1 Pɨyɛr 3:9 - Gabri Maja

⁹ Hɨn̰ gɨ kan na laagɨŋ hɨnga ga ɨsɨni na, kɨŋ ɗɔɔ ba jogɨn̰ dan̰ ɨsɨna ban̰di nee naŋ bɨ, hɨn̰ gɨ kan na yagɨdagɨŋ na, kɨŋ ɗɔɔ ba jogɨn̰ dan̰ yagɨde ban̰di nee naŋ bɨ. Ama kɨŋ tɨra na kɨbɨgɨŋ cayge. Kɨya wa Kumu təgɨŋ na a te gɨyəŋ gɨ ni torɨn̰-kɨbɨgɨŋ cay kalaŋ bɨ, agɨŋ na wan̰ tɔrɛ-kɨbɨ gɨ na hɨnga wɔɔ ga ni ban̰di-gulɔŋ ga Kumu kɨya bɨgɨŋ bɨ.

1 Pɨyɛr 3:9 ပူးပေါင်းရင်းမြစ်များ

Matɨyo 19:29

Bɨ waŋ waŋ gɨ na ɗa ƴaadi nɔm wala karmii ga ban̰aŋ wala, ga kandɨ wala, bayi wala ƴoyi wala, karɨndii wala, yage koyi coŋ kɨya canɨ na, ungo gɨ nee le kɨya wɔɔ ɗɨn̰ kan ga nee le tɨba aru bɨ, kɨya wɔɔ sɔmɛ-bɨra gɨ dan̰ tumoyi kardi nee bɨ.

Matɨyo 25:34

Ɨni na, kɨlma kɨya yon̰ kan ga a cay kobi gɨ bara gɨŋ le yoge hɨn̰: “Kɨŋ ga Banɨ tor-kɨbi caygɨŋ le, ɨregɨŋ, ƴagɨŋ dɔɔ-ƴaa di ƴomge cay tɨbaa kol caygɨŋ ayɨn̰ te ɗɔɔ gɨ ɗege gɨɗɨgɨ-Kumu dan̰ cay gɨsəŋ.

Matɨyo 5:39

Ama ɨŋ-bandi na, ɨŋ yəgɨŋ hɨn̰: “Ɗagɨŋ ba gɔjɛ-baa dan̰ ba-lɔɔ ɨsɨna.” Hɨn̰ gɨ ungo na dɨga kɨway maŋjɨn̰ ga bara na, bɨl kɨway maŋjɨn̰ ga masa bii ɗe ban de nee bɨ.

Matɨyo 5:44

Ama ɨŋ-bandi na, ɨŋ yəgɨŋ ye hɨn̰: “Geygɨŋ ka-baadɨgɨŋ bɨ, ulagɨŋ Kumu ka-cay kan ga ka-gɨlgɨŋ cɨn̰ bɨ.”

Marg 10:17

Jesu de say kɨya bɔɔ gɨyəŋ gɨŋ ɔrɛ ɨni na, gɨlmi gɨ pɨna wo̰ gɨrgɨ ɨrga poy gɨbayi dugo tumoyi bɨ ɨngɨrii hɨn̰: «Ba-gɨlɨn̰ kalaŋ hɨnga gɨ ba lɔɔ hɨnga ga kuɗa, kɛ ɨŋ gɨ lɔɔ na mɨna ma maŋ gɨ wan̰ sɔmɛ-bɨra gɨ dan̰ cɨnɨ le ga?»

Kɔl-gɨ-Ɗari gɨ Lug wal 10:25

Bɨ ga ma, ba-gɨlɨn̰ kalaŋ gasɨn̰-kɔl gɨ da Moyis gɨ pɨna wo̰ gɨ gey gɨybe Jesu, say ɨngɨrii kɔl ye hɨn̰: «Ba-gɨlni kɔl, kɛ, na wa ma ojɨ gɨ ɨŋ gɨ lɔɔ maŋ gɨ wan̰ pɔɗɛ gɨ ni somɨn̰-bɨra dan̰ tumonɨ ga?»

Kɔl-gɨ-Ɗari gɨ Lug wal 18:18

Ba sɔmɛ cay Jubɨ gɨ pɨna wo̰, ɨngɨr Jesu ye hɨn̰: «Ba-gɨlɨn̰ kalaŋ hɨnga gɨ ba lɔɔ hɨnga ga kuɗa, kɛ ɨŋ gɨ lɔɔ na mɨna ma maŋ gɨ wan̰ sɔmɛ-bɨra gɨ dan̰ cɨnɨ ga?»

Magtubu di Pol wal bɨn̰ kalaŋ ga Rɔm 12:14

Tɨragɨŋ-kɨbɨgɨŋ a cay kalaŋ ga ka-gɨlgɨŋ cɨn̰. Ho’o tɨragɨŋ-kɨbɨgɨŋ cayge wala ɓɨsgegɨŋ naŋ.

Magtubu di Pol wal bɨn̰ kalaŋ ga Rɔm 12:17

Hɨn̰ gɨ ungo na laagɨŋ ɨsɨna na, jogɨn̰gɨŋ dan̰ ɨsɨna daa bii ban̰di nee naŋ. Kuɗa gɨ lɔɔ hɨnga ga ɗari ba ƴɨma kuduroygɨŋ a cɨn̰ kalaŋ nɔm.

Magtubu di Pol wal bɨn̰ kalaŋ ga Rɔm 8:28

Na sol kuɗa, gɨ kan ga geyge Kumu ga na kan ga Kumu teege dan̰ gɨyəŋ gɨ da ɔjɛ gɨ ban ba gɨse tumɔ hayi le, hɨnga nɔm ga ba leege le, Kumu kɨya lɔɔ gɨ na bɨl wɨya hɨnga ga ɗari kol cayge.

Magtubu di Pol wal bɨn̰ kalaŋ ga Rɔm 8:30

Kalaŋ ga Kumu ojɨ ɗe na gɨlɨn̰ge dan̰ Kurondi wo̰ le, ban teege bɨ. Kalaŋ ga ban teege le, ban bɨlge leen̰ ga dan̰ durɔ ɗɨngar bɨ. Kalaŋ ga ban bɨlge leen̰ ga dan̰ durɔ ɗɨngar le, ban bɨge gusoŋ-tɔgɛ koyi bɨ.

Galad 3:14

Ban lee na hɨn̰ wo̰ ɗe gɨ tɔrɛ-kɨbɨ gɨ da Abɨraham na ɨre bugoŋ gusi kalaŋ ga toyge na Jubɨ naŋ, dan̰ te bugoŋ pɨna dan̰ Jesu-Kɨris. Ɗe gɨ ni na wan̰ Turnɔ di Kumu ye gɨ ɗi na kɨya bɨna dan̰ gɨyəŋ gɨ da aye kudurɔ le.

Epɛs 4:32

Laagɨŋ ɗarwa dan̰ gusɨgɨŋ bɨ, sɨlagɨŋ cɨn̰-n̰age da gusɨgɨŋ bɨ. Ɗagɨŋ kuduroygɨŋ jala cay gusɨgɨŋ hɨn̰ gɨ Kumu ba ɗen̰ kuduroy jal caygɨŋ a te bugoŋ pɨna dan̰ Kɨris le bɨ.

1 Tesalonigɨ 5:15

Ɗagɨŋ muɗɔlɛ a cay gusɨgɨŋ gɨŋ ɗɔɔ gɨ ungo jogɨn̰ dan̰ ɨsɨna ban̰di ɨsɨna bɨn̰ mɨgay daa naŋ, ama kɨŋ mala gɨyəŋ gɨ ni lɔɔ hɨnga ga ɗari dan̰ tɨwa nɔm duroygɨŋ bɨ, kol cay kalaŋ nɔm bɨ.

Əbɨro 12:17

Kardi nee kɨŋ sol gɨ ban gey gɨ bayi na tɨra-kɨbi cayi, kɨya gɨ ɗi naa kɨye gɨ cay wase, ama ban jibii sɛdɨ gusi coŋ. Ɨle gɨ ban ɨle olɨn̰ bayi kalɨn̰ ma laa hɨnga bii naŋ ɨni. Kɨya wa gɨyəŋ gɨ Ejawi kɨya dorɨn̰ hɨnga ga ban ba lee le cayi coŋ unɔ ɨni.

Əbɨro 6:14

ye hɨn̰: «Na cɨndi, ɨŋ kɨya tɔrɛ-kɨbɨnɨ can̰ bɨ kongɨn̰iin̰ kɨya kondɨwage bajag bajag cɨndɨge tumɔ tumɔ bɨ.»

1 Pɨyɛr 5:10

Kumu ba-gulɔŋ ɗarwa nɔm gɨ təgɨŋ ɗe agɨŋ na bugoŋ pɨna dan̰ Kɨris bɨ, andɨn̰ a boy gusoŋ-tɔgɛ gɨ woy dan̰ cɨndi gɨŋ bɨ le, ban kɨya bɨlgɨŋ ɗaŋ a te gɨye-lɔɔdɨgɨŋ gɨŋ nɔm. Kardi cɨn̰-gɨle-cɨn̰ di ba kɨya lɔɔgɨŋ lam wo̰ le, Kumu gusi kɨya dɨɗe kɨbɨ gɨye-lɔɔ koyi kol caygɨŋ bɨ. Ban kɨya jɨbe toygɨŋ ɗe agɨŋ na ɨrɨn̰ osɨ bɨ, kɨya bɨgɨŋ tɔgɨ bɨ, hɨnga pɨna kɨya yɨbagdɨgɨŋ naŋ bɨ.