1 Pɨyɛr 5:12 - Gabri Maja

¹² Ɨŋ wal magtubu di ɗɨgɨsɛg di kɛ le na dan̰ gɨyəŋ gɨ da kurɨndɨnagɨŋ Silbɛ̰, ɨŋ lee tɨmon̰ kol cayi gɨ ban na kurdɨna gɨ ɨre cay tɨbayi dɨŋ. Ɨŋ mal na gɨ ni dɔbɛ bandɨ kuduroygɨŋ bɨ, gɨ ni lɔɔ tɨmon̰ kol caygɨŋ gɨ kɨŋ na orɨn̰ dan̰ ɗarwa di da Kumu di cɨndi bɨ. Ɨrgɨŋ cay nee usa.

1 Pɨyɛr 5:12 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 21:21

Kɨɗɨn̰ ga Pɨyɛr soli dan̰ cɨndi na, ban yen̰ Jesu ye hɨn̰: «Ba-gulɔŋ, kɛ ban le, na wa ba kɨya andaŋ cayi ga?»

Gɨye-lɔɔ 11:23

Kɨɗɨn̰ ga ban say or sɔlɛ ɗarwa di Kumu lee le ɨni na, gusi-moy tɔgɨ bɨ, ban dobɨ bandɨ kuduroyge nɔm, ɗe kan na ɨrɨn̰ cay tɨbayge dɨŋ usa kardi Ba-gulɔŋ bɨ.

Gɨye-lɔɔ 15:22

Kɨɗɨn̰di ga nee gaŋ le, ka-gɨre-gɨye bɨ, kan ga muɗoldoŋ bɨ, Ka-Daye nɔm bɨ, ojɨge tɔrɛ kalaŋ ga pɨna duroyge kɨya gɨyge a Antɨyɔs, pɨna dan̰ Pol bɨ Barnabas bɨ. Kan dorge Jud gɨ teeyige Barsabas le bɨ, Sɨlas bɨ. Kan na kalaŋ ga duroy ka-dɔrɛ tumoy ka-aye kudurɔ ga somge a cay ƴaa-di-gumu di Jerusalɛm dɨŋ.

Gɨye-lɔɔ 20:24

Ama ɨŋ sɨla sɔmɛ-bɨra hɨnge laan̰ hɨnga cɨnɨ naŋ. Hɨnga ga ɨŋ ba mal na, na gɨ ɨŋ na ɨr usa cay tɨbanɨ dɨŋ bɨ, dɨɗɨn̰ kɨbɨ gɨye gɨ Ba-gulɔŋ Jesu ba bəŋ le dan̰ ɗarway bɨ. Ban ma na lɔɔ tɨmon̰ tɨnge di ojɨ cay Kɔl-gɨ-Ɗari gɨ ojɨ cay ɗarwa di da Kumu le.

Magtubu di Pol wal bɨn̰ kalaŋ ga Rɔm 5:2

Na kol cayi ma mana wan̰ gɨyəŋ gɨ ni andɨn̰ a ɗarwa di da Kumu dɨŋ di nee le dan̰ gɨyəŋ gɨ da aye kudurɔ. A duroy ɗarwa di nee dɨŋ le na ɨre cay nee osu bɨ. Na lee gusi-mɔwa a cay gusoŋ-tɔgɛ gɨ da Kumu gɨŋ bɨ. Kɨya wa na sol gɨ wɔlɛ pɨna na kɨya andaŋ a boy gusoŋ-tɔgɛ gɨ nee gɨŋ le. Na hɨnga ga nee le ma, mana bee ɨrɨmedɨna cay nee.

1 Korɛ̰t 15:1

Ay, karmɨnɨ ga ban̰aŋ dan̰ ga kandɨ, ɨŋ gey hɨne kuduroygɨŋ a cay tɔgɛ bɛrnɛ di da Kɔl-gɨ-Ɗari gɨ ɨŋ te bɨgɨŋ. Tɔgɛ bɛrnɛ di nee le kɨŋ ƴee bɨ, haw kɛ kol caa na kɨŋ luyoŋ toy nee kuɗa.

2 Korɛ̰t 1:19

Kɨya wa Jesu-Kɨris Kurɨn̰-Kumu, ban gɨ ɨŋ-bandi bɨ, Sɨlas bɨ, Timote bɨ, ni ba tee bɛrnɛ di da kɔl koyi bɨgɨŋ le, ban ɨrga na kɨya wɔyɛ na «Əw» bɨ «Naŋ» bɨ, kɨbɨge koge gɨŋ naŋ. Ban na «Əw» di da Kumu dan̰ wɔlɛ pɨna pɨna.

2 Korɛ̰t 1:24

Ni mala na gɨ ni dɔɔ-ƴaa a cay aye kudurɔ kogɨŋ gɨŋ naŋ, kɨya wa ni sol gɨ kɨŋ ɨre osu a cay aye kudurɔ kogɨŋ gɨŋ. Ama ni na ka-lɔɔ gɨye pɨna danagɨŋ kol gusi-mɔwa togɨŋ kɨŋ-gandi gaŋ.

Epɛs 3:3

Kumu haŋgɨ cɨnɨ cay hɨnga ga ban gey lɔɔ ga woy kɨɗɨn̰ wɔsɛdɨge gaŋ. Ɨŋ wal kɔl gɨ ojɨ cay hɨnga ga nee le dḛ tumɔ bɨgɨŋ.

Epɛs 6:21

Ɨŋ mal na ɗe gɨ kɨŋ na sɨla kɔl gɨ ojɨ canɨ bɨ, gɨye-lɔɔnɨ bɨ. Kurɨndɨna Tisig gɨ ɨŋ geyii le, ban lee gɨye gɨ da Ba-gulɔŋ dan̰ kuduroyi ga pɨna bɨ, na ban ba kɨya yogɨŋ kɔl nɔm gɨ ojɨn̰ canɨ bɨ.

Kɔlɔs 1:7

Na Epapəras mɨgayni marɨna ba-gɨye gɨ ni lee-toyi ba tumɔ gɨlgɨŋ Kɔl-gɨ-Ɗari gɨ nee le. Ban na ba lɔɔ gɨye gɨ da Kɨris gɨ ɨre a cay tɨbayi dɨŋ bɨ, ƴee ban̰dɨni duroygɨŋ bɨ.

Kɔlɔs 4:7

Tisig kɨya yogɨŋ kɔl nɔm gɨ ojɨ canɨ. Ban na kurɨnɨ gɨ ɨŋ lee-toyi. Ban na ba tɔgɛ bɛrnɛ gɨ ɨre a cay tɨbay dɨŋ bɨ, na mɨganɨ ba lɔɔ gɨye a boy gɨye gɨ da Ba-gulɔŋ gɨŋ bɨ.

Kɔlɔs 4:9

Ɨŋ gɨy Onesim danayi, ban na kurɨndɨna gɨ ɨre a cay tɨbayi dɨŋ gɨ ɨŋ lee-toyi, ban na ungo gɨ a tagɨŋ bɨ. Kan kɨya yogɨŋ kol hɨnga nɔm ga andaŋ cayni a kɛ.

1 Tesalonigɨ 1:1

Na ɨŋ-bandi Pol bɨ, Silbɛ̰ bɨ Timote bɨ, ba gɨyɨn̰ dan̰ magtubu di kɛ le bɨn̰ Ka-Daye ga da Kumu ga a cay ƴaa-di-gumu di Tesalonigɨ, ga bugoŋge pɨna dan̰ Bayna Kumu bɨ, dan̰ Ba-gulɔŋ Jesu-Kɨris bɨ. Kuɗa gɨ Kumu laa ɗarwa danagɨŋ bɨ, bɨgɨŋ gusi-dɔbɛ bɨ.

2 Tesalonigɨ 1:1

Pol dan̰ Silbɛ̰ bɨ, Timote bɨ ba gɨyɨn̰ge dan̰ magtubu bɨn̰ge Ka-Daye ga Tesalonigɨ ga bugoŋge pɨna dan̰ Bayna Kumu bɨ, Ba-gulondɨna Jesu-Kɨris bɨ.

Əbɨro 13:22

Ay! Karmɨnɨ ga ban̰aŋ dan̰ ga kandɨ, ɨŋ olgɨŋ gɨ kɨŋ ƴa kɔl gɨ ɨŋ ba gɨyɨn̰ bɨgɨŋ kɨya dobɨn̰ bandɨ kuduroygɨŋ le, dan̰ dɨbe-ɗugɔ. Ɨŋ wal kɔl bɨgɨŋ na dḛ wo̰ ƴɔbɨ.

1 Pɨyɛr 1:13

Kol cay hɨnga ga nɔm ga Kumu ba lee bɨgɨŋ le, sɨmagɨŋ a cay tɨbaygɨŋ dɨŋ kɨya lɔɔ gɨye bii bɨ. Ƴɨmagɨŋ gusɨgɨŋ usa duroy hɨnga nɔm. Ɗagɨŋ ɨrɨmedɨgɨŋ nɔm a cay ɗarwa di Kumu ba kɨya bɨgɨŋ, kɨɗɨn̰ ga Jesu-Kɨris ba kɨya cagan̰ le.

1 Pɨyɛr 4:10

Kumu bɨgɨŋ hɨnga ga ni ɗarwa ga toyge kan̰dɨge kan̰dɨge. Na hɨn̰ wo̰ ma, kuɗa gɨ waŋ waŋ kalɨn̰ ma aya kɨway hɨnga ga ni tɔrɛ-kɨbɨ ga Kumu bii le, gusɨnan̰ kamdi bɨ. Na cɨndi, kɨŋ na ka-sɔlɛ kardi hɨnga ga ni ɗarwa di da Kumu ga ɗadɨrdaŋ.

2 Pɨyɛr 1:12

Na kɨya cay kɔl gɨ nee le ma maŋ hɨn kuduroygɨŋ daa daa a cay hɨnga ga ɗari gaŋ ga nee le, ga kɨŋ sol ɨni bɨ kɨŋ ɨre osu a te kɔl gɨ cɨndi gɨ kan gɨlgɨŋ ɨni bɨ le.

2 Pɨyɛr 2:15

Kan ɗege gɨyəŋ gɨ dan̰ durɔ ɗɨngar coŋ, lee gɨ kan kayaŋge. Kan ayge gɨyəŋ gɨ Balam kurɨn̰ Bosor ba ay le. Balam gɨ nee le, lee gusi-mɔwa kɨya cay gursu di ni cay-kɔbɔ di ban way te gɨye-lɔɔdi gɨ dan̰ durɔ ɗɨngar naŋ gɨ ban lee le.

3 Ja̰ 1:12

Kol cay Demetrɨyus na, kalaŋ nɔm leege tɨmon̰ di ɗari kol cayi. Bɨ kɔl gɨ cɨndi kalɨn̰ ma, lee tɨmon̰ di ɗari kol cayi bɨ. Ama ni-gandi kalɨn̰ ma, ni lee tɨmon̰ di ɗari kol cayi bɨ. Ji Gayus, ji sol gɨ tɨmon̰ di ni ba lee le naa cɨndi.

Magtubu di Jud wal 1:3

Ay karmɨnɨ ga ɨŋ lee-toygɨŋ, kɔl gɨ ojɨ cay pɔɗɛ gɨ da kalaŋ gɨ na kɔl gɨ ojɨ cay nagɨŋ nɔm bɨ le, ɨŋ gey wale magtubudi wo̰ wo̰ bɨgɨŋ. Ɨŋ sol gɨ kuɗa gɨ ni wale dobɨn̰ bandɨ kuduroygɨŋ, ɗe agɨŋ worɨn̰ɨn̰ kɨya cay aye kudurɔ gɨ Kumu bɨn̰ kalaŋ kayi ga woyge dan̰ cɨndɨge cay pɨna ɗɔ ƴɔbɨ le.