Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Timote 1:15 - Gabri Maja

15 Kɔl gɨ kɛ le, na kɔl gɨ cɨndi gɨ ojɨ gɨ ungo na bɨga kuduroy cay nee bɨ, na kɔl gɨ ɓal gɨ kalaŋ nɔm na ƴage mɨlaŋ bɨ: Jesu-Kɨris ɨrga a cay gɨsəŋ gaŋ na kɨya pɔɗɛ ka-lɔɔ ɨsɨna. Ama ɨsɨna hɨnge ɗɨn̰ ɨsɨna gɨ da ka-lɔɔ ɨsɨna nɔm.

အခန်းကိုကြည့်ပါ။ ကော်ပီ




1 Timote 1:15
41 ပူးပေါင်းရင်းမြစ်များ  

Kɨɗɨn̰ ga Jesu je kɔl gɨ kalaŋ ga nee ba yege le na, ban yege hɨn̰: «Na kalaŋ ga gusɨge woyge kalɨn̰ caŋ caŋ ba geyege dan̰ ka-gasɨɗe naŋ. Ama na ka-hɔmɨn̰ɛ ba ɔrɛ n̰agedɨge. Ɨŋ ɨrga na kɨya tɔgɛ kalaŋ ga ɨrɨm kuduroyge gɨ ke naa kalaŋ ga dan̰ durɔ ɗɨngar naŋ. Ama ɨŋ ɨrga na kɨya tɔgɛ kalaŋ ga ɨrɨm gɨ ke naa ka-lɔɔ ɨsɨna.»


Kɨya wa ɨŋ-bandi Kurɨn̰-ungo le, ɨŋ ɨrga na kɨya male bɨ, ɨrgan̰ dan̰ kan ga kayaŋ bɨ, a boy pɔɗɛ gɨŋ.»


Hɨn̰ gɨ ungo na ja kɔl hɨnge, ama na aya laan̰ gɨye naŋ na, na ɨŋ-bandi ba kɨya bɔyɛ kɔl cayi naŋ. Kɨya wa, ɨŋ ɨrga na kɨya bɔyɛ kɔl cay kalaŋ ga a cay gɨsəŋ gaŋ naŋ, ama na kɨya pɔɗɛ kalaŋ ga a cay gɨsəŋ gaŋ.


Ama kalaŋ nɔm ga ba ƴomiige gusɨge bɨ, beege kuduroyge cay gusondi gɨŋ bɨ le, ban haŋgɨ gɨyəŋ bɨge ɗe gɨ kan na bɨləŋge karɨn̰ Kumu.


Ɨŋ ɨrga na kɨya tɔgɛ kalaŋ ga ɨrɨm kuduroyge, gɨ ke naa kalaŋ ga dan̰ durɔ ɗɨngar naŋ. Ama Ɨŋ ɨrga na kɨya tɔgɛ kalaŋ ga ɨrɨm gɨ ke naa ka-lɔɔ ɨsɨna, ɗe na bɨlege gɨye-lɔɔdɨge.»


Kɨŋ sol gɨ Jesu-Kɨris ɨrga na kɨya dɔrɛ ɨsɨnan̰əŋ ga a cay gɨsəŋ gaŋ. Ama ban na, ɨsɨna pɨna wo̰ kalɨn̰ ma unɔ a gusi.


Ɨŋ-bandi gɨ tumɔ ɨŋ na ba yagɨde Kumu bɨ, ba gɨlɨn̰ kalaŋ kayi cɨn̰ bɨ, gɨ kɨbɨnɨ mɔɔ tɔgɨ kol cayge bɨ le, Kumu sol cɨn̰-n̰age tɨnge. Kɨya wa boy wɔlɛdi gɨ nee le, ɨŋ aya kuduronɨ bɨn̰ Jesu-Kɨris naŋ ƴee. Kɨya wa ɨŋ lee hɨnga na boy sɔlɛdɨge gɨŋ naŋ.


Gɨ da Kurɨn̰-ungo kalɨn̰ ma woy na hɨn̰ wo̰ bɨ, ban caga na ɗe gɨ kalaŋ na leeyige gɨye koyi naŋ, ama na ɗe gɨ ban na lee gɨye kol cayge bɨ, ayɨn̰ gusi bee kɨya bon̰ cay kalaŋ dan̰ kondige bɨ.»


A duroy ka-gɨre-gɨye nɔm le ɨŋ-bandi ma na gɨ dḛ ɗige bɨrɨŋ uja gɨ ni tɔgɔŋge ba-gɨre-gɨye kalɨn̰ ma naŋ, kɨya wa tumɔ ɨŋ gɨlɨn̰ Ka-Daye ga da Kumu cɨn̰-gɨle-cɨn̰.


Wan̰dodo dɨŋ ɨni na, Ja̰ sol Jesu ɨrga jɨn̰ gusi, bɨ ban ye hɨn̰: «Sɨlagɨŋ kurɨn̰-dɨmangɨ gɨ da Kumu gɨ ba-dɔrɛ ɨsɨna gɨ da kalaŋ ga cay gɨsəŋ gaŋ.


Ɨragɨŋ tɨrabe duroy kɔl gɨ da Kumu gɨ ye hɨn̰: “Hɨnga ga ɨŋ gey gusɨgɨŋ le, na sɔlɛ cɨn̰-n̰age wala na bɔgɛ kɨbar naŋ.” Kɨya wa ɨŋ ɨrga na kɨya tɔgɛ kalaŋ ga ɨrɨmge kuduroyge gɨ ke naa kalaŋ ga dan̰ durɔ ɗɨngar naŋ. Ama ɨŋ ɨrga na kɨya tɔgɛ kalaŋ ga ɨrɨmge gɨ ke naa ka-lɔɔ ɨsɨna.»


Hɨndi kɨya wɔɔ kɨye gɨ bara, ji kɨya se gusondi na Jesu, kɨya wa na ban ba kɨya pɔɗɛ te kalaŋ kayi kɨbɨ ɨsɨna koge gɨŋ.»


Na toy di hɨn̰ wo̰ ma, kan ga ba ɨrgage gusi Kumu dan̰ gɨyəŋ gɨ da Jesu le, ban ɓal gɨ ni poɗɨge cay pɨna ƴɔbɨ dan̰ tumoyge. Kɨya wa Jesu le som-bɨra dan̰ tumoyi. Ban ye kɔl bɨn̰ Kumu kol cayge.


Kɔl gɨ nee le, na kɔl gɨ cɨndi gɨ ojɨ gɨ kalaŋ nɔm ƴage dan̰ kuduroyge ga pɨna.


Ho’o, kɨya wa a boy wɔlɛ gɨ Kumu ojɨ gɨŋ, kɨɗɨn̰ ga na-gandi na ɨran̰ dan̰ dɔnɔ di ni poɗɨn̰ gusɨna naŋ ƴee le, Kɨris ma kol cayna na-gandi ka-lɔɔ ɨsɨna.


Waŋ waŋ gɨ na laa ɨsɨna na, na ungo gɨ da Haban̰, kɨya wa Haban̰ na ɗe-lɔɔ ɨsɨna a toyi dɨŋ ɓɨrag. Na toy di hɨn̰ wo̰ ma Kurɨn̰-Kumu ɨrga a cay gɨsəŋ gaŋ kɨya mondɨn̰ gɨye-lɔɔ gɨ da Haban̰.


Kɔl gɨ kɛ le na kɔl gɨ cɨndi, ɓal gɨ ungo kɨya bɔgɛ kuduroy cay nee. Hɨn̰ gɨ ungo na mala gɨye gɨ ni dorɨn̰ tumoy Ka-Daye na, gey na gɨye gɨ kuɗa.


Duroy kalaŋ ga da Kumu le, ɨŋ na gɨ karu gɛs. Naa hɨn̰ wo̰ kalɨn̰ ma, Kumu lee ɗarwa danaŋ lee gɨ ɨŋ tee bɛrnɛ di da ɗarwa di gumu di da Kɨris di ungo ɓala sɔlɛ durɔɔ naŋ le bɨn̰ kalaŋ ga toyge na Jubɨ naŋ.


Kardi nee, ba-ƴɔbɛ gɨ daa nii le yəŋ hɨn̰: «Kɔl nɔm gɨ kɛ le na hɨnde bɨ ban kɨya lɔɔ gusi leen̰ cɨndi bɨ. Ba-gulɔŋ Kumu gɨ gɨyɨn̰ dan̰ kɔl koyi a cay ka-yɔɔ-kɔl-gɨ-Kumu-ba-yɔɔ dan̰ gɨyəŋ gɨ da Turnɔ di da Kumu le, ban gɨy dan̰ ba-ƴɔbɛ koyi gɨ daa nii kɨya gɨlɨn̰ marɨne kayi ka-gɨye hɨnga ga naa wa wa kalɨn̰ ma kɨya ɨrga mɨnde.»


Kɨmɛnɛ ga poɗɨn̰ dan̰ ka-muɗɔlɛ ga toyge-sɔɔ cayge poɗɨn̰ le kɨbɨge kɨra gɨ hɨrɨwa yen̰ge hɨn̰: «Ji ɓal ƴɔɔ magtubu le bɨ, Haŋge tambo di ɓagɨmɨn̰ge kubo le bɨ, Kɨya wa tumɔ walge tumon̰ Lee gɨ ji boy cay kalaŋ, Dan̰ gɨyəŋ gɨ da kɨbardɨn̰ bɨn̰ Kumu. Kan na kalaŋ ga a te wɨn̰je gɨ ani ani bɨ, Te kɨbɨ wɔɔ gɨ ani ani bɨ, Te labar gɨ ani ani bɨ, Te kalaŋ ga ani ani bɨ,


Kɔl gɨ nee le na kɔl gɨ cɨndi. Lee gɨ ɨŋ gey gɨ ji na ɨr cay nee gɨɗaŋ, ɗe kalaŋ ga ayge kuduroyge bɨn̰ Kumu le sɨn̰ge cɨndɨge kardi hɨnga ga ɗari gaŋ leen̰ge gɨye gɨ ɗari. Hɨnga ga nee le, na hɨnga ga ɗari bɨ, kɨya lɔɔ ɗarwa dan̰ kalaŋ nɔm bɨ.


Kɔl gɨ kɛ le, na kɔl gɨ cɨndi: Hɨn̰ gɨ na na maragɨŋ danayi na, Na kɨya sɔmɛ dan̰ cɨndɨnagɨŋ danayi bɨ.


Na kɨya caygɨŋ ma Kumu dor marɨna ba-gɨye koyi gɨygi kɨya caygɨŋ pa dɨm ma kɨya torɨn̰-kɨbi caygɨŋ bɨ, kɨya bɨlɨn̰ waŋ waŋ kalɨn̰ ma a kɨbɨ gɨye-lɔɔdi gɨ ɨsɨni gɨŋ coŋ bɨ.»


Ungo gɨ na bɨga kuduroyi cay kurondi na, ungo gɨ nee le, kɨya sɔmɛ-bɨra dan̰ tumoyi. Ungo gɨ na kan̰a bɔgɛ kuduroyi cay Kurɨn̰-Kumu na, ban kɨya sɔmɛ-bɨra dan̰ tumoyi naŋ, ama kuduroy-hɔmɛ di da Kumu kɨya bɔɔ cayi.


Ɨni na, Kumu ba-sɔmɛ a cay kali-tɨrɨmbala dɨŋ le ye hɨn̰: «Sɨla, ɨŋ bɨle hɨnga nɔm leen̰ ga hɨrɨwa.» Bɨ ban yəŋ ɗaŋ hɨn̰: «Wala dugo, kɨya wa kɔl hɨnge nɔm na hɨnde bɨ, ban kɨya lɔɔ gusi leen̰ cɨndi bɨ.»


Tɨmon̰ di Kumu lee le ba kɛ: Ban gɨ na sɔmɛ-bɨra gɨ dan̰ tumoyi bɨ sɔmɛ-bɨra gɨ nee le, ban bɨna na dan̰ gɨyəŋ gɨ da Kurondi.


Ji gama aye kudurɔ bɨ, ɗɔɔ gɨ ɗugon̰ alɨn̰ naŋ bɨ. Kalaŋ ga pɨna kan̰ge jɔɔ kɔl gɨ da ɗugoyge di alge coŋ. Na hɨn̰ wo̰ ma kan leen̰ge hɨnga, ɗe gɨ aye kudurɔ koge baan̰ coŋ.


«Duroy karɨn̰aŋ ga n̰en̰əŋ ga kɛ le, kɨŋ ɗɔɔ ba-dɔrɛ cɨn̰ gɨ pɨna duroyge. Əw, aŋ yəgɨŋ a gɨɗɨgɨ-Kumu gɨŋ daa nii na, ka-ƴɔbɛ kage ga daa nii ɨrege dan̰ tumoyge a tumoy Banɨ gɨ som a daa nii kɨya cayge.


Kɨɗɨn̰ ga kan jege kɔl gɨ nee le ɨni na, ɗugoyge jɨga baa cay mɨgaa dɨŋ bɨ, hɨramge Kumu yege hɨn̰: «Hɨnga le woy na hɨn̰ wo̰ leen̰ cɨndi hage, kalaŋ ga toyge na Jubɨ naŋ le, Kumu bɨge gɨyəŋ gɨ ni bɨle gɨye-lɔɔdɨge, ɗe gɨ kan na wan̰ sɔmɛ-bɨra gɨ leen̰ cɨndi bɨ.»


Ka-gɨre-gɨye bɨ, karmɨni bɨ, ga somge a cay gɨsəŋ ga Jude gaŋ le, jege gɨ kalaŋ ga toyge na Jubɨ naŋ le na ƴeege kɔl gɨ da Kumu bɨ.


Ɨni na, Parɨsɨn̰an̰əŋ dan̰ ka-gɨlɨn̰ kalaŋ gasɨn̰-kɔl gɨ da Moyis yɨliige yege hɨn̰: «Sɨlagɨŋ gɨlmi gɨ kɛ le ƴom ka-lɔɔ ɨsɨna gusi bɨ, di dɔɔ danage bɨ.»


Bɨ ɨŋ lee gɨye gɨ nee le ɨrɨmɨn̰ gɨ karmɨnɨ ga ni kɨbarnɨ ga na Jubɨ na laan̰ge jangɨ koldi, aŋ na poɗɨn̰ kan ga pɨna duroyge.


Kumu gɨ ba lɔɔ gɨ hɨnga nɔm som-bɨra bɨ, Jesu-Kɨris gɨ lee tɨmon̰ tumoy Po̰s Piladɨ, lee gɨ ban ye kɔl aye kudurɔ gɨ kuɗa tɔgɨ daa pɨraŋ bɨ le, ɨŋ yen̰ hɨnga ga kɛ le tumoy Kumu dan̰ Jesu-Kɨris ɗe gɨ an̰ lee:


[Kɨya gɨ Kurɨn̰-ungo ɨrga na kɨya pɔɗɛ kalaŋ ga gɨrege kayaŋ.]


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ