1 Pɨyɛr 4:7 - Gabri Maja

⁷ Wɔlɛ gɨ te hɨnga nɔm kɨya ayaŋ le woy mɨnde. Na toy di hɨn̰ wo̰ ma sɨmagɨŋ dan̰ cɨn̰-muɗɔlɛ bɨ, ƴɨmagɨŋ gusɨgɨŋ usa a cay hɨnga nɔm bɨ, ɗe gɨ agɨŋ ɓal olɨn̰ Kumu dan̰ tɨwa nɔm.

1 Pɨyɛr 4:7 ပူးပေါင်းရင်းမြစ်များ

Matɨyo 24:42

Naa hɨn̰ wo̰ na, ɗagɨŋ muɗɔlɛ cay gusɨgɨŋ gɨŋ, kɨya gɨ wɔlɛ gɨ Ba-gulondɨgɨŋ kɨya ɨrgan̰ le kɨŋ sɨla naŋ.

Matɨyo 25:13

Naa hɨn̰ wo̰ na, ɗagɨŋ muɗɔlɛ cay gusɨgɨŋ gɨŋ, kɨya gɨ kɨŋ sɨla wɔlɛdi naŋ bɨ, tɨwadi naŋ bɨ.

Kɔl-gɨ-Ɗari gɨ Lug wal 21:34

«Ɗagɨŋ muɗɔlɛ cay gusɨgɨŋ. Ɗɔɔgɨŋ gɨ ɨrɨme kol hɨnga ga kɨŋ gey dan̰ wɔlɛ pɨna pɨna, lɔɔ gɨ kɨŋ hale gɨybɨŋ cay caga hɨnge ɨŋ-bandi Kurɨn̰-ungo le naŋ. Naŋ na, ɨŋ kɨya andaŋ caygɨŋ dus.

Kɔl-gɨ-Ɗari gɨ Lug wal 21:36

Sɨmagɨŋ cay tɨbay gɨŋ dɨŋ bɨ, ulan̰gɨŋ Kumu daa daa ɗe ban bɨgɨŋ tɔgɨ agɨŋ mɨn̰ɨn̰ cay hɨnga nɔm ga ba kɨya andaŋ caygɨŋ bɨ, agɨŋ ɨrɨn̰ daa tumonɨ ɨŋ-bandi Kurɨn̰-ungo bɨ.»

Kɔl-gɨ-Ɗari gɨ Lug wal 22:46

Ban say yege hɨn̰: «Jə! Na kɨya wa ma magɨŋ woy kuŋ hɨn̰ wo̰ ga? Sagɨŋ daa ulagɨŋ Kumu ɗe agɨŋ ban̰ duroy hɨnga ga ni gɨybe gaŋ naŋ.»

Magtubu di Pol wal bɨn̰ kalaŋ ga Rɔm 12:12

Kuɗa gɨ kɨŋ laa gusi-mɔwa a cay ɨrɨmedɨgɨŋ gɨ kɨŋ bee a cay Kumu bɨ, dɨbɨgɨŋ ɗugoygɨŋ duroy hɨnga ga ni cɨn̰-kula gaŋ bɨ, ulagɨŋ Kumu daa daa dɨle gusi-mare bɨ.

1 Korɛ̰t 15:24

Gɨ nee le ma na kagadi wɔlɛ kɨɗɨn̰ ga Kɨris kɨya mɔndɛ dɔɔ-ƴaan̰əŋ nɔm bɨ, ka-dɔɔ-ƴaan̰əŋ nɔm bɨ, kɨya mɔndɛ dɔnɔ di da turnɔn̰əŋ ga ɨsɨndəŋ nɔm bɨ, jogɨn̰ dan̰ dɔɔ-ƴaa gɨ ni dɔbɛ kobɨ bayi Kumu le.

1 Korɛ̰t 7:29

Ay, karmɨnɨ ga ban̰aŋ dan̰ ga kandɨ, kɔl gɨ ɨŋ ba gey yogɨŋ ba kɛ: Jaman di ni ba somɨn̰ nee le sɨngɨɗɨ tɔgɨ naŋ ɨni. Haw kɛ orɨn̰ tumɔ na, ɗa gɨ kan ga ƴeege kandɨ jɨgage sɨma hɨn̰ kalaŋ ga ƴa gusɨge naŋ wo̰.

Epɛs 6:18

Ɗagɨŋ Turnɔ ɗe-kuduroy-bɛrɛ ɗe dor tumoy ɔlɛ Kumu kogɨŋ bɨ, dan̰ tɨwa nɔm ɨngɨrɨn̰gɨŋ Kumu dan̰ gɨyəŋ gɨ da ɔlɛ bɨ, ɨngɨre bɨ gɨ toy kan̰di kan̰di. Naa hɨn̰ wo̰ na sɨmagɨŋ dan̰ toygɨŋ daa bɨ, dɔrɛgɨŋ gɨlale a cay ɔlɛ Kumu gɨŋ naŋ bɨ, ulayigɨŋ kɨya cay kan ga woyge dan̰ cɨndɨge nɔm bɨ.

Pilib 4:5

Kuɗa gɨ kalaŋ nɔm sɨlage kaledɨgɨŋ ga jali. Ba-gulɔŋ baa mɨnde.

Kɔlɔs 4:2

Ay karmɨnɨ, ƴɨmagɨŋ te ɔlɛ bɨ, sɨmagɨŋ-bɨra toy nee bɨ, laan̰gɨŋ Kumu ho’o jɨn̰ tumɔ tumɔ bɨ.

2 Timote 4:5

Ama ji-bandi na ƴɨma-gusɨn̰ usa a cay hɨnga nɔm ga kɛ le. Ji haya kuduron̰ duroy hɨnga ga ni gɨle-cɨn̰ gaŋ. Gɨye gɨ ni tɔgɛ bɛrnɛ kɔl-gɨ-Ɗari gɨ Kumu bɨn̰ le, ji laayi kuɗa.

Titɨ 2:12

Ɗarwa di nee le gɨlnagɨŋ gɨ na na ɗa gɨye-lɔɔ gɨ bugoŋ pɨna dan̰ Kumu naŋ coŋ bɨ, tabɨlaŋdi hɨnga ga cay gɨsəŋ gaŋ kɛ coŋ bɨ. Ɗarwa di nee le gɨlnagɨŋ ana na somɨn̰ a tɨwa di haw dɨŋ kɛ kɨya solɨn̰ hɨnga ga ɗari dɨm mana kɨya lɔɔ ƴee bɨ, loon̰ gɨye gɨ dan̰ durɔ ɗɨngar bɨ, loon̰ gɨye gɨ bugoŋ pɨna dan̰ Kumu bɨ.

Əbɨro 10:25

Na ɗɔɔ ba ɗɔɔ kɨɗɨn̰ dayaŋ kana coŋ naŋ, hɨn̰ gɨ kalaŋ ga pɨna ba sunoŋge toy nee wo̰. Ama dɨbanagɨŋ bandɨ kuduroy gusɨnagɨŋ, kɨya wa kɨŋ sol wɔlɛ gɨ da Ba-gulɔŋ wɨyga mɨnde ɨni.

Əbɨro 9:26

Hɨn̰ gɨ na wɨya naa hɨn̰ wo̰ na, ayɨn̰ toy gɨ Kumu ɗen̰ gɨɗɨgɨ-Kumu bɨ, cay gɨsəŋ bɨ bɨrɨŋ gɨsɨn̰ haw kɛ le, ojɨ gɨ Kɨris ni kɨya sɔlɛ cɨn̰-gɨle-cɨn̰ tɨba nee nee. Ama haw kɛ gɨ na kagadi wɔlɛ le, ban ɨrga gɨl-cɨn̰ na cay pɨna ƴɔbɨ. Kɨya mondɨn̰ ɨsɨna coŋ dan̰ gɨyəŋ gɨ da gusi koyi gɨ ban ay been̰ kɨbar le.

1 Pɨyɛr 1:13

Kol cay hɨnga ga nɔm ga Kumu ba lee bɨgɨŋ le, sɨmagɨŋ a cay tɨbaygɨŋ dɨŋ kɨya lɔɔ gɨye bii bɨ. Ƴɨmagɨŋ gusɨgɨŋ usa duroy hɨnga nɔm. Ɗagɨŋ ɨrɨmedɨgɨŋ nɔm a cay ɗarwa di Kumu ba kɨya bɨgɨŋ, kɨɗɨn̰ ga Jesu-Kɨris ba kɨya cagan̰ le.

1 Pɨyɛr 3:7

Kogɨŋ kɨŋ-gandi kandɨ kodɨn̰ige ba kɛ: Kɨɗɨn̰ ga kɨŋ na sɨma dan̰ kandɨn̰igɨŋ na, kuɗa gɨ kɨŋ sɨla gɨ kan na kalaŋ ga usa tɔgɨ naŋ. Kɨŋ bɨge hurɔmɔ kɨya wa naa wa wa kalɨn̰ ma, kan kɨya wɔɔ sɔmɛ-bɨra gɨ Kumu be kalɨn̰ le danagɨŋ bɨ. Kɨŋ laa hɨn̰ wo̰ ɗe hɨnga pɨna lɨgɨ gɨyəŋ ɔlɛ Kumu kogɨŋ naŋ.

1 Pɨyɛr 5:8

Ƴɨmagɨŋ gusɨgɨŋ usa cay hɨnga nɔm bɨ, sɨmagɨŋ dan̰ toygɨŋ daa bɨ! Kɨya wa Ba-Baadɨgɨŋ haban̰ gor nɨwɨrde caygɨŋ hɨn̰ gusgo gɨ dor noyi ɨlɨn̰ malɨn̰ gɨyəŋ gɨ ni dɨn̰ ungo wo̰.

Wasɨn̰a 16:15

Ɨni na, Ba-gulɔŋ ye hɨn̰: «Sɨlagɨŋ, ɨŋ kɨya andaŋ caygɨŋ dus na hɨn̰ ba-hase wo̰. Tumoy wolwa woy na kɨya cay ungo gɨ som-bɨra bɨ, ƴom cay tɨbay badɨge kayi gam pḛḛ gusi. Na toy di hɨn̰ wo̰ ma, ban kɨya andaŋ toyi kalɨn̰ naŋ bɨ dasi kɨya doyi cɨn̰ kalaŋ naŋ bɨ.»