1 Timote 1:18 - Gabri Maja

¹⁸ Kuronɨ Timote hɨnga ga ɨŋ ba yen̰ gɨ ji na laa le, or pɨna na dan̰ te gɨyəŋ gɨ da kɔl gɨ Kumu ɗe kɨbɨ ka-yɔɔ-kɔl-gɨ-Kumu-ba-yɔɔ, lee gɨ kan ye kol can̰ tumɔ le. Ɗe kɔl gɨ kɛ le bɨn̰ tɔgɨ an̰ leen̰ wɔrɨn̰ɛ gɨ kuɗa.

1 Timote 1:18 ပူးပေါင်းရင်းမြစ်များ

Gɨye-lɔɔ 16:1

Pol or bugoŋ a Dɛrbɨ bɨ, Listɨr bɨ. Ba-aye-cay-tɨbay Jesu gɨ pɨna wo̰ som a cay ƴaa di Listɨr dɨŋ, gusondi na Timote. Ban na kurɨn̰ tama Jubɨ di pɨna wo̰. Ƴoyi na ɗe-aye kudurɔ bɨ, bay na Gɨrɛg bɨ.

1 Korɛ̰t 4:17

Na toy di hɨn̰ wo̰ ma, maŋ gɨyɨn̰ dan̰ Timote gusɨgɨŋ le. Ban na kuronɨ gɨ ɨŋ lee-toyi tɔgɨ gɨ ɨre a cay tɨbayi dɨŋ te Ba-gulɔŋ. Hal ga ɨŋ kobɨ kardɨge a te bugoŋ pɨna dan̰ Kɨris le, ban kɨya hɨne kuduroygɨŋ cay nee. Na hɨnga ga ɨŋ gɨlɨn̰ kalaŋ duroy Ka-Daye gaŋ nɔm le.

1 Korɛ̰t 9:7

Kɛ na ungo gɨ ni asɨgar gɨ ani ba bɔyɛ cay kobi dan̰ kobi koyi gaŋ ga? Kɛ na ungo gɨ ani ba busɔnɛ suru dɨle dɔɔ wɔɔdo ga? Naŋ le kɛ na ba-ame gamge gɨ ani ba-ame gamge dɨle ƴɔɔ kobɨn̰dɨge abɨn̰ kuyoŋdi-gusi ga?

Pilib 2:22

Ama ban na gɨl doŋ gɨ ɗi naa ungo gɨ ɨre a cay tɨbay dɨŋ. Hɨn̰ gɨ kɨye ba ɨrɨn̰ durdi bayi leen̰ gɨye le, Timote kalɨn̰ ma ɨre a kɨbɨ gɨye gɨ da tɔgɛ bɛrnɛ Kɔl-gɨ-Ɗari gɨŋ danaŋ bɨ.

1 Timote 1:2

Ba gɨyɨn̰ dan̰ magtubu di kɛ le bɨn̰ ji-bandi Timote. Ji na kuronɨ gɨ cɨndi, kɨya wa na ɨŋ-bandi ba lɔɔ gɨ ji ayɨn̰ kuduron̰. Kuɗa gɨ Bayna Kumu dan̰ Ba-gulondɨna Jesu-Kɨris leege ɗarwa danan̰ bɨ, sɨlage cɨn̰-n̰age ton̰ bɨ, bɨn̰ge gusi-dɔbɛ bɨ.

1 Timote 1:5

Ɨŋ bɨn̰ te tumɔ di nee le, na gɨ ɗe kalaŋ na ƴomɨn̰ge wandɨ dan̰ gusɨge. Dan̰ kuduroyge ga bɛrɛ kən̰jəŋ bɨ, dan̰ kuduroyge ga ɨrɨm kɔl gɨ ɨsɨni naŋ bɨ, dan̰ aye kudurɔ gɨ leen̰ cɨndi bɨ.

1 Timote 4:14

Hɨnga ga Kumu bɨn̰ kalɨn̰ dan̰ gɨyəŋ gɨ da kɔl gɨ kan ɗege kɨbɨ ka-yɔɔ-kɔl-gɨ-Kumu-ba-yɔɔ gɨ kan yege kol can̰ bɨ, dan̰ gɨyəŋ gɨ da dayaŋ gɨ da kan ga muɗoldoŋ ga ɗege kobɨge can̰ bɨ le, ji ɗɔɔ ba aye ɨrɨmedɨn̰ cay nee coŋ naŋ.

1 Timote 4:4

Əw hɨnga nɔm ga Kumu ɗe le, na ga kuɗa. Lee gɨ ungo na daa laan̰ ho’o cay nee na, pɨna wo̰ kalɨn̰ ma ungo kɨya kan̰e naŋ.

1 Timote 6:20

Ay Timote, gama hɨnga ga Kumu ba day been̰ kobɨn̰ kuɗa. Ji kan̰a are-kɔl ga badɨ badɨ wo̰ dugo ga ɨra dan̰ aye kudurɔ pɨna naŋ le. Man̰e-kɔl gɨ da ka-sɔlɛ hɨnga ga ni poy le kalɨn̰ ma, ji kan̰a coŋ bɨ.

2 Timote 1:2

Na ji-bandi kuronɨ Timote gɨ ɨŋ geyɨn̰ tɔgɨ, ma maŋ wal magtubu di kɛ le bɨn̰. Kuɗa gɨ Bayna Kumu dan̰ Ba-gulondɨna Jesu-Kɨris laage ɗarwa danan̰ bɨ, sɨlage cɨn̰-n̰age ton̰ bɨ, bɨn̰ge gusi-dɔbɛ bɨ.

2 Timote 4:7

Ɨŋ worɨn̰ wɔrɨn̰ɛ gɨ kuɗa bɨ, ɨŋ dɨɗɨ kɨbɨ gɨre hɨnge bɨ, ɨŋ gam aye kudurɔ hɨnge bɨ.

Titɨ 1:4

Ɨŋ wal magtubu di kɛ le, gɨyɨn̰ bɨn̰ na ji-bandi Titɨ, kuronɨ gɨ cɨndi a te aye kudurɔ gɨ pɨna gɨ na dayaŋ cay nee. Kuɗa gɨ Bayna Kumu dan̰ Jesu-Kɨris ba-pɔɗɨna bɨn̰ge ɗarwa bɨ gusi-dɔbɛ bɨ.

Pilemo 1:10

ɨŋ olɨn̰ kol cay kuronɨ gɨ a te aye kudurɔ gɨŋ Onesim, gɨ ɨŋ wooyi a dangay dɨŋ.