1 Pɨyɛr 3:14 - Gabri Maja

¹⁴ Ma hɨn̰ gɨ kɨŋ na wa cɨn̰-gɨle-cɨn̰ kɨya cay hɨnga ga dan̰ durɔ ɗɨngar ga kɨŋ lee kalɨn̰ ma, tumoy wolwa woy kol caygɨŋ. Hundorgegɨŋ naŋ bɨ, ɗɔɔgɨŋ ɗugoygɨŋ algɨŋ naŋ bɨ.

1 Pɨyɛr 3:14 ပူးပေါင်းရင်းမြစ်များ

Matɨyo 10:28

Kalaŋ ga ɓalge dɨɗege kuyoŋdi-gusɨgɨŋ, ama kɨya ɓalege dɨɗe turnoygɨŋ naŋ le, kɨŋ hundorge naŋ. Ungo gɨ ojɨ gɨ kɨŋ kɨya hɨndari le, na Kumu. Ban ba ɓale lɔɔ gɨ ɗe kuyoŋdi-gusu ungo bɨ, turnoyi bɨ, na mundoŋ ɗəndəŋ duroy tɨwa di ƴee dan̰ tumɔɔ di ni gehɛn dɨŋ.

Matɨyo 10:31

Hundɔrɔ gɨŋ naŋ: Kɨya wa kɨŋ-gandi le, kɨledɨgɨŋ ɗɨn̰ ga da mɔrɔŋ ga kondi ɗɨgɨ ɗɨgɨ.

Matɨyo 10:39

Waŋ waŋ gɨ na gey pɔɗɛ gusi na, kɨya wɔɔ mundoŋ. Ama ungo gɨ na mɨnda gusi coŋ kɨya canɨ na, ban kɨya jɨga wɔɔ gusi koyi le ɗaŋ daa.

Matɨyo 16:25

Kɨya wa waŋ waŋ gɨ na gey pɔɗɛ gusi le, kɨya wɔɔ mundoŋ. Ama waŋ waŋ gɨ na mɨnda gusi coŋ kɨya canɨ na, ban kɨya jɨga wɔɔ gusi le ɗaŋ.

Matɨyo 19:29

Bɨ waŋ waŋ gɨ na ɗa ƴaadi nɔm wala karmii ga ban̰aŋ wala, ga kandɨ wala, bayi wala ƴoyi wala, karɨndii wala, yage koyi coŋ kɨya canɨ na, ungo gɨ nee le kɨya wɔɔ ɗɨn̰ kan ga nee le tɨba aru bɨ, kɨya wɔɔ sɔmɛ-bɨra gɨ dan̰ tumoyi kardi nee bɨ.

Marg 10:29

Jesu dɨbii cay nee yeyi hɨn̰: «Aŋ yəgɨŋ daa waŋ na cɨndi: Waŋ waŋ gɨ na ɗa ƴaadi, naŋ le karmii ga ban̰aŋ, naŋ le karmii ga kandɨ, naŋ le ƴoyi, naŋ le bayi, naŋ le karɨndi, naŋ le yage koyi, kɨya canɨ bɨ cay Kɔl-gɨ-Ɗari bɨ na,

Marg 8:35

Waŋ waŋ gɨ na gey pɔɗɛ gusi na, ban kɨya mɔndɛ gusi coŋ. Ama waŋ waŋ gɨ na mɨnda gusi coŋ kɨya canɨ bɨ, kɨya cay Kɔl-gɨ-Ɗari bɨ na, kɨya pɔɗɛ gusi leen̰ cɨndi.

Kɔl-gɨ-Ɗari gɨ Ja̰ wal 14:1

Jesu yen̰ ka-aye-cay-tɨbayi hɨn̰: «Ɗɔɔgɨŋ ɗugoygɨŋ algɨŋ naŋ, bɨgagɨŋ kuduroygɨŋ cay Kumu bɨ, bɨgagɨŋ kuduroygɨŋ canɨ nee bɨ.

Kɔl-gɨ-Ɗari gɨ Ja̰ wal 14:27

Ɨŋ ɗe gusi-dɔbɛ bɨgɨŋ, ɨŋ bɨgɨŋ na gusi-dɔbɛ tɨnge. Ɨŋ bɨgɨŋ gusi-dɔbɛ na hɨn̰ gɨ kalaŋ ga a cay gɨsəŋ gaŋ kɛ ba beege le naŋ. Kɨŋ ɗɔɔ ɗugoygɨŋ algɨŋ naŋ bɨ, hundɔrɔgɨŋ naŋ bɨ.

Gɨye-lɔɔ 9:16

Ɨŋ-bandi dan̰ gusɨnɨ ba kɨya gɨlii hɨnga ga ni cɨn̰-gɨle-cɨn̰ nɔm, ga naa wa wa kalɨn̰ ma kɨya looyi kɨya cay gusonɨ le.»

2 Korɛ̰t 12:10

Na toy di hɨn̰ wo̰ ma, ɨŋ lee gusi-mɔwa kɨɗɨn̰ ga ɨŋ ɨran̰ dan̰ dɔnɔ naŋ bɨ, kɨɗɨn̰ ga yagɨdaŋge bɨ, lənge hɨnga ga ni jəŋge bɨ, gɨləŋge cɨn̰ bɨ, lənge hɨnga ga osɨdəŋ osɨdəŋ bɨ, kɨya cay Kɨris. Kɨya wa kɨɗɨn̰ ga ɨŋ na ɨran̰ dan̰ dɔnɔ naŋ na, na kɨɗɨn̰di ga nee gaŋ le ƴɔbɨ ma maŋ way dɔnɔ.

Pilib 1:29

Kumu lee ɗarwa danagɨŋ bɨ dan̰ gɨyəŋ gɨ da ɗarwa di nee le, kɨŋ bɨga na kuduroygɨŋ cay Kɨris ƴɔbɨ naŋ, ama kɨŋ way cɨn̰-gɨle-cɨn̰ kol cayi nee bɨ.

Magtubu di Jag wal 1:12

Tumoy wolwa woy cay ungo gɨ ƴom kuduroy osu duroy hɨnga ga ni gɨwase gaŋ. Kɨya wa kɨɗɨn̰ ga hɨnga ga ni gɨwase le na gɨwasagɨŋ ɨni na, kɨŋ kɨya wɔɔ na jagɨwa ga ni ayɨn̰ banga. Jagɨwa ga nee le, na sɔmɛ-bɨra gɨ Kumu ye gɨ ɗi na kɨya lɔɔ bɨn̰ naa kalaŋ ga ɗi na geyge.

Magtubu di Jag wal 5:11

Sɨlagɨŋ! Kalaŋ ga ba ƴomge osu le, ni yege gɨ tumoy wolwa na woy kol cayge. Na cɨndi, kɨŋ je kol dɨbe-ɗugɔ da Job bɨ, kɨŋ sol hɨnga ga Ba-gulɔŋ bii ban̰di cɨn̰-n̰age di ba leeyi le bɨ. Kɨya wa Ba-gulɔŋ na ba sɔlɛ cɨn̰-n̰age da kalaŋ bɨ. Na ba lɔɔ ɗarwa danage bɨ.

1 Pɨyɛr 3:6

Hɨn̰ Sara ba been̰ kɔl cay Abɨraham wo̰, lee gɨ hɨndi teeyi ba-gulonɨ. Haw kɛ, hɨn̰ gɨ kɨŋ na laa ɗarwa bɨ, ɗa hundɔrɔ pɨna wo̰ laagɨŋ naŋ bɨ na, kɨŋ kɨya bɨle na karɨndo ga kandɨ.