1 Timote 1:3 - Gabri Maja

³ Hɨn̰ gɨ ɨŋ ba yen̰ tumɔ pa dɨm ma, maŋ ba san̰ orɨn̰ a cay gɨsəŋ ga Masedɨwan ƴee le, ji sɨma a cay ƴaa di Epɛs dɨŋ, an̰ san̰ dan̰ kalaŋ ga pɨna ɗe ɗege ba, gɨlɨn̰ kalaŋ hɨnga ga dan̰ gɨyəŋdɨge naŋ bɨ,

1 Timote 1:3 ပူးပေါင်းရင်းမြစ်များ

Gɨye-lɔɔ 18:19

Kɨɗɨn̰ ga kan bugoŋge a cay ƴaa-di-gumu di Epɛs dɨŋ ɨni na, Pol ɗe Pɨrisil dan̰ Agilas a nee. Bɨ ban say or duroy ƴaa-daye-di-da-Jubɨn̰əŋ gaŋ arɨn̰ kɔl danage bɨ.

Gɨye-lɔɔ 18:21

Pa dɨm ma, ban kɨya sɔ ɔrɛ ƴee na ban yege hɨn̰: «Hɨn̰ gɨ Kumu na gey na, ɨŋ kɨya jɨga gusɨgɨŋ ƴee.» Ban say nayi a boy koburo gɨ gumu taa taa gɨŋ a Epɛs orɨn̰ tɨrga toyi.

Magtubu di Pol wal bɨn̰ kalaŋ ga Rɔm 15:26

Kɨya wa ka-aye kudurɔ ga a cay gɨsəŋ ga Masedɨwan gaŋ dan̰ ga Agay ojɨge duroyge gɨ ni gɨyɨn̰ dan̰ hɨnga ga ni jɨbɨn̰ te ka-n̰age ga woyge duroy kan ga woyge dan̰ cɨndɨge ga a Jerusalɛm.

Magtubu di Pol wal bɨn̰ kalaŋ ga Rɔm 16:17

Ay karmɨnɨ ga ban̰aŋ dan̰ ga kandɨ, aŋ halgɨŋ cay hɨnga ga pɨna. Ɗagɨŋ muɗɔlɛ a cay gusɨgɨŋ gɨŋ, a cay kalaŋ ga ka-gɨlgɨŋ hɨnga ga woy kan̰dɨge dan̰ hɨnga ga ni gɨle ga kɨŋ ba je tumɔ. Kalaŋ ga nee le, na ka-pɔyɛ ka-aye kudurɔ duroy nee bɨ, ka-dɨbe sɨya tumon̰ ka-aye kudurɔ bɨ. Dɨragɨŋ gusɨgɨŋ sɛdɨ gusɨge coŋ.

2 Korɛ̰t 11:4

Hɨn̰ gɨ ungo na ɨra gusɨgɨŋ bɨ, tɨgagɨŋ bɛrnɛ di da Jesu di ɗaŋ dan̰ di ni ba təgɨŋ bɛrnɛdo le, kɨŋ je noyi. Kɨŋ ƴom cay tɨbaygɨŋ kɨya jon̰ noy turnɔ di ɗaŋ dan̰ Turnɔ ɗe-kuduroy-bɛrɛ di tumɔ kɨŋ ba je nɔɔ le. Hɨn̰ gɨ ungo na tɨgagɨŋ bɛrnɛ di da Kɔl-gɨ-Ɗari gɨ ɗaŋ dan̰ di tumɔ na, kɨŋ je noyi bɨ kɨŋ kobɨ kardi haw wo̰ bɨ. Kɨŋ ƴom kuduroygɨŋ osu kɨya ungo gɨ hɨn̰ wo̰ bɨ.

Epɛs 4:14

Hɨn̰ wo̰ na, na kɨya bɨləŋ wɔyɛ hɨn̰ karɨn̰aŋ ga ɨran̰ge dan̰ ƴɔmɛ kudurɔ osɨwa naŋ ɨni. Kan gɨlɨn̰ge na hɨn̰ togɨ ga n̰ən̰əŋ ga a cay kaŋ gaŋ. Kan ɨran̰ge dan̰ tɔgɨ a cay mɛw di orɨn̰ danage bɨ, nongɨldɨge jɨn̰ kɛ kɛ bɨ naŋ. Kɨradi-kɔl gɨ kɛ le, kal bɨ, mɛw bɨ le, kan na hɨnga ga ni gɨle ga dan̰ gɨyəŋdɨge naŋ, ga kalaŋ ga pɨna gɨlɨn̰ge kamdɨge bɨ, na cɨn̰-muɗɔlɛ di kan narɨn̰ge cɨn̰ kalaŋ bɨ kayɨn̰ge kalaŋ bɨ.

Pilib 2:24

Ɨŋ-bandi kalɨn̰ ma, ɨŋ si kuduronɨ pɨna na cay Ba-gulɔŋ, gɨ na baŋ mɨnde gɨ ɨŋ-bandi dan̰ gusɨnɨ kalɨn̰ ma, ɨŋ kɨya ɔrɛ gusɨgɨŋ.

1 Timote 4:11

Gɨlɨn̰ ka-aye kudurɔ hɨnga nɔm ga nee le bɨ, aya non̰ bɨge ɗe kan ayge leen̰ gɨye bɨ.

1 Timote 4:6

Hɨn̰ gɨ ji na gɨlɨn̰ karmɨn̰ ga ban̰aŋ dan̰ ga kandɨ hɨnga ga nee le na, ji na ba-gɨye gɨ da Jesu-Kɨris gɨ kuɗa. Gɨ kan abiige dan̰ kɔl gɨ ojɨ cay aye kudurɔ bɨ, hɨnga ga ni gɨle ga kuɗa gɨ ji ba kobɨ kardɨge kuɗa le bɨ.

1 Timote 5:7

Sɨla! Hɨnga ga ojɨ gɨ ji gɨ yoge ɗe kan lee bɨ, ɗe masadɨge unɔ bɨ ba kɛ.

1 Timote 6:10

Kɨya wa tabɨlaŋ di gursu le, na te sarnay hɨnga ga ɨsɨni nɔm. Kɨɗɨn̰ ga kalaŋ na aya gusɨge bɨn̰ gursu ɨni na, kɨya ɗɔɔge aye kudurɔ coŋ bɨ, kɨya kayaŋge hen̰ bɨ, hɨnga ga ni mɨrɨn̰tɨn̰i ga toyge kan̰dɨge kan̰dɨge kɨya looge bɨ.

1 Timote 6:17

Yan̰ ka-wɔɔ hɨnga tɔgɨ ga a cay gɨsəŋ gaŋ kɛ le, ɗe dege jorgɨyge naŋ. Yage ɗe kan ɗe ɨrɨmedɨge a cay hɨnga ga ni wɔɔ ga kɨya pɨde gaŋ naŋ. Ama ɗe kan ɗe ɨrɨmedɨge a cay Kumu gɨ na ba bɨnagɨŋ hɨnga nɔm bɨ, ɗe ana na solɨn̰gɨŋ mɔwadɨge bɨ.

1 Timote 6:3

Hɨn̰ gɨ ungo na gɨlɨn̰ kalaŋ hɨnga tɨrabe ga ɗaŋ na, ban ɗe na kɔl gɨ cɨndi gɨ da Ba-gulondɨna Jesu-Kɨris coŋ bɨ, ɗe na gɨle hɨnga ga or pɨna dan̰ aye kudurɔ kona coŋ bɨ,

2 Timote 1:18

Kuɗa gɨ Ba-gulɔŋ baa danayi bɨ, sɨla cɨn̰-n̰age toyi wɔlɛ gɨ ni bon̰ kɔl gɨŋ bɨ. Hɨnga nɔm ga ban lee bəŋ a cay ƴaa-di-gumu di Epɛs dɨŋ le, ji sol kuɗa ɗɨn̰ kalaŋ ga ɗaŋ coŋ.

2 Ja̰ 1:7

Ka-nare cɨn̰-kɨɗɨn̰ kondɨ andaŋge a cay gɨsəŋ gaŋ. Kan kan̰ge yɔ daa pɨraŋ hɨn̰ gɨ Jesu-Kɨris na ɨrga naa hɨn̰ ungo gɨ ɨndi wo̰ a cay gɨsəŋ gaŋ. Ungo gɨ na ya kɔl gɨ hɨn̰ wo̰ na, ban na ba nare kɨɗɨn̰ bɨ na ba-baa gɨ da Kɨris bɨ.

Wasɨn̰a 2:14

Ama hɨnga ga ɨŋ kan̰ɨn̰ kɔl kardɨgɨŋ dḛ na, na kɔl gɨ da kalaŋ ga pɨna wo̰ ga lun̰doŋge kardi hɨnga ga ni gɨle ga da Balam. Ban naa gosɨr kɨlma Balag ɗe na gɨybɨge te wɨn̰je gɨ da Ɨsɨrayɛl ɗe na dɨn̰ge kuyoŋ ga been̰ge kɨbar bɨn̰ kulan̰əŋ bɨ, ɗe na yoyɨn̰ge dan̰ gangɨ cayge bɨ.

Wasɨn̰a 2:20

Ama hɨnga ga ɨŋ kan̰ kardɨgɨŋ nee na, na ɗɔɔ gɨ kɨŋ ɗe gɨyəŋ bɨn̰ tama di hɨn̰ Jijabɛl wo̰ duroygɨŋ. Hɨndi na tama di ye gɨ to naa tama di ɗe-yɔɔ-kɔl-gɨ-Kumu-ba-yɔɔ. Ama hɨndi na ɗe bɔgɛ marɨne ka-lɔɔ gɨye kange kayaŋ kɨya wa hɨndi gɨlge yɔyɛ gɨ dan̰ gangɨ ca bɨ, dɔɔ kuyoŋ ga been̰ge kɨbar bɨn̰ kulan̰əŋ bɨ.