1 Timote 1:5 - Gabri Maja

⁵ Ɨŋ bɨn̰ te tumɔ di nee le, na gɨ ɗe kalaŋ na ƴomɨn̰ge wandɨ dan̰ gusɨge. Dan̰ kuduroyge ga bɛrɛ kən̰jəŋ bɨ, dan̰ kuduroyge ga ɨrɨm kɔl gɨ ɨsɨni naŋ bɨ, dan̰ aye kudurɔ gɨ leen̰ cɨndi bɨ.

1 Timote 1:5 ပူးပေါင်းရင်းမြစ်များ

Matɨyo 12:35

Ungo gɨ ɗari le, ye kɔl gɨ ɗari kɨya gɨ kuduroy kuɗa. Ama ungo gɨ ɨsɨnde le, ye kɔl gɨ ɨsɨnde kɨya gɨ kuduroy ɨsɨnde.

Matɨyo 5:8

Tumoy wolwa woy caygɨŋ, kɨŋ ga kuduroygɨŋ bɛrɛ kən̰jəŋ, Kɨya wa kɨŋ kɨya sɔlɛ Kumu!

Gɨye-lɔɔ 15:9

Duroyge kan bɨ, ni-gandi bɨ le Kumu dɨra cɨn̰ ungo naŋ. Kɨya wa na dan̰ gɨyəŋ gɨ da aye kudurɔ ma kan pɨl kuduroyge ɗe duroŋ mɨra.

Gɨye-lɔɔ 23:1

Pol si cɨndi a cay ka-bɔyɛ kɔl cay kalaŋ ga ni Jubɨ solge gəɗəɗə bɨ, yege hɨn̰: «Karmɨnɨ, ɔrɛnɨ gɨ ɨŋ ba or tumoy Kumu bɨrɨŋ labɨde le, kuduronɨ gɨləŋ hɨnga ga ɨsɨni dḛ wo̰ cay nee naŋ.»

Gɨye-lɔɔ 24:16

Na kɨya cay kɔl gɨ nee le ma, maŋ ƴomɨn̰ togɨnɨ dan̰ wɔlɛ pɨna pɨna ɗe gɨ ɨrɨmenɨ masadi na unɔ tumoy Kumu bɨ, tumoy kalaŋ nee bɨ.»

Magtubu di Pol wal bɨn̰ kalaŋ ga Rɔm 10:4

Na cɨndi, Kɨris ɨrga dɨɗɨ kɨbɨ gasɨn̰-kɔl gɨ da Moyis ɗe gɨ dan̰ gɨyəŋ gɨ da Kɨris na, kalaŋ nɔm na bɨlɨn̰ge ga dan̰ durɔ ɗɨngar, hɨn̰ gɨ kan na bɨga kuduroyge a cayi.

Magtubu di Pol wal bɨn̰ kalaŋ ga Rɔm 12:9

Kuɗa gɨ geye kogɨŋ nare cɨn̰-kɨɗɨn̰ naŋ. Gɨrgɨŋ ɗagɨŋ ɨsɨna coŋ dan̰ gɨre gɨ daa, ama lun̰doŋgɨŋ kardi hɨnga ga ɗari usa.

Magtubu di Pol wal bɨn̰ kalaŋ ga Rɔm 14:15

Hɨn̰ gɨ hɨnga dɔɔdɨn̰ na bɨl te mɔndɛ kuduroy kurɨndɨn̰ na, ji ɨra na dan̰ gɨyəŋ gɨ da wandɨ naŋ. Ji ɗɔɔ hɨnga ga ni dɔɔdɨn̰ bɨle te mundoŋ gɨ da kurɨndɨn̰ gɨ Kɨris ma kol cayi le naŋ.

Magtubu di Pol wal bɨn̰ kalaŋ ga Rɔm 9:1

Na kɔl gɨ cɨndi ma maŋ yəgɨŋ kɛ le. Ɨŋ na ungo gɨ ɨŋ bugoŋ pɨna dan̰ Kɨris bɨ, ɨŋ ya poy naŋ bɨ. Turnɔ ɗe-kuduroy-bɛrɛ kalɨn̰ ma lee tɨmon̰ a kuduronɨ gɨ naa cɨndi.

1 Korɛ̰t 13:1

Ko hɨn̰ gɨ ɨŋ na ya na kɨbɨ gɨ da kalaŋ ga a cay gɨsəŋ gaŋ bɨ, ga da ka-ƴɔbɛ ga daa bɨ, ama wandɨ na unɔ gusɨnɨ na, kɔl yɔnɨ gɨlɨn̰ na hɨn̰ mandaŋ gɨ ye wo̰, naŋ le na hɨn̰ nare gɨ yɨle gɨ wol gɨ joɗɨge wo̰ bɨ.

2 Korɛ̰t 1:12

Cayni ayaŋ daa kɨya cay ɨrɨme gɨ woy a kuduroyni. Ni sol kuduroyni gɨ haldɨni na ƴee cɨn̰ kalaŋ ga a cay gɨsəŋ gaŋ kɛ. Kɨŋ-gandi kalɨn̰ ma kɨŋ sol hɨn̰ gɨ haldɨni naa hal gɨ woy dan̰ najidi dɨle orɨn̰ dan̰ ɨrɨme gɨ ɗaŋ a kuduroyni. Na ɗarwa di da Kumu ba-dɔrɛ tumoyni ma lee gɨ ni leen̰ hɨnga dan̰ najidɨge, ama na cɨn̰-muɗɔlɛ di da kalaŋ ga ɨndəŋ naŋ.

Galad 5:22

Sɨlagɨŋ hɨnga ga Turnɔ di da Kumu lee a kuduroy ungo, hɨn̰ wɔɔdi hɨya gɨ wɔɔ le ba kɛ: Na geye bɨ, gusi-mɔwa bɨ, gusi-dɔbɛ bɨ, dɨbe-ɗugɔ bɨ, kuduroy-bɛrɛ bɨ, kuduroy-ɗarwa bɨ, aye kudurɔ bɨ,

Galad 5:6

Kɨɗɨn̰ ga ungo na bugoŋ pɨna dan̰ Jesu-Kɨris na, hɨn̰ gɨ ban na wala ban̰a wala, wala ban̰a naŋ kalɨn̰ ma, laa hɨnga naŋ. Hɨnga ga gumu na, na aye kudurɔ gɨ lee hɨnga dan̰ gɨyəŋ gɨ da wandɨ.

1 Timote 1:18

Kuronɨ Timote hɨnga ga ɨŋ ba yen̰ gɨ ji na laa le, or pɨna na dan̰ te gɨyəŋ gɨ da kɔl gɨ Kumu ɗe kɨbɨ ka-yɔɔ-kɔl-gɨ-Kumu-ba-yɔɔ, lee gɨ kan ye kol can̰ tumɔ le. Ɗe kɔl gɨ kɛ le bɨn̰ tɔgɨ an̰ leen̰ wɔrɨn̰ɛ gɨ kuɗa.

1 Timote 1:19

Ji gama aye kudurɔ bɨ, ɗɔɔ gɨ ɗugon̰ alɨn̰ naŋ bɨ. Kalaŋ ga pɨna kan̰ge jɔɔ kɔl gɨ da ɗugoyge di alge coŋ. Na hɨn̰ wo̰ ma kan leen̰ge hɨnga, ɗe gɨ aye kudurɔ koge baan̰ coŋ.

1 Timote 3:9

Kuɗa gɨ kan amɨn̰ bɛrnɛ di Kumu haŋgɨ cɨndɨge haw kɛ cay nee ojɨn̰ cay hɨnga ga na beegɨŋ kuduroynagɨŋ cay nee le, dan̰ ɨrɨme gɨ arɨn̰ cərərə.

2 Timote 1:3

Ɨŋ leen̰ Kumu gɨ ɨŋ lee gɨye bii dan̰ ɨrɨmenɨ gɨ arɨn̰ cərərə hɨn̰ gɨ mon̰ɨnɨ ba leen̰ge gɨye le ho’o. Kɨɗɨn̰ ga daa daa, duroy son̰do dan̰ tɨwa di ɨni bɨ, ɨŋ ɨrɨm kol can̰ boy ɔlɛ hɨnge gɨŋ na, ɨŋ leeyi ho’o.

2 Timote 1:5

Ɨŋ hɨn cay aye gɨ ji ay kuduron̰ leen̰ cɨndi gɨŋ le. Agɨn̰ Loyis bɨ, ƴon̰i Enis bɨ, ayge kuduroyge gɨ cɨndi tumon̰ bɨ, ɨŋ sol kuɗa gɨ aye kudurɔ kon̰ woy na hɨn̰ koge wo̰ bɨ.

2 Timote 2:22

Dɨra gusɨn̰ coŋ gusi tabɨlaŋdi hɨnga ga lee marɨne. Ama mala na gɨye-lɔɔ gɨ dan̰ durɔ ɗɨngar bɨ, aye kudurɔ bɨ, geye bɨ, gusi-dɔbɛ bɨ, dan̰ kalaŋ nɔm ga teege guson̰ Ba-gulɔŋ dan̰ kuduroyge ga arɨn̰ cərərə.

Titɨ 1:15

Kalaŋ ga duroŋge mɨra le, hɨnga nɔm na hɨnga ga duroŋ mɨra kol cayge bɨ. Ama kalaŋ ga leege kɨni le, na kalaŋ ga kan̰ge aye kuduroyge coŋ bɨ, hɨnga ga duroŋ mɨra kol cayge unɔ bɨ. Kɨya wa gɨrɨn̰ cayge bɨ, ɨrɨmedɨge bɨ, lee kɨni.

Əbɨro 10:22

Hɨn̰ wo̰ na, ɗe gɨ ana sɨygɨŋ mɨnde gusi Kumu dan̰ ɗugoynagɨŋ pɨna bɨ, dan̰ aye kudurɔ gɨ osi kəŋ kəŋ bɨ, dan̰ ɗugoynagɨŋ di duroŋ mɨra te ɨrɨmedɨna gɨ ɨsɨn nɔm bɨ, dan̰ kuyoŋdi-gusɨnagɨŋ gɨ pɨlge dan̰ kaŋ ga arɨn̰ cərərə bɨ.

Əbɨro 13:18

Ulagɨŋ Kumu kol cayni. Ni sol leen̰ cɨndi gɨ ɨrɨmedɨni gɨlni hɨnga ga ɨsɨni kol cayni naŋ. Kɨya wa ni gey kɔbɛ gɨye-lɔɔ gɨ ɗari a te hɨnga nɔm.

Əbɨro 9:14

Ama hɨn̰ gɨ kɨbardi nare na ɓala lɔɔ hɨn̰ wo̰ na, kɨbardi Kɨris kɨya lɔɔ ɗɨn̰ ɗɨn̰ coŋ. Kɨya wa kɨbardi ɗɨn̰ gɨ da nare coŋ. Ban ay gusi bɨn̰ Kumu dan̰ tumoyi hɨn̰ hɨnga ga ni bogɨn̰ kɨbar ga masadɨge unɔ, dan̰ dɔnɔ di da Turnɔ di som dan̰ tumɔɔ. Na kɨbardi gɨ nee le ba mɔndɛ ɨrɨme gɨ da gɨye-lɔɔ gɨ ɨsɨni gɨ woy kuduroynagɨŋ nɔm coŋ, lee gɨ na duroŋ mɨra, ɗe ana na leen̰ gɨye gɨ da Kumu gɨ som-bɨra dan̰ tumoyi.

Magtubu di Jag wal 4:8

Sɨygɨŋ mɨnde gusi Kumu bɨ, ban kalɨn̰ ma kɨya sɨygɨ mɨnde gusɨgɨŋ bɨ. Kɨŋ ka-lɔɔ ɨsɨna le, ɨsɨbegɨŋ ɨsɨna naŋ ɨni. Kɨŋ ga kuduroygɨŋ sɔɔ sɔɔ le, pɨlgɨŋ cay ɗugoygɨŋ ɗe arɨn̰ cərərə.

1 Pɨyɛr 1:22

Kɨŋ bee kɔl a cay kɔl gɨ cɨndi gɨŋ, dorɨn̰ gusɨgɨŋ mɨra na gɨ agɨŋ na geyɨn̰ karmɨgɨŋ ga ban̰aŋ dan̰ ga kandɨ ga ka-aye kudurɔ dan̰ geye gɨ nara cɨn̰ ungo naŋ. Hɨn̰ wo̰ na, kɨŋ gey gusɨgɨŋ dɨle gɨlalɨn̰ bɨ, dan̰ kuduroygɨŋ ga pɨna bɨ.

1 Pɨyɛr 3:16

Ama gɨlgegɨŋ kardɨge dan̰ kaledɨgɨŋ ga jali bɨ, hurɔmɔ bɨ. Laagɨŋ hɨnga nɔm dan̰ ɨrɨmedɨgɨŋ gɨ arɨn̰ cərərə. Hɨn̰ wo̰ na, dasi kɨya dɔɔ kalaŋ ga ka-pɔyɛ kɔl se caygɨŋ bɨ, ga ka-yagɨdɨgɨŋ kɨya gɨye-lɔɔdɨgɨŋ gɨ ɗari gɨ kɨŋ way te bugoŋ pɨna dan̰ Kɨris le.

1 Pɨyɛr 3:21

Kaŋ ga kondi ga nee le na hɨnga ga ni gɨle ga ƴee ban̰di batɛm di haw kɛ poɗɨna le. Batɛm di nee le, na batɛm pɨle hɨnga ga ni kɨni ga woy gusi ungo coŋ naŋ. Ama na ungo gɨ ay tumoyi bɨn̰ Kumu dan̰ ɨrɨme gɨ arɨn̰ cərərə. Batɛm le poɗɨgɨŋ na dan̰ gɨyəŋ gɨ da bɔyɛ lɨbe gɨ da Jesu-Kɨris.

1 Pɨyɛr 4:8

Tumoy hɨnga nɔm na, geygɨŋ gusɨgɨŋ duroygɨŋ dan̰ geye gɨ ɨl cum. Kɨya wa geye na hɨnga ga kɨya tɔlɛ cay ɨsɨnan̰əŋ ga dan̰ kondige.

2 Pɨyɛr 1:7

sɨgɨŋ a cay gɨye-lɔɔ gɨ bugoŋ pɨna dan̰ Kumu, geye gusu te karme bɨ, sɨgɨŋ a cay geye gusu te karme, geye bɨ.

1 Ja̰ 3:10

Na kɨya sɔlɛ ga ani mana karɨn̰ Kumu bɨ, ga ani mana karɨn̰ Haban̰ bɨ, na dan̰ gɨyəŋ gɨ da gɨye lɔɔdɨge. Ungo gɨ na laa hɨnga ga dan̰ durɔ ɗɨngar naŋ le, ban na gɨ da Kumu naŋ bɨ. Ungo gɨ na gey kurɨndi naŋ le, ban na gɨ da Kumu naŋ bɨ.

1 Ja̰ 3:23

Kɔl gɨ ban ye dan̰ gɨyəŋ gɨ da te tumoyi le ba kɛ: Kuɗa gɨ nana bɨgagɨŋ kuduroynagɨŋ cay guson̰ Kurondi Jesu-Kɨris bɨ, nana geygɨŋ gusɨnagɨŋ hɨn̰ gɨ Kɨris ba an̰ te tumoyi bɨnagɨŋ wo̰ bɨ.

1 Ja̰ 3:3

Waŋ waŋ gɨ na bɨga ɨrɨmedi hɨn̰ wo̰ a cay Kɨris na, kuɗa gɨ ban dɨran̰ gusi mɨra hɨn̰ gɨ Kɨris gusi ba leen̰ mɨra wo̰ bɨ.