu tɔgɨ bɨ, kɨya gɨlege gusɨge bɨ, kɨya dɔgɛge-jorgɨyge bɨ, kɨya yagɨdege Kumu bɨ, kɨya bɨlege ka-baa ga da ka-wɔɔdɨge bɨ, kɨya sɔlɛge ɗarwa di ungo lee danage naŋ bɨ, kɨya hundɔrɔge kardi hɨnga ga woy dan̰ cɨndɨge ojɨn̰ cay Kumu naŋ bɨ.

Titɨ 1:10

Na cɨndi, ka-mɨn̰e daa bɨ, ka-dɔrɛ kɔl gɨ toyi dan̰ cayi unɔ bɨ, ka-nare cɨn̰ kalaŋ bɨ, kondɨge. Ama kondɨwayge na, na a duroy Jubɨn̰əŋ ga ayge kuduroyge.

Titɨ 1:16

Kan yege gɨ ke na sol Kumu ama gɨye-lɔɔdɨge gɨl gɨ kan sɨlage Kumu naŋ leen̰ cɨndi. Kalaŋ ga gɨlɨn̰ge hɨn̰ wo̰ le, na kalaŋ ga ɨsɨnge tɔgɨ bɨ, na ka-mɨn̰e daa bɨ, ɓalage lɔɔ hɨnga ga ɗari pɨna wo̰ dɨbe daa naŋ bɨ.

Titɨ 1:6

Ungo gɨ ji ba kɨya dorii le, kuɗa gɨ ban wɨya na ungo gɨ masadi unɔ bɨ, ungo gɨ tamdi na pɨnaa bɨ, gɨ karɨndi beege kuduroyge a cay Kumu bɨ, gɨ ungo dɨbɨ kɔl cayge ojɨn̰ cay gɨye-lɔɔdɨge gɨ ɨsɨni wala kol mɨn̰e daa toge naŋ bɨ.

Titɨ 3:3

Na-gandi kalɨn̰ ma, tumɔ le na na kalaŋ ga dɨngaldaŋ bɨ, na na ka-mɨn̰e daa bɨ, kalaŋ ga kayaŋ bɨ. Na na gɔyɔŋ ga da tabɨlaŋdi hɨnga ga toyge kan̰dɨge kan̰dɨge bɨ, ga bɨn̰ ungo gusi-mɔwa bɨ. Na leede gɨŋ na kuduroy-ɨndɨwa bɨ, na somgɨŋ na kɨya lɔɔ kurɔŋdi hɨnga ga toyge kan̰dɨge kandɨge bɨ. Na leegɨŋ terɨn̰ tɔgɨ bɨ, na ƴomgɨŋ gusɨnagɨŋ dan̰ kuduroyna bɨ.

Əbɨro 11:31

Na dan̰ gɨyəŋ gɨ da aye kudurɔ ma, Rahab di ni ajɨba le, dɨɗooge dan̰ ka-baa ga da Kumu naŋ. Kɨya wa hɨndi ƴom ka-sɔbɨrɛ-kɨɗɨn̰ a taa dan̰ gusi-dɔbɛ.

Əbɨro 12:16

Ɗagɨŋ cɨndɨgɨŋ kardi gusɨgɨŋ ɗe ungo bɨle ba lɔɔ gɨye yɔyɛ gɨ toy kan̰di kan̰di, wala ba sɔlɛ-hɨnga ga woy dan̰ cɨndɨge loon̰ hɨnga naŋ, hɨn̰ Ejawi gɨ kɨya cay dɔɔ gɨ te ungo dɨŋ ƴɔbɨ le, ay gɨmɨn̰aw toyi di ojɨ cay kɨye gɨ wooyge cay wase le kɨl coŋ.

1 Pɨyɛr 2:7

Kogɨŋ kɨŋ-gandi ka-aye kudurɔ na, Kɨris na oru gɨ ƴee cɨndɨgɨŋ tɔgɨ. Ama ojɨn̰ cay kalaŋ ga na ka-aye kudurɔ naŋ na, «Oru gɨ tumɔ ka-gaɗe ƴaa tumɔ dɨbɨge pɨrɨŋ coŋ le, Say bɨle na oru gɨ kuɗa tɔgɨ ɗɨn̰ kamdi, Gɨ kan ɗege tɨbɨn̰ ƴaa dɨŋ.»

1 Pɨyɛr 3:20

Duroy na ojɨ na cay turnoy kalaŋ ga tumɔ ka-baa ga da Kumu, kɨɗɨn̰ ga Kumu dɨbɨn̰ ɗugoy ƴee boy wɔlɛ gɨ Nɨwe gaɗɨn̰ koburo gɨ gumu taa taa hɨn̰ ƴaa wo̰ le. Na kalaŋ lagɨɗe wo̰, lee gɨ nɔm toge dɨŋ na kalaŋ margɨm ƴɔbɨ, ba andaŋge boy koburo gɨ gumu taa taa gɨŋ le, poɗɨn̰ge kɨbɨ kaŋ ga kondi.

1 Pɨyɛr 4:18

Hɨn̰ gɨ naa dan̰ gɨlale ma ungo gɨ dan̰ durɔ ɗɨngar na wayan̰ pɔɗɛ na, ungo gɨ ba terɨn̰ bɨ, ba-lɔɔ ɨsɨna bɨ le, kɛ koyi gɨ wɔyɛ na mɨna ga?

Magtubu di Jud wal 1:15

kɨya bon̰ kɔl cay kalaŋ nɔm bɨ ɗe kɔl na ƴom cay ka-kuduroy-ɨndɨwa nɔm ojɨn̰ cay ɨsɨna gɨ ani ani gɨ kan leege bɨ, ɗe kɔl na ƴom cay ka-lɔɔ terɨn̰ ga ɨsɨndəŋ ojɨn̰ cay kɔl gɨ ani ani gɨ ɨsɨni gɨ kan ye kol cay Kumu bɨ.»

Wasɨn̰a 21:8

Ama ka-hundɔrɔ bɨ, ka-ɨre a cay gasɨndɨge gaŋ naŋ bɨ, kalaŋ ga haldɨge ɨsɨn tɔgɨ bɨ, ka-dɨɗe kalaŋ bɨ, ka-lɔɔ gɨye yɔyɛ gɨ toyi kan̰dɨge kan̰dɨge bɨ, ka-lɔɔ tɨmba bɨ, ka-n̰ɨre kula bɨ, ka-poy nɔm bɨ le, kɨɗɨn̰ kage kɨya wɔyɛ na a duroy kuraydi tɨwa di ƴee hɨn̰ kɨrbaŋdi hɨnga ga ƴee hɨn̰ tɨwa wo̰. Hɨnga ga nee le, ma na tɨma di cay-sɔɔ.»

Wasɨn̰a 22:15

Ama gaye bɨ, ka-lɔɔ tɨmba bɨ, ka-lɔɔ gɨye yɔyɛ gɨ toyi kan̰dɨge kan̰dɨge bɨ, ka-dɨɗe kɨɗɨn̰ bɨ, ka-n̰ɨre kula bɨ, ka-geye kɔl yɔ ga ni poy naŋ le, yɔɔdɔ kɔl ga ni poy dan̰ wɔlɛ pɨna pɨna bɨ le, kɨya bɔɔge doŋ.