1 Pɨyɛr 5:3 - Gabri Maja

³ Kan ga kan beegege kobɨgɨŋ ɗe kɨŋ na sɨla kardɨge le, kɨŋ ɗɔɔ ba dɔɔ cayge hɨn̰ kɛrɨmbɛlɛŋ wo̰ naŋ. Ama kuɗa gɨ kɨŋ wɨya hɨn̰ hɨnga ga ni ƴɔlɛ gɨ da te gamge le wo̰.

1 Pɨyɛr 5:3 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 13:15

Ɨŋ lee hɨnga ga ni gɨle ga kɛ le gɨlgɨŋ, ɗe gɨ kɨŋ kalɨn̰ ma, kɨŋ na laa dan̰ gusɨgɨŋ hɨn̰ wo̰ bɨ.

Gɨye-lɔɔ 20:28

Sɨgɨŋ muɗɔlɛ cay gusɨgɨŋ gɨŋ bɨ, a cay kalaŋ ga Turnɔ ɗe-kuduroy-bɛrɛ ba beege kobɨgɨŋ hɨn̰ gamge wo̰ bɨ le. Aban̰gɨŋ Ka-Daye ga da Kumu ga ban kɨlge dan̰ kɨbardi gusi koyi hɨn̰ ba sɔlɛ kardi gamge wo̰ le.

1 Korɛ̰t 11:11

Hɨnga ga nee le nɔm na cɨndi, ama gɨ dan̰ gɨyəŋ gɨ Ba-gulɔŋ ɗe na, dɨle bara na tama unɔ bɨ, dɨle tama na bara unɔ bɨ.

1 Korɛ̰t 3:5

Ɨni na, Apolos na waŋ bɨ Pol na waŋ bɨ ga? Kan na marɨne ka-lɔɔ gɨye ga da Kumu ga kɨŋ ay kuduroygɨŋ dan̰ gɨyəŋ koge ƴɔbɨ. Waŋ waŋ kalɨn̰ ma duroyge lee gɨye na dan̰ gɨyəŋ gɨ da tɔgɨ gɨ Ba-gulɔŋ bii.

1 Korɛ̰t 3:9

Kɨya wa ni lee gɨye na pɨna boy gɨye gɨ da Kumu gɨŋ bɨ, kɨŋ na yage gɨ da Kumu bɨ. Kɨŋ na ƴaa gɨ Kumu ba ɗɔɔ bɨ.

2 Korɛ̰t 1:24

Ni mala na gɨ ni dɔɔ-ƴaa a cay aye kudurɔ kogɨŋ gɨŋ naŋ, kɨya wa ni sol gɨ kɨŋ ɨre osu a cay aye kudurɔ kogɨŋ gɨŋ. Ama ni na ka-lɔɔ gɨye pɨna danagɨŋ kol gusi-mɔwa togɨŋ kɨŋ-gandi gaŋ.

2 Korɛ̰t 4:5

Na cɨndi, kɨɗɨn̰ ga ni ba tee bɛrnɛ le, ni tɨga na bɛrnɛ di uja cayni naŋ, ama ojɨ na cay Jesu-Kɨris gɨ na Ba-gulɔŋ. Gɨ ojɨ cayni ni-gandi na, ni ye gɨ ni naa marɨne kagɨŋ ka-gɨye kol Jesu.

Pilib 3:17

Ay, karmɨnɨ ga ban̰aŋ dan̰ ga kandɨ, kuɗa gɨ kɨŋ-gandi nɔm kɨŋ ƴɨla gɨye-lɔɔnɨ. Hɨnga ga kalaŋ kɨya ƴɔlɛ le, ni-gandi ni lee ɨni. Na toy di hɨn̰ wo̰ ma, kuɗa gɨ cɨndɨgɨŋ wɨya a cay kan ga leege gɨye-lɔɔ gɨ ni ba gɨlge le.

Pilib 4:9

Hɨnga ga naa ɨŋ ba gɨlgɨŋ bɨ, naa kɨŋ ba way gusɨnɨ bɨ, naa kɨŋ ba je kɨbɨnɨ bɨ, naa kɨŋ ba sol gusɨnɨ bɨ le, kuɗa gɨ kɨŋ aya laan̰ gɨye. Ɨni na, Kumu gɨ ba gusi-dɔbɛ kɨya bɔɔ danagɨŋ.

1 Tesalonigɨ 1:7

Lee gɨ kɨŋ bɨle hɨnga ga ni ƴɔlɛ ga da ka-aye kudurɔ nɔm ga a cay gɨsəŋ ga Masedɨwan gaŋ bɨ, Agay gaŋ bɨ.

2 Tesalonigɨ 3:9

Leen̰ cɨndi na, ni orɨn̰ dan̰ gɨyəŋ gɨ ni ƴon̰ hɨnga kagɨŋ. Ama ni gey ɗɔɔ na gɨye lɔɔ gɨ gɨl, agɨŋ na ƴɔlɨn̰ gɨye-lɔɔdini.

1 Timote 4:12

Ɗɔɔ gɨ ungo hagɨrɨn̰ kɨya gɨ ji naa marɨna naŋ. Ama kuɗa gɨ kɔl yɔdɨn̰ bɨ, gɨye-lɔɔdɨn̰ bɨ, ƴɔmɛ wandɨ ton̰ bɨ, aye kudurɔ kon̰ bɨ, haldɨn̰ gɨ duroŋ mɨra bɨ, wɨya na hɨnga ga ni gɨle, kɨya cay ka-aye kudurɔ.

Titɨ 2:7

Ji Titɨ, kalɨn̰ ma ji laa hɨnga ga ɗari ɗe kan ƴolɨn̰ge bɨ. Kuɗa gɨ hɨnga ga ni gɨle kan̰ wɨya na hɨnga ga ni gɨle ga duroŋ mɨra bɨ, ga koldɨge homɨn̰ bɨ.

1 Pɨyɛr 2:9

Ama kogɨŋ kɨŋ-gandi na, kɨŋ na te wɨn̰je ga Kumu torgɨŋ bɨ, kɨŋ na ka-bɔgɛ kɨbar ga da kɨlma bɨ, te kalaŋ ga torgege ɗege dan̰ cɨndɨge bɨ. Kɨŋ na te kalaŋ ga Kumu torge ɗe agɨŋ na teen̰ bɛrnɛ di da hɨnga ga ɗadɨrdaŋ ga ban lee. Kumu təgɨŋ ɗe agɨŋ na andɨn̰ duroy dɨlɨm dɨŋ coŋ bɨ, ɗe gɨ agɨŋ na ɨrgan̰ duroy asɨn̰a toyi di kuɗa tɔgɨ dɨŋ bɨ.