1 Pɨyɛr 3:17 - Gabri Maja

¹⁷ Kɨya wa wɔɔ cɨn̰-gɨle-cɨn̰ te lɔɔ hɨnga ga ɗari gaŋ dan̰ gɨyəŋ gɨ kuduroy Kumu gey le, golgo tɔgɨ ɗɨn̰ wɔɔ cɨn̰-n̰age te lɔɔ hɨnga ga ɨsɨni gaŋ.

1 Pɨyɛr 3:17 ပူးပေါင်းရင်းမြစ်များ

Matɨyo 26:39

Ban dor toyi dḛ walaŋ ɨni na, ban poy gɨbayi dugo bɨrɨŋ gɨ jɨndi ɨsɨbɨ gɨsəŋ bɨ olɨn̰ Kumu ye hɨn̰: «Banɨ, hɨn̰ gɨ gɨyəŋ gɨ ni lɔɔ gɨ ɗe kobo gɨ ni son̰ hɨnga ga ni cɨn̰-n̰age ga kɛ le na ɨra sɛdɨ walaŋ gusɨnɨ coŋ, na wɨya nee na, ji laa gɨ ɗe or walaŋ sɛdɨ gusɨnɨ coŋ. Ama ɗa ɗe woy na hɨn̰ gɨ ji-bandi ji gey, wala na hɨn̰ gɨ ɨŋ-bandi ɨŋ gey wo̰ naŋ.»

Matɨyo 26:42

Jesu jogɨ dɔrɛ toyi sɛdɨ walaŋ gɨ ni cay sɔɔdi, bɨ olɨn̰ Kumu ye hɨn̰: «Banɨ, hɨn̰ gɨ gɨyəŋ gɨ ni lɔɔ gɨ ɗe kobo gɨ ni son̰ hɨnga ga ni cɨn̰-n̰age ga kɛ le, na ɨra sɛdɨ walaŋ gusɨnɨ coŋ, na wɨya nee na, ɗa ɗe woy hɨn̰ gɨ Ji-bandi ji gey wo̰.»

Gɨye-lɔɔ 18:21

Pa dɨm ma, ban kɨya sɔ ɔrɛ ƴee na ban yege hɨn̰: «Hɨn̰ gɨ Kumu na gey na, ɨŋ kɨya jɨga gusɨgɨŋ ƴee.» Ban say nayi a boy koburo gɨ gumu taa taa gɨŋ a Epɛs orɨn̰ tɨrga toyi.

Gɨye-lɔɔ 21:14

Hɨn̰ gɨ ban ba kan̰ jɔɔ kɔl kɨbɨni na, ni laa ləgɨnə toyi naŋ bɨ, ni yey hɨn̰: «Kuɗa gɨ Ba-gulɔŋ laa kuduroy geye koyi.»

1 Pɨyɛr 1:6

Kɨya cay hɨnga ga ni wɔɔ ga ni ban̰di-gulɔŋ ga nee le, hɨn̰ gɨ haw kɛ hɨnga ga ni gɨwase ga toyge kan̰dɨge kan̰dɨge na laagɨŋ cɨn̰-kula gɨ ni tɨwa lam wo̰ kalɨn̰ ma, laagɨŋ gusi-mɔwa di gumu.

1 Pɨyɛr 2:15

Kɨya wa hɨnga ga Kumu gey le, na gɨ kɨŋ na laa hɨnga ga ɗari agɨŋ na ƴɔmɨn̰ kɨbɨ kalaŋ ka-sɔlɛ hɨnga naŋ bɨ, ga dɨngaldaŋ bɨ.

1 Pɨyɛr 2:20

Hɨn̰ gɨ kɨŋ na wa tɔgɛ kɨya cay hɨnga ga ɨsɨni ga kɨŋ lee ma magɨŋ na ƴɨma kuduroygɨŋ dɨbɨn̰ ɗugoygɨŋ na, kɛ kan kɨya dɨbe gusoŋ-tɔgɛ caygɨŋ na kɨya wa ga? Ama hɨn̰ gɨ kɨŋ na laa hɨnga ga ɗari ma kalaŋ na laagɨŋ hɨnga ga homi kol cayge, ma magɨŋ na ƴɨma kuduroygɨŋ dɨbɨn̰ ɗugoygɨŋ na, Kumu kɨya tɔrɛ kɨbi caygɨŋ.

1 Pɨyɛr 3:14

Ma hɨn̰ gɨ kɨŋ na wa cɨn̰-gɨle-cɨn̰ kɨya cay hɨnga ga dan̰ durɔ ɗɨngar ga kɨŋ lee kalɨn̰ ma, tumoy wolwa woy kol caygɨŋ. Hundorgegɨŋ naŋ bɨ, ɗɔɔgɨŋ ɗugoygɨŋ algɨŋ naŋ bɨ.

1 Pɨyɛr 4:15

Ɗɔɔ gɨ ungo pɨna duroygɨŋ sɔlɛ cɨn̰-gɨle-cɨn̰ kol dɨɗe ungo naŋ bɨ, hase naŋ bɨ, hɨnga ga ɨsɨn ga ban lee naŋ bɨ, dɔbɛ gɨ ban dobɨ kɨbi boy kɔl gɨ da kalaŋ gɨŋ naŋ bɨ.

1 Pɨyɛr 4:19

Naa hɨn̰ wo̰ na, kan ga solge cɨn̰-gɨle-cɨn̰ kɨya ɨre gɨ kan ɨre kardi kuduroy-geye gɨ da Kumu le, kuɗa gɨ kan ɨr kɨɗɨn̰ lɔɔ ɗarwa dɨŋ dan̰ tumoyge bɨ, ayage kuduroyge gɨ cɨndi bɨn̰ Kumu gɨ ba ɗɔɔ hɨnga nɔm bɨ, ba-lɔɔ te tumoyi di ban ay bɨ le.