1 Pɨyɛr 3:4 - Gabri Maja

⁴ Ama ɗagɨŋ gɨ majɨme togɨŋ saya na a kuduroygɨŋ. Majɨme di sayga a kuduroygɨŋ le ba kɛ: Kaledi ungo gɨ jal bɨ, ɨrɨme gɨ woy kɨɗɨn̰ pɨna bɨ. Kɨya wa lɔɔ hɨnga ga hɨn̰ wo̰ le, na majɨme di kɨledo ɗɨn̰ cɨn̰-kɨɗɨn̰ a cɨn̰ Kumu.

1 Pɨyɛr 3:4 ပူးပေါင်းရင်းမြစ်များ

Matɨyo 11:29

Ayagɨŋ jugɨ hɨnge dɨbgɨŋ kordɨgɨŋ bɨlɨn̰gɨŋ ka-aye-cay-tɨbanɨ. Kɨya wa ɨŋ na ungo gɨ kalenɨ jal bɨ, ɨŋ gɨl gusɨnɨ naŋ bɨ. Na nee ma magɨŋ kɨya wɔɔ dɔrɛ gɨlale le.

Matɨyo 21:5

«Yan̰gɨŋ tɨmbali di cay ƴaa-di-gumu di Sin̰o dɨŋ yagɨŋ hɨn̰: Sɨla! Kɨlma kɛɛ tɨlga guse nee. Ban na ungo gɨ kale ga jali ƴee gusi. Nay kardi kura̰ di tama dɨŋ, Kardi kurɨn̰ kura̰ gɨŋ.»

Matɨyo 23:26

Ji Parɨsɨn̰a gɨ ba-bɨbe! Pɨl duroy jamkaŋ ga ni son̰ kaŋ, pa dɨm ma kardi nee kardɨge kɨya arɨn̰a cərərə bɨ ƴee.

Matɨyo 5:5

Tumoy wolwa woy kol caygɨŋ, kɨŋ ga ka-ɨle, Kɨya wa ban kɨya jale ɗugoygɨŋ!

Kɔl-gɨ-Ɗari gɨ Lug wal 11:40

Kɨŋ ka-matɨr! Kɛ Kumu gɨ ba lɔɔ kardi hɨnga le, ban na ba lɔɔ duroyge bɨ naŋ ga?

Kɔl-gɨ-Ɗari gɨ Lug wal 16:15

Jesu yege hɨn̰: «Kɨŋ-gandi le, kɨŋ lee gusɨgɨŋ leen̰ kalaŋ ga ka-ɔrɛ dan̰ durɔ ɗɨngar tumoy kalaŋ. Ama kɨŋ kɨya ɓale nare Kumu naŋ, ban sol dan̰ kuduroygɨŋ. Hɨnga ga kalaŋ sol leen̰ hɨnga ga kuɗa tɔgɨ le, Kumu sol leen̰ na hɨnga ga ni bɨrane a tɨdi.

Magtubu di Pol wal bɨn̰ kalaŋ ga Rɔm 1:23

Kan kɨlangɨge gusoŋ-tɔgɛ gɨ da Kumu gɨ kɨya mare naŋ bɨrɨŋ, dan̰ turnoyi hɨnga se ga kan leege ga gɨlɨn̰ dan̰ ungo gɨ ɨndi gɨ kɨya mare bɨ, dan̰ cɨɗəŋ bɨ, dan̰ kɨmɛnɛ ga tɨbayge poɗɨn̰ bɨ, dan̰ kɨmɛnɛ ga n̰ar dugo bɨ.

Magtubu di Pol wal bɨn̰ kalaŋ ga Rɔm 2:29

Ama ungo gɨ ni Jubɨ gɨ hɨnde le, ban na Jubɨ a ɗugoyi bɨ wale ban̰a toyi le na wale ban̰a di da ɗugɔ. Wale ban̰a di nee le na Turnɔ di da Kumu ba lɔɔ, wala kalaŋ ga ɨndəŋ ba lɔɔ kɨya bogɨn̰ kɔl cay gasɨn̰-kɔl gɨŋ naŋ. Ungo gɨ ni Jubɨ gɨ hɨnde gɨ hɨn̰ wo̰ le, hɨn̰ gɨ kalaŋ na hɨramayige naŋ kalɨn̰ ma, Kumu na hɨrami.

Magtubu di Pol wal bɨn̰ kalaŋ ga Rɔm 6:6

Na sol gɨ haldɨna gɨ ɨlgi le ma dan̰ Kɨris pɨna a cay sɨya-gɨ-dagɨli gɨŋ ɨni, ɗe hal gɨ da ɨsɨna gɨ nee le mundoŋ coŋ, ɗe ana na won̰ gɔyɔŋ ga da ɨsɨna coŋ naŋ ɨni.

Magtubu di Pol wal bɨn̰ kalaŋ ga Rɔm 7:22

A ɗugonɨ na gusɨnɨ mɔŋ a cay gasɨn̰-kɔl gɨ da Kumu gɨŋ hange,

2 Korɛ̰t 10:1

Ɨŋ-bandi Pol gɨ kalaŋ yege kol canɨ gɨ kɨɗɨn̰ ga ɨŋ na wɨya duroygɨŋ na ɨŋ na dobɨ canɨ dugo, ama kɔl hɨnge na osu kɨɗɨn̰ ga ɨŋ na wɨya hen̰ danagɨŋ. Ɨŋ olgɨŋ dan̰ guson̰ Kɨris gɨ ba lɔɔ ɗarwa bɨ, gɨ kaledi jal yɔd bɨ:

2 Korɛ̰t 4:16

Na toy di hɨn̰ wo̰ ma, ni ɗa gusɨni marani naŋ. Na cɨndi, kuyoŋdi-gusɨna togii na duroŋ dḛ dḛ kalɨn̰ ma, sɔmɛ-bɨra gɨ hɨrɨwa woy te sɔ cay mɨngay gɨŋ dan̰ wɔlɛ pɨna pɨna.

Galad 5:23

kaledi ungo gɨ jal bɨ, dɔnɔ di ni ƴomɨn̰-gusɨn̰ cay hɨnga bɨ. Hɨnga ga nee le nɔm, gasɨn̰-kɔl kan̰age naŋ.

Epɛs 4:2

Wɔyɛgɨŋ hɨn̰ kalaŋ ga ka-dɔgɛ jorgiige wo̰ naŋ bɨ, laagɨŋ hɨnga dan̰ kaledɨgɨŋ ga jali bɨ, a boy hɨnga gaŋ nɔm. Wɨyagɨŋ ka-dɨbe ɗugɔ jɨn̰ tumɔ tumɔ bɨ. Ƴɨmagɨŋ kuduroygɨŋ duroygɨŋ, dan̰ gɨyəŋ gɨ da wandɨ.

Kɔlɔs 3:12

Ay, kalaŋ ga Kumu torgɨŋ, kɨŋ bɨle na kalaŋ kayi ga woyge dan̰ cɨndɨge bɨ, ga ban geyge bɨ. Na toy di hɨn̰ wo̰ ma, kuɗa gɨ kɨŋ dɨba sɔlɛ cɨn̰-n̰age da gusɨgɨŋ a gusɨgɨŋ hɨn̰ badɨge wo̰ ɗe agɨŋ bɨlɨn̰ ka-lɔɔ ɗarwa bɨ, ka-dɔgɛ jɔrgɔ naŋ bɨ, kalaŋ ga kaledɨge jal bɨ, ka-dɨbe ɗugɔ bɨ.

Kɔlɔs 3:3

Na cɨndi, kɨŋ na kalaŋ ga kɨŋ ma dan̰ Kɨris ɨni, sɔmɛ-bɨra togɨŋ wosɨ guso pɨna na dan̰ Kɨris a gusi Kumu.

1 Tesalonigɨ 4:11

Malagɨŋ sɔmɛ dan̰ gusi-dɔbɛ dan̰ gusɨgɨŋ bɨ, ɗagɨŋ kuduroygɨŋ kardi gɨye kogɨŋ kɨŋ-gandi gusɨgɨŋ bɨ. Laagɨŋ gɨye dan̰ kobɨgɨŋ hɨn̰ gɨ ni ba ayɨn̰ noyni bɨgɨŋ le.

2 Tesalonigɨ 3:12

Kalaŋ ga nee le na, ni olge bɨ, ni ay noyni bɨge bɨ, dan̰ guson̰ Ba-gulɔŋ Jesu-Kɨris gɨ kan na laa gɨye kɨbɨge munduŋ bɨ, kan na da hɨnga ga dan̰ gɨyəŋ gɨ da kɨjan̰e koge gɨŋ bɨ.

1 Timote 2:2

Kɨya cay kɛrɨmbɛlɛŋ bɨ, ka-dɔɔ cay kalaŋ nɔm bɨ. Ɗe gɨ ana somɨn̰gɨŋ kɨɗɨn̰ pɨna bɨ, dan̰ gusi-dɔbɛ bɨ, boy gɨye-lɔɔ gɨ bugoŋ pɨna dan̰ Kumu bɨ, boy bɔgɛ kɔl a cay hɨnga nɔm gaŋ bɨ.

2 Timote 2:25

Ban kɨya hale ka-jɨbe kɔl kɨbi coŋ le, dan̰ kaledi ga jal jɔm. Gajanaŋ Kumu da lɔɔ gɨ kan da bɨle gɨye-lɔɔdɨge bɨ, sɔlɛ kɔl gɨ cɨndi bɨ.

Titɨ 3:2

Ji hɨn kuduroyge gɨ kan naa yagɨde ungo naŋ bɨ, wɔrɨn̰dɨdɛ dan̰ kalaŋ naŋ bɨ, ɗe kan na bɨlɨn̰ge ka-kuduroy-ɗarwa bɨ, gɨlɨn̰ge gɨye-lɔɔdɨge gɨ dan̰ kaledɨge ga jal tumoy kalaŋ nɔm.

Magtubu di Jag wal 1:21

Na toy di hɨn̰ wo̰ ma, ɗagɨŋ hɨnga ga lee kɨni nɔm coŋ bɨ, hɨnga ga ni kuduroy-ɨndɨwa nɔm coŋ bɨ. Ama kɔl gɨ Kumu ba gɨsɨ kuduroygɨŋ le, ƴaygɨŋ dan̰ kaledɨgɨŋ ga jali. Kɨya wa kɔl gɨ nee le, orɨn̰ dan̰ dɔnɔ di ni poɗɨn̰ turnoygɨŋ.

1 Pɨyɛr 1:23

Kɨŋ bɨləŋ kalaŋ ga hɨrɨwa na dan̰ wɔɔ gɨ hɨrɨwa bɨ. Wɔɔ gɨ nee le, saya na a te wɔɔ gɨ ni tɨma dɨŋ naŋ. Ama na a te kɔl gɨ da Kumu gɨ woy bɨra gɨ kɨya mare naŋ bɨrɨŋ.

1 Pɨyɛr 3:15

Ama Kɨris gɨ na Ba-gulɔŋ le, dɨrayigɨŋ sigɨŋ dan̰ cɨndi a ɗugoygɨŋ. Sɨmagɨŋ a cay tɨbaygɨŋ dɨŋ dan̰ wɔlɛ pɨna pɨna, ɗe agɨŋ dorɨn̰ te hɨnga ga kɨŋ ba bee ɨrɨmedɨgɨŋ cay nee le, tumoy kalaŋ ga ka-ɨngɨrgɨŋ toyge le.