1 Pɨyɛr 4:10 - Gabri Maja

¹⁰ Kumu bɨgɨŋ hɨnga ga ni ɗarwa ga toyge kan̰dɨge kan̰dɨge. Na hɨn̰ wo̰ ma, kuɗa gɨ waŋ waŋ kalɨn̰ ma aya kɨway hɨnga ga ni tɔrɛ-kɨbɨ ga Kumu bii le, gusɨnan̰ kamdi bɨ. Na cɨndi, kɨŋ na ka-sɔlɛ kardi hɨnga ga ni ɗarwa di da Kumu ga ɗadɨrdaŋ.

1 Pɨyɛr 4:10 ပူးပေါင်းရင်းမြစ်များ

Matɨyo 20:28

Gɨ da Kurɨn̰-ungo kalɨn̰ ma woy na hɨn̰ wo̰ bɨ, ban caga na ɗe gɨ kalaŋ na leeyige gɨye koyi naŋ, ama na ɗe gɨ ban na lee gɨye kol cayge bɨ, ayɨn̰ gusi bee kɨya bon̰ cay kalaŋ dan̰ kondige bɨ.»

Matɨyo 24:14

Kɔl-gɨ-Ɗari gɨ ojɨ cay dɔɔ-ƴaa di daa nii di kɛ le, kan kɨya tɔgɛ bɛrnɛdi gon̰ kɨɗɨn̰ nɔm cay gɨsəŋ gaŋ, ɗe bɨle tɨmon̰ bɨn̰ te wɔɔ gɨ da kalaŋ nɔm. Wo̰ dɨm ma, cay gɨsəŋ toyge kɨya ayaŋ ƴee.

Matɨyo 24:21

Wɔlɛdi gɨ nee le na, hɨnga ga kɨya dɔsɛ-ɗugɔ ga ɗɨn̰ cɨn̰-kɨɗɨn̰ kɨya lɔɔ kalaŋ. Bɨ dɔsɛ-ɗugɔ di hɨn̰ wo̰ le laa guso cay pɨna naŋ, ayɨn̰ toy gɨ Kumu sɨn̰ cay gɨsəŋ bɨrɨŋ gɨsɨn̰ labɨde. Bɨ dɔsɛ-ɗugɔ di hɨn̰ wo̰ le kɨya lɔɔ guso ɗaŋ naŋ bɨrɨŋ ɨni bɨ.

Matɨyo 24:45

«Na waŋ duroygɨŋ ma na guyɔŋ gɨ ɨre cay tɨbayi bɨ, gɨ cɨndi-muɗol gɨ ba-ƴaadi ayi si cay kalaŋ ga duroy ƴaa toyi dɨŋ, kɨya gosɨnɨn̰ dɔɔ dan̰ tɨwadi ga?

Matɨyo 25:17

Guyɔŋ gɨ orɨn̰ dan̰ gursu di ni lɔr aru sɔɔ le, lee na hɨn̰ gɨ mɨgayi ba leen̰ le wo̰ bɨ, wan̰ kaŋdo aru sɔɔ cay nee.

Matɨyo 25:44

Ɨni na, kan kalɨn̰ ma, dɨbiige cay nee bɨ, yeyige hɨn̰: “Ba-gulɔŋ, na wɔlɛ gɨ ani gɨŋ ma mani solɨn̰ kurɔŋ leen̰ wala, gɨmase dɨn̰ wala, ji na kɨrga wala, gusɨn̰-kalɨn̰ wala, gusɨn̰ leen̰ wala, ji woy dangay dɨŋ ma mani gɨrɨn̰ nee naŋ ga?”

Marg 10:45

Kɨya wa Kurɨn̰-ungo gusi koyi ɨrga na ɗe gɨ kalaŋ na laayige gɨye koyi naŋ, ama na ɗe gɨ ban na laa gɨye kɨya cayge bɨ, aya gusi bee kɨya bon̰ cay kalaŋ dan̰ kondiige bɨ.»

Kɔl-gɨ-Ɗari gɨ Lug wal 12:42

Ɨni na, Ba-gulɔŋ dɨbɨge nee yege hɨn̰: «Waŋ ma na ba-sɔlɛ kardi hɨnga gɨ ba ɨre a cay tɨbayi dɨŋ bɨ, gɨ cɨndi arɨn̰ bɨ, gɨ ba-ƴaadi kɨya ayi si cay kalaŋ ga duroy ƴaa toyi dɨŋ, kɨya gosɨnɨn̰ dɔɔ dan̰ tɨwadi bɨn̰ kamdi gɔyɔŋ ga ɗaŋ kobi ga?

Kɔl-gɨ-Ɗari gɨ Lug wal 19:13

«Pa dɨm ma ban kɨya ɗɔɔ gusi ɔrɛ ƴee na, ban te gɔyɔŋ kayi ga mɔjɨ duroy kamdɨge, gɔsɨnge waŋ waŋ kalɨn̰ ma, gursu di ni lɔr di kɨle do kondɨ tɔgɨ pɨna pɨna bɨ, yege hɨn̰: “Laan̰gɨŋ gɨyaw dan̰ gursu di nee le bɨrɨŋ gɨ ɨŋ kɨya jɨgan̰.”

Kɔl-gɨ-Ɗari gɨ Lug wal 8:3

Jani di ni tam Suja gɨ ba sɔlɛ duroy ƴaa di da Ɛrɔd bɨ, Sujan dan̰ kandɨ ga ɗaŋ ga ka-lɔɔ ɗarwa dan̰ ka-aye-cay-tɨbayi Jesu dan̰ hɨnga wɔɔdɨge bɨ.

Magtubu di Pol wal bɨn̰ kalaŋ ga Rɔm 15:25

Ama gɨ haw kɛ na, ɨŋ ɨre or na a cay ƴaa-di-gumu di Jerusalɛm dɨŋ kɨya jɨbɨn̰ te kan ga woyge dan̰ cɨndɨge.

Magtubu di Pol wal bɨn̰ kalaŋ ga Rɔm 15:27

Kan ojɨge hɨnga ga nee le, na dan̰ gusi-mɔwa. Woy gɨlɨn̰ na hɨn̰ tugɨla wo̰ a cayge, kɨya wa tumɔ na Jubɨn̰əŋ ba gɔsɨnɛge tɔrɛ-kɨbɨ koge gɨ kan way a gusi Kumu dan̰ kalaŋ ga toyge na Jubɨ naŋ. Haw kɛ na, ojɨ gɨ na kalaŋ ga toyge na Jubɨn̰əŋ naŋ na ba jɨbge te Jubɨn̰əŋ, dan̰ hɨnga ga ni tɔrɛ-kɨbɨ ga da cay gɨsəŋ ga kan wayge.

1 Korɛ̰t 15:10

Ama haw kɛ na ɨŋ na ba-gɨre-gɨye kɨya gɨ Kumu lee ɗarwa danaŋ bɨ, ɗarwa di Kumu lee danaŋ le na hɨnga ga wo̰ dugo naŋ. Kɨya wa ɨŋ lee gɨye ɗige kan nɔm. Leen̰ cɨndi na, gɨ lee gɨye kuɗa na, na ɨŋ-bandi naŋ ama na ɗarwa di da Kumu di ba danaŋ.

1 Korɛ̰t 3:10

Kumu lee ɗarwa danaŋ lee gɨ ɨŋ ɗe te ƴaa hɨn̰ ba-gaɗe ƴaa gɨ sol gɨye koyi kuɗa wo̰ bɨ, ungo gɨ ɗaŋ gaɗɨ cay nee. Ama ɗa gɨ waŋ waŋ kalɨn̰ ma ɗa muɗɔlɛ a te gɨyəŋ gɨ ban kɨya gaɗɨn̰ ƴaa cay nee.

1 Korɛ̰t 4:7

Kɛ, na waŋ ba-dɔrɛ cɨndɨn̰ duroy kamdɨn̰ ga? Kɛ, na wa ma mɨn̰ way dan̰ cay gusɨn̰ dɨle gɨ Kumu gusi na ba bɨn̰ ga? Ma hɨn̰ gɨ hɨnga nɔm ga ji ba way le Kumu naa ba bɨn̰ na, kɛ na kɨya wa ma mɨn̰ de jorgɨn̰ hɨn̰ gɨ naa ji-bandi gusɨn̰ naa ba wɔɔ dan̰ cay gusɨn̰ wo̰ ga?

2 Korɛ̰t 6:1

Naa hɨn̰ wo̰ na ni-gandi ga ni na ka-lɔɔ gɨye pɨna dan̰ Kumu le, ni lee n̰age toygɨŋ, kɨŋ ɗɔɔ ɗarwa di kɨŋ ba way gusi Kumu le bɨle hɨnga ga kalɨn̰ wo̰ dugo naŋ.

2 Korɛ̰t 9:1

Leen̰ cɨndi na, uja gɨ ɨŋ gɨ wale magtubu gɨyɨn̰ bɨgɨŋ ojɨn̰ cay hɨnga ga ni jɨbɨn̰ te karme ga ni ba gey orɨn̰ bɨn̰ ka-karme ga woyge dan̰ cɨndɨge ga a cay ƴaa-di-gumu di Jerusalɛm dɨŋ naŋ.

Epɛs 3:8

Duroy kalaŋ ga da Kumu le, ɨŋ na gɨ karu gɛs. Naa hɨn̰ wo̰ kalɨn̰ ma, Kumu lee ɗarwa danaŋ lee gɨ ɨŋ tee bɛrnɛ di da ɗarwa di gumu di da Kɨris di ungo ɓala sɔlɛ durɔɔ naŋ le bɨn̰ kalaŋ ga toyge na Jubɨ naŋ.

Epɛs 4:11

Hɨnga ga ban bɨn̰ kalaŋ kalɨn̰ le, na ka-gɨre-gɨye bɨ, ka-yɔɔ-kɔl-gɨ-Kumu-ba-yɔɔ bɨ, ka-tɔgɛ bɛrnɛ Kɔl-gɨ-Ɗari bɨ, ka-sɔlɛ kardi kalaŋ ga da Kumu dan̰ ka-gɨlɨn̰ kalaŋ hɨnga bɨ.

2 Timote 1:18

Kuɗa gɨ Ba-gulɔŋ baa danayi bɨ, sɨla cɨn̰-n̰age toyi wɔlɛ gɨ ni bon̰ kɔl gɨŋ bɨ. Hɨnga nɔm ga ban lee bəŋ a cay ƴaa-di-gumu di Epɛs dɨŋ le, ji sol kuɗa ɗɨn̰ kalaŋ ga ɗaŋ coŋ.

Titɨ 1:7

Ba-dɔrɛ tumoy Ka-Daye gɨ na ungo gɨ beeyige gɨye gɨ ni solɨn̰ kardi hɨnga ga da Kumu kobi le, kuɗa gɨ ban wɨya na ungo gɨ ungo kɨya ɓale dɨbe kɔl cayi naŋ bɨ. Kuɗa gɨ ban wɔyɛ ba-dɔrɛ n̰ərə naŋ bɨ, ba kuduroy-hɔmɛ naŋ bɨ, ba-kɔydɛ cɛrɛ naŋ bɨ, ba wale man̰e naŋ bɨ, ungo gɨ ba male gursu dan̰ gɨyəŋ gɨ dan̰ durɔ naŋ, naŋ bɨ.

Əbɨro 6:10

Na cɨndi, Kumu na ba lɔɔ hɨnga dan̰ durɔ ɗɨngar dan̰ cɨndi. Kuduroyi kɨya hale gɨybəŋ a cay gɨye kogɨŋ gɨ kɨŋ lee kol cayi le naŋ bɨ, cay geye gɨ kɨŋ orɨn̰ kol cayi le naŋ bɨ. Kɨya wa kɨŋ gɨlii dan̰ hɨnga ga ni jɨbɨn̰ te karmɨgɨŋ ga woyge dan̰ cɨndɨge le bɨ. Bɨrɨŋ gɨsɨn̰ haw kɛ kalɨn̰ ma, kɨŋ woy te jɨbe toyge.

1 Pɨyɛr 5:10

Kumu ba-gulɔŋ ɗarwa nɔm gɨ təgɨŋ ɗe agɨŋ na bugoŋ pɨna dan̰ Kɨris bɨ, andɨn̰ a boy gusoŋ-tɔgɛ gɨ woy dan̰ cɨndi gɨŋ bɨ le, ban kɨya bɨlgɨŋ ɗaŋ a te gɨye-lɔɔdɨgɨŋ gɨŋ nɔm. Kardi cɨn̰-gɨle-cɨn̰ di ba kɨya lɔɔgɨŋ lam wo̰ le, Kumu gusi kɨya dɨɗe kɨbɨ gɨye-lɔɔ koyi kol caygɨŋ bɨ. Ban kɨya jɨbe toygɨŋ ɗe agɨŋ na ɨrɨn̰ osɨ bɨ, kɨya bɨgɨŋ tɔgɨ bɨ, hɨnga pɨna kɨya yɨbagdɨgɨŋ naŋ bɨ.

1 Pɨyɛr 5:12

Ɨŋ wal magtubu di ɗɨgɨsɛg di kɛ le na dan̰ gɨyəŋ gɨ da kurɨndɨnagɨŋ Silbɛ̰, ɨŋ lee tɨmon̰ kol cayi gɨ ban na kurdɨna gɨ ɨre cay tɨbayi dɨŋ. Ɨŋ mal na gɨ ni dɔbɛ bandɨ kuduroygɨŋ bɨ, gɨ ni lɔɔ tɨmon̰ kol caygɨŋ gɨ kɨŋ na orɨn̰ dan̰ ɗarwa di da Kumu di cɨndi bɨ. Ɨrgɨŋ cay nee usa.