1 Pɨyɛr 3:8 - Gabri Maja

⁸ Gɨ ni dɨɗɨn̰ kɨbi na, kɨŋ-gandi nɔm le, kuɗa gɨ kuduroygɨŋ bugoŋ pɨna bɨ, kuɗa ɨrɨmedɨgɨŋ gɨ ƴen̰ kuduroygɨŋ ɨra pɨna bɨ, geygɨŋ gusɨgɨŋ hɨn̰ ka-karme ga geyge gusɨge wo̰ bɨ, sɨlagɨŋ cɨn̰-n̰age di da kamdɨgɨŋ bɨ, tɨbagɨŋ caygɨŋ dugo bɨn̰ gusɨgɨŋ bɨ.

1 Pɨyɛr 3:8 ပူးပေါင်းရင်းမြစ်များ

Matɨyo 18:33

Kɛ, uja gɨ ji kɨya sɔlɛ cɨn̰-n̰age di da mɨgan̰ hɨn̰ gɨ ɨŋ ba solɨn̰ cɨn̰-n̰age ton̰ wo̰ naŋ bɨ ga?”

Kɔl-gɨ-Ɗari gɨ Lug wal 10:33

Ama ungo gɨ pɨna wo̰ gɨ Samari gɨ or tɨrga toyi hayi te gɨyəŋ gɨ nee le bɨ. Kɨɗɨn̰ ga ban bugoŋ mɨnde gusi na, ban solii bɨ, tɨdi leeyi cɨn̰-n̰age tɔgɨ.

Gɨye-lɔɔ 2:1

Kɨɗɨn̰ ga wɔlɛ gɨ ni leen̰ kɨdɨrɛ gɨ ni Pantekot ɓal ɨni na, kan nɔm dayge cayge kɨɗɨn̰ ga pɨna gaŋ.

Gɨye-lɔɔ 27:3

Wan̰dodo na, ni ƴom koburo gɨ gumu taa taa dugo a Sido̰. Lee gɨ Julɨyus gɨ na ungo gɨ ba-lɔɔ kuduroy-ɗarwa dan̰ Pol le, ɗe gɨyəŋ bii ɗe na or sɔlɛ ka-pogɨn̰ii bɨ, ɗe na wan̰ hɨnga ga ban na or n̰agedɨge bɨ.

Gɨye-lɔɔ 28:7

Kɨɗɨn̰ ga ni ba somɨn̰ nee le woy mɨnde dan̰ ƴaa bɨ, cay gɨsəŋ ga da ungo gɨ pɨna wo̰ gɨ kan teeyige Pubəlɨyus bɨ. Ban na ba-dɔɔ cay ƴaa di woy a hɔgɨwa gɨ nee gɨŋ le. Ban ƴomni gusi kuɗa bɨ, bɨni kɨɗɨn̰, ni won̰ nee wɔlɛ sɨbɨ bɨ.

Gɨye-lɔɔ 4:32

Kalaŋ nɔm ga ba ayge kuduroyge le, beege kuduroyge dan̰ ɨrɨmedɨge pɨna. Ungo gɨ ba-lɔɔ hɨnga wɔɔdi leen̰ kayi dan̰ cay gusi unɔ bɨ. Hɨnga nɔm na kage nɔm.

Magtubu di Pol wal bɨn̰ kalaŋ ga Rɔm 12:10

Kuɗa gɨ kɨŋ gey gusɨgɨŋ duroygɨŋ hɨn̰ karmen̰əŋ wo̰. Kuɗa gɨ waŋ waŋ kalɨn̰ ma ungula gusi gɨ ni dɨbe hurɔmɔ cay mɨgayi.

Magtubu di Pol wal bɨn̰ kalaŋ ga Rɔm 15:5

Kumu gɨ ba-bee haye-kudurɔ bɨ bandɨ bɨ, kuɗa gɨ ban bɨgɨŋ ɨrɨme gɨ ni somɨn̰ pɨna nɔm togɨŋ dɨŋ, agɨŋ kobɨn̰ gɨyəŋ gɨ da Jesu-Kɨris,

1 Korɛ̰t 1:10

Ay, karmɨnɨ ga ban̰aŋ dan̰ ga kandɨ, ɨŋ lee n̰age gusɨgɨŋ dan̰ guson̰ Ba-gulondɨna Jesu-Kɨris: Bugoŋgɨŋ pɨna nɔm bɨ, ɗa gɨ puyoŋ unɔ duroygɨŋ bɨ. Ɗa gɨ kuduroygɨŋ bɨ ɨrɨmedɨgɨŋ bɨ, bugoŋ pɨna.

1 Korɛ̰t 12:26

Hɨn̰ gɨ kɨway gusɨna gɨ pɨna na gɨl-cɨn̰ na te kɨway gusɨna nɔm gɨlge-cɨn̰ pɨna danayi bɨ. Hɨn̰ gɨ kɨway gusɨna gɨ pɨna na wa hɨrame na te kɨway gusɨna ga ba nɔm leege gusi-mɔwa pɨna danayi bɨ.

Epɛs 4:2

Wɔyɛgɨŋ hɨn̰ kalaŋ ga ka-dɔgɛ jorgiige wo̰ naŋ bɨ, laagɨŋ hɨnga dan̰ kaledɨgɨŋ ga jali bɨ, a boy hɨnga gaŋ nɔm. Wɨyagɨŋ ka-dɨbe ɗugɔ jɨn̰ tumɔ tumɔ bɨ. Ƴɨmagɨŋ kuduroygɨŋ duroygɨŋ, dan̰ gɨyəŋ gɨ da wandɨ.

Epɛs 4:31

Kuɗa gɨ kuduroy-ɗan̰ɨwa bɨ, bɔyɛ-asɨn̰e bɨ, kuduroy-hɔmɛ bɨ, adɨlde toygɨŋ bɨ, yagɨde kɨɗɨn̰ bɨ, kuduroy-ɨndɨwa di tɔɔ kan̰do kan̰do bɨ, unɔ duroygɨŋ.

Epɛs 4:32

Laagɨŋ ɗarwa dan̰ gusɨgɨŋ bɨ, sɨlagɨŋ cɨn̰-n̰age da gusɨgɨŋ bɨ. Ɗagɨŋ kuduroygɨŋ jala cay gusɨgɨŋ hɨn̰ gɨ Kumu ba ɗen̰ kuduroy jal caygɨŋ a te bugoŋ pɨna dan̰ Kɨris le bɨ.

Pilib 2:3

Lɔɔgɨŋ hɨnga pɨna wo̰ dan̰ gɨyəŋ gɨ da jangɨ naŋ bɨ, dan̰ gɨyəŋ gɨ da dɔgɛ jɔrgɔ gɨ kalɨn̰ wo̰ dugo naŋ bɨ. Ama dan̰ dɔbɛ-ca na, kuɗa gɨ waŋ waŋ kalɨn̰ ma sɨla mɨgayi hɨn̰ gɨ gumu ɗii.

Pilib 3:16

Ama naa hɨn̰ wo̰ kalɨn̰ ma, kuɗa gɨ na or cɨndɨna tumɔ a te gɨyəŋ gɨ na ba ɨre boy nee bɨrɨŋ gɨsɨn̰ labɨde le.

Kɔlɔs 3:12

Ay, kalaŋ ga Kumu torgɨŋ, kɨŋ bɨle na kalaŋ kayi ga woyge dan̰ cɨndɨge bɨ, ga ban geyge bɨ. Na toy di hɨn̰ wo̰ ma, kuɗa gɨ kɨŋ dɨba sɔlɛ cɨn̰-n̰age da gusɨgɨŋ a gusɨgɨŋ hɨn̰ badɨge wo̰ ɗe agɨŋ bɨlɨn̰ ka-lɔɔ ɗarwa bɨ, ka-dɔgɛ jɔrgɔ naŋ bɨ, kalaŋ ga kaledɨge jal bɨ, ka-dɨbe ɗugɔ bɨ.

Əbɨro 13:1

Kuɗa gɨ geye gɨ da ka-karme ɨra cɨndo tumɔ tumɔ.

Magtubu di Jag wal 2:13

Kɨya wa ungo gɨ na sɨla cɨn̰-n̰age di da mɨgayi naŋ na, Kumu kɨya sɔlɛ cɨn̰-n̰age toyi boy wɔlɛ bɔyɛ kɔl gɨŋ naŋ bɨ. Ama sɔlɛ cɨn̰-n̰age na, na hɨnga ga ay banga a cay bɔyɛ kɔl gɨŋ.

Magtubu di Jag wal 3:17

Ama ungo gɨ orɨn̰ dan̰ cɨn̰-muɗɔlɛ gɨ sayga a daa nii le, na ba dɔrɛ gusi mɨra bɨ, na ba gusi-dɔbɛ bɨ. Na ungo gɨ kaledi jal jɔm bɨ, gey bugoŋ-dugo dan̰ kamdi haw bɨ. Sol cɨn̰-n̰age da kalaŋ tɔgɨ bɨ, wɔɔdi hɨnga ga ɗari wanɨn̰ kuduroy daa jɨŋ jɨŋ bɨ. Ban dɨra ti ungo naŋ bɨ, ya kɔl kɨbi sɔɔ sɔɔ naŋ bɨ.

Magtubu di Jag wal 5:11

Sɨlagɨŋ! Kalaŋ ga ba ƴomge osu le, ni yege gɨ tumoy wolwa na woy kol cayge. Na cɨndi, kɨŋ je kol dɨbe-ɗugɔ da Job bɨ, kɨŋ sol hɨnga ga Ba-gulɔŋ bii ban̰di cɨn̰-n̰age di ba leeyi le bɨ. Kɨya wa Ba-gulɔŋ na ba sɔlɛ cɨn̰-n̰age da kalaŋ bɨ. Na ba lɔɔ ɗarwa danage bɨ.

1 Pɨyɛr 1:22

Kɨŋ bee kɔl a cay kɔl gɨ cɨndi gɨŋ, dorɨn̰ gusɨgɨŋ mɨra na gɨ agɨŋ na geyɨn̰ karmɨgɨŋ ga ban̰aŋ dan̰ ga kandɨ ga ka-aye kudurɔ dan̰ geye gɨ nara cɨn̰ ungo naŋ. Hɨn̰ wo̰ na, kɨŋ gey gusɨgɨŋ dɨle gɨlalɨn̰ bɨ, dan̰ kuduroygɨŋ ga pɨna bɨ.

1 Pɨyɛr 2:17

Dɨbɨn̰gɨŋ kalaŋ nɔm hurɔmɔ bɨ, geygɨŋ karmɨgɨŋ ga ban̰aŋ dan̰ ga kandɨ ga ka-aye kudurɔ bɨ, bɨgan̰gɨŋ Kumu kɔl bɨ, dɨbɨn̰gɨŋ kɨlma gɨ gumu hurɔmɔ cayi bɨ.

1 Pɨyɛr 5:5

Kɨŋ marɨne kalɨn̰ ma, kuɗa gɨ kɨŋ dɨba caygɨŋ dugo bɨn̰ ga muɗoldoŋ. Bɨ kɨŋ-gandi ka-aye kudurɔ nɔm ga duroy Ka-Daye nɔm le, dɔgɛgɨŋ jurgiigɨŋ dan̰ gusɨgɨŋ naŋ. Kɨya wa walge duroy Magtubu di da Kumu dɨŋ yege hɨn̰: «Kumu jɨbɨ ka-dɔgɛ jorgiige sɛdɨ coŋ, ama ban lee ɗarwa dan̰ kan ga dɨga jorgiige naŋ.»

2 Pɨyɛr 1:7

sɨgɨŋ a cay gɨye-lɔɔ gɨ bugoŋ pɨna dan̰ Kumu, geye gusu te karme bɨ, sɨgɨŋ a cay geye gusu te karme, geye bɨ.

1 Ja̰ 3:14

Na-gandi na solgɨŋ gɨ na andaŋgɨŋ a kobɨ tɨma dɨŋ coŋ, andɨn̰ a sɔmɛ-bɨra gɨŋ kɨya gɨ na gey karmiinagɨŋ ga ban̰aŋ dan̰ ga kandɨ. Waŋ waŋ gɨ na gey karmii ga ban̰aŋ dan̰ ga kandɨ naŋ na, ban baa na a te dɔnɔ di da tɨma dɨŋ ƴee.