1 Pɨyɛr 3:20 - Gabri Maja

²⁰ Duroy na ojɨ na cay turnoy kalaŋ ga tumɔ ka-baa ga da Kumu, kɨɗɨn̰ ga Kumu dɨbɨn̰ ɗugoy ƴee boy wɔlɛ gɨ Nɨwe gaɗɨn̰ koburo gɨ gumu taa taa hɨn̰ ƴaa wo̰ le. Na kalaŋ lagɨɗe wo̰, lee gɨ nɔm toge dɨŋ na kalaŋ margɨm ƴɔbɨ, ba andaŋge boy koburo gɨ gumu taa taa gɨŋ le, poɗɨn̰ge kɨbɨ kaŋ ga kondi.

1 Pɨyɛr 3:20 ပူးပေါင်းရင်းမြစ်များ

Matɨyo 7:14

Ama kɨbɨ-ƴaa gɨ sɛlgɛgɛ bɨ, gɨyəŋ gɨ jəngi bɨ le, kɨya orɨn̰ dan̰ kalaŋ na pɔɗɛ gɨŋ, ama ka-wɔɔdi na lagɨɗe wo̰.

Kɔl-gɨ-Ɗari gɨ Lug wal 12:32

«Ay gamge kange ga lagɨɗe, hundɔrɔ gɨŋ naŋ! Kɨya wa Baygɨŋ ay noyi gɨ ɗi na kɨya bɨgɨŋ dɔɔ-ƴaa toyi.

Gɨye-lɔɔ 2:41

Kalaŋ ga ba ƴeege kɔl kɨbɨ Pɨyɛr le, kan leegege batɛm. Wɔlɛdi gɨ nee le, kalaŋ ɓal dubu-sɨbɨ ga bugoŋge cay kamdɨge ga ka-aye kudurɔ.

Magtubu di Pol wal bɨn̰ kalaŋ ga Rɔm 9:22

Hɨn̰ gɨ Kumu na gey lɔɔ naa hɨn̰ gɨ da ba gaɗe ɨmbɨlɨn̰ wo̰ na, kɛ ji-bandi na dolɨn̰ na wa nee ga? Ban gey gɨ kalaŋ na sɨla kuduroy-hɔmɛ toyi bɨ, dɔnɔ toyi bɨ. Ama haw kɛ na, ban ƴom kuduroyi dɨbɨn̰ ɗugoyi gɨɗaŋ, a cay kan ga kuduroyi ba homii cayge ga gamge na mundoŋ le.

Epɛs 5:26

Ban lee hɨn̰ wo̰ ay na ɗege dan̰ cɨndɨge bɨn̰ Kumu. Ban dorge mɨra ɗege arɨn̰ dan̰ kaŋ bɨ dan̰ kɔl koyi bɨ.

Əbɨro 11:7

Na dan̰ gɨyəŋ gɨ da aye kudurɔ ma, Nɨwe je kɔl gɨ Kumu yeyi tumɔ ojɨn̰ cay hɨnga ga kɨya lɔɔ gusɨge. Ama ungo baa sɔlɛ dan̰ cɨndi ƴee. Ban aya kɔl gɨ andaŋ kɨbɨ Kumu laan̰ sɔrɛ naŋ. Lee gɨ ban gaɗɨ koburo gɨ gumu taa taa hɨn̰ ƴaa wo̰ kɨya poɗɨn̰ ka-ƴaadi bɨ, kuyoŋdi-gusi koyi bɨ. Na dan̰ gɨyəŋ gɨ nee le ma, Nɨwe lee gɨ kɔl ƴom cay kalaŋ ga a cay gɨsəŋ gaŋ. Kɨya cay kuduroyi ga ban bee a cay Kumu le, Kumu solii leen̰ ungo gɨ dan̰ durɔ ɗɨngar a cɨndi.

1 Pɨyɛr 1:22

Kɨŋ bee kɔl a cay kɔl gɨ cɨndi gɨŋ, dorɨn̰ gusɨgɨŋ mɨra na gɨ agɨŋ na geyɨn̰ karmɨgɨŋ ga ban̰aŋ dan̰ ga kandɨ ga ka-aye kudurɔ dan̰ geye gɨ nara cɨn̰ ungo naŋ. Hɨn̰ wo̰ na, kɨŋ gey gusɨgɨŋ dɨle gɨlalɨn̰ bɨ, dan̰ kuduroygɨŋ ga pɨna bɨ.

1 Pɨyɛr 1:9

Gusi-mɔwa di nee le kɨŋ orɨn̰ na kɨya gɨ kɨŋ poɗɨ ɨni. Hɨnga ga kɨŋ wayi a te aye kudurɔ kogɨŋ gɨ kɨŋ ay bɨn̰ Jesu le, na pɔɗɛ gɨ ban bɨgɨŋ le.

1 Pɨyɛr 2:25

Kɨya wa tumɔ kɨŋ woy na hɨn̰ gamge ga kayaŋ wo̰, ama haw kɛ kɨŋ jɨga gusi ba-abɨgɨŋ bɨ, ba-sɔlɛ kardɨgɨŋ bɨ.

1 Pɨyɛr 3:19

Na toy di hɨn̰ wo̰ ma kalaŋ ga mage, ma turnoyge woy dangay dɨŋ le kalɨn̰ ma, ban or tɔgɛ bɛrnɛ bɨge dan̰ gɨyəŋ gɨ da Turnɔ di da Kumu di nee le.

1 Pɨyɛr 4:19

Naa hɨn̰ wo̰ na, kan ga solge cɨn̰-gɨle-cɨn̰ kɨya ɨre gɨ kan ɨre kardi kuduroy-geye gɨ da Kumu le, kuɗa gɨ kan ɨr kɨɗɨn̰ lɔɔ ɗarwa dɨŋ dan̰ tumoyge bɨ, ayage kuduroyge gɨ cɨndi bɨn̰ Kumu gɨ ba ɗɔɔ hɨnga nɔm bɨ, ba-lɔɔ te tumoyi di ban ay bɨ le.

2 Pɨyɛr 2:5

Cay gɨsəŋ ga jɨne ga kalaŋ ga ka-lɔɔ terɨn̰ ba somɨn̰ge nee le, Kumu ɗage kalɨn̰ naŋ. Ama ban lee gɨ kaŋ ƴee cay gɨsəŋ nɔm coŋ. Na Nɨwe gɨ ba-yɔɔ kɔl dan̰ durɔ ƴɔbɨ ma ban poɗii bɨ, ban poɗɨ kalaŋ ga ɗaŋ jurgum danayi bɨ.

2 Pɨyɛr 3:15

Ɨrɨmgɨŋ a cay sɨngɨɗɨwa gɨ da dɨbe ɗugɔ da Ba-gulondɨna bɨ, ban ay cayi na ɗe gɨ kalaŋ na poɗɨn̰ge bɨ. Kɔl gɨ nee le gɨlɨn̰ na dan̰ kɔl gɨ da kurɨndɨna Pol gɨ ni lee-toyi ba wal bɨgɨŋ dan̰ gɨyəŋ gɨ da cɨn̰-muɗɔlɛ di Kumu bii le.