1 Pɨyɛr 5:9 - Gabri Maja

⁹ Ɨrgɨŋ usa a te aye kudurɔ gɨŋ bɨ, dɨrsɨdɨgɨŋ toygɨŋ dugo ɨrɨn̰ cɨn̰ haban̰. Sɨlagɨŋ hɨn̰ gɨ karmɨgɨŋ ga ban̰aŋ dan̰ ga kandɨ ga sugudoŋge a cay gɨsəŋ gaŋ le, somge na a duroy tabɨ di pɨnaa dɨŋ hɨn̰ togɨŋ wo̰ bɨ.

1 Pɨyɛr 5:9 ပူးပေါင်းရင်းမြစ်များ

Kɔl-gɨ-Ɗari gɨ Lug wal 22:32

Ama ɨŋ-bandi na, ɨŋ ol Kumu kol can̰ ɗe aye kudurɔ kon̰ na gɨ jɔgɛ karu naŋ. Kɨɗɨn̰ ga ji na bɨl gɨye lɔɔdɨn̰ jɨge gusɨnɨ na, dɨba bandɨ a kuduroy karmɨn̰.»

Kɔl-gɨ-Ɗari gɨ Ja̰ wal 16:33

Ɨŋ yəgɨŋ hɨnga nɔm ga nee le, na ɗe gɨ agɨŋ na wan̰ gusi-dɔbɛ gusɨnɨ. Leen̰ cɨndi na, dɔsɛ-ɗugɔ kɨya woogɨŋ a cay gɨsəŋ gaŋ kɛ. Ama ƴɨmagɨŋ kuduroygɨŋ usa. Kɨya wa ɨŋ ay banga a cay dɔnɔ di da cay gɨsəŋ ɨni.»

Gɨye-lɔɔ 14:22

A boy cay ƴaan̰əŋ ga pɨna pɨna ga nee le, kan dobɨge bandɨ kuduroy ka-aye-cay-tɨbay Jesu bɨ, ɨngɨrge gɨ kan na sɨma cay tɨbayge dɨŋ a cay aye kudurɔ gɨŋ. Bɨ kan say yege hɨn̰: «Naa wa wa kalɨn̰ ma hɨnga ga ni dɔsɛ-ɗugɔ kɨya looni tɔgɨ pa dɨm ma, mani kɨya andɨn̰ a boy dɔɔ-ƴaa di da Kumu dɨŋ ƴee.»

1 Korɛ̰t 10:13

Hɨnga ga ni gɨybe ga toyge kan̰dɨge kan̰dɨge ga ba leegɨŋ le, gɨlɨn̰ na dan̰ hɨnga ga ni gɨybe ga da kamdɨgɨŋ kalaŋ ga ɨndəŋ bɨ. Kumu na ungo gɨ ɨre a cay tɨbay dɨŋ, ban kɨya ɗɔɔ hɨnga ga ni gɨybe ɗɨn̰ togɨygɨŋ naŋ. Ama kɨɗɨn̰ ga hɨnga ga ni gɨybe na andaŋ caygɨŋ na ban kɨya bɨgɨŋ tɔgɨ ɗe agɨŋ na ƴomɨn̰ kuduroygɨŋ bɨ, kɨya bɨgɨŋ gɨyəŋ ɗe agɨŋ na andɨn̰ duroy nee coŋ bɨ.

Epɛs 4:27

ɗɔɔgɨŋ gɨyəŋ bɨn̰ haban̰ dɔɔ-ƴaa caygɨŋ naŋ.

Epɛs 6:16

Ayagɨŋ mala di na aye kudurɔ kogɨŋ le, ɨrɨn̰gɨŋ cɨn̰ hɨnga nɔm. Kɨŋ kɨya bayɨn̰ tɨwadi ɗɛsɛ di sayga gusi Haban̰ Ba-lɔɔ ɨsɨna.

Kɔlɔs 2:5

Hɨn̰ gɨ ɨŋ na unɔ duroygɨŋ dan̰ kuyoŋdi-gusɨnɨ kalɨn̰ ma ɨrɨmenɨ woy caygɨŋ. Lee gɨ kɨɗɨn̰ ga kɨŋ som dan̰ gɨyəŋdi bɨ, kɨŋ som a te Kɨris gɨŋ dan̰ aye kudurɔ ɗe osu bɨ le, gusɨnɨ mɔŋ.

1 Tesalonigɨ 3:3

Ɗe hɨnga ga ni gɨwase ga ba leeni kɛ le, gabe ungo pɨna duroygɨŋ naŋ. Kɨya wa kɨŋ sol gɨ Kumu ɗe hɨnga ga ni gɨwase ga hɨn̰ wo̰ le, woy duroy hɨnga ga Kumu ƴom cay tɨbayige ojɨn̰ cayna.

1 Timote 6:12

Wɨrɨn̰a wɔrɨn̰ɛ gɨ kuɗa gɨ da aye kudurɔ bɨ, ƴɨma sɔmɛ-bɨra gɨ dan̰ cɨndi gɨ Kumu ba teen̰ koldi le bɨ. Hɨn̰ gɨ ji ba yen̰ kɔl aye kudurɔ kon̰ kuɗa tumoy tɨmon̰ ga kondi gaŋ le.

2 Timote 3:12

Na cɨndi, kalaŋ nɔm ga geyge lɔɔ hɨnga ga bugoŋ pɨna dan̰ ga Kumu gey le, dan̰ te bugoŋ koge dan̰ Jesu-Kɨris na, kan kɨya dɨbɨge cɨn̰-gɨle-cɨn̰ bɨ.

2 Timote 4:7

Ɨŋ worɨn̰ wɔrɨn̰ɛ gɨ kuɗa bɨ, ɨŋ dɨɗɨ kɨbɨ gɨre hɨnge bɨ, ɨŋ gam aye kudurɔ hɨnge bɨ.

Əbɨro 11:33

Na dan̰ gɨyəŋ gɨ da aye kudurɔ ma, kalaŋ ƴeedege dɔɔ-ƴaan̰əŋ bɨ, diidege cay ƴaan̰əŋ dan̰ gɨye-lɔɔ gɨ dan̰ durɔ ɗɨngar bɨ, wayge hɨnga ga Kumu ye gɨ ɗi na kɨya bɨge le bɨ. Kan lɨgɨdege kɨbɨ gusugon̰əŋ bɨ,

Əbɨro 12:8

Hɨn̰ gɨ gɨle gɨ woy ojɨn̰ cay karɨndi pɨna pɨna le, kɨŋ na waa naŋ na, ban sɨlagɨŋ laan̰ karɨndii ga cɨndi naŋ. Ama kɨŋ na lawɨne.

Magtubu di Jag wal 4:7

Naa hɨn̰ wo̰ na, tɨbagɨŋ caygɨŋ dugo te Kumu bɨ, jɨbɨgɨŋ haban̰ sɛdɨ coŋ bɨ. Hɨn̰ wo̰ na, hɨndi kɨya gɨre sɛdɨ gusɨgɨŋ coŋ.

1 Pɨyɛr 1:6

Kɨya cay hɨnga ga ni wɔɔ ga ni ban̰di-gulɔŋ ga nee le, hɨn̰ gɨ haw kɛ hɨnga ga ni gɨwase ga toyge kan̰dɨge kan̰dɨge na laagɨŋ cɨn̰-kula gɨ ni tɨwa lam wo̰ kalɨn̰ ma, laagɨŋ gusi-mɔwa di gumu.

1 Pɨyɛr 2:21

Na gɨyəŋ gɨ nee le ma Kumu təgɨŋ koldi. Kɨya wa Kɨris kalɨn̰ ma way cɨn̰-gɨle-cɨn̰ kol caygɨŋ bɨ, na hɨnga ga ni gɨle agɨŋ na ayɨn̰ cay tɨbayi.

1 Pɨyɛr 3:14

Ma hɨn̰ gɨ kɨŋ na wa cɨn̰-gɨle-cɨn̰ kɨya cay hɨnga ga dan̰ durɔ ɗɨngar ga kɨŋ lee kalɨn̰ ma, tumoy wolwa woy kol caygɨŋ. Hundorgegɨŋ naŋ bɨ, ɗɔɔgɨŋ ɗugoygɨŋ algɨŋ naŋ bɨ.

1 Pɨyɛr 4:13

Ama kɨŋ laa gusi-mɔwa kɨya cay cɨn̰-gɨle-cɨn̰ di leegɨŋ hɨn̰ gɨ ba leen̰ Kɨris wo̰ bɨ le. Ɗe wɔlɛ gɨ gusoŋ-tɔgɛ koyi na gɨl gusi doŋ na, gusɨgɨŋ kɨya moogɨŋ bɨ, kɨŋ kɨya tɔgɛ pɨre bɨ.

Wasɨn̰a 1:9

Ɨŋ-bandi Ja̰ kurɨndɨgɨŋ, ɨŋ bugoŋ danagɨŋ pɨna boy hɨnga ga ni gɨwase gaŋ bɨ, boy dɔɔ-ƴaa di da Kumu dɨŋ bɨ, boy haye-kudurɔ kardi Jesu hɨn̰ kɨŋ-gandi wo̰ bɨ. Ƴɔmɔŋge na kɨya bɛrnɛ di kɔl gɨ da Kumu gɨ ɨŋ tee bɨn̰ kalaŋ bɨ, kɨya cay tɨmon̰ di ɨŋ lee kɨya cay Jesu bɨ. Haw kɛ na dɨbəŋge dangay cay hɔgɨwa gɨ teeyige Patmos gɨ woy a duroy kaŋ gaŋ.

Wasɨn̰a 6:11

Kalaŋ pɨna pɨna nɔm ga kan naa dɨɗɨgege le, bɨgege badɨge ga bɛrɛ ga sɨngɨɗɨdəŋ. Ɗaŋ coŋ kan yegege gɨ kan na dɨbɨ ɗugoyge lam nee ƴee coŋ, bɨrɨŋ gɨsɨn̰ gɨ kamdɨge ka-lɔɔ gɨye bɨ karmɨge bɨ, gɨ kan kɨya dɨɗɨge hɨn̰ kan wo̰ bɨ le kondɨwayge na ɓala dɨm.

Wasɨn̰a 7:14

Ɨni na, ɨŋ dɨbi cay nee yey hɨn̰: «Ba-gulonɨ, ji ba sɔlɛ.» Kɨɗɨn̰di ga nee gaŋ le, ban yəŋ hɨn̰: «Na kalaŋ ga andaŋge a duroy hɨnga ga ni dɔsɛ-ɗugɔ ga gumu gaŋ. Kan pɨlge badɨge kage ga sɨngɨɗɨdəŋ bɨ dorge ɗege bɛrɛ tɨrɨjɨ tɨrɨjɨ a duroy kɨbardi Kurɨn̰-dɨmangɨ gɨŋ le.