1 Timote 1:20 - Gabri Maja

²⁰ Himene bɨ, Alegjandɨr bɨ, woyge duroy kalaŋ ga nee le. Ɨŋ ɗege kobi Sidan. Na hɨn̰ wo̰ ma, wɔlɛ gɨ ɗaŋ kan gɨ jɔgɛ yagɨde Kumu naŋ ɨni.

1 Timote 1:20 ပူးပေါင်းရင်းမြစ်များ

Matɨyo 18:17

Hɨn̰ gɨ ban na kan̰a jɔɔ kɔl koge na, yan̰ Ka-Daye ga da Kumu, ma hɨn̰ gɨ ban na kan̰a jɔɔ Ka-Daye coŋ na, kɨŋ sɨlayi hɨn̰ ungo gɨ sɨla Kumu gɨ cɨndi naŋ bɨ, kɨŋ sɨlayi hɨn̰ ungo gɨ ba-hɔgɛ lambo wo̰ bɨ.

Gɨye-lɔɔ 13:45

Kɨɗɨn̰ ga Jubɨn̰əŋ ba solge dɨmdɨrdi kalaŋ ga ba dayaŋge le na, cɨn̰-pɨɗɨma say leege tɔgɨ lee gɨ kan jɨbɨ kɔl nɔm ga da Pol sɛdɨ coŋ bɨ, yagɨdiige bɨ.

Gɨye-lɔɔ 19:33

Kalaŋ ga pɨna wo̰ duroy dɨmdɨrdi kalaŋ le, dorge te kɔl le bɨn̰ge ungo gɨ pɨna wo̰ gɨ gusondi na Alegjandɨr gɨ kalaŋ ga ni Jubɨ nongige ɗeyge tumɔ. Ban say lee kobi: Gɨ ɗi na gey yɔɔ kɔl bɨn̰ kalaŋ, gɨ kalaŋ ga ni Jubɨ naa ka te kɔl naŋ.

1 Korɛ̰t 11:32

Ama ban boy kɔl cayna bɨ halna bɨ na gɨ ɗe kɔl na ƴom cayna dan̰ kalaŋ ga cay gɨsəŋ gaŋ kɛ naŋ.

2 Korɛ̰t 10:6

Ama ni som cay tɨbayni dɨŋ ɨni ɗe hɨn̰ gɨ kɨŋ na gɨl jɔɔ kɔl kogɨŋ doŋ gɨ na kuɗa duroŋ cɨrɛɗ na, kalaŋ ga na ka-jɔɔ kɔl naŋ le, ni kɨya halge, kɨya cay hɨnga ga ɨsɨni ga kan lee le.

2 Korɛ̰t 13:10

Na toy di hɨn̰ wo̰ ma, ɨŋ wal kɔl gɨ kɛ le nɔm gɨyɨn̰ bɨgɨŋ kɨɗɨn̰ ga ɨŋ baa hen̰ danagɨŋ. Na ɗe gɨ kɨɗɨn̰ ga ɨŋ na bugoŋ duroygɨŋ na, ɨŋ na gɨ wɔɔ hɨnga ga ni san̰ danagɨŋ naŋ ko ɨŋ na ɨran̰ dan̰ dɔnɔ di da Ba-gulɔŋ di bəŋ. Ba-gulɔŋ bəŋ dɔnɔ na gɨ ni jɨbɨn̰ toygɨŋ agɨŋ na orɨn̰ jɨn̰ tumɔ wala na gɨ ni mondɨgɨŋ naŋ.

2 Tesalonigɨ 3:15

Soliigɨŋ hɨn̰ ba-baadɨgɨŋ wo̰ naŋ, ama ɗalaygɨŋ hɨn̰ kurɨndɨgɨŋ wo̰.

1 Timote 5:15

Kɨya wa ga pɨna duroyge kayaŋge haw kɛ kobɨn̰ge kardi Sidan ɨni.

2 Timote 2:14

Gɨlge hɨnga ga kɛ le, ɗe kuduroyge hɨn cay nee. Halage tumoy Kumu ɗe kan ɗe bɔjɨn̰ɛ ojɨn̰ cay kɔl nɔm baa. Kɨya wa bɔjɨn̰ɛ gɨ nee le, kɨya andaŋ hɨnga naŋ, ama kɨya mɔndɛ na kan ga ka-jɔɔdi.

2 Timote 2:17

Kɔl koge woy na hɨn̰ ɨya-ba̰ra̰ di dii jɨn̰ tumɔ tumɔ wo̰. Himene dan̰ Pilɛt woyge na hɨn̰ kalaŋ ga nee le bɨ.

2 Timote 3:2

Kɨya wa kalaŋ kɨya bɨləŋge ka-kɨndare bɨ, kɨya lɔɔge te gursu tɔgɨ bɨ, kɨya gɨlege gusɨge bɨ, kɨya dɔgɛge-jorgɨyge bɨ, kɨya yagɨdege Kumu bɨ, kɨya bɨlege ka-baa ga da ka-wɔɔdɨge bɨ, kɨya sɔlɛge ɗarwa di ungo lee danage naŋ bɨ, kɨya hundɔrɔge kardi hɨnga ga woy dan̰ cɨndɨge ojɨn̰ cay Kumu naŋ bɨ.

Əbɨro 12:5

Kɛ kuduroygɨŋ hal gɨybəŋ cay bandɨ di Kumu dobɨ kuduroygɨŋ hɨn̰ karɨndi wo̰ le ga? «Ay! Kuronɨ, sɔlɛ hale gɨ da Ba-gulɔŋ loon̰ hɨnga ga kalɨn̰ wo̰ naŋ bɨ, Ji ɗɔɔ kuduron̰ mundoŋ kɨɗɨn̰ ga ban ɗalɨn̰ naŋ bɨ.

Wasɨn̰a 13:1

Kardi nee, ɨŋ sol kɨmana gɨ kɨben̰di won̰ mɔjɨ bɨ cayi won̰ jurgum bɨ, andɨgaŋ a duroy kuray gɨ gumu taa taa gɨŋ doŋ. Jagɨwa-tɨrɨmbala ga dḛ dḛ woy a cay kɨben̰ gaŋ le pɨna pɨna. Ɨni na, walge gusoŋn̰əŋ ga yagɨde Kumu a cay caa gaŋ le.

Wasɨn̰a 3:19

Ɨŋ-bandi na kalaŋ nɔm ga ɨŋ geyge le, ɨŋ halge bɨ ɨŋ ɗalge bɨ. Na toy di hɨn̰ wo̰ ma, laagɨŋ gusi-hɨmbalwa a te kɔl hɨnge gɨŋ bɨ, bɨlgɨŋ haldɨgɨŋ bɨ.