1 Tesalonigɨ 4:3 - Gabri Maja

³ Hɨnga ga Kumu gey le, na gɨ gɨye-lɔɔdɨgɨŋ na wɨya dan̰ cɨndi jɨn̰ tumɔ tumɔ bɨ, gɨ kɨŋ na ƴɨma gusɨgɨŋ na cay yɔyɛ dan̰ gangɨ caygɨŋ bɨ.

1 Tesalonigɨ 4:3 ပူးပေါင်းရင်းမြစ်များ

Matɨyo 12:50

Kɨya wa waŋ waŋ gɨ na laa kuduroy-geye gɨ da Banɨ gɨ a daa nii na, ban gɨ nee le ma na kurɨnɨ bɨ, tɨmnɨ bɨ, ƴonɨ bɨ.»

Matɨyo 15:19

Kɨya wa ɨrɨme ga ɨsɨn bɨ, ɨrɨme gɨ ni dɨɗɨn̰ ungo bɨ, yɔyɛ tama wala bara gɨ da mɨgan̰ bɨ, gɨye lɔɔ gɨ da yɔyɛ dan̰ gangɨ caa bɨ, geye hase bɨ, pɔyɛ kɔl se cay kalaŋ bɨ, yagɨde kɨɗɨn̰ bɨ, saygage na kuduroy ungo.

Matɨyo 5:32

Ama ɨŋ-bandi na, aŋ yəgɨŋ daa waŋ: Waŋ waŋ gɨ na taya tamdi dɨle gɨ hɨndi na yɨya yɔyɛ gɨ dan̰ gangɨ caa naŋ ƴee na, ban lee gɨ tamdi bɨləŋ na tama ɗe male ban̰aŋ ga da kamdo. Bɨ bara gɨ na ƴa tama di kudurɔɔ tayoo coŋ le, won̰ na dan̰ tama da mɨgayi bɨ.

Matɨyo 7:21

«Na kalaŋ ga ka-tɔgɔŋge hɨn̰: “Ba-gulɔŋ, Ba-gulɔŋ!” Ba kɨya andaŋge nɔm boy dɔɔ-ƴaa di daa nii dɨŋ naŋ, ama na kan ga ka-lɔɔ hɨnga ga kuduroy Banɨ gɨ som a daa nii gey le ƴɔbɨ.

Marg 3:35

Kɨya wa waŋ waŋ gɨ na laa kuduroy geye gɨ da Kumu na, ban gɨ nee le ma na kurnɨ bɨ, tɨmnɨ bɨ, ƴonɨ bɨ.»

Kɔl-gɨ-Ɗari gɨ Ja̰ wal 4:34

Jesu yege hɨn̰: «Dɔɔ hɨnge na lɔɔ kuduroy-geye gɨ da ban gɨ gɨyigəŋ bɨ, dɨɗe kɨbɨ gɨye koyi bɨ.»

Kɔl-gɨ-Ɗari gɨ Ja̰ wal 7:17

Hɨn̰ gɨ ungo gɨ ani ani gɨ na gey lɔɔ hɨnga ga kuduroy Kumu gey na, ban kɨya sɔlɛ kɛ hɨnga ga ɨŋ ba gɨlɨn̰ kalaŋ le, sayga na gusi Kumu wala, na gusɨnɨ ɨŋ-bandi ƴɔbɨ ga.

Gɨye-lɔɔ 15:20

Ama kuɗa gɨ na gɨn̰gɨŋ dan̰ magtubu bɨge, narge dɔɔ kuyoŋ ga mɨdagi ga na kuyoŋ ga kan dɨɗɨge n̰ɨrɨn̰ge kulan̰əŋ bɨ, narge cay yɔyɛ dan̰ gangɨ cayge bɨ, dɔɔ kuyoŋ ga asɨri bɨ, dɔɔ kɨbar bɨ.

Gɨye-lɔɔ 15:29

Kuyoŋ gɨ kan dɨɗɨge n̰ɨrɨn̰ge kulan̰əŋ le, kɨŋ ɗɔɔ ba dɔɔ bɨ, kɨŋ ɗɔɔ ba dɔɔ kɨbar bɨ, culom gɨ da kɨmana gɨ asɨri bɨ, kɨŋ ɗɔɔ ba yɔyɛ dan̰ gangɨ caygɨŋ naŋ bɨ. Hɨn̰ gɨ kɨŋ na nara gusɨgɨŋ coŋ cay hɨnga nɔm ga nee le na, kɨŋ lee na hɨnga ga kuɗa. Ni leegɨŋ lapɨya.»

Gɨye-lɔɔ 20:32

Haw kɛ na, ɨŋ ɗegɨŋ na kobɨ Kumu bɨ, kobɨ kɔl gɨ da ɗarwa toyi bɨ, gɨ ɨŋ ba yəgɨŋ koldi le. Kɨya wa kɔl gɨ nee le, orɨn̰ dan̰ dɔnɔ di kɨya lɔɔ gɨ kɨŋ kɨya malge te aye kudurɔ kogɨŋ gɨŋ bɨ, wan̰ hɨnga ga ni ban̰di gulɔŋ ga Kumu kɨya bɨn̰ kalaŋ kayi ga ban torge sige dan̰ cɨndɨge le.

Gɨye-lɔɔ 26:18

An̰ hangɨn̰ cɨndɨge ɗe gɨ kan na andan̰ duroy dɨlɨm dɨŋ coŋ bɨ, andɨn̰ boy kɨɗɨn̰ ga woli gaŋ bɨ, andan̰ kobɨ tɔgɨ di da Sidan dɨŋ coŋ bɨ, andɨn̰ boy dɔnɔ di da Kumu dɨŋ. Bɨ Kumu kɨya ɗɔɔ kuduroyi jalɨwa cay ɨsɨna koge bɨ, kan kɨya wan̰ hɨnga ga ni ban̰di-gulɔŋ duroy kalaŋ ga woyge dan̰ cɨndɨge kɨya kuduroyge ga kan ayge bəŋ.”»

Magtubu di Pol wal bɨn̰ kalaŋ ga Rɔm 1:29

Hɨnga ga dan̰ durɔ ɗɨngar naŋ ga toyge kan̰dɨge kan̰dɨge ba wanɨn̰a kuduroyge bɨ: Hɨnga ga nee le na terɨn̰ bɨ, lɔɔ te gursu bɨ, ƴɔmɛ ungo kuduroy bɨ, cɨn̰-pɨɗɨma bɨ, dɨɗe ungo bɨ, bɔjɨn̰ɛ bɨ, lɔɔ jɨba bɨ, lɔɔ solum bɨ, pɔydɛ kɔl bɨ, kuduroy ɨndɨwa bɨ, yɨle kɨɗɨn̰ bɨ.

Magtubu di Pol wal bɨn̰ kalaŋ ga Rɔm 12:2

Kan̰agɨŋ kɔbɛ ɨrɨme gɨ da kalaŋ ga ɨndəŋ ga a cay gɨsəŋ gaŋ kɛ coŋ, ama ɗagɨŋ gusɨgɨŋ bɨn̰ hɨnga-sɔlɛ ga hɨrwa ga Kumu bɨgɨŋ le ɗe bɨlgɨŋ. Na kɨɗɨn̰dɨge ga nee gaŋ le na, kɨŋ kɨya ɓale dɔrɛ cɨn̰ hɨnga ga kuduroy Kumu gey: Gɨ na hɨnga ga ɗari bɨ, hɨnga ga ƴee cɨn̰ Kumu bɨ, hɨnga ga duroŋ cɨrɛɗ bɨ.

Magtubu di Pol wal bɨn̰ kalaŋ ga Rɔm 6:22

Ama haw kɛ na, kɨŋ andaŋ a te dɔnɔ di da ɨsɨna gɨŋ coŋ bɨ kɨŋ bɨle na gɔyɔŋ ga da Kumu. Wɔɔdi hɨnga ga kɨŋ ba kɨya wɔɔ le, na gɨye-lɔɔ gɨ gɨl gɨ kɨŋ naa kalaŋ ga da Kumu ga woy dan̰ cɨndɨge gɨ gɨye-lɔɔ gɨ nee le kɨya orɨn̰ danagɨŋ a sɔmɛ-bɨra gɨ dan̰ tumoyi gɨŋ.

1 Korɛ̰t 1:30

Na Kumu ba bɔgɨna pɨna dan̰ Jesu-Kɨris bɨ, ban lee Kɨris leen̰ cɨn̰-muɗɔlɛ tona di sayga gusi Kumu bɨ, hɨnga ga dan̰ durɔ ɗɨngar kana bɨ, dɔrɛ se dan̰ cɨndi kona bɨ, bɔyɛ ca tona bɨ,

1 Korɛ̰t 7:2

Ama ɗe gɨ yɔyɛ gɨ dan̰ gangɨ caygɨŋ na ɨre dugo na, kuɗa gɨ bara gɨ ani ani kalɨn̰ ma ɨran̰ dan̰ tamdi bɨ, tama di ani ani kalɨn̰ ɨran̰ dan̰ kudurɔɔ bɨ.

2 Korɛ̰t 12:21

Gajanaŋ kɨɗɨn̰ ga ɨŋ na bugoŋ gusɨgɨŋ na, Kumu kɨya dɨbe dasi canɨ ɗaŋ coŋ tumoygɨŋ bɨ, ɨŋ da ɨle kɨya cay kondɨwadi kalaŋ ga tumɔ leege ɨsɨna ma bɨlge kardɨge bɨn̰ lɔɔ hɨnga ga ni dasi naŋ bɨ, bɨn̰ yɔyɛ gɨ dan̰ gangɨ caa naŋ bɨ, bɨn̰ yɔyɛ gorɨn̰ daa naŋ bɨ.

Galad 5:19

Kalaŋ nɔm solge tabɨlaŋdi hɨnga ga ɨsɨni ga da kuyoŋdi-gusu le. Kan ba wɔyɛ kɛ: Yɔyɛ dan̰ gangɨ caygɨŋ bɨ, lɔɔ hɨnga ga ni dasi bɨ, yɔyɛ gorɨn̰ daa bɨ,

Epɛs 5:17

Na toy di hɨn̰ wo̰ ma, kɨŋ ɗɔɔ ba lɔɔ hɨnga hɨn̰ ga da kalaŋ ga ka-dɨngale wo̰ naŋ, ama kɨŋ laa agɨŋ solɨn̰ duroy hɨnga ga kuduroy Ba-gulɔŋ gey le kuɗa.

Epɛs 6:6

Lɔɔgɨŋ gɨye gɨ nee le na kɨya cɨndɨge ga woy kardɨgɨŋ hɨn̰ gɨ kɨŋ na mal naa gɨ ni ƴɔɔ cɨn̰ kalaŋ wo̰ naŋ. Ama kɨŋ ɗa a ɨrɨmedɨgɨŋ gɨŋ gɨ kɨŋ na gɔyɔŋ ga da Kɨris bɨ, laagɨŋ kuduroy geye gɨ da Kumu dan̰ kuyoŋdi-gusɨgɨŋ nɔm bɨ.

Kɔlɔs 1:9

Na toy di hɨn̰ wo̰ ma, ni-gandi kalɨn̰ ma, ayɨn̰ toy a boy wɔlɛ gɨ kɔl gɨ nee le ba ba sɨmayni na, ni dɨl ɔlɛ Kumu kol caygɨŋ naŋ. Ni ol Kumu ɗe na baa danagɨŋ ɗe agɨŋ solɨn̰ hɨnga nɔm ga kuduroyi gey dan̰ gɨyəŋ gɨ ni cɨn̰-muɗɔlɛ bɨ, cay bɨra ojɨn̰ cay hɨnga nɔm ga Turnɔ ɗe-kuduroy-bɛrɛ ba bee bɨ.

Kɔlɔs 3:5

Kuɗa gɨ kɨŋ ɗa hɨnga nɔm ga a cay gɨsəŋ gaŋ kɛ, ga woy a gusɨgɨŋ le ɗe mara coŋ: Na yɔyɛ dan̰ gangɨ caa bɨ, hɨnga ga ni dasi bɨ, kurɔŋdi hɨnga ga lee hundɔrɔ bɨ, kurɔŋdi hɨnga ga ɨsɨni dan̰ lɔɔ te gursu gɨ na n̰ɨre kula bɨ.

Kɔlɔs 4:12

Epapəras gɨ na ungo gɨ a tagɨŋ le, ləgɨŋ lapɨya. Ban na marɨna ba-gɨye gɨ da Jesu-Kɨris, gɨ lee kɨmbɨl kol caygɨŋ a duroy ɔlɛ Kumu gɨŋ, ɗe agɨŋ na ɨrɨn̰ a cay tɨbayigɨŋ dɨŋ jaŋ bɨ, won̰ kalaŋ ga duroŋ cɨrɛɗ bɨ, leen̰ hɨnga ga kuduroy Kumu gey bɨ.

1 Tesalonigɨ 4:2

Kɨya wa kɨŋ sol hɨnga ga Ba-gulɔŋ Jesu bɨni gɨ ni na gɨlgɨŋ le, kuɗa.

1 Tesalonigɨ 4:4

Ɗe waŋ waŋ duroygɨŋ tɨrabɨ gɨyəŋ gɨ ni somɨn̰ dan̰ tamdi dan̰ gɨye-lɔɔ gɨ woy dan̰ cɨndi bɨ, dan̰ bɔgɛ hurɔmɔ bɨ.

1 Tesalonigɨ 5:18

Hɨn̰ gɨ kɨɗɨn̰ na kuɗaa na ɨsɨndee kalɨn̰ ma, laan̰gɨŋ Kumu ho’o. Kɨya wa, na hɨnga ga nee le ma, Kumu gey gɨ kɨŋ-gandi ga kɨŋ bugoŋ pɨna dan̰ Jesu-Kɨris le, kɨŋ na laa.

1 Tesalonigɨ 5:23

Kuɗa gɨ Kumu gɨ ba bɨn̰ kalaŋ gusi-dɔbɛ dan̰ gusi koyi dɨragɨŋ sɨgɨŋ dan̰ cɨndɨgɨŋ ɗɨga kol cayi. Kuɗa gɨ ban gama turnoygɨŋ bɨ, habedɨgɨŋ bɨ, kuyoŋdi-gusɨgɨŋ bɨ dɔmɔmɔ, ɗe wɔlɛ gɨ Ba-gulondɨgɨŋ Jesu-Kɨris kɨya caga na, masadɨgɨŋ na unɔ.

2 Tesalonigɨ 2:13

Ama, kɨŋ-gandi karmɨni ga ban̰aŋ dan̰ ga kandɨ ga Ba-gulɔŋ geygɨŋ le, ojɨ gɨ ni na laan̰ Kumu ho’o jɨn̰ tumɔ tumɔ kol caygɨŋ. Kɨya wa Kumu torgɨŋ na tumɔ pa dɨm ma sɨn̰ cay gɨsəŋ ƴee ɗe gɨ ay na poɗɨgɨŋ dan̰ gɨyəŋ gɨ da Turnoyi di sɨgɨŋ dan̰ cɨndɨgɨŋ bɨ, dan̰ gɨyəŋ gɨ da aye kudurɔ bɨn̰ kɔl gɨ cɨndi bɨ.

Titɨ 2:14

Ban ɗe gusi bɨn̰ kalaŋ ƴomiige dɨɗiige ƴen̰ ban̰dɨnagɨŋ, kɨya bon̰ cayna kol ɨsɨna gɨ na ba leegɨŋ bɨ, kɨya leen̰ ɗe gɨ na na wɨyan̰ te kalaŋ kayi ga duroŋge mɨra bɨ, gɨ na na wɨyan̰ te kalaŋ ga gusɨge-hɨmbalge te gɨye-lɔɔ gɨ ɗari gɨŋ bɨ.

Əbɨro 10:36

Haw kɛ na, kuɗa gɨ kɨŋ ƴɨma kuduroygɨŋ usa ɗe agɨŋ leen̰ hɨnga ga Kumu gey bɨ, wan̰ hɨnga ga ban ye gɨ ɗi na kɨya bɨgɨŋ le.

Əbɨro 12:16

Ɗagɨŋ cɨndɨgɨŋ kardi gusɨgɨŋ ɗe ungo bɨle ba lɔɔ gɨye yɔyɛ gɨ toy kan̰di kan̰di, wala ba sɔlɛ-hɨnga ga woy dan̰ cɨndɨge loon̰ hɨnga naŋ, hɨn̰ Ejawi gɨ kɨya cay dɔɔ gɨ te ungo dɨŋ ƴɔbɨ le, ay gɨmɨn̰aw toyi di ojɨ cay kɨye gɨ wooyge cay wase le kɨl coŋ.

Əbɨro 13:4

Kuɗa gɨ kalaŋ nɔm dɨbɨge hurɔmɔ a cay ƴɔɔ gɨŋ bɨ, ɗɔɔ gɨ kɨni cɨle gasɨlaŋ gɔrɛ ƴaa le naŋ bɨ. Kɨya wa Kumu kɨya bɔyɛ kɔl a cay ka-lɔɔ gɨye yɔyɛ gɨ toy kan̰di kan̰di bɨ, ka-yɔyɛ kandɨ wala ban̰aŋ ga da kamdɨge bɨ.

1 Pɨyɛr 1:2

Bayna Kumu tornagɨŋ dan̰ gɨyəŋ gɨ da gɨse gɨ ban gɨsɨ tumɔ hayi. Lee gɨ kɨŋ na kalaŋ kayi dan̰ gɨyəŋ gɨ da Turnɔ toyi ɗe agɨŋ na jen̰ kɔl kɨbɨ Jesu-Kɨris bɨ, ɗe kɨbardi gɨ bugoŋ dugo le na dorgɨŋ mɨra bɨ. Kuɗa gɨ ɗarwa di da Kumu bɨ, gusi-dɔbɛ toyi bɨ, baa danagɨŋ gɨɗaŋ.

1 Pɨyɛr 4:2

Lee gɨ ayɨn̰ toy haw kɛ na, kɨbɨ wɔlɛ gɨ ba tumoygɨŋ gɨ ni somɨn̰-bɨra a cay gɨsəŋ gaŋ le, kuɗa gɨ kɨŋ sɨma dan̰ te gɨyəŋ gɨ da kuduroy geye gɨ da Kumu. Ama na dan̰ te gɨyəŋ gɨ da tabɨlaŋdi hɨnga ga lee kalaŋ le naŋ.

1 Ja̰ 2:17

Cay gɨsəŋ dan̰ tabɨlaŋdi hɨnga kaa kɨya pɨdege. Ama kalaŋ ga ka-lɔɔ kuduroy geye gɨ da Kumu le, kɨya sɔmɛge danayi dan̰ tumoyge.

Wasɨn̰a 21:8

Ama ka-hundɔrɔ bɨ, ka-ɨre a cay gasɨndɨge gaŋ naŋ bɨ, kalaŋ ga haldɨge ɨsɨn tɔgɨ bɨ, ka-dɨɗe kalaŋ bɨ, ka-lɔɔ gɨye yɔyɛ gɨ toyi kan̰dɨge kan̰dɨge bɨ, ka-lɔɔ tɨmba bɨ, ka-n̰ɨre kula bɨ, ka-poy nɔm bɨ le, kɨɗɨn̰ kage kɨya wɔyɛ na a duroy kuraydi tɨwa di ƴee hɨn̰ kɨrbaŋdi hɨnga ga ƴee hɨn̰ tɨwa wo̰. Hɨnga ga nee le, ma na tɨma di cay-sɔɔ.»

Wasɨn̰a 22:15

Ama gaye bɨ, ka-lɔɔ tɨmba bɨ, ka-lɔɔ gɨye yɔyɛ gɨ toyi kan̰dɨge kan̰dɨge bɨ, ka-dɨɗe kɨɗɨn̰ bɨ, ka-n̰ɨre kula bɨ, ka-geye kɔl yɔ ga ni poy naŋ le, yɔɔdɔ kɔl ga ni poy dan̰ wɔlɛ pɨna pɨna bɨ le, kɨya bɔɔge doŋ.