1 Pɨyɛr 3:21 - Gabri Maja

²¹ Kaŋ ga kondi ga nee le na hɨnga ga ni gɨle ga ƴee ban̰di batɛm di haw kɛ poɗɨna le. Batɛm di nee le, na batɛm pɨle hɨnga ga ni kɨni ga woy gusi ungo coŋ naŋ. Ama na ungo gɨ ay tumoyi bɨn̰ Kumu dan̰ ɨrɨme gɨ arɨn̰ cərərə. Batɛm le poɗɨgɨŋ na dan̰ gɨyəŋ gɨ da bɔyɛ lɨbe gɨ da Jesu-Kɨris.

1 Pɨyɛr 3:21 ပူးပေါင်းရင်းမြစ်များ

Matɨyo 28:19

Na toy di hɨn̰ wo̰ ma, ɨragɨŋ duroy te wɔɔ gɨ da kalaŋ nɔm, laagɨŋ gɨ ɗe kalaŋ bɨləŋge ka-aye-cay-tɨbanɨ. Laagegɨŋ batɛm dan̰ gusoŋ Kɨye bayi bɨ, Kɨyeyi bɨ, Turnɔ ɗe-kuduroy-bɛrɛ bɨ.

Marg 16:16

Ungo gɨ kɨya bɔgɛ kuduroy cay nee bɨ, kɨya lɔɔ batɛm bɨ na, kɨya pɔɗɛ. Ama ungo gɨ na bɨga kuduroy cay nee naŋ na, kɔl kɨya ƴɔmɛ cayi.

Kɔl-gɨ-Ɗari gɨ Ja̰ wal 13:9

Simo Pɨyɛr yeyi hɨn̰: «Ba-gulɔŋ, naa hɨn̰ wo̰ na, na tɨbanɨ ƴɔbɨ naŋ, ama kɔbɔŋ bɨ, canɨ nee bɨ.»

Gɨye-lɔɔ 16:33

Ba-game ka-dangay le donge orɨn̰ danage duroy son̰dodo di nee dɨŋ le pɨle cɨn̰ ɨya toge bɨ, kardi nee ɨni na, kan leeyige batɛm kɨɗɨn̰di ga nee gaŋ le, dan̰ ka-ƴaadi nɔm.

Gɨye-lɔɔ 2:38

Pɨyɛr dɨbɨge cay nee yege hɨn̰: «Bɨlgɨŋ gɨye-lɔɔdɨgɨŋ nɔm bɨ, ɗagɨŋ gɨ kan laagɨŋge batɛm pɨna pɨna dan̰ guson̰ Jesu-Kɨris bɨ, ɗe gɨ Kumu ɗe kuduroy jal cay lɔɔ ɨsɨna kogɨŋ gɨŋ bɨ. Ɨni na, kɨŋ kɨya wɔɔ Turnɔ ɗe-kuduroy-bɛrɛ di Kumu bɨn̰ kalaŋ le.

Gɨye-lɔɔ 22:16

Haw kɛ na, ji gam na wa coŋ ga? Saa daa ɨra ɗa ɗe kan leen̰ge batɛm. Bɨ dan̰ gɨyəŋ gɨ da dɔnɔ di da guson̰ Jesu na ɨsɨna kon̰ kɨya duroŋ can̰ coŋ.”»

Gɨye-lɔɔ 8:36

Kɨɗɨn̰ ga kan ayge gɨyəŋ orge na, kan bugoŋge a kɨɗɨn̰ ga kaŋ woy nee gaŋ ɨni na, ungo gɨ kan dorge toyi le yey hɨn̰: «Sɨla kaŋ ba kɛ, na wa ba kɨya nare ɗe gɨ ji gɨ looŋ batɛm ga?»

Gɨye-lɔɔ 8:37

[Pilib yey hɨn̰: «Hɨn̰ gɨ ji na bɨga kuduron̰ cay nee leen̰ cɨndi na, ɨŋ kɨya loon̰ batɛm.» Ɨni na, ungo gɨ gumu le, dɨbii cay nee yey hɨn̰: «Ɨŋ ay kuduronɨ bɨn̰ Jesu-Kɨris. Ban na Kurɨn̰-Kumu.»]

Magtubu di Pol wal bɨn̰ kalaŋ ga Rɔm 5:14

Ama tɨma woy te dɔɔ-ƴaa a cay kalaŋ, an̰ toy na boy wɔlɛ gɨ da Adam gɨŋ bɨrɨŋ andɨn̰ a boy wɔlɛ gɨ da Moyis gɨŋ. Ko ɨsɨna gɨ da kalaŋ na wɨya gɨlɨn̰ hɨn̰ ɨsɨna gɨ da Adam wo̰ naŋ kalɨn̰ ma tɨma woy te dɔɔ-ƴaa cayge. Haw kɛ na, na ɓal gɨse Adam dan̰ ban gɨ ba kɨya ɨrga kardi gɨ na Kɨris.

1 Korɛ̰t 12:13

Ho’o Kumu leena batɛm nɔm na dan̰ Turnoyi di pɨna haa ɗe ana na bɨləŋ kuyoŋdi-gusu gɨ pɨna hayi gɨ na kuyoŋdi-gusu Kɨris. Ban lee hɨnga ga pɨna hage ga nee le kol cayna nɔm, ko na naa Jubɨ wala kalaŋ ga toyge na Jubɨ naŋ, ko na naa gɔyɔŋ wala kalaŋ ga cayge-kalɨn̰ kalɨn̰ ma, Kumu lee gɨ Turnoyi bɨləŋ hɨn̰ hɨnga ga ni sɔ ga pɨna hage ga na si boy nee wo̰.

1 Korɛ̰t 4:6

Ay, karmɨnɨ ga ban̰aŋ dan̰ ga kandɨ, ɨŋ ay Apolos bɨ ɨŋ-bandi gusɨnɨ gaŋ bɨ, hɨn̰ hɨnga ga ni ƴɔlɛ ɗe agɨŋ na solɨn̰ mɨdɨgadi-kɔl gɨ kalaŋ yen̰ge ye hɨn̰: «Kɨŋ ɗɔɔ ɨrɨmedɨgɨŋ dɔgɛ cay kɔl gɨ walge duroy magtubu dɨŋ ɗɔɔ dugo naŋ.» Na toy di hɨn̰ wo̰ ma, ungo pɨna duroygɨŋ kɨya dɔgɛ jorgii dan̰ guson̰ ba gɨlɨn̰ kalaŋ hɨnga gɨ pɨna jɨbɨn̰ ban gɨ ɗaŋ pɨrɨŋ coŋ naŋ.

2 Korɛ̰t 1:12

Cayni ayaŋ daa kɨya cay ɨrɨme gɨ woy a kuduroyni. Ni sol kuduroyni gɨ haldɨni na ƴee cɨn̰ kalaŋ ga a cay gɨsəŋ gaŋ kɛ. Kɨŋ-gandi kalɨn̰ ma kɨŋ sol hɨn̰ gɨ haldɨni naa hal gɨ woy dan̰ najidi dɨle orɨn̰ dan̰ ɨrɨme gɨ ɗaŋ a kuduroyni. Na ɗarwa di da Kumu ba-dɔrɛ tumoyni ma lee gɨ ni leen̰ hɨnga dan̰ najidɨge, ama na cɨn̰-muɗɔlɛ di da kalaŋ ga ɨndəŋ naŋ.

2 Korɛ̰t 7:1

Ay karmɨnɨ ga ban̰aŋ dan̰ ga kandɨ ga ɨŋ lee-toygɨŋ, kuɗa gɨ na ɨrɨmgɨŋ cay hɨnga ga Kumu ba ye gɨ ɗi na kɨya lɔɔ le. Na toy di hɨn̰ wo̰ ma kuɗa gɨ kɨŋ dɨran̰ gusɨgɨŋ mɨra cay hɨnga nɔm ga ni kɨni ga ojɨ cay kuyoŋdi-gusu bɨ, ɨrɨme bɨ. Kuɗa gɨ na wɨya dan̰ cɨndɨna kɨya wa na na kalaŋ ga ka-hundɔrɔ Kumu.

Galad 3:27

Kɨya wa kɨŋ-gandi nɔm ga kan leegɨŋge batɛm le, kɨŋ bugoŋ pɨna dan̰ Kɨris, kɨŋ tobɨ Kɨris gusɨgɨŋ hɨn̰ badɨge wo̰.

Epɛs 5:26

Ban lee hɨn̰ wo̰ ay na ɗege dan̰ cɨndɨge bɨn̰ Kumu. Ban dorge mɨra ɗege arɨn̰ dan̰ kaŋ bɨ dan̰ kɔl koyi bɨ.

Kɔlɔs 2:12

Dan̰ gɨyəŋ gɨ da batɛm di kɨŋ ba lee le, ɨmgɨgɨŋge pɨna dan̰ Kɨris bɨ, kɨŋ boy lɨbɨ pɨna danayi bɨ. Kɨya wa kɨŋ bee kuduroygɨŋ cay dɔnɔ di da Kumu di boyii lɨbii duroy kalaŋ ga madɨrdaŋ gaŋ le.

1 Timote 1:5

Ɨŋ bɨn̰ te tumɔ di nee le, na gɨ ɗe kalaŋ na ƴomɨn̰ge wandɨ dan̰ gusɨge. Dan̰ kuduroyge ga bɛrɛ kən̰jəŋ bɨ, dan̰ kuduroyge ga ɨrɨm kɔl gɨ ɨsɨni naŋ bɨ, dan̰ aye kudurɔ gɨ leen̰ cɨndi bɨ.

1 Timote 6:12

Wɨrɨn̰a wɔrɨn̰ɛ gɨ kuɗa gɨ da aye kudurɔ bɨ, ƴɨma sɔmɛ-bɨra gɨ dan̰ cɨndi gɨ Kumu ba teen̰ koldi le bɨ. Hɨn̰ gɨ ji ba yen̰ kɔl aye kudurɔ kon̰ kuɗa tumoy tɨmon̰ ga kondi gaŋ le.

Əbɨro 10:22

Hɨn̰ wo̰ na, ɗe gɨ ana sɨygɨŋ mɨnde gusi Kumu dan̰ ɗugoynagɨŋ pɨna bɨ, dan̰ aye kudurɔ gɨ osi kəŋ kəŋ bɨ, dan̰ ɗugoynagɨŋ di duroŋ mɨra te ɨrɨmedɨna gɨ ɨsɨn nɔm bɨ, dan̰ kuyoŋdi-gusɨnagɨŋ gɨ pɨlge dan̰ kaŋ ga arɨn̰ cərərə bɨ.

Əbɨro 11:19

Kɨya wa Abɨraham ɗe a ɨrɨmedi gɨŋ, gɨ Kumu na ɓal bɔyɛ Isag lɨbe. Na toy di hɨn̰ wo̰ ma, ban jɨga way kurondi le daa. Lee gɨ kɔl gɨ da Isag woy gɨlɨn̰ na hɨn̰ kɨradi-kɔl gɨ ojɨ cay hɨnga ga kɨya lɔɔ gusɨge.

Əbɨro 13:18

Ulagɨŋ Kumu kol cayni. Ni sol leen̰ cɨndi gɨ ɨrɨmedɨni gɨlni hɨnga ga ɨsɨni kol cayni naŋ. Kɨya wa ni gey kɔbɛ gɨye-lɔɔ gɨ ɗari a te hɨnga nɔm.

Əbɨro 9:14

Ama hɨn̰ gɨ kɨbardi nare na ɓala lɔɔ hɨn̰ wo̰ na, kɨbardi Kɨris kɨya lɔɔ ɗɨn̰ ɗɨn̰ coŋ. Kɨya wa kɨbardi ɗɨn̰ gɨ da nare coŋ. Ban ay gusi bɨn̰ Kumu dan̰ tumoyi hɨn̰ hɨnga ga ni bogɨn̰ kɨbar ga masadɨge unɔ, dan̰ dɔnɔ di da Turnɔ di som dan̰ tumɔɔ. Na kɨbardi gɨ nee le ba mɔndɛ ɨrɨme gɨ da gɨye-lɔɔ gɨ ɨsɨni gɨ woy kuduroynagɨŋ nɔm coŋ, lee gɨ na duroŋ mɨra, ɗe ana na leen̰ gɨye gɨ da Kumu gɨ som-bɨra dan̰ tumoyi.

Əbɨro 9:24

Ho’o, kɨɗɨn̰ ga woy dan̰ cɨndɨge ga Kɨris andaŋ boy nee le, na ga kobɨ ungo ba lɔɔ naŋ. Kɨɗɨn̰ ga nee le na turnoy hɨnga ga cɨndi ƴɔbɨ naŋ. Ama ban andaŋ a gɨɗɨgɨ-Kumu gɨŋ jada ɗe na ɨrɨn̰ tumoy Kumu kol cayna boy tɨwa di haw kɛ dɨŋ.

1 Pɨyɛr 1:3

Kuɗa gɨ ana hɨramgɨŋ Ba-gulondɨna Kumu, Jesu-Kɨris Bayi. Kɨya cay sɔlɛ cɨn̰-n̰age toyi di gumu di ban jɨga wɔɔnagɨŋ ɗaŋ dan̰ gɨyəŋ gɨ da bɔyɛ lɨbe gɨ da Jesu-Kɨris duroy kalaŋ ga madɨrdaŋ. Hɨnga ga nee le, lee gɨ ɨrɨmedɨnagɨŋ gɨ na ba bee cay nee le kɨya wɔyɛ-bɨra.

1 Pɨyɛr 3:16

Ama gɨlgegɨŋ kardɨge dan̰ kaledɨgɨŋ ga jali bɨ, hurɔmɔ bɨ. Laagɨŋ hɨnga nɔm dan̰ ɨrɨmedɨgɨŋ gɨ arɨn̰ cərərə. Hɨn̰ wo̰ na, dasi kɨya dɔɔ kalaŋ ga ka-pɔyɛ kɔl se caygɨŋ bɨ, ga ka-yagɨdɨgɨŋ kɨya gɨye-lɔɔdɨgɨŋ gɨ ɗari gɨ kɨŋ way te bugoŋ pɨna dan̰ Kɨris le.